منتديات قبائل شمران الرسمية


ديوان الشاعر (بن منجيّة الشمراني) جميع قصائد الشاعر بن منجيّة "المعروف بـ دماوي حيل"

إضافة رد

 
أدوات الموضوع إبحث في الموضوع انواع عرض الموضوع

قديم 09-17-2012, 02:03 PM   #1
مشرف عام سابق
 
الصورة الرمزية سعيد بن منجية
 

سعيد بن منجية is on a distinguished road
افتراضي جواب القاف

جا جواب القاف مع عذرا حَدَتني فالمسير = يوم انا باتل وادوِّر من يوصلِّني هناك

في غَدِر ليلٍ عواه الذيب واقفاه الجعير = دبْكها يقرَب ويقرَب حيل ويزيد الدباك

كل ماله لين احِس إنَّه بجنب إذني هدير = تاتي الحمَّى جبيني والشقيقه والوعاك

وفوقي إحمولٍ ومع ذالك يِدِي فيها شطير = من يبي طوحي ليا من قال جيتك قلت جاك

وانا قدني منصدم من واحدٍ ما فيه خير = يكوِّش المجلس علانا بالهروج وبالضحاك

ويْتكلّم فالمبادي ما يوقِّف بالهذير = وكلمة إزهل ما تعدَّا دَرْج لحيه والحناك

وحسن ظنِّي فالرفاقة ما يخلِّيني حقير = لين جتني ذالبنيَّه قالت الدنيا فداك

انا لك حسْب الطلب جيتك على ظهر البعير = قلت يفداك الشويْن انتي من انتي ياملاك

قالت آنا بنت ربعان الّي مع بو بن زهير = وبن زهير وبن ربيعه قبل مالله قد نشاك

والمعرِّي وابن بُرْد وقيس بن اوس وجرير = وابن ثابت والسموأل من هذول ومن ذولاك

وبو جعيدي وابن ظافر والغويد وبن طوير = وابن غرم الله وموسى زين يوم الله هداك

كنت احوف الارض لاجلك فالظلام وفالهجير = وآتوجّد في غيابك وآاترجَّا في وِحاك

لين صِبْتَك وانت غافي صرم حالي فالسرير = وانت ساجي فوق عادي لا عدا عدْوه سباك

باعني يَّاك وشريتك بالحنان وبالحرير = بلمسة إكفوفٍ علاها النقش بإسمك من غلاك

وريح مسْك وعنبَّر وكادي وريحان وعبير = ونور بدر ونبْق سدرٍ حبّةٍ منها دواك

وريق فُل وبرك راش وطعْمها طعم العصير = ينشرب ويصير خمره لا تخالط في شفاك

عندها تصْلب وكنَّك تنتظر مقدم عزير = تنقطف روحك وكلٍّ ياخذ الّي في خباك

منكشف كنَّك بلا ثوبٍ تدوِّر للخَدير = تعجَز إتنادي ولا حولك من الناس إيْحَمَاك

كود انا حولك واطولك مثل ماطول الغرير = والهدايه لين تقوا وإتّباها في قواك

ما ربَح وحْدٍ جنابي فالوريد وفالصدير = وانت جيتك جيتك ابغى ما تبي يالله وهاك

شدّ فوقي فوق رَحْلي شدّ لو تبغى تطير = خل حملك فوق رَحْلي خل حملك لا يطاك

إمتسِك دونك يِديَّه والقلاده والظفير = ولا يمين ولا يسار ولا ورا هذا بلاك

قُدْم قُدْم أمام أمام إهنا هِنا حتى تصير = قُدْم ما لك خلف ولْوحدك بلا ذيَّا وذاك

انت وانت وهِم وهِم وهِم عِمِي وانت البصير = لانت فوق ولانت تحت اقدُم تراني في حَراك

أرقبَك فلا تخلِّي من يرا مثل الضرير = وانت يومك شفتني غيرك ترا يبطي وراك

هذا حِن فوق البحَر والبحْر مآهول وغزير = طربخ إرجولك مع إرجولي ونبحث في مداك

وخُذ نفَس حتى تحِس إنَّك على جرف وقرير = لو تنفَّس طحت, فإصلب لا تفكِّر فالحراك

وإلى حَنّ الصدر حَنَّة مجهمٍ تطلب حِويْر = ما تدُرّ الا ليا جاها الحوَيِّر منيَّاك

الغبوق ابيض, حيا, ما به ولا حبَّة شعير = فيضةٍ تهضابها كل الحشايش والشواك

تضيع لو تلهى لحالك لو تكُن شيخٍ كبير = والمقدِّي فالسما شعرى وثاقب لا بداك

بنتقدَّا في سهيل وبنتعشَّا فالعِصيْر = وكل شِعب وكل بيد فيه عفري جا لفاك

وكل عدّ وكل بير وسيل وقْليب وغدير = جو بعرضه فوق عرضه لين تتلايم حذاك

بالقنا ماهي جنابا والقصايد بالصفير = قبلها طرشٍ تسوقه قم لهِم سوق إبعصاك

ثم تدور الدور في طابور من عود وصغير = كلَّها تجمع علي هرجٍ يكالت في خَفاك

باصدَق الهاجوس جا لك من محادير الضمير = وحْش ماصادف ولاصيدف ولاطرْي وطراك

في فضا, حُرٍّ طليق الساق مافوقه عَمِير = فاوَّل إمقابل بلا ميعاد بالصدفه لقاك

ويوم هو شافك شهَق بالموت وإشهاقة صرير = لو قدر ياكلْك ذاك الوقت ما قصَّر كلاك

ما تعرَّض له نفير وماعترض قبلك نفير = وما توصَّخ بالكذاب وما تنمَّك بالنماك

ما سمَع غير الرَعَد ثم المطر ثم الخرير = وما رِوَح غير الخزاما والشواحط والاراك

لين ترسل بالكلام الّي على الكيف وخطير = وانت لا قلته من النعره ترا العالم لهاك

فقلت هاتك هاته الّي من شهيقك للزفير = إشخَلي زلِّي تولِّي كل مافيني دعاك

فقالت الّي ماجبر خاطرْك خلَّه ما يضير = وإن بدا بالشكل والا الهرج فيحان وغَوَاك

وجات كم فرصه وعيَّت بيض فرسانه تغير = ولاحتمى من سود فرسانٍ طلايقها هلاك

فلا تهقوا مثل ذا بين البشر ولا تحير = دام داريته وحاولته وعيَّا لا يحاك

وحَط قدرك عند راس العير ماكنَّك عشير = فحُط قدره عند ذيل العير لا يطري علاك

من درا جنبه وقفَّا عنك فاليوم العسير = فإدر جنبك عنْه لاتحتار له واعطه قفاك

لا تراعي خايبٍ جبوٍ هدانٍ ما يجير = لو تجي بيته يزرفل دونك الباب وجفاك

وهو غريب وصار بين الناس والعالم امير = دايم الطرقي تهاوا الناس له تبغى اللواك

وماتفرِّق بين فيحان وفحَيِّح فالنذير = تبغى تتلافا المشاكل وقت هيَّات العراك

ما طرَت راس البعير اليا زبد عقب الهدير = البلا من زوره اليا داس به عند البراك

فيا بو هدلا لا تشدّ الحمل بالحبل القصير = خذ رهاوي يلحق الغارب ويوثق بالحباك

وانا في جالك علاك آمن وفي عمرك خشير = آتهقوالك على حلو الشيَم واظهِر حلاك

فلا تخيِّب من تعشَّم فيك ويحبَّك كثير = طعني وحوسه ودوسه وإدهكه باسفل حذاك

قلت سم آمر على خشمي وتحت امرك ذِمير = والله إنِّي طوعك انطق كل كلمه من حكاك

رابعه, ترين يِدينك على جسمي تثير = كامل إشعوري واغيِّب لين ياخذني حِداك

صوتك اجمل من تقاسيم الحساوي مع بشير = يسحب إحساسي مع المسحوب واتنفّس هواك

فالقرار وفالحراك وفالطلوع وفالحَدير = دلّةٍ ريقت على فنجال وجْدايه جداك

شفت فعيونك وانا شابح لها عدٍّ غوير = منهجر كنَّه هلالي فوقها قصَّة حجاك

من رما ماضن رما ماينفع الحبل الجرير = هو بدل ماياخذ اثْرَه قام مايدري عطاك

مات فيها اكثر من الّي مات من وقع الجفير = والّي مات ارتاح مير الّي نشِب واصبح معاك

وين ماتلقين يلقى وين ما ذرتي يذير = كل جُرَّه فوق جُرَّه والخِطا على خِطاك

والمهيجن لا تهيجن زاع بالصوت الجهير = يشكي اوجاع المشاعر والتوجّد والهماك

فيا ربيع القلب لك فالقلب مجعاد وحصير = وياربيع الراس من شر العباد الله يقاك

فزعتك حطَّت همومي مابقا منها اليسير = وبرّدت كبدي مخاييلك وفحْواك وحَياك

واليسير الّي بقا لازم له إمعاود وزير = ينفض الناشب بصدري من لزاليز وحساك

والرّدي عندي مشاذيبه وانا عقبك خبير = حتى لو يبعد بَصيبه بالشخاف وبالرماك

الرّدي ماله مكان الا لحاله في حَضير = يقعد إيلاوِك سنونه ويْتعالك بالعلاك

إزهلي يا رابعه ما دام انا جنبك جوير = ما عزمت اخذ علوم الخلق يحرم من سواك

والله الله فالقدوم اليا غدَت نارك دهير = لا بردت إهبي تعالي وآتدفَّا من صلاك

رابعه, قالت عِفيت اليوم وإعلومك بخير = ما سلا يا بنت ربعان الهجوس الا عِفاك



سعيد بن منجية غير متواجد حالياً   رد مع اقتباس
قديم 09-17-2012, 02:35 PM   #2
مدير المنتدى سابقاً
 

محمـد ع الرشيـدي is on a distinguished road
افتراضي رد: جواب القاف

صحت لسانك
مبدع كعادتك



محمـد ع الرشيـدي غير متواجد حالياً   رد مع اقتباس
قديم 09-17-2012, 02:57 PM   #3
 
الصورة الرمزية معقل العصاه
 

معقل العصاه is on a distinguished road
افتراضي رد: جواب القاف

صح لسانك شاعر مبدع رائع بكل ماتعنيه الكلمه من معنى الف شكر لك
تقبل مروري



معقل العصاه غير متواجد حالياً   رد مع اقتباس
قديم 09-17-2012, 03:25 PM   #4
مشرف عام سابق
 

abo assaf is on a distinguished road
افتراضي رد: جواب القاف

صح الله لسانك

دائما متميز يا أبوهديل ما شاء الله عليك



abo assaf غير متواجد حالياً   رد مع اقتباس
قديم 09-17-2012, 07:10 PM   #5
اداري سابق
 

محمد مزهر is on a distinguished road
افتراضي رد: جواب القاف

صح لسانك وفقك ربي



محمد مزهر غير متواجد حالياً   رد مع اقتباس
قديم 09-18-2012, 02:26 AM   #6
نائبآ ثاني للمدير العام والمستشار العام للمنتديات و الصحيفة
 
الصورة الرمزية شيهان شمران
 

شيهان شمران is on a distinguished road
افتراضي رد: جواب القاف

صح الله لساااانك يالعديل

ابحرت حيث صعاب المفردات



شيهان شمران غير متواجد حالياً   رد مع اقتباس
قديم 09-18-2012, 06:08 AM   #7
مؤسس وعضو المجلس الإداري الأعلى
 

عبدالله علي بركي is on a distinguished road
افتراضي رد: جواب القاف

من روائعك التي لاتمل ومفرداتك التي جيرت لك وحدك لاتطيع
هذه المفرات الا انت٠
انت رائع ومتميز٠



عبدالله علي بركي غير متواجد حالياً   رد مع اقتباس
قديم 09-18-2012, 07:58 AM   #8
اداري عام سابق
 
الصورة الرمزية أميرة الورد
 

أميرة الورد is on a distinguished road
افتراضي رد: جواب القاف

صح الله لسآنك

أبيآت جداً رآئعة

لك آلود وبآقآت آلورد


نقره لعرض الصورة في صفحة مستقلة
أمـــيرة الـــورد



أميرة الورد غير متواجد حالياً   رد مع اقتباس
قديم 09-19-2012, 11:12 PM   #9
مشرف سابق
 
الصورة الرمزية رافع الهامة
 

رافع الهامة is on a distinguished road
افتراضي رد: جواب القاف

صح الله لسانك

دائما متميز يا أبوهديل ما شاء الله عليك



رافع الهامة غير متواجد حالياً   رد مع اقتباس
قديم 10-12-2012, 09:43 AM   #10
مشرف عام سابق
 
الصورة الرمزية سعيد بن منجية
 

سعيد بن منجية is on a distinguished road
افتراضي رد: جواب القاف

مدير منتدانا الغالي محمد الرشيدي

صح بدنك ولاهنت على مرورك الجميل ولا عدمناك يالغالي وبكم يكتمل العقد

تحياتي ودمت سالما



سعيد بن منجية غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
{ نيابتآ عني وعن محبين ابو مشاري رسالة حب اكتبها من دموعي على المنديل الى حظرة جناب اللي اوده سيدي الغالي سعادة اللواء الطيار الركن سعد بن فالح } المستعين بالله الزواجات والأفراح والتهاني لقبائل شمران 8 12-05-2012 01:24 AM
ما سبب هجوم الشيعه على العريفي قد يكون هنا جواب عاشق باشوت المنتدى العام 3 11-26-2010 06:45 PM
هل تود مشاهدة جنة من جنات الخالق في الارض ( ياالله) الجابعي السفر والسياحة والرحلات البرية 11 11-11-2009 02:59 PM
سؤال يبحث عن جواب مكاويةشمران الترحيب و الضيافه 8 03-28-2009 04:12 PM
أوزنجول التركية جنة من جنات الرحمن في الارض.... د. ماجد ال غريب الصور والمناظر الطبيعية ومقاطع الفيديو 9 09-02-2008 06:00 PM

Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
جميع الحقوق محفوظة لـ منتديات شمران الرسمية