منتديات قبائل شمران الرسمية


بـوح الـقـصيد للشعراء الأعضاء يختص بالشعر الغير منقول للاعضاء المسجلين

إضافة رد

 
أدوات الموضوع إبحث في الموضوع انواع عرض الموضوع

قديم 01-01-2008, 01:19 PM   #1
Photobucket
 

ابو معاذ الغضنفر الأكلبي is on a distinguished road
افتراضي من مخيل الفكـــــــــــــــر

أحبتي اليكم هذي المتواضعة للتواصل معكم


من مخيل الفكر والفكر المخيل=ترتوي نجد وتهامة والسراه
يوم بان بضيحة البرق الهميل=كنّه حبال(ن) من أرضه لى سماه
شدّها عتل(ن) وفيها شوي ميل=حسب حالة طقسه ووجهة هواه
من خيال الشاعر الفذ الأصيل=من ورد له ظامي(ن) يقطع ظماه
مرجهن براسه النّو الثقيل=دندنت الافكار فيه وصب ماه
كل مادندن رعد فكره يسيل=يتعب ذباب القلم يلحق مداه
من يلوم الشاعر، الشاعر هبيل= لاتهيّض جاء بكل اللي وراه
وانا شاعر فيّ من هذا القبيل=أشعب الذلول في كل اتجاه
والذلول تخب في روض(ن)خميل=ماتجيب الا سمين(ن) من ظباه
رعيها من صلّيان ومن شتيل=وربلة ورقروق(ن) يقطّر نداه
أشبع الضيفان بالمد الجزيل=شرد(ن)ترعى بقفر(ن) في فلاه
في زمان النعمة -- الضيف البخيل=من يجيني ضيف وادسّم عشاه
خابت أم المستحي ، وأم الذليل=شاعر(ن) مايفتح لغيره فضاه
من دخل في عالمي عابر سبيل=شاف في داخل تضاريسي حياه
شاف له وجه(ن)طفولي جميل=ساهي(ن) طرفه وهو ما به سهاه
صايد(ن) قلب(ن) ورا الضلع الطويل=مثل صيد الصقر كدريّ القطاه
وشاف له نبتة وفا ، والمستحيل=كان ما سمعت أذانيه آه، وآه
والله ان احن مثل أم الفصيل= اللي فرس حوارها، وهي تراه
يا وجودي منك يا ذاك العميل=اللي أغليت الاوادم من غلاه
كان ما رويتني من سلسبيل=حبك العذري دنا وقت الوفاه
انتظر موتي مثل موت النخيل=من سنين القحط، من شح المياه
ياخليلي ما معي غيرك خليل=النجاة ان كان به باقي نجاه



ابو معاذ الغضنفر الأكلبي غير متواجد حالياً   رد مع اقتباس
قديم 01-01-2008, 07:54 PM   #2
عبدالرحمن بن جروان مؤسس ونائب رئيس المجلس الإداري الأعلى
 

ابونايف الشمراني is on a distinguished road
افتراضي

من يلوم الشاعر، الشاعر هبيل= لاتهيّض جاء بكل اللي وراه
وانا شاعر فيّ من هذا القبيل=أشعب الذلول في كل اتجاه
ـــــــــــــــــــــــــــــــــــــــــــــــ
أشبع الضيفان بالمد الجزيل=شرد(ن)ترعى بقفر(ن) في فلاه
في زمان النعمة -- الضيف البخيل=من يجيني ضيف وادسّم عشاه
ــــــــــــــــــــــــــــــــــــــــــــــــــ ــــــــــــــــ

كفو يالغضنفر الاكلبي

شاعر صاحب كلمات جزله تذكرني قوة ابياتك
بشاعر الجزيره العربيه بن جدلان الاكلبي ..

ونعم بكم جميع يشرفنا هذا التواجد والحظور والقصائد الجزله
من امثالك في منتدانا اخي الكريم


اخوك ابونايف الشمراني



ابونايف الشمراني غير متواجد حالياً   رد مع اقتباس
قديم 01-01-2008, 08:48 PM   #3
مراقبة سابقة
 

دانة شمران is on a distinguished road
افتراضي

الله يعطيك العافيه ابو معاذ

فعلا قصيده رائعه وكلماتها جزله ورنانه

تقبل مروري
دانه



دانة شمران غير متواجد حالياً   رد مع اقتباس
قديم 01-02-2008, 12:08 AM   #4
Photobucket
 

ناظم الهمسات is on a distinguished road
افتراضي

اخي العزيز /ابو معاذ الغضنفر الاكلبي
السلام عليكم ورحمة الله وبركاته
ماذا عساني ان اقول حارت الكلمات وتخافتت الهمسات اما هذه الرائعه
اخي العزيز انت متأثر بالمدرسه الجدلانيه تلك المدرسه التي نسجت الجزاله حتى نكاد نشمها في كل ارجاء بيشه وشعرائها وهاهي الجزاله تفوح من ابياتك الجميله كما عودتنا دائما

من دخل في عالمي عابر سبيل=شاف في داخل تضاريسي حياه

وبما ان تخصصي جغرافيا فانني اقول لك ان تضاريسك الشعريه تمتاز بالارتفاع في كمية الابداع والامتداد في المساحه الانتاجيه للكلمات واعتدال واضح في تطعيم القصيده بالصور البلاغيه وارتفاع في درجة الجزاله الى حد تعرق المستمع من شدة الاعجاب

اخي العزيز اسمح لي ان اهديك هذه الابيات من قصيده اعمل عليها حاليا عربون محبه لك ولاهل بيشه اجمع

استهلي ياسحايب وانثري عذب المزون
بللي بيشه بمزنك وأنعشي أركانها
بيشة النخل الأصيلة ماتغيرها السنون
ملهمة كل الرجال اللي ربو بأحضانها
تجتذب مني القصائد من وسط موق العيون
كنها نجلا تداعب بالغنج فتانها
صفحة التاريخ خطت من مواقفها متون
تحفظ الأفعال بيضا من قديم أزمانها
اكلب احتلوا المعالي رددو فيها لحون
وشحوا الثنيه قلايد وانصفوا سكانها
تقبل تحياتي
اخوك
ناظم الهمسات



ناظم الهمسات غير متواجد حالياً   رد مع اقتباس
قديم 01-03-2008, 10:22 PM   #5
Photobucket
 

ابو معاذ الغضنفر الأكلبي is on a distinguished road
افتراضي

اخي الكريم/ابو نايف

مجرد مرورك فخر لي

ويسعدني ان اتواصل معكم

شكرا على الاطراء



ابو معاذ الغضنفر الأكلبي غير متواجد حالياً   رد مع اقتباس
قديم 01-03-2008, 10:24 PM   #6
Photobucket
 

ابو معاذ الغضنفر الأكلبي is on a distinguished road
افتراضي

دانة شمران

اصلا مجرد اسمك يحفز في نشوة الشعر

اشكر لك مرورك اختي الكريمة



ابو معاذ الغضنفر الأكلبي غير متواجد حالياً   رد مع اقتباس
قديم 01-03-2008, 10:30 PM   #7
Photobucket
 
الصورة الرمزية ضيف الله العامري
 

ضيف الله العامري is on a distinguished road
افتراضي

في زمان النعمة -- الضيف البخيل=من يجيني ضيف وادسّم عشاه
خابت أم المستحي ، وأم الذليل=شاعر(ن) مايفتح لغيره فضاه


مليووووووووووووووووووووووووون صح لسانك



ضيف الله العامري غير متواجد حالياً   رد مع اقتباس
قديم 01-04-2008, 08:46 PM   #8
Photobucket
 

ابو معاذ الغضنفر الأكلبي is on a distinguished road
افتراضي

استاذي ناظم الهمسات

أنت رجل كريم قبل كل شيء

ولايستغرب منك أنت وقبيلتك شمران هذا الكرم اللي خصيتني به

وتعليقاتك على مشاركاتي تسعدني كثير

لأني احس انك دخلت معي وشفت بعيونك الصورة اللي حاولت ابرزها أنا في شعري

وهذا لانك شاعر متمكن ومثقف

وهديتك أو القصيدة اللي مابعد أكملتها وسام شرف لي ولربعي الا ربعك أنت أكلب

ولما تكملها ان شاء الله لي فيها وجهة نظر

واما بخصوص اني متأثر بالشاعر العلم ابن جدلان فمن من شعراء الجزيرة لم يتأثر به

بل أني انتقص نفسي أمام هذا العملاق ولذلك قلت من قصايد لي سابقة أورد لك بعض أبياتها كدليل على هذا الشعور:

اقول يالساني تبين الصراحة=الشعر في وادي وحنا بوادي
غير اقصري يالساني الهرج وامسي=ضيقتي صدور العرب بالدوادي
مادام ابن جدلان حي ويرزق=مالي نصيب في طلوع المبادي
خرب علينا بضاعته يشترونها=وحنا بضايعنا طواها الكسادي
في شعر ابن جدلان للناس متعة=متع بها رب العباد العبادي
من ذا الغبي اللي سمع من قصايده=ويروح يعجب في قصيد (.......)
شعارنا في المملكة في خليجنا=كل يصيّح في خلاه وينادي
وده بجمهور يصفق لحضرته=بالغصب والرجال تايه وغادي
وسعد جماهيره تصفق لحضرته=تصفيقة اعجاب بكل الايادي

الى الاخر

كما قلت من قصيدة اخرى

اتحدى شاعر يعرف الشعر الجزيل=مايحطك يابن جدلان باول منزله
انت نجم في سما الشعر ما جاء له مثيل=انت وسط الشعر وانت اخره وانت اوله
كل بيت فيه من نسقة البرني دليل=اعرف انه لابن جدلان وانه مرسله
يالذي ماتعرف الشعر والمعنى الاصيل=اتركه للي يقول ازهل المعنى ازهله

الى الاخر


ومع ان في رأيك يا استاذي شي من الحقيقة من ناحية تأثري ببن جدلان

الا انه تأثر محدود ولهجت ابن جدلان هي لهجة القبيلة وانا اشاركه فيها مثل ابنائها الاخرين

ولكن فيه شعراء من قبايل اخرى لهجتهم مختلفة قلدوا ابن جدلان في كل شيء حتى في لهجته اللي هي لهجت أكلب بالذات اللهجة البدويه القويه الناصعة ذات المفردات الجزلة وهي لهجة تختلف الى حد ما مع القبايل المجاورة حتى في بيشة نفسها فهي تختلف عن لهجة شهران

وهذا شرف لنا لانتضايق منه

حفظك الله يا ابراهيم واسف على الاطالة



ابو معاذ الغضنفر الأكلبي غير متواجد حالياً   رد مع اقتباس
قديم 01-04-2008, 09:08 PM   #9
 

سلطان الأكلبي is on a distinguished road
افتراضي

ابو معاذ لافظ فاك وفالك المليون والبيرق ولافيك حيله يالقرم

جعلك والله تسلم يالذرب قصيدك مليان بالجزاله وانت دائم جزل


مشكور من اعماق قلبي


ولك تحياتي



سلطان الأكلبي غير متواجد حالياً   رد مع اقتباس
قديم 01-05-2008, 03:14 PM   #10
Photobucket
 

ابو معاذ الغضنفر الأكلبي is on a distinguished road
افتراضي

الشاعر/ضيف الله العامري



بيض الله وجهك على المرور وبالتاكيد مرورك مختلف



ابو معاذ الغضنفر الأكلبي غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
مدخل <^^^> مخرج معقل العصاه السفر والسياحة والرحلات البرية 6 07-07-2013 01:54 AM
أدخل واختااااار ؟؟؟؟ بن بركي دوت كم المنتدى العام 2 11-08-2010 09:15 PM
-::أدخل عرفنا بنفسك::- عبدالله بن غصاب المنتدى العام 55 12-10-2009 08:17 PM
أدخل بـــســرررررررررررررررررررررررررررررررعــه^^ ارق احساس الضحك والفرفشة 6 10-25-2009 12:56 AM
أدخل وأكتب أخر مسج وصل لك بوفهد الشمراني الكمبيوتر والأنترنت 7 12-11-2007 04:36 AM

Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
جميع الحقوق محفوظة لـ منتديات شمران الرسمية