عين القبيله🌴

عين القبيله





اللي طعني طعن جساس لكليب
عفيت عنّه لجل عين القبيله


وش عاد لو سوّت يمينه من العيب
حنا الردي لاطاح منّا نشيله


ياللي تدوّر بي عيوب وعذاريب
ماني بقايل لك تراها قليله


من مولدي لما كسى راسي الشيب
ماخنت جار ولا مشيت الرذيله


لكني اتعب في دروب المواجيب
وان جاني المحتاج وفيت كيله


نعطي خفا نقرض بها عالم العيب
ولا ندور من وراها نفيله


مانشرب الا صافيات المشاريب
ولا نعطي الا الوافيه والجزيله


وانته وانا يامن شربت الدغاليب
انشهد انك ما فعلت النفيله


مافيه شيّ يجمع الكلب والذيب
واثنينهم يرجع لنفس الفصيله


لكنها هقوة عطيب المضاريب
مخالبه مثل السيوف الصقيله



عبد العزيز بن سحل

شكرا لك على االمشاركة الرائعه
جزاك الله الف خير على كل ما تقدمه لهذا المنتدى
ننتظر إبداعاتك الجميلة بفارغ الصبر

شكرا على المشاركة
تسلم الايادي ولاحرمنا من هذا التواجد الفعال
ودي لك وتقديري

شكرا لك
بانتظـآر جــديدك القــآدم
آحتـرآمي لك

بارك الله فيك على الطرح الرائع
إستمر ولك التوفيق بـإذن الله
ونفعا الله وإياك بما تقدمه

تقديري وإحترامي

شكرا على المشاركة وحسن المتابعة
بارك الله فيك وفي عملك
ولك تحياتي وتقديري