فوق هام السحب ( الشعر الشعبي) على متن القوافي

يا راكب اللي ما لحنه ظلافه
ولا داره الجمّال يدني العلف له

ما مون توه يصطفق في عسافه
لو طال طيول المدى زاد جفله

يا دار يا دار العنا والتلافه
وين الغضي ويش أمره اللي صدف له

تقول أخيله يوم عقب سنافه
واليوم ما درى وين دربٍ ذلف له

يا دار يا ما جيت لك بانصرافه
نوب على عينه ونوب بغفله

يا دار ياللي مثل بو وقافه
تبهل عليه الطايلة وتعطف له

البارحة شفت الحبيب خطافه
خبرك بشوف الليل ما ينصرف له

وبوي ما زين وقفته بانحرافه
والكل منهن يوم دنق وقف له



فهيد المجماج

ياغصن موز ناعم له تمرياع
ومنين ماهب الهوا مال حمله

عليه ماوقفت عيوني بالأدماع
وهجس إن يلحقني على الطول سمله

أعوي عوا ذيب ورا النزل لاجاع
يقنب إلين الله يجيب اللحم له

يامل قلب من هوى زيد ينصاع
كما يصوع الصيد رام خطم له

حبه يخج القلب ما يوجع أوجاع
لاشك قلبي مودعه بيت نمله



فهيد المجماج

لا تكبّر الهقوة ترى الناس تخذلك
وخل الثقه بحدود واحسن نواياك

واحرص على فعلٍ جميلٍ يجمّلك
وخلك كريم أخلاق والطيب مبداك


.......

أمسيت بيت الغلا عايش به لحالي
واصبحت في عزلةً ماني بقاويها

كنت أحسب اني قوي فرقا ولا أبالي
وان هاجت أشواقي احاول أهديها

كابرت واصبرت عنها لاكن البالي
ما سج منها ولا فكر يخليها

ياشبه وضحاً تذبّ المرقب العالي
من حبها عند راعيها يباريها

‎


فالح علوش

مرحبا من سبب ولا بليّا سبايب
ياسبب كل جرح ويادوى كل عله

ياحبيبي بدون أدنى شكوك وطلايب
والله وبالله اللي كوّن الكون كله

إنك الحاضر اللي كن ماهوب غايب
وإنك الغايب اللي ماتغير محله


.......

‏نصبر على ميل الزمن ،، و انعواجه
ونسعى لكسب الطيب في كل منهاج

مرات نقضي للمطاليق حاجه
ومرات حنا للمطاليق نحتاج


.......

يا باذل الطيب خل الطيب في فاله
إبذل وتلقى جزا الإحسان عند الله

الناس لو يمدحون الشخص لأفعاله
بكره يذمّون نفس الشخص من زلّه


.......

‏تفاءلوا بالخير .. ياتيكم الخير
ما للحياه بدون الآمال .. قيمه

َالصبر مفتاح الفرج والتباشير
والياس مفتاح الحزن والهزيمه


.......

اما عن الأمآني :
‏تمنيت شي وقدر الله شي وصار
‏ولا لي سوى وجه الرضى لو تصنعته .

‏اما عن الخيره :
‏انا هقيت ان راحة العبد في ما اختار
‏واثر خيرة المولى لعبده مسنعته .

‏اما عن الواقع :
‏تبون الصراحة والله اني بغيت انهار
‏ضروف الحياة اقسى من الي توقعته

.......

القلوب اللي نواياها نظافي
ما تلاقا مع قلوبٍ مستهيمه

ومن يريد المقبلات من المقافي
مثل طلاب العداله من خصيمه

والسمان اللي تلفت للعجافي
بينها تفرق وسيمه من وسيمه

غلطت الجاهل لها سبعين رافي
وغلطت العاقل عواقبها وخيمه


.......