01-18-2026, 03:16 PM
|
#1 | ||
|
مساعد للمدير العام ومستشار للمنتدى
 |
يا معمر الدنيا ترى الوقت غدار
يا معمر الدنيا ترى الوقت غدار
خسران يا من باع دينه بدنياه البارحة نومي هواجيس وأفكار الله لحد عزاه للقلب عزاه لاغرد القمري على الدار ياذعار ركب اردعيه ضامري كل مَا او حاه لج الضمير وهاض من بعض الاشعار أمراج من صدري تقارع من أقصاه عما جراتجري مقاسيم الاقدار وما دبر الولي على العبد يرضاه وقت سقا سلطان من كاس الأمرار مفجوع منصاع من الحزن ويلاه أبكي من الوجلا على قد ما صار واحر قلب صابه الحب حراه اونس ابجاشي كوكب تو ما فار مثل القدر يطفر على النار تنضاه سار القلم باللي جرا بالقدرسار واستحكمت الأقدار يا طول صبراه من ونتى يبست زماليق الأشجار يا ناس من مثلي صبور بما جاه والعين كن بها براعيم زنجار يحرم علي النوم ما قلت ما حلاه من ونة ونيتها وقت الأسحار ونة فطيم جاير الحزن يبراه او ونة اللي له زمانين به زار جاه الطبيب لا عرف غاية دواه او ونة اللي غاص غبات الابحار حزت غروب الشمس وانسل مجداه أو ونة اللي يمت الهند سفار زادت عليه الريح والموج غباه يا مَهبل اللي قال جزع وصبار ما نيب صندوق من الساج بغطاه قالوا تصبر قلت للصبر مقدار طال الطويل وباقي الصبر مُقواه ابكي وليف حط في القبر ابوغار وعزي لعين ما تهنت بلا ماه يا قبر جيتك في دجا الليل خطار باشوف من حطوا وسادة زواياه باشوف من ساقه كما لب جمار قال انت شوقه قلت يا قبر انا اياه قال انقلع مني وخل التخطار حرام عينك بالسفر ما تحلاه والله لولا اني حليم وصبار والرب ثبتني بدينه وتقواه واخاف من رب السموات والنار لاسم روحي بعض الايام واقفاه قالوا لي العذال لا صار ما صار دور وتلقا بالعرب كنه اياه انا ليا دورت في كل الاقطار يا وين ابلقا مثل وصفه وحلياه ما القى مثيله بالمغارب والامصار ما ضنتي حسنه على الوصف نلقاه انور من البنور أو صبح نظار ليله مضى خمس مع عشر مبداه لو جو من الترك الدخاتر وشندار وعبدالحميد وانيس ما سر بدواه لو الصواب بالعضم للعضم جبار لاكن تناير بالضماير وقلت اه جني خوندات يدقن الازمار قالن لي المبلي عزيز بدنياه وبليت بلو ايوب وبي الدهر بار وياطي قلبي طي من بيح خفاياه قالن تهايم قلت ما فيه تنكار قالن حزين وقلت انا يا قراره تبارزن دوني تمالا بالاشرار وقالن جواب الحق ماقد سمعناه قلت اخبروني قالوا بشر بالاخبار حنا هواك اللي بعيد تمناه انتم ثلاث بكار وبي الفكر حار والقلب حار وبينكن ضاعت ارياه قالن تخير قلت مانيب مختار انا سقيم طايح داه برداه ضهرت انا وياه وغدان صغار الله لا يسقي حياة بلا ياه غديت عقبه بين الابيات دوار يا من مناه الحب والحب عناه لولا الحيا لابني على القبر لي دار واتم عنده جالس ما تعداه مرحوم ياللي ما بعد حس له جسار ا لله يلم بشملنا عقب فرقاه الله يلم بشملنا لم الابرار في ظل سدر المنتهى عل نلقاه الحب بالاجواد ما فيه اسرار كلن على قدره شكا من زراياه خلون أفيض لي من الصدر معبار الله لحد عزاه للقلب عزاه محد من الدنيا سليم من الاخطار خسران يا من باع دينه بدنياه مرثية سلطان بن نمر القحطاني في زوجتة
|
||
|
|
 |
|
|
العرض العادي
