اخترنا لكم شعر نبطي وفصيح

المشاركة الأصلية كتبت بواسطة حسن بن عبدالله

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير

اخي الغالي ومديرنا الرائع
ابو حوفان
اشكرك جزيل الشكر لتعقيبك الجميل
لك مني أجمل تحية وتقدير لا عدمتك

لنا الله يا دنيا بها الضيق والتعب
تزايد علا صدري وحرك مواكبه

لنا الله يا خيبت املنا في الصحب
ومن ضن خايب خاب في وقت نايبه

لنا الله يانفسي لنا فارج الكرب
لنا الله بعد اسنين واظنون خايبه

عليا الحرام ان الشنب دايما شنب
ولا يختلف عن بند سنه وصايبه

ولا يقتلب طبعه ولو وقته اقتلب
ومبداه ثابت مايغير جوانبه

وذاك المثل ذا قالها صح ما كذب
له العار من فلت رفيقه وصاحبه

.....

‏اروع شعور انك تولع بمخلوق
‏تنسئ بحبه حب كل الخلايق

‏تلغي حقوق وتخترع لجله حقوق
‏ولو يطلبك روحك تجيه بدقايق

.....

‏لا تعترض للي طريقه مجنبك
‏ولا تترك اللي فالشدايد يخاويك

‏وإعرف مواجيب العرب قبل واجبك
‏إن كان عقلك في حياتك يقديك

.....

لا تعلمنا عن اللي هرج فينا وقال
‏اعتبرنا لين هالحين ماندري عنْه

‏لو نبا ندنق على الطايح يطيح العقال
‏والعقال اللي على روسنا ما اغلى منْه

‏الجريدة عشر صفحات قيمتها ريال
‏لو كلام الناس محسوب ما هذا ثمنْه

.....

عـز الـقلــوب الوافـيـــه بالشهـامــه
والطيب من دون التسـامح اكـاذيـب

والصاحـب اللي ما يعــــز الكراااامه
لا تصحبه بأي الطرق والاسـاليــب

من لا يـقدر قيـمـتك من مـــقـامـه
لاتقبله مهما بلـغ مستوى الـطــيب

اما الــذي ماشــفـت غير إحــترامـه
ابقــى خوي الذيــــب لارافقك ذيب

الـجـــيـد يبــقــى جيد رغم اتــهـامـه
يبقـى مـــدى الازمان راعــي مواجيب

ذي دايـمـا بالــجـود يمـلك عـلامه
عـزه ضـمـاره بل واغـــلا المكاسيب

والـصــبر نعمه في زمان العدامه
والصدق راحه في زمان الالاعيب

مــن وقـتـنا مـانرتجـي الا الــسـلام
النـــفس مـا تعـشق كثــير المطاليب

.....

طارت طيور الشوق من فوق الأيام
تسبق خطوط الغيم لـ أجمل حليله

يا من هديتي العمر بهجة واستسلام
بعد التعب والهم والمستحيله

أشرق بوجهك صبح زاحف لـ قدام
يطرد ظلامٍ عشت قبلك كفيله

أقسمت لك باللي رفع سبع الأجرام
إنك بـ وسط العين مالك بديله

.....

‏كلن على عرقه يمد المواجيب
وكلن على مرباه ينطق لسانه

ناسٍ تجد فيها الأصاله مع الطيب
وناسٍ تجد فيها الغدر والخيانه

.....

‏ضحيت بالواقع على شان الاحلام
وضحيت بالغالي على شان غالي

حتى الغرام اللي كسر قلبي العام
ماني بحاله كان ماهو بحالي

ماينحسب عمر البنادم بالاعوام
بعض السنين نعيش فيها ليالي

وجه التشابه بين قلبك والايام
القلب خالي والليالي خوالي

.....

‏يالله ثبتنا على دين الاسلام
‏يوم البشر هالوقت زلّت خطاها

‏ثم اكفنا شر الليالي والايام
‏واكتب لنا خير الحياة ورخاها

.....