من كثر صدماتي بناسً قريبين

من كثر صدماتي بناسً قريبين
قمت أتحرى صدمتي من أظلالي

كل مابديت أنسى وجيّه البعيدين
ذكرت لي مع ضيقة الوقت غالي

كل ماتخيلت المحبه من سنين
يأخذني الهاجوس لأبعد خيالي

وكل ماشعرت أني سليت المحبين
بديت أطرد هقوتي وأحتمالي

مدري بكيت الحلم مع هاجس البين
والا شعوري بالغلا ما يبالي

مدري عزاي أنك بعيدً عن العين
والا الندم يصفق يمينه شمالي

مدري هو أحساسي بفقدي لغالين
وأقول بعد اللي رحل وش بقالي

دام أقرب أحبابي نسوني وسالين
وأنا لو أنساهم تناسيت حالي

لو عشت من صداه عذاب الامرين
ماوالله أرخص عزتي رأس مالي

لو المواجع تقسم القلب نصفين
ماضاق بي صدر الحليم الشمالي

بين الصبر والصمت والخاطر الزين
تجي مسافات المعاني توالي

ومن كثر صدماتي بناسٍ كثيرين
صرت أتحرى صدمتي من أظلالي

منصور الرويلي