الصراحة مزعجة وأنا صريح

الجبال اللي تزحزح ما تزيح
والغصون أدنى هبوب تزولها

اعتنز على جبل و لا تطيح
الجبال تذرّي اللي حولها

والصراحة مزعجة وأنا صريح
تزعجك ما تزعجك بآقولها

شاعرٍ موهوب و لساني فصيح
وسابحٍ عرض البحور و طولها

و الأفاعي روسها تندح نديح
والعقارب سمّها في ذيولها

ما على الدنيا ضميرٍ مستريح
كل خلق الله تعن خيولها

ذا يون و ذا يحن و ذا يصيح
و ذا يخطّف راسها و رجولها

والشعر .. هذا قبيح و ذا مليح
وكلبوها ساريٍ مفعولها

اجلد القبيح في وجه القبيح
وقول وش رايك؟ و أقول أصولها

و إلا أنا ما قد مدحت إلا المديح
الجمال اللي تشيل حمولها

و الصراحة مزعجة و أنا صريح
تزعجك ما تزعجك بأقولها

و إلا تدري ما يصح إلا الصحيح
خاطب العالم بقد عقولها


الشاعر سلطان بن وسام الهاجري

صح لسانه
ومشكور على الطرح الجميل تحيتي لك ولجهودك

والصراحة مزعجة وأنا صريح
تزعجك ما تزعجك بآقولها


صح كلام الشاعر
الصراحة راحة للنفس والضمير
الغالي ا لحمدان

تسلم يداك على طرح القصيدة لاهنت
ولك اجمل تحياتي وارقاها

الغالي بكر علي
الغالية ريحانة الطيب
أشكركم على مروركم الكريم
وتعقيبكم الرائع والمميز
مع أجمل التحايا والتقدير

الناس

اخي الغالي الحمدان

شكرا على مشاركتنا لهذه الموضوع الجميل

تقبل تواضع مروري

تحياتي الرقيقة لرروحك

ألاخت الغاليه ريهام خالد
اسعدني مرورك العطر وتعقيبك الرائع
وتواجدك المستمر بمتصفحي
لك مني أجمل تحيه وتقدير لاعدمتك