اقفى ارمضان وباقياً كم لليله💙

اقفى ارمضان وباقياً كم لليله

صالح المحقني

ياربعنا نبا نصلي تراويح

وبعده تهجد فالليال الفضيله

مار اسمحولي يالوجيه المفاليح

اقفى ارمضان وباقياً كم لليله

ابا اطلب الله فالذنوب الزحازيح

اللي على متني طنوناً ثقيله

اليا ذكرت الله ترى اجنوني اطيح

الروح من ربي تراها ذليله

تلعبنا الدنيا سوات المراجيح

تقبل بنا تقفي سوات الكحيله

احيان فيها ودنا نسبق الريح

واحيان نيس والمطامع قليله

دنيا بها بعض الاوادم مجاريح

وبعض الملا فيها يولع فتيله

اليا تذكرنا النهايه بتوضيح

كلا يبى يخلص ويوفي عميله

صفحة سجل العمر دين ومرابيح

مايهرب المديون ربه كفيله

وسنة محمد مثل نور المصابيح

دليلة مافيه مثله دليله

ابا انحر المسجد بحمداً وتسبيح

وتكبيرة(ن)مقرونة (ن)بتهليله

وان كان قصرنا من الله تساميح

الله كريم ايعين من يلتجيله

ميعادنا يوم النواضر مشاطيح

وكلاً وقف بكتابه اللي يشيله

ونصبت موازين العمل صيح متصيح

طالع بميزانك وتعرف حصيله

اختم كلامي واطلب الخالق ايبيح

ذنباً جنيته مامعي فيه حيله

وصلات ربي عد ماهبت الريح

على شفيع الخلق وافضل دليله

صح لسان الشاعر
شكرا على الطرح المميز
بارك الله فيك وفي عملك
ولك اجمل تحياتي وارقاها

شكرا على المشاركة المميزة
اثابك الله الأجر
واسعد قلبك في الدنيا والاخره
دمت بحفظ الرحمن

بارك الله فيك
وجزاك خير الجزاء
دمت بحفظه ورعايته

بارك الله فيك على المشاركة القيمة

ودمت في حفظ الله

بارك الله فيك على الطرح الرائع
إستمر ولك التوفيق بـإذن الله
ونفعا الله وإياك بما تقدمه

تقديري وإحترامي

بارك الله فيك على القصيدة
صح لسان الشاعر

دمتم بخير