اباستفتح بذكر الله فتايح ! ! !

اباســتـفـتـح بـــذكــــر الله فتايح = بـمـبـدا هــيــض فـــكـــري والقرايح
.
واثـنـّـي بالـصــــلاة عـلى محمد = عــدد مــا صاح بالــتـكــبــيـر صايح
.
انا يا ســائلي شـــــانت حــيـاتي = ولا ادري من اين جــاي ووين رايح
.
عــلـــيــم الله ما للــعــمــر داعي = بَعَـد فـرقـــاهـا . . حــايــزة المدايح
.
وش اللي ياترى يــجــري عليها = ما عــــادت جـاوبت والــحــيل طايح
.
فلا تسأل عــــن الخـــافي دخيلك = تـطـول بنا الــســـوالـــف والشرايح
.
عـلـومي ماعـــــرفها من سألني = ولــو تـُـكــتـب عـلـى بـيـض اللوايح
.
يبيح الوقـــــت يا طـالب علومي = وعـلـمـي لابــتــدا مـــاهـــــوب بايح
.
انا حــبــيــتـها مـــــن كــل قلبي = وفـــكـــري فــي هــواهــا دوم سايح
.
يـمـر الـــــوقــت والايـام تجري = وهـــم ٍ فـــي الحــشا مــاهـــو بزايح
.
فلا مــرســولْ جاني من طرفها = ولانـــور ٍ بـــدا فــي الــعــتــم ضايح
.
الا ياليت مـــن يــــــدري ويعلم = تـــعـــيـش بـــحــزنْ والا فــي فرايح
.
انا باصــبــر اذا كـــانت سعيدة = ولــــو زادت هــــمـــومــي والجرايح
.
وبابـقـى حــافـــظ ٍ للعهد وافي = ولـــو يــجــتــاح قــلــبــي الـف جايح
.
ولا لــي نــيــةٍ اتــــرك هواها = ولـــــو جــاني مــــن الـعــاذل نصايح
.
وانا اســتــغـفـر الهي كل حزة = عــــدد مــــالاح فـــــي الآفــــاق لايح
.
الا يالله تــغــفــر لــــي وترحم = اذا أُدخــــلــــت مــــابــــيــن الصفايح
.
وودعت اهـــل بيتي والقرايب = ونــاحــــت يـــــوم قــــفــيــت النوايح
.
فأنت الــجـــــود يـارب البرية = ومــنـك الــــعــــفــــو ياجــزل المنايح
. . .
تنويه /
القصيدة
من
شعري.

وبابـقـى حــافـــظ ٍ للعهد وافي = ولـــو يــجــتــاح قــلــبــي الـف جايح
.
ولا لــي نــيــةٍ اتــــرك هواها = ولـــــو جــاني مــــن الـعــاذل نصايح


صح لسانك وبيض الله وجهك

يعطيك العافية أخي راجي الوصل

لاهنت يالغالي

تحياتي واحترامي

صح لسانك
والله يعطيك العافيه
تحياتي لك
اخوك بن صهبان

صح لسانك ولاهنت وجمل الله حالك
جميلة كجمال حضورك وتميز قصائدك..

لاهنت وتسلم دووم ياغالي

بيض الله وجهك وجمل الله حالك

لاهنت يالشاعر على القصيده والله يعطيك العافيه

ابتدأت في هذه الرائعة بذكر الله والصلاة على محمد (صلى الله عليه وسلم) وختمت باستغفار الله وطلب رحمته .......

جاءت القصيدة وكأن أحداً يطلب علم الضيف والذي أجاد في الاستهلال المعتاد والخاتمة الطيبة وضمّنها علمه والذي يعنيه بأسلوب جميل وطرح أخاذ..

هذه العذوبة والسهوله دليل على عاطفة الشاعر الجياشة والمتجلية تماما في الأبيات 9-15

انا حــبــيــتـها مـــــن كــل قلبي = وفـــكـــري فــي هــواهــا دوم سايح

إلـــــــى

ولا لــي نــيــةٍ اتــــرك هواها = ولـــــو جــاني مــــن الـعــاذل نصايح

أعجبتني الأبيات 6-8 كمقدمة لما يجول في خاطر الشاعر إذ أنها تفتح له باب الافصاح عما في نفسه دون الاسهاب في التفاصيل ليس نقص في قدرة الشاعر ولكن دليل على عظم مايحس به من مشاعر

فلا تسأل عــــن الخـــافي دخيلك = تـطـول بنا الــســـوالـــف والشرايح
.
عـلـومي ماعـــــرفها من سألني = ولــو تـُـكــتـب عـلـى بـيـض اللوايح
.
يبيح الوقـــــت يا طـالب علومي = وعـلـمـي لابــتــدا مـــاهـــــوب بايح

القصيدة غلبت عليها المباشرة في الألفاظ وقد يتطلب موضوعها ذلك ومع هذا هناك بعض الاشارات الجميلة مثل

ولانـــور ٍ بـــدا فــي الــعــتــم ضايح

و

اذا أُدخــــلــــت مــــابــــيــن الصفايح

وأقول مشكور يالنشمي والله يعطيك العافية وفالك التوفيق بإذن الله

اخي العزيز / راجي الوصل
السلام عليكم ورحمة الله وبركاته
كما عهدتك تحب الابداع والامتاع
اشكرك على هذا النص
ننتظر الجديد
تقبل تحياتي
اخوك
ناظم الهمسات

صح لسانك يالذيب

وطيب الله فالك

قصيده رائعه

ولا لــي نــيــةٍ اتــــرك هواها = ولـــــو جــاني مــــن الـعــاذل نصايح

مشكور عالقصيده

واصل ابداعك