أنا هنا (قصيدة)

أنا هنا



الشاعر: سطام بن أحمد الحرابي


يكفي كلام..
يا حلوتي.. عن الظلام
عن الضياع..
والخوف بعيون الوساع
أنا هنا..
ما في أحد يقدر على أذيّتك
طيري وخليني سما حريّتك
خلي شعاع الفجر يمسح مدمعك
أنا هنا.. مهما حصل.. أنا معك
أرعاك حتى في المنام
حبيبتي.. يكفي كلام
بكون لك شمسٍ وفيّ
بكون لك ليلٍ وضيّ
انتي بأمان..
الخوف أبد ماله مكان..
يا كلّ شي..
كل الخُطى من نبض قلبي تتبعك
أنا هنا.. مهما حصل.. أنا معك
أرعاك حتى في المنام
حبيبتي.. يكفي كلام
هاتي يدِك..
نحيا هوانا حب واحد
العمر لو تدرين واحد
هاتي يدِك..
لقيت لك باب وطريق
من عزلتك.. من كل ضيق
قولي أحبك، ياللي في حبك غريق
قولي أحبك، خلي روحي تسمعك
أنا هنا.. مهما حصل.. أنا معك
أرعاك حتى في المنام
حبيبتي.. يكفي كلام
**************