منتديات قبائل شمران الرسمية


المنقولات الأدبية لكل ما هوا منقول من شعر وخواطر

 

 
أدوات الموضوع إبحث في الموضوع انواع عرض الموضوع

قديم 07-21-2023, 04:48 PM   #1
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي قصة وقصيدة وحيشه المشلحيه

قصة وحيشة المشلحية مع
ابن هذيل
ابن هذيل من شيوخ العمود
من أمراء سقف(سقف من
محافضة الغزالة جنوب حائل)
للي مايعرفها!
و وحيشة من سقف ايضاً
القصة:
أدهرت نجد بأسرها ورحل
ابن هذيل ومن معه إلى
نقرة أيوب(نقرة أيوب بين
سوريا وتركيا)
الكلام هذا قبل ما يقارب 300 سنه
لم يبقى في ديرة ابن هذيل
سقف الا الضعفاء والمساكين وكانت وحيشة
ممن بقي في سقف!!
المهم غاروا عليهم القوم
ونهبوا حلالهم واراضيهم
ومالهم ونخيلهم مابقوا لهم شي

عاد هي وحيشة جالسة
تحسّر على حلالهم الي
راح وتوجد على ابن هذيل
أميرهم لو كان عندهم
مانهبوهم القوم
قال لها ولده: يمه!!
قالت: نعم!
قال: أشوف الشيب كثران
براسك
قالت آآييه!!
وهذت هالقصيدة الي
تمعط الحشا


قالـت وحيـشـة يـامـلا لـيـه ماشـيـب
وغرس الجدود الي غدا وقت الإفلاح

ياغيبـة ابـن هـذيـل ياغيـبـة الـذيـب
شفنـا النكايـر والنكـد عـقـب مــاراح

مار ياراكـب حمـرا تجيبـه تحاضيـب
تـجـدع يديـهـا بالـخـلا تـقــل زنـــاح

حمـرا هميمـة مـن خيـار المناجـيـب
أكواعـهـا عــن لمـسـة الــزور طـفـاح

حمـرا ليـا نيشـت بـروس العراقـيـب
أسـرع مـن الشيهـان لا شـاف مـلـواح

ركابهـا مـن عـزوتـي منـقـع الطـيـب
ضد الحريب إن صـاح بالنـزل صيـاح

وأربـع ليالـي صـدق ماهـي تكـاذيـب
تلفي على ابن هذيل كساب الأمـداح

قـل ديرتـك سقـف ولوهـا الأجانيـب
يروح عليها من الشعب كـل مصـلاح

جانـا ضعنهـم مـع دبشهـم جنـاديـب
وصـار الخطـر منهـم علينـا بـالأرواح

عـجـل عليـنـا يـاحـصـان الأطـالـيـب
هدة(ن) تاخذ مع الخيل مسـراح



يوم وصلت القصيدة لابن
هذيل عقب فترة
وهو يشاور اللي عنده
وش هقوتـك مـداد مـن
نـقـرة أيــوب الـعـصـر
مايـمـسـي حـــوال الـغـزالـة
فوق أشقر(ن) طلق الذراعين
مرعوب أسـرع مــن الشيـهـان
معـلـف عيـالـه
قال: لا وينك ووين الغزالة
بينك وبينه ما يبيد السمينة
وهو يفرك غرابة الشداد ويرتكي عليها
بعد شوي صبوا القهوة
ومدوا الفنجال لابن هذيل
( تقهو يا الأمير)
ما رد عليهم
مات حسرة وغبن على مركاه
والسبب قصيدة وحيشة
نخته وهو مايقدر يسوي لها شي



الحمدان متواجد حالياً   رد مع اقتباس

 

مواقع النشر




ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية