منتديات قبائل شمران الرسمية


المنقولات الأدبية لكل ما هوا منقول من شعر وخواطر

 

 
أدوات الموضوع إبحث في الموضوع انواع عرض الموضوع

قديم 04-22-2021, 04:06 AM   #1
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي قبل الفطور الديـن يمـلا القنـوات

قصيدة تصف حال رمضان
والاعلام في هذا الزمان ..
اتمنى ان ترقى لذائقتكم .



قبل الفطور الديـن يمـلا القنـوات
وبعد الفطور تروح دنيا بـلا ديـن

يانـاس خافـوا ربكـم فالسمـوات
الارض زدْتوها على طينهـا طيـن

الصايم يحـاول بشتـى الوسيـلات
مايجْرح صيامه بشوف المصابيـن

وانتوا تحشْـدون الجيـوش المعبْـاة
اللـي تهاجـم مـع اذان المواذيـن

مسلسـلاتٍ هابطـه واستمـاتـات
في غرْبلة لحظة فطـور المساكيـن

مهازلٍ تبْنى على ضحْـك ونْكـات
وممثليـنٍ مثـل طقـم المواعـيـن

مايضهـرون الا شهـور العبـادات
وباقي السنين تْقول ماهمـب حييـن

متولّجين اهـل اللحـى والصلـوات
واهل اللحى مـن مهْزلتهـم برييـن

نشوفهـم فـي مجتمعنـا قـداوات
ويشوفهـم راع المسلسـل غبييـن

وممثـلاتٍ مـايـلاتٍ ممـيـلات
يالله دخيلـك مالبنـات المولّـيـن

باعت مذاهبهـا ببعـض الريـالات
او يمكن انباعت ببعـض الملاييـن

حتى ايش لو ركْبت ع آخر موديلات
من يوم ملّت من ركـوب البعاريـن

رزق الشريطيّه على فُطْحـة الشـاة
والشاة تاليهـا علـى حـد سكْيـن

مثل السْلَق على ضهـور الونيتـات
يوم الحبـاري ورّكـت للشياهيـن

خلّـوا عوايدنـا عوايـد خواجـات
والغوا تقاليـد العـرب والمْسلْميـن

باسبابهـم مابيـن حاقـد وشمّـات
صرنا حديث الناس بين الدواوييـن

لابـارك الله فـي عبيـد الملـذْات
اللـي تولّتْهـم عبيـد الشياطـيـن






الشاعر .. سعيد بن مقبل الاكلبي



الحمدان غير متواجد حالياً   رد مع اقتباس

 

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

Powered by vBulletin® Version 3.8.7
Copyright ©2000 - 2021, vBulletin Solutions, Inc. Trans by
جميع الحقوق محفوظة لـ منتديات شمران الرسمية