منتديات قبائل شمران الرسمية


القصائد الصـوتية والمرئية ( قصائد صوتية بدون زير )

إضافة رد

 
أدوات الموضوع إبحث في الموضوع انواع عرض الموضوع

قديم 10-20-2012, 03:00 PM   #1
 
الصورة الرمزية معقل العصاه
 

معقل العصاه is on a distinguished road
المبانـي








جابك الله من غياب ٍ ضيّـق صـدور المبانـي ::: قبل لا الوحشه تزعزع بيتـك الصلـب وتبيـده

بيتك اللي من رحلـت وكـل جدرانـه تعانـي ::: ماتحمـل ينتظـر شهريـن وعيونـك بعـيـده

الله العالـم لـو إنـك جيـت متأخـر ثوانـي ::: ماتشوف إلا بقايـا مـن حصـاه ومـن حديـده

من عرفتك وأنت تايه من موانـي لـي موانـي ::: وتارك ٍ قلبي مولّـع مـن وقيـده فـي وقيـده

ضاعـت سنينـي أحـد بهاليالـي وتحـدانـي ::: وأنت ماتشبع غيـاب ولاتخـاف مـن النقيـده

ودي أتحمـد لـك الله بالسلامـه , مامـدانـي ::: كل ماتوصـل برحلـه ترجـع برحلـه جديـده

دام تدري كـل وجـه ٍ غيـر وجـه الله فانـي ::: ياخي أكسبلك ثواب وخاف ربـك فـي عبيـده

كان فينـي عيـب قلي:فينـي العيـب الفلانـي ::: كان هرجي مزعلـك فـي شـي قلي:لاتعيـده

عيب تصغر في عيوني وأنت برقـاب الغوانـي ::: كيف تستسهل طعوني وأنت خابرنـي وليـده ؟

لعنبوك أن مت بيدك من يفكك مـن أخوانـي ؟ ::: لحزنوا ربعي على فرقـاي شاللـي تستفيـده ؟

أنت منت اللي عشقته أنت أكيـد انسـان ثانـي ::: ليه صرت بهالبـرود وبهالاحاسيـس البليـده ؟

وين حبك للزعـل .ويـن العنـاد الأولانـي ؟ ::: وين حنّية زمـان وفرحـة العمـر الرغيـده ؟

وين ذاك اللي اليا أقبـل مايبـات إلا بمأنـي ؟ ::: وين راح اللي اليا أقفـى مايـروح ألا فقيـده ؟

واحد ٍ مـن جابـه الله بـس يامـر ويعصانـي ::: الوحيد اللي أخافه غصب وأمشـي معـه سيـده

(مابغيت أطيـح بيـده) ليـن ماربـي بلانـي ::: ولا أنا لو هي بكيفـي (مابغيـت أطيـح بيـده)

ذاك بس اللـي يامـن جيتـه يلخبـط كيانـي ::: اللـي بنظـره ينشـف دم قلبـي فـي وريـده

قبل أشوفه أجمع اله أحلى القصايـد والمعانـي ::: وأن لقيته ماعرفـت أقـول لـي جملـه مفيـده

الف مـره قبلـه أعـد القصيـده مـن لسانـي ::: ولعنبوه أن جيت عنده قمت أخربـط بالقصيـده

أمدحه وأنـا أدري أنـه لـو تباطانـي نسانـي ::: أنطحه وانا أعرفـه مجنـون وأفكـاره عنيـده

من يسوي بي سواتك يالرهيـف الاسمرانـي ؟ ::: منهو من الناس غيرك غلطته ترفـع رصيـده ؟

من يقص(جناح طيرك)وأنت أعز أنسان جاني ؟ ::: ليه أخاف(رماح غيرك)وأنت ضرباتك سديده ؟

ان تبعتك .أتبعك مـن طيبـي وواسـع بطانـي ::: ولا أنا لاجيـت أكيـد انسـان عـزالله بكيـده

أقدر أنزع لك ثيابـي وألبـس ثيـاب الأنانـي ::: وأقدر أطلع من عذابي والعب بـدورك وأجيـده

ومستعد أكسب رهاني لو بغيت أكسـب رهانـي ::: وأخدعك بحساس كاذب وأتحـدى مـن يصيـده

أبك أنا لي شفت خلّي حط غيـري فـي مكانـي ::: والله إني لتركه وأن صـد لعشـق سيـد سيـده

جيت مابيك تحقرني جيت أبيـك تعـز شانـي ::: جيت أبي فزعة ظلوعك من مشاعـرك البليـده

خلني داخل (حدودك) وأجبـر بخاطـر زمانـي ::: أكذب بباقي (وعودك) وأصدق بلحظـه سعيـده

أنتشلني مـن (بـرودك) لـو تولّـع بالمحانـي ::: عطني أحساس (بوجودك) وأخذ كل اللي تريـد

تكفى واليا قلت :تكفى بيـع خلـق الله عشانـي ::: لاتضيّع من يدينـي فرصـة العمـر الوحيـده

يعلم الله شفـت منـك ومـن غيابـك ماكفانـي ::: كـان ماتقـدر تخفـف هـم قلبـي !! لاتزيـده

شف غيابك وش يسـوي بالصـدور وبالمبانـي ::: وأنت تدري كيف كانت صدمت غيابـك شديـده

والله أنك لـو وصلـت البيـت متأخـر ثوانـي ::: مالقيت إلا بقايـا مـن حصـاه ومـن حديـده

:::::::::::::::::::::::::::::::::::::::::::::::
كلمات : حامـــد زيـــد





معقل العصاه غير متواجد حالياً   رد مع اقتباس
قديم 10-20-2012, 08:54 PM   #2
 
الصورة الرمزية كنتاكي
 

كنتاكي is on a distinguished road
افتراضي رد: المبانـي

قصيدة في قمه روووعة
اليك أ كتب واصابعي ترقص على لوحة المفا تيح
تعلم انها تكتب لك(أعجبتني سلمت اناملك...معقل العصاه)






كنتاكي غير متواجد حالياً   رد مع اقتباس
قديم 10-27-2012, 03:00 PM   #3
 
الصورة الرمزية معقل العصاه
 

معقل العصاه is on a distinguished road
افتراضي رد: المبانـي

اقتباس:
المشاركة الأصلية كتبت بواسطة كنتاكي مشاهدة المشاركة
قصيدة في قمه روووعة
اليك أ كتب واصابعي ترقص على لوحة المفا تيح
تعلم انها تكتب لك(أعجبتني سلمت اناملك...معقل العصاه)


كنتاكي
لك كل الود والاحترام على مرورك الرائع



معقل العصاه غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
جميع الحقوق محفوظة لـ منتديات شمران الرسمية