فوق هام السحب ( الشعر الشعبي) على متن القوافي

‏اشوف القلوب اللي تنافق ماهيب صحاح
‏واشوف النفوس اللي تودد ماهيب اللي

‏على كثر مالي فالخزينه من الارباح
‏احب الفقير اللي على المال ما ولّي

‏عسا اللي يدينه فاللوازم ندية راح
‏بعد من يدينه تحسب المتر والملي

‏تدور الليالي فالعشيه وفالإصباح
‏وانا كل ماجيت ابرد من الزعل غلي

‏عصت نفسي التبرير والشرح والإيضاح
‏لو ان الضمير أكثر من اقول له قل لي

‏ياكم غاليٍ كنت اتوّجد عقب ماراح
‏على جيته ماعاد ارحب ولا اهلّي

‏سلامي على وجه المعزه سلام سلاح
‏وعلى قلبي اللي بآخر الصبر متحلي

‏الى عشت ماني من صدوف الدهر مرتاح
‏والى مت ماني والله بميتٍ كلي

.....

‏يامجمول ما للحب بدٍ من التنويه
‏وانا اللي عجز لا يوصف احساسه لسانه

‏الى قلت احبك لا تجاوب علي بليه
‏احبك ولا ادري ويش أحبك على شانه

.....

‏بشروك بما تحبين يا الحب الوحيد
‏انتي اللي عن جميع البنات مْغايره

‏قفلي باب السوالف بقفلٍ من حديد
‏وقولي احبك وحطي عليها دايره

‏ورافقيني موقفي صعب واحلامي بعيد
‏جعلني ما احلم بحاجات ماهي صايره

.....

من نحرها المنتعم اليا خصرها الملتوي
‏تقول ماليه ابن سعود ماليه

‏في جيدها فوضويه شاعر فوضوي
‏وفي عينها قسوه الفارس وحنيته

‏يهزها الشوق لين تخضر وتستوي
‏وتعيش من حسنه المؤمن ومن سيئته

أثارها بنت حواء فااتنه وتغوي
‏جات تاخذ الثار من ادم وذريته

.....

يالله عسى كل كدّ في رجاك مخلوف
واعوذ بك م الحسايف والزّرى والنّدم

الله يا ما قصَرت النفْس دون الشفوف
واليا بغيت انتهج عيّت تزوع القدم

الله يصيب العدم والله يصيب الظروف
الله يصيب الظروف اللي تجيب العدم

.....