لقيتـك (قصيدة)🌹

لقيتـك

عايض الميلبي

لـقـيتك فـي سـراب ايـام تـجري
تــبـي عــمـري لـتـالـيها ضـحـيه
لـقـيتك غـانـيه فـي زيـن فـطري
تــثـيـريـن الـــولــه والـشـاعـريـه
يـا سـبحان الـذي صورك شعري
عـجـز عـن وصـف طـلتك الـبهيه
أجل كيف العيون احترت ما ادري
بـمـحـجـرها ســحـر أو جـاذبـيـه
وخــدك غـار مـنه الـصبح زهـري
كــأنـه بـــرق مـــزن يــلـوح لـيـه
وثــغـرك لـــو تـبـسـم ود يــبـري
مـواجع وقـت فـي قـلبي خـفيه
وشــعـرك لا تـنـثر لـيـل يـسـري
بــه الـعاشق لـو اخـطاره مـطيه
كـملتي فـي ثـمر نـاضج ومغري
بــصــدر ثــمـاره كــنـوز مـحـمـيه
وفـتنتي في خصر مقدار شبري
نــحـيـل وفــاتــن ويــنـدر حـلـيـه
كــذا بـصدفه يـتيمه طـل فـجري
وسـقـتني فــرح، وجـنتك الـنديه
وغـبتي لـك حـوالي عام هجري
ولا جـابـتـك لـــي صـدفـه وفـيـه
أدور فــي مــدى لـقـياك واثــري
حـظـوظي فـي لـقا مـثلك رديـه