بشــــارتك منـــي يا ابلج الوجه فرحه بــال

بشــــارتك منـــي يا ابلج الوجه فرحه بــال
بشــــرتني والله يبــــــــشرك بالجــــنه

جـعل الوسمي اللي ذكر له في الجنوب خيال
رعــــوده مـــن القبله ترازم لهــــا حنه

وبـــــــراقه بشير اهل المقانيص واهل المال
وشعاف الحزين مضري الصدر بالونه

وذكــــــره تساوقه النشـــــــاما مع الفنـــجال
بـقـــــلوب تــقــول الفـــضل لله ولمــنه

عســــــي نصوبه ليا جات كنها خشوم جبــال
مـن الارض تمحي جره القيظ والكـنه

ويســـيل مطــــرها وادي مبــــطي ما ســــال
ويحييعرق عودغصنه ايبس من الشنه

اليــين العشوب تزوف لاا محزم الرجـــــال
يجي للمســـير واللرعي والقنص بنــه

وعطـــــايــــا الله تربع بروض لها مدهـــــال
بادر نبتــــته من وطيه اقدامك تحنـــه

وتـــارد عدوود جمهـــا اصفي من الشـــــلال
مورد حـــيام الطــرش يلقا بها ظـــنه

ومتـــعهد طعـــــام الماشيه يطرد العمــــــــال
لا شــاف الزبائن كلهم ما دروا عـنــه

تبــــــطي وقفته لاجـــــــاه شاوي ولا جمـــال
ويعود بحمل السـكس في ســاقه الدنه

بضــــــاعتك ترجع ما حد سامها بريــــــــــال
بفــضل الكـريم مفضل انسه على جنه

وتبــــقى بدو شبه الجزيره على احسن حـــــال
افقرهم للضـــيف يثالث النجر ويدنــه

في كل دار لارجـــعت من بعد الامحـــــــال
يعـــجز رسمهـــا الفنان مهما بلغ فنه

احــــــــب الــــــبدو حب الجزائر للاستقلال
ومن لا مني في ذمتي ما علي منـــــه

فلاح القرقاح القحطاني