وش حيلتي لاصار في الناس عدوان !!!!!!!!!!!!!!

قلت فيما قلت :

. . .

. .

.

وش حيلتي لاصار في الناس عدوان

البعض يجفاني بليّا ذنوبي

.

ذنبي انا . . اني من الناس انسان

ما ارضى الخطا والا مجامل كذوبِ

.

عيوب خلق الله باشكالْ والوان

وانا احمد الله يوم قلـّـت عيوبي

.

ماني بكذابٍ ولاني بخوّان

ولانيب في الضحكة غشوش ٍ لعوبِ

.

اعامل الطيّب بحبي والاحسان

ولا معي من فزعةٍ له هروبِ

.

واعامل السافل بصدٍ وهجران

ولاتجي رجله معي في دروبي

.

لو يضحك الغادر بسن ٍ ونيبان

والا يسمّعني كلام ٍ عذوبِ

.

ما ينخدع قلبي اذا شاف الاسنان

كم ضحكةٍ تفنى بهب الهبوبِ

.

وختامها يا الله يا عالي الشان

عطني على النية وحمدك وجوبِ

. . .

شعر

راجي الوصل
. . .

. .

.

فاصلة :

إذا أحببت شخصا ( ما )

فاترك بينك وبينه مسافة حتى لاتخسره !

صح لسانك ولافض فوك
ننتظر المزيد من هذا الإبداع

ذنبي انا . . اني من الناس انسان

ما ارضى الخطا والا مجامل كذوبِ

.

عيوب خلق الله باشكالْ والوان

وانا احمد الله يوم قلـّـت عيوبي


الله الله على هذه القصيده الرائعه جدا ننتظر المزيد من هذا الإبداع

تقبل مروري اخي راجي الوصل

صح لسانك

ع جمال هذي القصيدة الرائعة

شكراً لك

لك الود وباقات الورد


أميرة الورد