لاتحسبون الرزق في كثرة المال

لاتحسبون الرزق في كثرة المال
الرزق ابوابه مع الله كثيره

ناسن رزقهم مال ولا معهم عيال
وناسن مناصبهم عليهم كبيرة

وناسن لهم شهرة مع رجال الاعمال
وناسن فقاره والاماني صغيره

وناسن يكنزون الذهب دون مكيال
وحياتهم فيها تعاسه مريرة

وناسن فقاره وللكرم مضرب الامثال
وناسن معاها مال لكن فقيرة

سبحان من اعطى المخاليق امال
وكلن يلاقي في النهايه مصيره

ويامن قضيت العمر تقصير واهمال
الاجال لو طالت تراها گصيرة

بادر بتوبه صادقه تستر الحال
وتصير لك يوم القيامه ستيره

ويا الله ترزقنا بجنتك منزال
وتجبر قلوب من عناها گسيره

حمود التميمي