الزمان يدور والوقت يطحّنا رحاه

الزمان يدور والوقت يطحنا رحاه
كل يوم يموت رجال ونصلي عليه

كم رفيقٍ ودنا به على قيد الحياه
وكم رديٍ يبطي الموت عيا ما يجيه

وكم صبي ٍ شاب راسه ولا حقق مناه
وكم صبي ٍ مات واللي حفر قبره إبيه

وكم فقير مات حلمه من سيوف الغناه
وكم غنيٍ عاش دور الفقير ويشتكيه

وكم جميل من هل الطيب ماتلحق جزاه
لو عطيته نور عينك تقول شوي فيه

وما يدل الدرب من لا تمسك بالوصاه
وما يقدّر نعمة العقل غيرك يالنبيه

ومن عبر بحر الملذة على قارب نجاه
لا يلد العين للبحر ويعود إليه

لو كنوزك كبر سنجار واجبال السراه
الضمير الحي ماهو عقار تشتريه

لو يطلّع كل تاجر من امواله زكاه
ما لقيت من المساكين من يبسط يديه

وإن ملكت أخلاق تملك بها سمعه وجاه
بالفعول وبالطبايع صحيبك لك شبيه

الردي لو يستره ثوب وش يستر رداه
دام مايحشم قرابه ولا يحشم وجيه

إنصحوه يبيع ثوبه ويشري له عباه
طاح من عين المراجل ولا عادت تبيه

والسفيه إن ما تبلاك ما تسلم غثاه
حاول إنك ماتجي درب يسلكه السفيه

وصافح كفوف الزمن و إبتسم لأجل الحياه
وإعلم إن الله اذا حب عبده يبتليه

الشاعر ......
جاري البحث عنه

قصيدة رائعة صح لسان قائلها

وسلمت يمناك لنقلها اخي الكريم الحمدان

شـكــ وبارك الله فيك ـــرا لك ... لك مني أجمل تحية .

أخي شيهان شمران
اشكر لك مرورك الجميل وبارك الله فيك

يعطيك العافيه
وصح لسان قايلها وتسلم يمين ناقلها
ابيات اكثر من رائعه راقت لي
بانتظار جديدك بشوق
تحياتي
اسيرة الاحزان

اخي الحمدان
ابيات في منتهى الروعه
فصح لسان راعيها
اختيار ونقل مميز

اختي أسير الأحزان
شكرا لك على مرورك
وجزاك الله خير

اخي ابو تركي
شكرا لك على مرورك
وجزاك الله خير

اخي ابو تركي
شكرا لك على مرورك
وجزاك الله خير