08-15-2026, 10:51 PM
|
#1 | ||
|
مساعد للمدير العام ومستشار للمنتدى
 |
دنيـاك هـذي كلهـا هـز قـاووق
دنيـاك هـذي كلهـا هـز قـاووق
ما تعرف الصاحب من اللي معاديك اكثر كلام النـاس بالمكـر والبوق يهرج معك ولْيا تقفيـت يرميـك المــال دايم صاحبـه مرتفـع فـوق والقل خايـب لـو ترفعـت يرخيـك عـــزي لمن دوّر لهـا عنـد مخلـوق إما بخــل ولا منـن يـوم يعطيـك أوصيك بالطيب ليا كـان لـك ذوق أرمـه وراك ولازم إنـه يلاقـيـك يا عبد هوّن كـل مطـرود ملحـوق لا تشتــحن لك رب ما هـو مخليـك اللي جعل لك روح جاعلْك مــرزوق كما تكفل بـك مـن الخلـق كافيـك يعطي وباب الرزق ما هو بمغلـوق واليا طلبته وانت محتـاج يعطيك الرزق له حسبه وله وقت مطلـوق وان مت ظلّا عنـد قبرك يناديـك والمـوت جايك لو تقع جوف صندوق دع عنك مابك من حـذر لا يعنيّك لا تشتغل بالمال والمـال ممحـوق مـا مالـك إلا مـا تمـده أياديك إن كان مالك يافتى ضيـق السـوق تراه عند الموت مـا هـو منجيـك الجــار والعاني لهم شـرط وحقـوق والضيف واجب تكرمه يـوم يأتيك وإن كان تبغي تأخذ المدح مطبوق خلك مشمـر دون ضيفـك وعانيـك صون الامانه واظهر الهرج بصْدوق ولاتعاشر صاحـب البـوق يعديـك لا تصحب الخاين ولا تأمـن النـوق وان لاح براق الحيـا عـزّرت فيـك والدرب لاتامنْه لو كنـت مرفوق إلا بحدٍ فـي يميـنـك يبـاريـك أترك طريقة كل عاشـق ومعشـوق ترمي بروحك في الشرَك ثم يرميـك والكلب ما يتبعْك لو تلبسـه طـوق وإلا خلاخيل الذهـب مـا يراعيـك وبالصبر تغلب صاحب العزم يا شوق والعزم طيب ميـر حـزات يرميـك وافرح ليا منك عن الشـر مـدروق واحذر صديقك واحذر اللي يواليـك هذا كلام الصــدق ما هـو بمسـروق وابيات يا قلبـي بناهـا يسلّيك من هاجس يطمـــي كما بحر صافـوق أحذر على القلب الشقي يوم يطريك يارب تجعلني مـن النـار معتـوق واجعل ختامي طيّبٍ يـوم ألاقيـك بديوي الوقداني المتوفي عام 1296 هجرية
|
||
|
|
 |
|
|
العرض العادي
