قصيدة/ ضاع الرفيق

ضاع الرفيق


خالد المحسن

إذا تجاذب داخلك كل تفكير
تهيم في وادي ما هو واديٍ لك
تصارع الأيام وتحاول تطير
وترف جنحانك وترجع محلك
مالك عذر: لو جبتلك ألف تبرير
اطلع من أوهامك قبل تستحلك
تعبتك الدنيا بكثر المشاوير
وضاع الرفيق اللي من أول يدلك
ما فيه جرح يمر من غير تفسير
فلا تجي من صدمت العمر كلك
الفجر يضحك للشجر والعصافير
الشمس تعكس في ثرى الأرض ظلك
كثر الخطأ يذبح كبار المعاذير
والناس من كثر الخطايا تملّك
اللى حصلك شي يحتاج تغيير
تغييرك يبين لك اللي حصلك
إن كان ما عندك حدود ومحاذير
لا تزعل إن شفت المواقف تذلك
حطيت لك في ساعة الصد تذكير
ما عاد لك داعي عشان أتصل لك
إذا ما تقطع للمواصل مشاوير
خلك على درب المتاهات خلّك
مثل ما كنت الأول تكون الأخير
أنا ما أحب أجاملك وأستغلك
دامك بدون شعور لا يمكن تغير
ودامك بدون إحساس يا صعب حلك
أنا قبل لا أقول أشوفك على خير
علقت رغباتي بليتك وعلّك
أعاتبك ويجرك ألفين تفكير
الظاهر إن معاتبي ما وصلك
***

صح منطوقه
شكرا على المشاركة
جزاك الله خير الجزاء
تحياتي وتقديري لك

تسلم يداك على المشاركة المميزة
جزاك الله خير الجزاء
ولك ودي وعبير وردي

مشاركة مميزة
واطلاله رائعة
تسلم الايادي ولاحرمنا من هذا التواجد الفعال
ودي لك وتقديري

بارك الله فيك على المشاركة المميزة
سلمت يمناك ولا عدمناك..
دمت برضى الله وفضله

صح لسان الشاعر
جزاك الخير كله .. اثابك ورفع من قدرك
ووفقك الله لما يحبه ويرضاه ...

جزاك الله خير

وبارك الله فيك على ما قدمت

شكرا لك

مشاركة مميزة
واطلاله رائعة
تسلم الايادي ولاحرمنا من هذا التواجد الفعال
ودي لك وتقديري

شكرا على الطرح الجميل
ودمت بخير
تقبل مروري المتواضع
ودي لك