اخترنا لكم شعر نبطي وفصيح

يضيع الثمن وقت الرخاء والونس والغي
وتصد النفوس عزاز وأفواه أهلها بلم

الاحلام عادي لو ما حققت منها شي
عذابك من أشياء في يدينك وصارت حلم

.....

‏حطيت بافواه الملاقيف مزلاج
وسكرت ابواب الحكي والنميمه

صديت والصده عن الجاهل علاج
يكفي لقانا فالعزى والعزيمه

.....

‏قانع من الدنيا مثل منت شايف
لو هي تجي وتقول طب وتخيّر

ما فيه حاجه تستحق الحسايف
غير الرفيق الطيب إليـا تغيّر

.....

اه ياشباكها فرقى الحبايب من يطيقه
ومن يطيق الحب لاضاعت مواعيده وضعنا

واه ياشباك ريم اللي شرب وجه الحديقه
ذبلت زهور الغرام وضاعت الاحلام معنا

.....

ما حملنا ذلَّ الحياة وفي القوس
نبالٌ أو في الأكفِّ براترْ

يصفعُ الذئب جبهةَ اللّيثِ صفعًا
إن تلاشتْ أنيابه والأظافرْ

.....

‏مَتَى الوُصولُ فَقَد ضَلَّت مَرَاكِبُنَا
‏وَقَد صَدِئنَا وَمَا بَانَت مَرَاسِينَا

‏ذُبنَا اشتِيَاقَاً لِمَنْ نَهوَى وَلَا خَبَرٌ
‏يُحيِي القُلُوبَ وَلَا صَبرٌ يُدَاوِينَا

.....

صبرك على الدنيا ولوكنت مهموم
كثر الزعل ماجاب للنفس راحه

تزعل وترضى والقدر شي محتوم
والعبد يلقى بالتوكل فلاحه

والله كتب للخلق ماكان مقسوم
ماضاقت الدنيا وفيها مساحه

سامح وبايح واترك الحقد واللوم
خلك كريم وفيك عفو وسماحه

.....

تسامحوا ياناس عن كل مافات
حتى لرب البيت يرفع عملكم

ياهل المعزه والوفا والمروات
ما فيه داعي لا يَطَوّلْ زعلكم

لا تسْمعون اقوال حاسد وشمّات
وترى االتّقاطع بينكم من جهلكم

شيطانكم هو صاحب الشر بالذات
وان طعتم الشيطان دربه خذلكم

.....

عطـر المحبـه لك من القلب فواح
الشـوق جمـره والمشـاعر عـبـيره

والعـين من نـورك بها النور وضاح
في شـوفـتـك يـا نـورهـا مسـتنيره

يا سـلـوة الخـاطر وميعـاد الافراح
سحب الغلا من صوب نوك مطيره

.....

يامن تحب الخير وتدور الخير
أحفظ صلاتك يسْعَد الله حياتك

حافظ عليها لا يجي منك تقصير
كانك تبي من كل شرٍ نجاتك

في فعلها تحْصَلْ على كل تيسير
وفي تركها خسران والخير فاتك

ياما بها تملك معزه وتقدير
والخير كله دايمٍ في صلاتك

....