تسقي الزلايب حلوها وتحمض لي

ياصالح اكثرت الزعل والمناقيد
في كل ليله بالنشب تعترض لي
وانت حزام الجنب ند الصناديد
خوتك راس المال وانت العوض لي
ماني على خبرك وسع صدري البيد
دنيا المصايب عجلت بالمرض لي
ومن كسرة الخاطر وعيش التناكيد
وصدوف وقتن بالخطوب اتغرض لي
من عقب ماني طمعتي وصلة الغيد
وحب العذارى مثل فرضن فرض لي
اليوم لو صادفت منتوقة الجيد
ماكن به زينن بشوفي عرض لي
باسباب دنيان ماتحن الاجاويد
تسقي الزلايب حلوها وتحمض لي
وحظن حباله كل ابوها تعاقيد
حاولت انقضها ولاتنتقض لي
زهدت ف الدنيا ولو ماني ازهيد
لو تكنتب جده ليا اقصى حرض لي
صدرت ضامي لو تفيض المواريد
وغمضت عن برق الامل لو ومض لي

يوسف الشمراني

قصيدة رائعة وجميلة
شكرا شاعرنا الغالي يوسف الشمراني
تسلم يداك ولك كل التقدير

صح لسانك اخونا الشاعر
دمتم بهذا العطاء المستمر
لك خالص احترامي

صح الله لسانك
شكراعلى المشاركة المميزة
سلمت يمناك ولا عدمناك..
دمت برضى الله وفضله

صح لسانك
شكرا على المشاركة المميزة
اثابك الله الأجر
واسعد قلبك في الدنيا والاخره
دمت بحفظ الرحمن

صحت ابدانكم جميع يشرفني مروركم

قصيدة مميزة
بارك الله فيك على الطرح الرائع
إستمر ولك التوفيق بـإذن الله
ونفعا الله وإياك بما تقدمه

تقديري وإحترامي