تلعب طرب وأنا بنومي هواجيس

تلعب طرب وأنا بنومي هواجيس

ماسهّرك بالليل كثر الهمومي

أسهر إلى نامت عيون الهداريس

وبالليل اراعي ساهرات النجومي

أوجس بقلبي مثل دقّ النحاحيس

الله يلوم اللي لحالي يلومي

قالوا جهلت وقلت جهل(ن) بلا قيس

الجاهل اللي مايعرف اليمومي

أشوف عدلات الليالي مقابيس

ولا احد(ن) من الدنيا عظامه سلومي

ويضيف شاعر اخر بقوله:

فل الحجاج وخل عنك الهواجيس

كلن يموت وحاجته ماقضاها

واعلم ترى الدنيا تجارب وتقييس

مالك ومال الخلق تطلب رضاها

خلك مع اللي يطلبون النواميس

وخل النفوس الضايعه في غثاها

لازم محلك فوق روس التضاريس

مثل الصقور العاليه في سماها

ولاصار صدرك مثل حر المحاميس

دعوه لربك خاب منهو نساها

يكفيك من شر الليالي المعابيس

ويفرج لنفسك همها مع عناها



الشيخ الشاعر تركي بن حميد