اخترنا لكم شعر نبطي وفصيح

لا شفت أحد طاح لا ترمي سكاكينك
‏الوقت دوّار لا تشمت ولا تضحك
‏
‏بكرة إذا طحت والدمعة ملت عينك
‏بتشوف منهو يجي يضحك على جرحك

.....

لا تخذل الي علق اماله .. عليك
‏خلك .. على قد الهقاوي والثقه
‏
‏انت الوحيد الي بعد ربي اجيك
‏اذا شعرت ب ضيق ولا ب غلقه

.....

لاطارت العجه بريش العصافير
‏وصارت على ميراد الامثال لمّه

‏وفاضة على الساحه علوم المشاوير
‏لا تخطي اعلوم العجاج وتخمّه

.....

من عطاه الله محبة فـ القلوب
‏أشهد أن الله معطيه .. الكثير

‏جعلني لاجيت للناس محبوب
‏وجعلني لاغبت .. مذكورٍ بخير

.....

لي صاحبٍ ماهو يقدر ب الاثمان
‏وفي كل موقف طيب ينشاف بدري

‏اجيه واخطي خاطره بعض الاحيان
‏وازل .. وان زليت ما طاح قدري

‏واحتاج واهوجس واغطرف بالالحان
‏واليا درى ما والله يضيق . . صدري

‏يخلص الشغله والى قلت يا فلان
‏من اللي خلص شغلتي قال مدري

.....

تنشد عن الأحوال يسرك الحال
أرجو كريمٍ ما لنا رب غيره

وينك وذكراك ما غابت عن البال
من بعدكم مرّت أمورٍ كثيره

سؤال جاني طاريٍ وسط الآمال
من هو عشيرك في بقايا المسيره

وش صار بضحكاتك وسهرٍ لنا طال
يوم إني أشوفك في دروبي أميره

.....

‏يا رب تجعل حاجتي منك وإليك
يا خالقٍ سبع السموات والأرض

يا مصرف الاكوان والرزق بيديك
يا من جعلت الخمس في ديننا فرض

يا واحدن ما خاب من كان يرجيك
يا رب تستر حالنا ساعة العرض

لا جا نهارن فيه كل الرجا فيك
ولا فيه بالأعمال سلفه ولا قرض

‏لا تحط راي الناس فالناس مقياس
‏ما يسلم من الناس حتى المسالم

‏بتعرف قصدي لا لحق حالك الباس
‏ثم حطك الله علكه بضرس ظالم

لا تقول مافي قلبهم ذرة احساس
قبلك قد انظلموا من الناس عالم

‏ما قصر التاريخ في ظلم جساس
‏وجساس كان اكرم من الزير سالم

.....

يا حامِلَ الهَمِّ هَذا الهَمُّ مَنزوحُ
أبشِر بِخَيرٍ فَبابُ الله مَفتوحُ

فَارفع يَديكَ إلى الرحمنِ مرتجيا
‏فَكُلُّ بابٍ سِوى الرَّحمنِ مَطروحُ

.....

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير