فوق هام السحب ( الشعر الشعبي) على متن القوافي

وقفت افكّر و ارسم احلام كنّي
‏طفلٍ يراقب من ورا الباب جيله

.....

سامحيني لا تركتك واعذريني لا هجرتك
‏مابقى فالناس ناسً يستحقون الهدايا

.....

أنا أشهـد إن الـوقت هذا تغيـر
‏يا راحة الميت ويا بلشة الحـي

‏حتى ولو جيت ابن عمك مسير
‏قالـوا تـرى ما سير إلا يبـي شـي

.....

‏هذا المساء ما يشبه إلا مباديك
جداً جميل وطلتك به جميله

يسعد مساك ويسعد الله لياليك
عساك تسلم في مساء كل ليله

.....

‏ياصقر...

فل الجناح وبالفضاء داعب الريح
خذ راحتك من فوق متن السحابي

لا واهنيك مانت محتاج تصريح
تمسي وتصبح فوق عال الهضابي

.....

فيها سحر مدري عذوبه وطغيان
وفيها شعور المنتصر والهزيمه

.....

مانشدت الشمس عن حزن الغياب
علمتنا الشمس نرضى بالرحيل

كل يومٍ يغرق الضي في عــبــاب
ما سمعنا ناعي ٍ مابه عــويل

وما هقيت الموت يجرحني جـــواب
لين شفتك في سما عمري اصيــل

البدر

نحب نكره نخاصم ناس نتصالح
نقرب ونبعد وتجمع بيننا القبله

اليوم نزعل ويوم الغد نتصافح
التضحيه عار لجل الفلس والغله

باالعفو والمعذره نسمح ونتسامح
ماينفع الشخص كثر المال او قله

بالحق نحكم وبالمعروف نتناصح
الصح بالصح مانسمع من الشله

.....

‏عــاد الأيام حُبلى في حشاهــا جـديد
مُقْبِلــه بالعَجَــايب ما تجامل أحـــد

ما عليهـا كبيــر إلا القــوي الشديــد
لا سـلاها يــدوم ولا نـكــدها نكـــد

إن صَفَت يوم عَابَت في الحَكِيم الرشيد
وإن جفَّت عـاد تبا تصحب قليل الجهد

الليالــي حبالـى لـو بغيــت الأكيـــد
والمـراحل طــويلة يحفظـك يا بلــد

.....

اشتقتلك بس ماودي آحاكيك
أبيك من كيفك تحن وتجينـي

.....