مافادصكه

المعاناه تبقى للشقي
ماتفكه.
تتبعه في دروبه وين ماهويروحي.
من تردت حظوظه تلحقه بكل سكه.
لوشرد تتبعه لوراح ولا سروحي.
بخت من وقت في الشهر ويزور مكه.
خذ في الشهر عمره صارصدره شروحي.
من نوى يسرح في الصبح من وسط عكه.
فان صلاته في الاقصى لنفسه ربوحي.
رزقك ان جاك فاقنع والحذر لاتصكه.
حتى لو ما يوفي فاقبله لو شحوحي.
ضمد الجرح لاضامك خطر لوتحكه.
كل من حك جرحه ماتطيب الجروحي.
واحتسب عندربك كلماجاك وعكه.
واحمدالله لين تجيك منه الفروحي.
والنكدلاستمرفعيشة القهرضنكه.
والتعاسه تحلق فوق راس الطموحي.
وابتسامتك بوجيه النشاما بضحكه.
تكسب الود منهم دام وجهك سموحي.
واجعل الهم منسي وادعس الحزن بكه.
ماينال المسره من بسره يبوحي .
والذي ساء ظنه زادكربه وشكه.
لين يصبح مع الاوهام صوته بحوحي.
بوغريب اغترب واسنين مافاد صكه.
كلما جايقدم ماعطوه الفسوحي.

صح الله لسانك اخي الشاعر
جزاك الله خيرا على المشاركة
وان شاء الله تكون في ميزان اعمالك
الله لايحرمك الأجر ..

شكرا لك على الطرح المميز

جزاك الله الف خير على كل ما تقدمه لهذا المنتدى

ننتظر إبداعاتك الجميلة بفارغ الصبر

الاستاذ ابو فراس الشمراني..
صح بدنك واشكرك على المتابعه لما أكتبه وسعدت بأنك اول من أنار متصفحي المتواضع وتقبل مني اجمل التحايا.