05-13-2026, 07:17 AM
|
#1 | ||
|
مساعد للمدير العام ومستشار للمنتدى
 |
يالله ياللي بأمره يزال ملك ما يزال
يالله ياللي بأمره يزال ملك ما يزال
يامن أهلك عاد بالريح في أيام حسوم اهدنا درب الهداية وجنبنا الضلال ولا تجعل بينا اللي من العفو محروم ما على سعادة ولا فيها كمال مكسب الإنسان منها، هموم في هموم إلا في دين يعزل الحرام من الحلال وصحبة أكرام تزيدك على عزمك عزوم يا رفيقي كلمة ما تقال وهي تقال اللي ظاهرها صداقة وباطنها علوم وأنا بعطيك احتمالين، ماهو باحتمال فيها حرية مغادر وحرية قدوم إن رضيت رضاك مكسب، وعرفك راس مال اعتراف لك بقدرك يدوم أو ما يدوم وإن زعلت أرضتك الإيام وأرضتك الليال السنة واجد 360 يوم ما بعد قفى المقفي وقلنا له تعال من بغى الصدة يبين علمها ومخدوم دايم ضغط الصداقة يجي في اختلال لا طغى حب المصالح على حب الخشوم وأنا ماني بتنقى الصوامع والغلال أتقنى لي رجال مناهجهم سلوم كم رفيق بعض الأحيان ما يقنى ريال والله إنه أول ما يطرى علي وقت اللزوم ومن يشوف إنه على درب حرف من المقال لا يقفيني ملامة، ولا يقفاه لوم اذخروني في مواجيبكم حال وحلال واعتقوني من موالاة قوم وحرب قوم ودي أحافظ على قيمتي بين الرجال وين ما لقيت وجهي مقدر ومحشوم سلطان بن عباس
|
||
|
|
|
|
العرض الشجري