يابو عبدالله على الهاص يوم انزل سبيت ** عذري اكبر من ملامك ومشروه امهدي

يابو عبدالله على الهاص يوم انزل سبيت
عذري اكبر من ملامك ومشروه مهدي

عذري اني من لعبنا وانا انزل مادريت
وش نزلت وكم نزلت وكم اللي في يدي

جالس معكم مهوجس وسجيت وسريت
رحت كلي مابقى الا عيوني واجسدي

ضاربن لي وادي لضربته ما صحيت
لين يندهلي بساط الجليس الاحمدي

وادين منشاه نجد ومصبه في الكويت
فيه اغرب و واتمادى واهوجس واغدي

وأتذكر من عليها قصيدي بيت بيت
يرد ميراد الضوامي على جال المدي

جادلن نسيانها بين لو وبين ليت
وان تهقويت المواصيل يا قل اجهدي

وكل ما كني دلهت وتشاويت ونسيت
هب نسناس الشمال وتذكرت اوعدي



للشاعر العملاق ضيدان بن قضعان

الله يعافيك