قلتهاا و الله لَ البس لي عبايه وآتحنــّى / كان مالي موقف ٍ بين العزاوي و المجنــّه !

بسم الله وحدهـ !!



الفخـر موضوعٌ من موضوعات الشعـر ،، و هوَ أعلاها مقاما ً و أبقاها عمرا ً
و
الصدق أنني أودّ التوسّـع في المقدمه ،، و لكنني سأختصرهاا ،،
فقد حرّمت الفخر على نفسي قبل حوالي السنتين أو ثلاث لأسباب ٍ
كثيرهـ أولها ( دعوها فإنها مُنتنه ) و آخرهاا ( حسنُهُ قبيح ) !!
و القصيدهـ / مطلوبه مني أصلا ً الآن و الاّ أناا مانيب حولهاا !!

أتت هكذا ،، إكراما ً لإخوتي الثلاثه
و للأخ الغالي ،، حسن الدوسي !!


سنّة الله يا خفوق ٍ ذاق غير اللـي تمنّـى،،موتك ازين من حياتك بالرجا و الموت سنّـه
لا حكمْك الوقت حكم اللي على نفسه تجنّى،،و اقفت ايامك تسوق سْنينها صوب المجنّـه
و احتمت سود الليالي غاية القلب المعنّـى،،لا تحرّى من بعَدها رجعة المقفـي و عنّـه
سوّد الله وجه شيخ ٍ عن مطاليبـه تونّـى،،والله انْ يبطي و رجله من مخنّه في مخنّـه
يا حسن كُثر الكلام يْجرّ نـاس ٍ تمتحنّـاا ،،و الله اغنى عن كثير الهرج في كنّه و كنّـه
يا حسن مانيب ادوّر لي بيـوت ٍ و آتغنّـى،،مير لا هبّت هبـوب العـزّ قلبـي هيّضنّـه
يا حسن من وين ما ورّدتها صكّت وطنّـاا،،و انته ادرى وش بقلبي من علوم ٍ مستكنّـه
يا حسن لا جيت اقيّس في جهالة من طعنّاا،،بالقصَب واشغل يدينا عن مقارعـة آلاسنّـه
يا حسن كنّي بْ سُحْب ٍ من دواخين ٍ غشنّاا،،عرّضت لي من شمال يْسوقهاا حنّه و رنّـه
يا حسن لو كـان ثبّيْنـا نعارضهـا فِتِنّـاا،،و اعمَت يْدينا بعَضنا و ارتفع للصوت حنّـه
يا حسن واليا تلثّمنـا يقـول إنَـا جِبِنّـاا،،و انها هيْ من يمين و من يسار ٍ حسْب ظنّه
يا حسن و العزّ ماهوب الهروج اللي تكنّى،،و الفخر ماهوب راس المال ياا من سآل عنّه
و الجنوب اللي في اطرافه نعين وْ مَ استعنّاا،،غير بالقهار ثمّ السيـف لا جـت مستجنّـه
و الله انه خير مما يعمُـرَه منّـا و منّـاا،،كلّ بنّاي ٍ مجيد ٍ لو هـي اسـوار ٍ و جنـه
راسي ٍ ما هزّتَه ريح ٍ عتـيّ و لا حِزنّـاا،،يوم كلّ ٍ له دمـوع ٍ لا تضاحـك يفضحنّـه
موطن ٍ خير القبايل ضمّها نَقـوَه و قنّـى ،،بالرجال اهل الحميّه و القلوب اللـي تحنّـه
قوم ٍ الشرهه تجي لا حدّنا و تروغ عنّـاا،،ما لقت فينا قبـول معلّـق ٍ بالبـاب شنّـه
من ظمى حقر ٍ يعبّ آلاوّله و ان كان ثنّى،،روّح الله لا يـردّه للفنـا ماهـيـب مـنّـه
من يمدّ لْنـا بْفـرد ٍ مـدّت ايدينـا مثنّـى،،خير لاهل الخير و الاّ شـرّ ٍ اليـا حصّلنّـه
ما ربينا في ضلوعه غير عزّ لْ من زبنّـاا،،مَدّة ايدين الزمـان اللـي سوانـا وخّرنّـه
ما مشينا في ربوعه غير موت ٍ قد تسنّـى،،للطويل اللي تقاصَر دونـه رْمـاح ٍ مسنّـه
ما سكنّا غير في روس النوايف لا سكنّـاا،،منزل ٍ ما كلّ من رامَـه عزومَـه فرّعنّـه
نحتميه و له نزين و له نشين ان كان شِنّاا،،منزل ٍ بيض السحايب ضيفـه امّـا ضيفنّـه
من رضعنا ما خضعنا غير للي ساد منّـاا،،بعد ربـك و الله انّـه لـو يورّدنـا مضنّـه
شوكة ٍ ربي خلقنا فَ الحلوق اليـا دهنّـاا،،داهيـة شـرّ ٍ و لا نـدرَى عزيـزٍ قدّرنّـه
ما نعرف الاّ طريق ٍ واحد ٍ لا مـن غِبِنّـاا،،درب ٍ اقشر بين ويل وْ هول بقعاا به مْكِنّـه
جاهليه و العقول اللي بهـا علـم ٍ تدنّـى،،للجهل في قاع ٍ ابعَد من عقـول المستجنّـه
قالها قبل الف عام ٍ واربع مْيَه لـو تهنّـى،،من تهنّى ما يذوق رْماح ( الازد ) و لا تصنّه
و الشِعِر لولا خليل ابن احمد المحسوب منّاا،،في ذرى زهران ينقى غنة ٍ من راس غنّـه
لين ماجت تحت حبر اقلامه بحور ٍ و غنّى،،فاعلاتـن فاعلاتـن فاعلاتـن و اطربـنّـه
ما عرفه اللي قصايده استغاثـت وانتخنّـاا،،سامَح الله الخليل و كـلّ نفـس ٍ سامحنّـه
يا حسن قل للذي جاب العلوم و قد تعنّـى،،و الله انْ تنسِج عليه العنكبوت وْ (توْثِقنّـه)
لا يعلمني بْ ربعي تاجـر ٍ نصّـه و بنّـاا،،نصّه الثاني و كـلٍ لـه جماهيـره و فنّـه
ادري انه ما يقوم و لا يحوم الاّ بْ ( إنّاا) ،،وادري انّ اللي وراه من الرجـاوي سابقنّـه
قلتها و الله لالبس لـي عبايـه و آتحنّـى،،كان مالي موقف ٍ بين العـزاوي و المجنّـه
قلتها و الله لالبس لـي عبايـه و آتحنّـى،،كان ماللشعر بِ حروفي زمـام و لا أعنّـه
خلّ هرج اهل الطبول و نصّ رجال ٍ تثنّـى،،هات علم و خذ علوم النفس دامت مطمئنّـه
يا حسن تمّت عسى الله لا يجازي من طعنّاا،،بالقصب و اشغل يدينا عن مقارعة آلاسنّـه

للشاعر/عبدالرحمن العمري...

منقوووول

شمراني والوفاء عنواني

قصيده جميله ورائعه صح لسان الشاعر العمري والله يعطيك العافيه على النقل تقبل مروري

&*شمراني والوفاء عنواني*&

الله يعطيك الف عافيه على نقل هذه القصيده الرائعه لهذا الشاعر الكبير

سلمت يداك يالغالي

تقبل مروري وتعليقي

اخوك

...سموالمشاعر...

المشاركة الأصلية كتبت بواسطة <الفيصــل>

شمراني والوفاء عنواني

قصيده جميله ورائعه صح لسان الشاعر العمري والله يعطيك العافيه على النقل تقبل مروري

مرورك العسل يالغالي لاهنت.....

المشاركة الأصلية كتبت بواسطة سموالمشاعر

&*شمراني والوفاء عنواني*&

الله يعطيك الف عافيه على نقل هذه القصيده الرائعه لهذا الشاعر الكبير

سلمت يداك يالغالي

تقبل مروري وتعليقي

اخوك

...سموالمشاعر...

مشكور يالغالي على المرور...لاهنت