مجاراة ابن جدلان وحمود العويني

يــاتــل قـلـبــي تـلـتـيـنٍ بـنـتـلـه
كنـه مـن الاضـلاع ينتـل بتلـتـال

من وقتي اللي شايفٍ فيـه شتلـه
دنياً تخلـي صاحـي الفكـر يهتـال

أحدٍ توريـه السعـد وضحكـت لـه
وتخلـي زنــوده قـويـات وعـتـال

وحـدٍ ليامنـه مشـى خترشـت لـه
مـرٍ يطيـح ومـرٍ للحـمـل يشـتـال

وحدٍ يصارعها وهـي ماصفـت لـه
لكـن وده يفعـل الطيـب محـتـال

عزمـه يسـوقـه والليـالـي تختـلـه
ويصير بين أثنيـن ناقـض وفتـال

يا حمود حل الوضع والا ألتفت له
شرواك بالطيب له منهـج ومبتـال

سعد بن جدلان رحمه الله


-رد حمود بن محمد العويني

يقول مـن جـزل البيـوت أرسلـت لـه
مـن فاهمـن يلعـب علـى كـل منـوال

حـي الجـواب وحـي مـن كـان فتـلـه
مـن شاعـرٍ يفتـل غريـبـات الأمـثـال

اللـي جزيـلات البيـوت أشـهـدت لــه
اليـا فتـل جــزل المـثـل كــل فـتـال

يـهـوا المـعـان الطيـبـه وهــوت لـــه
يصوغهـن صـوغ الجواهـر ليـا قــال

اليـا بغـى صـوغ التماثيـل جــت لــه
ياخـذ خزايـزهـن جمـيـلات وجــزال

سـعـد ولــد جــدلان مـهـوب هـتـلـه
من روس بني أكلب شريفين الاسلال

يقنـب ليـا مــن السـبـاع اقنـبـت لــه
لـيـا تــرك رد النـقـا سـاقـط الـخــال

يقـول لــي دنـيـاه مــا ساعـفـت لــه
ويشوف مـن وقتـه غرابيـل واهـوال

واقـول لا تزعـل علـى الـوقـت بتـلـه
الوقـت دايــم لــه اقفـايـات وقـبـال

ركـايـب السلـطـان قــد نـوخـت لــه
تجـارب الدنـيـا عـلـى مــر الأجـيـال

ولا اعرف هدفك اللي بيوتك عنت لـه
مـدري وش المقصـود يا طيـب الفـال