منتديات قبائل شمران الرسمية


الخواطر والقصص والروايات يهتم بالخواطر والقصص والنثر التي من نزف الأعضاء

إضافة رد

 
أدوات الموضوع إبحث في الموضوع انواع عرض الموضوع

قديم 10-31-2007, 03:10 AM   #1
 
الصورة الرمزية ريانة العود
 

ريانة العود is on a distinguished road
قصيدة أثارت غضب بنات الخليج

[IMG]نقره لعرض الصورة في صفحة مستقلة[/IMG]

هذه قصيده كتبها احد الخليجين بعد قدومه من المغرب خلونا نشوف وش قال :


ياللي تنشد عن علوم الــــــذي طاف .. كل البحور وكل دوله وديـــــره

خذ من علومي علم اوصافه اوصاف .. جزل سمين يشتعل له ســعيده

الزين عقب المغربيات ينــــــــــــعاف ..غيد لهن بالزين ذكره و ســـيره

فيهن حلا طاغي ولين و تــــــــعطاف .. وفيهن حنان يشعل القلب غيره

حلوات وصف وفاهــــمات بالاعراف .. زيننات منطق صافيات السريره

بنات قوم طيبهم غصــــــــــــب ينشاف .. اولاد مغرب بالليل العســـــيره

ياللي تنشد عن علومي بالانصــــــاف .. هرجي يكفي صامله عن كثـــيره

الزين في لميا وتغريد و الطــــــــــاف .. ماهوب في حصهو كشره و منيره

----------------------------------------------------------------------------



الرد اللى يبرد القلب


قال الذي في بدع الامثال صراف .. جزل يفرق بين درهم وليـــره

ياللي مدحت المغربيات بجـــحاف .. الله يجيرك من عماه البصـــــيره

لو تعجبك لميا وتغريد والطــــاف .. مايصلحن لهل الوجيه الســـــفيره

مفصخات و لبسهم حـول الارداف .. وبليس اغواهم بكشف الستيره

متعودات كلهم زيف وخفـــــــــاف .. على التغنج والتعطف وغيره

كل يوم مع صاحب و لافيهم اعفاف .. خويهم اللي فلوسه كثيره

ترى البضايع عده اشكال و اصناف .. وكل ينوخ وسط سوقه بعيره

عز الله ان الطيب في بنت الاشراف .. اللي على الحشمه تربت صغيره

ولا تبين منها كود الاطــــــــــــــراف .. مثل القماشه فالبحور الغزيره

ياللي تدور بالجواهر و الاصـــــــــداف .. الزين كله في بنات الجزيره

-----------------------------------------------------------------------



وهذا رد للمرحوم طلال الرشيد (( الملتاع )) .. الله يرحمه

يابن الحلال ان طعتني خل الاســـراف .. واترك جمال الغيد لاهل البصيــــره

الزين موبس في الملامح والاوصـــــاف .. الزين روح وعفه وطيب سيــــــــره

مانيب من يهوى سريا وانصـــــــــــــاف .. انا هواي وبس بنت الجزيــــــــــره

بنت الخليج اللي تماري بالاعــــــــراف .. وحنا نماري باسمها كل ديــــــــره

مالي غرام بقول وخا وبالـــــــــــــــزاف .. اذبحتني عند الطرحه المستديــره

احب قولة ياهلا وعل وماخــــــــــــلاف .. من بنت ثوبي بنت الارض النضيـره

اللي تحلاها الظبي حلو الاطــــــــراف .. جمال في عفه ورقه وغيــــــــــــره

واللي بها سحر مهو سحر عــــــــراف .. ياعل عين ماتراها ضريــــــــــــــــره

عطف وحنان وذوق في لين الاعطــاف .. والى كشفت لثامها شفت أميـــره

صعب على اللي بالردي شاف ماعاف .. وحلوه علىاللي سنه الله ضميــره

شمس الى من اشرقت والدجا طـاف .. غابت نجومك غصب لو هي كثيــره

السيف مايزهى سوى كف سيـــــاف .. والخيل دون حصانها مستخيـــــــره

بس أنت دورلك على قدك لحــــــــاف .. وان طعتني دور بدلنا عشيـــــــــره


[IMG]نقره لعرض الصورة في صفحة مستقلة[/IMG]

م ن ق و ل


تحياتـــــــــ ريانة ــــــــــــــ العود ــــــــــــــي



ريانة العود غير متواجد حالياً   رد مع اقتباس
قديم 12-10-2007, 12:11 AM   #2
Photobucket
 

ناظم الهمسات is on a distinguished road
افتراضي

العزيزه /ريانة العود
السلام عليكم ورحمة الله وبركاته
شدني الموضوع واضم صوتي لصوت ردود الشعراء اللذين يدافعوا عن بنت الخليج ويتغنون بحشمتها ونقائها
وسبق ان كتبت قصيده رد على من تهجم كذلك على بنات الخليج واسميت القصيده بنت الجزيره كان الرد على استراليه تستغرب ماللذي يميز بنات الخليج عن غيرهم لكي تجمع فيهم دواوين من قصيد الغزل والهيام وسبق ان انزلتها في منتدى بوح القوافي واجد انها مناسبه كرد مؤازر في هذا الموضوع
(بنت الجزيره)
تساليني يالغريبه عن وصف بنت الجزيره
عن قصايد في حلاها تنكتب طول السنين
تساليني عن مزايا حسنها ذيك الاميره
ماعرفتي في بلادي نصفنا الثاني ثمين
تساليني عن براقع تختفي فيها اسيره
ماظهر منها شعاع للردي ياللي يهين
تساليني عن بلادي والصبا فيها كثيره
كلهم مثل الكواكب تختفي فجأه تبين
تساليني عن حلاهم ناظري شمس الظهيره
وش لمحتي بلغيني عن شموس الطاهرين
تساليني عن عيون بالحلا هي مستديره
والرموش اللي تبارز في فضاها كل حين
والشفاه اللي شهدها ينسكب في كل ديره
من ثنايا من لمحها يطلب المولى يعين
والخصر ياللي تثنا بالغنج في سرب طيره
كنه حضور القصائد في وسط قاف حزين
والدلال اللي نعرفه بالنسا نعرف نديره
دامها بنت الثريا لانوت تفتن تعين
لامشت ترسم خطاها تحتشم في درب غيره
ماتبي تدفن شرفها في وحل من صلب طين
تساليني يالغريبه عن سبب حب العشيره
ماعرفتي في بلادي نفتخر بالطيبين
احترق لو بنت عمي تحترق في نار حيره
وانكسر لو بنت خالي تنكسر في نار عين
جاوبيني لو سمحتي في بلادك يالكسيره
وش عرفتي من كرامه شو تعرفي من حنين
جاوبيني عن صبايا همهم لبس القصيره
والعيون اللي تناظر في عيون العابثين
جاوبيني عن تجمع بالمسا برض خطيره
مابها غير الثمالا والصبا برض الانين
جاوبيني لو سمحتي جاوبيني يالمديره
جاوبيني ليه سكتي ماعرفتي تنطقين
جاوبيني عن علاقه تحتمي فيها الوتيره
تحترق فيها الاصاله في نفوس الفاسدين
للاسف انك سالتي عن وصف بنت الجزيره
ماعرفتي في سؤالك في بلادي تطعنين
البلاد اللي تربع بالقمم في كل سيره
والبنات اللي تلبس بالذهب في كل عين
للاسف ان الاجابه عن بلادك هي قصيره
ماعرفتي في بلادك من رداهم تفخرين
كلمات
ناظم الهمسات

وشكرا على الموضوع وننتظر الاجمل



ناظم الهمسات غير متواجد حالياً   رد مع اقتباس
قديم 12-10-2007, 08:00 PM   #3
 
الصورة الرمزية الشاهين
 

الشاهين is on a distinguished road
افتراضي

مشكوره اختي ريانة العود على هالنقل الرائع
واشكرك على هالقصيده اخوي ناظم الهمسات وصح لسانك



الشاهين غير متواجد حالياً   رد مع اقتباس
قديم 12-11-2007, 01:15 AM   #4
مشرفة سابقة
 

المستحيل is on a distinguished road
افتراضي

ريانة العود يعطيك العافيه يالغاليه وبنظار المزيد............. وصح لسانك ناظم الهمسات تقبلي مروري


نقره لعرض الصورة في صفحة مستقلة



المستحيل غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
قصيدة للشيخ ناصر بن ثواب الشمراني رحمه الله صوت المنتدى ديوان الشاعر المرحوم:ناصر بن ثواب الشمراني 7 03-02-2011 10:08 PM
قصيدة الغامدي في شمران والرد من بن ثواب .. علي الساهري ديوان الشاعر المرحوم:ناصر بن ثواب الشمراني 12 02-26-2010 11:09 PM
قصيدة بنات الريح للأمير خالد الفيصل محمـد ع الرشيـدي المنقولات الأدبية 10 02-13-2009 10:08 PM
قصيدة الحلافي في حرب الخليج abo assaf الخواطر والقصص والروايات 3 07-08-2008 04:33 AM
تعديل في قصيدة الشاعر ناصر بن ثواب (رحمه الله ) ابوحيدر ديوان الشاعر المرحوم:ناصر بن ثواب الشمراني 4 01-03-2008 01:53 AM

Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
جميع الحقوق محفوظة لـ منتديات شمران الرسمية