فوق هام السحب ( الشعر الشعبي) على متن القوافي

‏ليتك معـــي تسمع كلام اخر الليل
وتحس بي واشلون وضعي بدونك

حالي ترى من غيبتك هده الحيل
والعيـــن تتمنـى تناظـــر عيونك

اسهـر على ذكـراك ويجيني الويل
والنار في صــدري تــردد لحونك

وضعي صراحـه مايبي اي تأجيل
ارجوك ما تسـوى حياتي بدونك

.....

جاري الكتابه ونبضي بالغلا جاري
يتبع عيون الوفاء في ليل جواله

لا من تأخرت قلبي شتت افكاري
وش له تاخر علي وحالتي حاله

.....

بنـت البدو في كـل محفــل أميــره
فيـهــا الحـــلاء كـلـه وفيهـا الحنــاني

حشمــه أدب وأخــلاق هيبـه وغيــره
سبحـــان مـن ســواك سـت الحسـاني

.....

‏على جسر الأماني فوق شط الحرب والاحـزان
نقضيهــا عنــاد ونكتــب الفـرحـة ونمحيهـا

وعلى أوتار الامل نعزف ندندن كن ماشـي كان
ونرسـم من معــاناة الوطــن لـوحة ونشريـها

جــديد أيامنــا مثل القديــم وصــبرنا عنـوان
طبــاع البــدو ما نركن على الدولة ونحميهـا

تجي ننصح ولانجرح تجي نكتب على الجدران
ســلام الله عــلى اللـي ما يكحلهــا ويعميهــا

علوي الباشا