سلام وافي على وضح النقا عطره ومعنا/ للشاعر عبدالكريم سعد الفايدي الجهني 🌹🌷

سلام وافي على وضح النقا عطره ومعناه
محروس في وجه رب لعرش تامن ماتخافي

لي صاحبافي كنين القلب تقديره ومبناه
ودي بشوفه وهو وده وتمنعنا عوافي

يشوقني للثنا وافي خوي وعز خوياه
ودي بشوفه سليم ورب من بالبيت طافي

ودي لعل السلامه والسعد والخير يبراه
ودي لون المزون المرزمه تمطر عوافي

النعم والطيب والناموس والشيمه محياه
والطيب كنه سعد والمرجله والقدر كافي

ابعدت واقربت في دنياي ماقابلت شرواه
يالله ياللي تزيل الباس وتجيب العوافي

أعطاه رب العباد الخلق وارضا الناس وارضاه
وجهه عليه القبول ومذهبه للناس صافي

شامخ جبل مايهزه عاصف الإعصار لاجاه
أصل الجبل لوتمره ريح قال اليوم سافي

يالله يامن شفيت أيوب من همه وبلواه
تكتب له العافيه والعفو مايخفاك خافي

سلام واثني سلامي والغلا عطره ومعناه
محروس في وجه رب العرش تامن ماتخافي

شعر/ عبدالكريم سعد الفايدي الجهني

ابوسلطان