منتديات قبائل شمران الرسمية


المنقولات الأدبية لكل ما هوا منقول من شعر وخواطر

إضافة رد

 
أدوات الموضوع إبحث في الموضوع انواع عرض الموضوع

قديم 09-17-2014, 10:41 PM   #1
 

همس القوافي is on a distinguished road
افتراضي إستعدي يابيوت الشعـر موقفنـا خطيـر

إستعدي يابيوت الشعـر موقفنـا خطيـر
قامت الغربـان تفـرد فالسمـاء جنحانهـا

ذا يطير وذا يحـط وذا يحـط وذا يطيـر
نوب في روس الجبال ونوب في وديانهـا

ما درت بإن الجبل راسي فالأول والأخيـر
ثابت وما همتـه لـو ناعقـت غربانهـا

والحمول اليا ثقلت ما يبرك لها الا البعيـر
والدروب الكايـده حنـا نعـرف حصانهـا

والخطايا تندفن في قاعـة البحـر الغزيـر
والمعـزه والغـلا مـا سكـرت بيبانـهـا

تستدير أيامنا مثل الرحـى اللـي يستديـر
والبيوت الخايبـه تهـدم علـى سيسانهـا

من زرع خير لخلق الله يجازونـه بخيـر
ومن زرع شر لخلـق الله لقـى عدوانهـا

ومن رفع قدر الصغير وقام في حق الكبيـر
شاخ في العربان لو هي واجـد شيخانهـا

والبلا كل البلا من راس معـدوم الظميـر
النجاسـه وسـط قلبـه تشتعـل نيرانهـا

بالنميمه أصبح لسانه كما السيف الشطيـر
وأطلق لنفسه على سب الرجـال عنانهـا

كنه اللي كل عصر بين خلـق الله تسيـر
وبالحكي فأعراض خلق الله تعلج لسانهـا

ما سلم من دندنتهـا لا كبيـر ولا صغيـر
ومن نجاسة قلبها تاكـل لحـوم أخوانهـا

وما يسوي ذا السواة إلا الردي وألا الغرير
الرجل مـا يقـرب الهزلـه ولا ميدانهـا

ومن يقول إبن آدم مظهره لفـواده سفيـر
كلمته ذي ما أعتقد يرجـح بهـا ميزانهـا

مأكثر اللي في حشاها تحمل الحقد الكثيـر
غير تخفي حقدها بإظهار ظحـك أسنانهـا

والزعل مابينها وبينه سوا سلـك الحريـر
بأتفـه أمـر يعترضهـا ينفجـر بركانهـا

يالله إني بك من ضعاف الروابع أستجيـر
عالـم ضاعـت وقـام يقودهـا شيطانهـا

وطالبك تنعم علي بخوة الرجـل البصيـر
الفهيم اللي يحـب مـن العلـوم سمانهـا

خوته بالوصف شعله من سناهـا نستنيـر
وتدفي وتبطي وهي مـا رمـدت عيدانهـا

أطيب من اللي على وصف النبي نفاخ كير
كنه الأثلـه مـن شعلهـا عاقبـه دخانهـا

يهدر ولامن ثقل حمله رغى عقب الهديـر
والوفاء والطيب عنـده ضايـع عنوانهـا

له عيون مبصره لكن لـه قلـب ضريـر
والقلوب اليا عمت ما فاد شـوف أعيانهـا

وقرب مثله ياهل الألبـاب شـر مستطيـر
حية مـن قـرب منهـا عضتـه نيبانهـا

ويش أبي به دام له في كل ساعه وجه غير
الله إنـه يقلـع الشجـره علـى ديبانهـا

بأترك العـد المغثـرب وأتهيـأ للصديـر
ما أبغي ضعـاف الروابـع لا ولا بلدانهـا

أبغي اللي عنده الأسرار كنها وسـط بيـر
حتى لو هي هينه يحرص علـى كتمانهـا

وأبغي اللي لا بدا لي حاجة فأمـر عسيـر
قال تبشر بالسعد وأزهل ويقظـي شانهـا

صاحب مثل الأخو نصاح وحـزام وشويـر
وطلق اليا عقدت بعـض العـرب حجانهـا

وإن بغاني والله إن أصير اللي ما يصيـر
لو أولف له أسود الغـاب مـع غزلانهـا

لأنه بتقديري وفزعاتـي ومدحـي جديـر
والنفوس اليا أحسنت تجزى بقدر إحسانها

وفي الختام أحب أكـرر كلمتيـن فالأخيـر
علها تحفـظ ولا يمكـن لأحـد نسيانهـا

من زرع خير لخلق الله يجازونـه بخيـر
ومن زرع شر لخلـق الله لقـى عدوانهـا

ومن رفع قدر الصغير وقام في حق الكبيـر
شاخ فالعربان لـو هـي واجـد شيخانهـا

مــــــــنـــــقــــــول



همس القوافي غير متواجد حالياً   رد مع اقتباس
قديم 09-18-2014, 01:38 AM   #2
نائبآ ثاني للمدير العام والمستشار العام للمنتديات و الصحيفة
 
الصورة الرمزية شيهان شمران
 

شيهان شمران is on a distinguished road
افتراضي رد: إستعدي يابيوت الشعـر موقفنـا خطيـر

همس القوافي.
نقل رائع جدا سلم وجدانك وبنانك

شـكــ وبارك الله فيك ـــرا لك ... لك مني أجمل تحية .



شيهان شمران غير متواجد حالياً   رد مع اقتباس
قديم 09-18-2014, 08:34 AM   #3
 

همس القوافي is on a distinguished road
افتراضي رد: إستعدي يابيوت الشعـر موقفنـا خطيـر

اسعدني تواجدك ....وتشريفك المتصفح
تحياااااااااااااااااااتي لــــــــــــك



همس القوافي غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
الفراعنه : مـا كتبـت الشعـر يـا نـور عينـي مـن فــراغ abo assaf الخواطر والقصص والروايات 6 03-07-2009 03:34 PM
فيروس خطيـر موجه خصيصاً للعرب انتبهوا منه عبدالله الساهري الكمبيوتر والأنترنت 8 06-11-2008 08:54 PM

Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
جميع الحقوق محفوظة لـ منتديات شمران الرسمية