مصيبه لاتردت قيمتك فـي عيـن مـن قيمـت

مصيبه لاتردت قيمتك فـي عيـن مـن قيمـت
يشوفك فالسهل وانتـه تشوفـه فالسماالسامـي

كثر ماحن قلبـي للونيـس وكثـر مادرهمـت
فجر صدري حنيني واتعـب الاقـدام درهامـي

عيون الصد وعيون التجافي "حول"مهما اكرمـت
تشـوف المجتهـد كسـلان والبنـاي هدامـي

مادام ان جانبي شام لجنابك وانت عني شمـت
كثر خيرك وانا لانـي بـلا جايـع ولا ظامـي

اشوف انه علي واجـب ليـا مريتكـم سلمـت
مرور اكرام تربطهـا الكرامـه عنـد الاكرامـي

على شان الخفوق اللي على عرشه قعدت وقمت
وحجب عنك الدجا لين اشرقت لك بيض الايامي

ختام السالفه ياطيب العشـره كرمـت ودمـت
هذا حقك علي وحق هقواتـي علـى اوهامـي

مصير الوقت يشرح لك دروسه وان غفلت ونمت
يصحيك الزمان اللي يصحـي كـل مـن نامـي

تذكرني لامنها خابـت اوهامـك بمـن وهمـت
وعرفت الفرق في حب الخشوم وحب الاقدامـي


سعد بن جدلان