06-04-2025, 09:22 PM
|
#1 | ||
|
مساعد للمدير العام ومستشار للمنتدى
 |
البارحـة في مـرقدي تقل ناطـور
البارحـة في مـرقدي تقل ناطـور
والعين لذات الكرى ما هنــاها أمشي بدون شعور والفكر مفرور والعين عافت نومها من شقاها وأبستشير اللي له الرأي والشــور ابن الرجال اللي يذري ذراها الشاعر اللي للتماثيل دكتـور فاهم وجزلات البيوت احتواها عشيري اللي طول الايام منصور له نرفع الشكوى وهو منتهاها يفداك عفنٍ دايم الدوم مثبور اللي يجيب السالفه في عماها قولوا لابو ماجد فلاني بمسرور النفس ضاقت مادْري وش بلاها تبي لها عصراً مضى فات له دور أيام شبّتها وزمّت اصباها يوم الهوى دربه مع الناس ماثور انته وانا درب الموده مشاها دربٍ شريف ومن مشى فيه معذور بين القلوب اللي صفت في غلاها الود بين اثنين والسّد مستور سوالف النمات محدٍ حكاها مع البنات اللي يشادن للحور دعج العيون اللي صفيفٍ حشاها العنق عنق اللي من الحس مذعور ريميّةٍ قنّاصها ما رماها والعين عين اللي على الكف مسعور لا هد في جول الحباري فناها ابو جديلٍ فوق الامتان منثور زودٍ على ذلك كثيرٍ حلاها لا شافها راعي الهوى منه مخطور تسحب قلوب العاشقين بنباها ادعج غنج من جملة البيض غندور لا واهني اللي لبيته خذاها هذي هواي اللي به القلب مسحور وهي علّتٍ للنفس وهي دواها واليوم درب الحب مغلق ومهجور مشوه ناسٍ ما تقدّي خطاها شلّت لدانا هدّمو باقي السور هدّو جسورٍ عاليٍ مستواها اللي بوسط السوق يمشي كما الثور لا جت سماره قام يركض وراها المشكله ما عنده احساس وشعور خبول الرجال اللي قليلٍ حياها وليا نصحته قال ماني بمغرور الكلمه اللي تنفعه ما بغاها تلقى لهم حول البقالات جمهور شلّت فسادٍ يقلع الله مداها ما اعمّهم فيهم شريفٍ ومخبور ناسٍ تقوم بواجب اللي نصاها وفيهم حكيم الراي بالعرف مذكور شخوص الرجال اللي تقدّر لحاها قلته وانا مالي على الناس مقدور ولاني معدّل طيبها من رداها ومارست من وقتي حلاوات ومرور وعرفت منها الصايبه من خطاها ونبي السموحه كان في قافنا قصور ما كل من جاب المعاني قداها باطح فهيد الباطح الجميلي أهداها للشاعر منصور فارع العتيبي
|
||
|
|
|
|
العرض الشجري