قصيدة حكاية شمس

قصيدة حكاية شمس

***

الله وش كثر محلوه

كنك ملاك وطلع توه

جيتي وكلٍ ترك جوه

ماعاد به غيرك حكايه

بعيونك أغرب حكاية شمس

الليل لف ولمسها لمس

ضيعت باكر عشانك وأمس

وانتي إلى الحين نسايه

في شفتك للشفق موعد

دايم أقرب وهو يبعد

من غيرك اللي قدر يسعد

ويحط لأحزاني نهاية

يغار من جيدك الألماس

ياللي تحلين أي لباس

حني على الناس ياأحلى الناس

حرام تعذيب وكفايه

من يقدر يلوم حسادك

والشمس تحضر بميعادك

ياشمس والناس عذابك

تغازلك حتى المرايه

سمرا وفيها بياض النور

بيضا وفيها سمار الحور

من مثلك اللي جماله جور

ماله بدايه ولا نهاية

ياحلوتي كامله والله

والكامل بحق وجه الله

من يشبهك حلوة الطله

ياللي لكل البشر آيه


***


الشاعر: طلال الرشيد طلال الرشيد

مشاركة مميزة
واطلاله رائعة
تسلم الايادي ولاحرمنا من هذا التواجد الفعال

ودي لك وتقديري

شكرا لك على االمشاركة الرائعه
جزاك الله الف خير على كل ما تقدميه لهذا المنتدى
ننتظر إبداعاتك الجميلة بفارغ الصبر

كل الشكرعلى المشاركة وعلى المجهود في المنتدى
ماننحرم من جديدك المميز
خالص تقديري لك

شكرا على المشاركة الرائعة
بارك الله فيك وفي عملك
ولك كل التقدير