هاجسي يا هاجسي بالقليب اشوف ذيـب

هاجسي يا هاجسي بالقليب اشوف ذيـب
ماقف اللي يفعـل الطيـب كيـف اتسيّبـه

مثـل هــاذي ماتـعـداك وافـهـم يالبـيـب
مــن يخـلـي واجـبـه كــل رجــل يعيّـبـه

والمثـل قـال المجـرب يشـادي للطبـيـب
وانـت مـن جربـت بالطيـب غـن وحيّـبـه

وقل مثل ابن حمد كم لحقني منه طيب
اشـهـد انــه مــن رجــالٍ تـســد النـيّـبـه

وقول عذرك لو تعـذرت عـذرك مايخيـب
خيّـب الله ظـن مـن فـيـك ظـنـه خيّـبـه

بـس لاتحلـف وانـا مادخلنـي منـك ريـب
ولا لحقنـي فيـك شـك واعلـومـك طيّـبـه

كل ما سويت طيب عساء حظـك يطيـب
والــردا مـا هـو بحـولـك ولاانــت قريّـبـه

ولا طرالـي فيـك طـارٍ يخيـب ولا يصيـب
كــود طــارٍ بالعـلـوم السـمـان الصـيّـبـه

انـت راع الاولـه مانـت راع ام السـريـب
لحيتك بالطيب من طيـب ابـوك مطيّبـه

كد عرفتك في نهـارٍ غـدا فيـه الصحيـب
واختفتبـه روس ربـع(ن) نـقـول قريّـبـه

ميـر لابـو كـل راسٍ الياحتجـتـه يغـيـب
كــل ماحتجـتـه غــدا لـيـه انــا ماغيّـبـه

واتنـاسـا مـثــل هـــذا ولا عـــده قـريــب
وش نـبـي فــي رفـقـةٍ ماركتـهـا خـيّـبـه


دليم صياح الشدادي