01-14-2026, 11:36 PM
|
#1 | ||
|
مساعد للمدير العام ومستشار للمنتدى
 |
موعده صار شمعة وانتظاره فتيل
موعده صار شمعة وانتظاره فتيل
واحرقت ناره الشمعة وانا في حراه لا طرى له يمر ولا طرى لي رحيل كل واحد عزم رايه وصمم علاه صرت بين الرجا والياس مثل الدخيل يطلب الياس روحه والرجا ما حماه كني المستغيث اللي ترجى المخيل الظما في شفاهه والمطر في سماه كل ما شاف براق الحيا قال سيل وانتحى البارق الساري ولا هل ماه يوم قررت من دنيا الغرام استقيل جاني وخطوة اعذاره تسابق خطاه قلت عذرك قبيح وقال ذنبي جميل قلت يا عقاب ابوك ادرى وهذا بلاه قال عيني بحر موجه تغشاه ليل قلت عندي عزم موسى وعندي عصاه قال وش رايك انك في عيوني قتيل قلت ميت ولكن فيه باقي حياه قال ما تدري اني فا المحبه بخيل قلت منته بمعطي شي ما الله عطاه قال لي يا فقير الحظ ترضى القليل قلت قلبي قنوع وفا القناعه غناه قال وش شفت في وجهي وفل الجديل قلت صبح سرى ليل الدجى من وراه قال وش في شفاهي قلت ما السلسبيل من روى منه ساعه بعد لحظه ظماه وابتسم لي وعض الثلج جمر المليل قلت يا كبر حظ اللي ظماه ورواه قال وش عاد باقي قلت خصر نحيل يا عساني فداك ويا عساني فداه شفته اطول قصير وشفته اقصر طويل لين حارت وصوفه بين هذا وذاه بين عنق طويل وبين طرف كحيل شفت لي عين حر وشفت عنق المهاه قال وش لك مطالب قلت تبري العليل قال قلبك عليل وقلت عندك دواه ناظر الساعه وسلم وقال الرحيل ما ترك غير عطره لي وقلبي خذاه اثره المستحيل وعاشق المستحيل لو يدور يبا يتعب وهو ما لقاه جيت عابر سبيل ورحت عابر سبيل لا بغى اللي لقيه ولا لقى اللي يباه حمد العصيمي
|
||
|
|
 |
|
|
العرض العادي
