الصحـيح الحظ لا من تعثر ما يقوم

الصحـيح الحظ لا من تعثر ما يقوم
لويجيه الغيث مقبل ابرقه ورعده

طايـحً في وســط بيرن بجمــتها يعـوم
من رداته طولها الفين قامه وقعــــــده

يا عســاها طيحتــن لات عــوق ولاتــدوم
من سببها كن في خاطري شوك جعده

ما يعــز الحـــظ لا طــاح يكــود القــروم
لو تعثـــر وقفــــوله يغـــني بـــســعده

والله ان في خاطري هم في ساقة هموم
كل ماخلصت همن يجــي هـم ابــعده

ويطرب الخاطر ليامن ذكرت اني عزوم
وقدمي رجم المعالي لويكود صعده

ويتكـدر خاطــري لاتــرددت العــلــوم
وكل رجال يواعد ويخلف فوعده

والختم حظي لويقوم من طيحــته يوم
قلت صور يامصور على كيفك عده

محمد حزام السبيعي