منتديات قبائل شمران الرسمية


ديوان الشاعر عبدالرحمن بن جروان الشمراني ابونايف تجدون قصائده هنا

إضافة رد

 
أدوات الموضوع إبحث في الموضوع انواع عرض الموضوع

قديم 09-24-2007, 01:30 AM   #1
شــــاعر متمكن
 

الوافي، is on a distinguished road
تلبيه لطلب الاخ (المهلهل) في كرسي الاعتراف (ابيات لها مناسبه)

تلبيه لطلب الاخ (المهلهل) في كرسي الاعتراف (ابيات لها مناسبه)

السؤال السادس
سمعت لك قصيده في احدى المجالس واتمنى ان اسمعها ثانيا وكانت عن قصه في الفيصليه في الرياض
اتمنى ان اجد طلبى


***************
وهذا ردي على سؤال الاخ (المهلهل) حبيت ان البي طلبه اكراما له وللجميع عبر بوح القوافي
***********************

القصه...
كنت في احد الايام في الرياض في سوق الفيصليه برفقة عائلتي واتعبني المشي
فطلبت منهم ان ارتاح في احد الاماكن داخل السوق حتى ينتهون من التسوق وعادتا الشخص الجالس يرى
مالا يراه الواقف لا ادري ان كانت نظراتي قد لفتت انتباه احد ما مما جعل هذا الشخص يتوجه ناحيتي هذا بعض ما حدث وهنا قلت في البدايه اربع ابيات


يابنت صدي عن طريقي وغضي ... طرفك ترى ماني على امري مخير
تعيس حظ ولا معي غير حظي ... ان قام ولا طاح لامره مسيـــــــــــر
خليني امشي في طريقي وقظي ... حاجات نفسا همها ماتغيــــــــــــر
مثلي على ابهام الندامه يعضي ... راحت سنين العمر ماني صغيـــــــر

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ

لكن الموقف ظل عالق في مخيلتي فعيرت عنه بهذه القصيده اللتي طلبتها

ــــــــــــــــــــــــــــ

عادتي ماني فضولي عيني اقصر مداهــــا ... واتحاشى وقفه ماني لها ولاهيب ليـــــــه

لين شفت اللي تعرضلي بنظرات عناهــــــــا ... ويوم طالعته تعمد ركز النظره عليـــــــــــه

جادل شبه القمر قدامها يزها حلاهـــــــــــا ... واثقه من نفسها زينه وكل الزين هيـــــــه

اقبلت مني وخلت كل من كانوا معاهــــــــا ... والله اني خفت منها ون بان الخوف فيــــه

ولا بغيت اصد قلت اشوف هذ وش وراهــــــا ... سلمت بعيونها وارخت عن اللثمه شويـــــه

قلت يالله ياكريم انك تكافيني بلاهـــــــــــا ... وقفتي ماهي على شان اكسب اثام وخطيه

وقفت وستأذنت يازين حكي من شفاهــــــا ... قلت مابيني وبينك معرفه يالاجوديــــــــه

قالت الناس أتعارف كلمه وعندك غطاهــــا ... ودي اسولف معك وأستئذنك من طيب نيـه

شفت بعيونك بقايا احزان وادري ماتراهــــا ... بينه من نظرتك حتى ولوكانت خفيــــــــه

قلت حسبك كل نفس عايشه تحمل شقاهـــا ... ماذبحني حب غالي او عيون نرجسيــــــه

مايذل الرجل غير النفس لا دور هواهـــــــــا ... افهمي معناي كان انك على شكلك ذكيه

قالت اسف مانويت ابحث على نفسك خفاها ... والله اني فاهمه معناك تحسبني غبيــــــه

الله اللي يعطي الارزاق من عالي سماهـــــا ... وانت رجال شقي خلك مع ناس شقيــــــه

وزعلت مني وراحت وتركت حتى ازملاهــا ... والله انه صابني مما حصل في القلب كيه

وضاقت اخلاقي ونفسي وصلتبي منتهاهـا ... ليتني جاملتها ماضنها بنت رديــــــــــــه

اعرف اني عاقل ونفسي يمشيها تقاهـــــا ... حسبك الله يالمكان اللي يسمى الفيصليه

اه يالحظ الشقي رجعت نفسي في عناهــا ... والله ان المضحك المبكي معي شر البليــه



تقبلوا تحياتي جميعا والله يحفظك اخي المهلهل
اخوكم: الوافي



الوافي، غير متواجد حالياً   رد مع اقتباس
قديم 09-24-2007, 02:06 AM   #2
المؤسس الأول وصاحب الفكرة
 
الصورة الرمزية عايض الشمراني
 

عايض الشمراني is on a distinguished road
افتراضي

صح الله لسانك ياالوافي هذه القصيده التي نالت استحسان الكثير

وانا من الناس المعجب بها

وانت كريم لبيت طلب الاخ المهلهل وهو يستاهل بيض الله وجهك ونريد المزيد من هذه القصايد الجميله

وكيفك مع كرسى الاعتراف عسى مرتاح

تقبل خالص التقدير



عايض الشمراني غير متواجد حالياً   رد مع اقتباس
قديم 09-24-2007, 02:11 AM   #3
 

صـوت شمران is on a distinguished road
افتراضي

اقتباس:
اعرف اني عاقل ونفسي يمشيها تقاهـــــا ... حسبك الله يالمكان اللي يسمى الفيصليه

اه يالحظ الشقي رجعت نفسي في عناهــا ... والله ان المضحك المبكي معي شر البليــه
الوافي

صح لسانك يالغالي على هذه الرائعه الشعريه

مبدع الله يعطيك العافيه ويطول بعمرك

واشكر الاخ مهلهل على طلب هذه الرائعة الشعرية



صـوت شمران غير متواجد حالياً   رد مع اقتباس
قديم 09-24-2007, 01:41 PM   #4
 

شهاب is on a distinguished road
افتراضي

صح لسانك

ولاتحرمنا من هذا الابداع

تقبل تحياتي



شهاب غير متواجد حالياً   رد مع اقتباس
قديم 09-25-2007, 11:11 PM   #5
شــــاعر متمكن
 

الوافي، is on a distinguished road
افتراضي

الاخوان الاعزاء (عايض الشمراني ** عايض بن شنيف ** شهاب )

اشكركم جزيل الشكر على ثناءكم وأسعدني مروركم
اما كرسي الاعتراف ماقصرتوا طلعتوا المخبأ والله يعيننا عليكم


تقبلوا تحياتي والله يحفظكم
اخوكم: الوافي



الوافي، غير متواجد حالياً   رد مع اقتباس
قديم 09-26-2007, 12:05 AM   #6
 
الصورة الرمزية بحرالعلوم
 

بحرالعلوم is on a distinguished road
افتراضي

صح لسااااااااااااااااااااااااانك الوافي



بحرالعلوم غير متواجد حالياً   رد مع اقتباس
قديم 09-27-2007, 04:36 PM   #7
 

ابو طلال is on a distinguished road
افتراضي

صح لسانك

ولاتحرمنا من هذا الابداع



ابو طلال غير متواجد حالياً   رد مع اقتباس
قديم 09-29-2007, 04:50 PM   #8
شــــاعر متمكن
 

الوافي، is on a distinguished road
افتراضي

الاخوه الاعزاء (بحر العلوم ** ابوطلال)

اشكركم جزيل الشكر على مروركم
سعدت وتشرفت بذلك


حفظكم الله
اخوكم: الوافي



الوافي، غير متواجد حالياً   رد مع اقتباس
قديم 09-30-2007, 06:33 AM   #9
مشرف سابق
 

سيف شمران is on a distinguished road
افتراضي

شاعر واكبر من شاعر انت الشعر واصله

قصيه جدا مذهلــــــــــــــه الله يعطيك الف عافيه

واتحفنا بهذه الاشعار تكفى************************



سيف شمران غير متواجد حالياً   رد مع اقتباس
قديم 09-30-2007, 11:23 AM   #10
 
الصورة الرمزية الخيال الراحل
 

الخيال الراحل is on a distinguished road
افتراضي

صح لسانك وجمل الله حالك ماقصرت



الخيال الراحل غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
كرسي الاعتراف الرياضي........................................... .. عماد ال مهدي الرياضة والرياضيين 14 04-01-2016 02:21 AM
قوانين كرسي الاعتراف عايض الشمراني كرسي الاعتراف 15 07-22-2012 02:16 PM
الشاعر سعد بن مجبر ضيف كرسى الاعتراف عايض الشمراني كرسي الاعتراف 33 10-26-2007 11:17 PM

Powered by vBulletin® Version 3.8.7
Copyright ©2000 - 2021, vBulletin Solutions, Inc. Trans by
جميع الحقوق محفوظة لـ منتديات شمران الرسمية