على الناي القديم ومطربٍ جيله تعصّب بالشماغ اللي مجمّلٍ زيّه( صوت الصورة)

صوت الصورة

على الناي القديم ومطربٍ جيله تعصّب بالشماغ اللي مجمّلٍ زيّه

صورة العدد

إعداد - بكر هذال


تراثنا الماضـي على الجيل غالي
بجوار بيتـه من حجر شيـدوه
يلبس له أغلى لبس عند الرجالي
جنبيته من نـافعي يوم حدّوه
تاتي من البراق باول مخالـي
نحاسهـا الصناع بيـجهـزوه
شفنا الطرب موجود عنده مجالي
مزماره أهل الفن كـم لحـنـوه
محمد عبدالله الشهري - مكة المكرمة


على الناي القديم ومطربٍ جيله
تعصّب بالشماغ اللي مجمّلٍ زيّه
يعزف لونه لحونه ويشد في حيله
تحزم في حزامه وفي وسطه الجنبيه
تراث اهل الجنوب باقي مع خيله
رجال السطوه اللي كلبوهم شقرديه
حمد عبدالله الوايلي - حوطة سدير
صورةٍ تنطق بٍساطه بكل شَي
شايب بسيفه ونايه وميكرفون
شايب الرحمن بْظرفٍ ما لِه زَي
شَكَّل اِبداعٍ لمن لِه ينظرون
لو كان فديو كلٍ يراعيه حي
كانوا على لحنه وصوته يحكمون
سعود عائش الحربي - جدة


الناي جزء من ثقافة بلادي
واسبابه الحاجة لتجميع الاغنام
الراعي اللي في الرعاية ستادي
يعرف مطالبها ويفهم في الانغام
والخنجر اللي معه ما هوب عادي
مصدر فخر في لبسنا له وإلهام
محمد مقحم المقحم - الرياض

شكرا على المشاركة وحسن المتابعة
بارك الله فيك وفي عملك
ولك تحياتي وتقديري

شكرا على المشاركة
تسلم الايادي ولاحرمنا من هذا التواجد الفعال
ودي لك وتقديري

شكرا لك على االمشاركة الرائعه
جزاك الله الف خير على كل ما تقدمه لهذا المنتدى
ننتظر إبداعاتك الجميلة بفارغ الصبر