قصيدة ضحكه وتنهيده 🍀

ضحكه وتنهيده
الشاعر: زايد الرويس

توي يابو قلبي بجرحي تساويت

وقدحت صوّان الفكر للكتابة

يقرا انشغالي بيت ويفسره بيت

قبل اعرف ان البحر جد السحابة

أكذب عليك ان قلت لك ما تمنيت

ألقى لخطواتي طريق ورحابة

وانت تعرفني زين لا رحت لك جيت

مثل السؤال اللي تجرّه إجابة

وانا لك الله من كثر ما تماديت

بحكايتي كسّرت قوس الربابة

أكذب عليك ان قلت لك ما تمنيت

للحزن فرح وللمشاعر صبابة

أهم شي انك معي وين ما اقفيت

ضحكة وتنهيدة وحلم وغرابة

يعني على ما قيل شفني تشاويت

واقف بوجه الريح عزم وصلابة

لو ضايقتني ضيقتي ما اسفهليت

في وجه حزني يوم كشر ب نابه
=======