‏يا ذابح المسلم بلّيا سلاحي

‏يا ذابح المسلم بلّيا سلاحي
ما تستبيحه قبل نزّاع الارواح

الله تجعل كل دربي سماحي
بهداك تأمرني على اللي به اصلاح

خلّيت من شفّي بخفضة جناحي
من يوم شفت الشيب في عارضي لاح

ياليت يمحا لابيض الشيب ماحي
ويرد وقتٍ فات بالغي سبّاح

وليت الهوى للّي يريده مباحي
والعصر الاول ينثني عقب ماراح

وعن المراجل ماتقل المشاحي
خصٍ به اللي للمواجيب نطاح

إلي توسّع خاطري واستراحي
أخذت لي مع طورق الغّي مسراح

أسرح ولا ادري وين هوبه مراحي
وأخذ بليلي قدم فلاق الاصباح

مشعوف وأذاري هبوب الرياحي
وحمل الهوى مافك عنّي ولا طاح

لمّا دعا حالي كما العود ماحي
فضلة حديد استاد مبرد ومصفاح

إلى ذكرت اللّي حديثه ذباحي
وغرٍ يوريني عسلهن وهو شاح

واللّبة اللي مثل بيض المداحي
أسهر وكن ابناظر العين ذرناح

انا عليل الجوف لو قيل صاحي
عضيض غلث وشاف له بارقٍ لاح

خلّه يشوف ابصدرك الانشراحي
قلبه عليك امن الاغاليل ينساح

قبل الفراق اللّي شرابه ملاحي
ومحب ما يسمع حبيبه ولو ناح

؟؟؟