اخترنا لكم

[الحمدان]

‏احد لو نبتسم له بسمة العابر تبين فيه
‏وواحد نعطيه من صافي مشاعرنا ويجرحها

.....

[الحمدان]

الحياه المستقره والأمور المستتبه
‏والله إنها تغني من أحلام وآمال وأماني

.....

[الحمدان]

يا حن قلبي حنة الجمس بثنين
ويا حنتي حنة خلوجٍ حنونه

على الذي صافي معي له زمانين
ازروا مقلبة الحكا يدركونه

لا شك حالت دون خلي نفودين
ولو حال دونه دولةٍ ما نخونه

الولف حنت له قلوب البعارين
والناس غايب ربعهم يفقدونه


طالع بن صايل القطش الحربي

[الحمدان]

ما يموت الود لو مات الكلام
لك مكان وذكريات ولك شعور

منت عابر في حياتي والسلام
أنت حتى في غيابك لك شعور

.....

[الحمدان]

أنا لو ضاعت الدنيا وراي وزادت الأتعاب
أجي كأنّي صباحٍ كل هالعالم تهذري به

.....

[الحمدان]

‏في غير وجهك مابقى للحلا صيت
أمي خذت من كل أنثى حلاها

ومن طيبها لو هي توزع وياليت
كل العرب تطهر ويفنى رداها

وفي قلبها ما الله عطى للحسد بيت
تغفر عن الزل وتنسى شقاها

ولا جابها الطاري فخرت وتعزويت
‏حبيبتي جعل الخلايق فداها

.....

[الحمدان]

ما عاد نبي ورد يا بايع الورد
اللي يحب الورد عيا يجينا

يا ليتنا في هالزمن نشبه البرد
حتى يحسون المخاليق فينا

.....

[الحمدان]

‏أسال عليك المسا وأقول وينك
وروحي وعينى بالغلا يسألونك

مرسال حب الأمس بيني وبينك
والشوق ياخذني لمرسى عيونك

إنت الوفي لأن الوفى في يمينك
ومن عادة الوافي أبد مايخونك

.....

[الحمدان]

لوالمشاعر ماتجي غير بالصوت
ناديت لك بالصوت زايد حنيني

واقول احبك حيل وافداك للموت
وطيبك يولع نار الاشواق فيني

بس المحبة شي اكبر من الصوت
والاشواق اكبر من كتابة يديني

.....

[الحمدان]

واليا حكو فينا الرخوم المهابيل
اهل النمايـم واليديـن البـخيلـه

صم الجبال تعدل الروس تعديل
هذا جزاء اللـي فيه لفه وميلـه

.....

[الحمدان]

تنبت على كفوف الكريم السنابل
‏وتموت في كف الردي مدّة الطيب

.....

[الحمدان]

الجو رايق والهوى فيه نسناس
‏والغيم متجمع بـوسط السما فوق

‏يالله ترحم ميت الارض والناس
‏وتشفي قلوبٍ مسها الضيق والعوق

آمين

[الحمدان]

لا تنزعج وإن عذربوك القريبين
نصيحةٍ قد قالها راس شايب

تجيك مدحة من رجالٍ بعيدين
تغنيك عن جملة حروف القرايب

.....

[الحمدان]

بعض الرسايل مالها اليوم داعي
محرمه ماهي على نهج الإسلام

لون راعيها حكيم وواعي
ماراح ينشرها لنا عبر الاعلام

.....

[الحمدان]

‏ماكل من يسعئ ورا الصيت ناله
‏ليت المراجل بالقصايد والاشعار

‏الرجل صدق بسمعته وبخصاله
‏والا الشعر حتئ المهابيل شعار

.....

[الحمدان]

البارحة والكثير مْن إنتظاري قليل
‏يفدا ثوانيك عمرٍ ما لحظّه حصاد

‏لا زال طيفك وأنا لا زال بالي طويل
‏يسرق فتات النعاس ويستفزّ الرقاد

‏أن كان باقي معك من الزمان الجميل
‏لا تذخرين المزوح وتسرفين العناد

‏وإن جاورتْك الوجيه وعذربوا بالنحيل
‏قولي كذا حالها حدب السيوف الحِداد

‏السرب يبغي عصافيرٍ تعرْف الهديل
‏ما هو جمل لا هبد وأليا تعنّى جواد

‏شوفي قديمي أنا ما عاد عندي حصيل
‏ما هو غريبٍ عليك ولا جروحي جداد

‏لولا ملامس يدك ما كان عندي دليل
‏أزريت أعلّم شكوك عْيوني أنّك وكاد

‏من حاجتي ما بقى لي عن عيونك سبيل
‏من غربتي ما بقى لأهل المدينة سْهاد

‏ما ياخذ الصبر من عمرٍ سميِنه هزيل
‏غير أستقرِّي بقلبي والمرابع حمَاد

‏لي قلب يبغي هله وأنتي عيونك رحيل
‏عجزت أسحّب حنينه من بلاد لبلاد

.....

[الحمدان]

بعد سواياك هذي ما لي إلا الرحيل
‏والله لو إنها تمشّي كان مشيتها

‏قلبي هو اللي بكى و الدمع عيّا يسيل
‏لو في عيوني دموع تهل هلّيتها

‏جيت وكملت جروحك بجرحٍ ثقيل
‏وأنا الجروح القديمه ما تخطيتها

‏طحت من عيوني الثنتين في ظرف ليل
‏والله يا طيحتك هذي ما تمنّيتها

.....

[الحمدان]

‏على كثر الشتات اللي يمـر ويربك افكاري
‏لقيتك ظـلي الثابت معي دايم على الهقوة

‏يا وجـهٍ كل ما ضاقت علي وشانت اقداري
‏ذكرته وانجلى ضيقي وصارت عبرتي غنـوة

.....

[الحمدان]

‏أخاف شمر مع الايام تدريبه
‏والله يا بيت الفراق ماينقفل بابه

‏حنا خذينا العز والمجد والهيبه
‏وشلون ماناخذ المحبوب لأحبابه

.....

[الحمدان]

من يحسْد مغنّي القاف لا جرّ الطويل
‏مثل من يحســـد مريض ٍعلى غذّايته

‏القصيد احيان نوعٍ من الطبّ البديل
‏يستــريح ويســتلذّ الحشــى برعايته

.....

[الحمدان]

دام السماء لله ما ضاقت الأرض
‏ماني من دروب المقــادير جازع

‏عندي يقين يعلم احلامي النبض
‏بكـــره بسيّل للســـعاده مدامع

‏لي موعــد ٍمع ليلةٍ نجمها الحظ
‏أشـــوف فيهـــا ما تمنيت واقع

.....

[الحمدان]

دوّر على اللـــي يموت ولا ظهر زيفه
‏يبقى لك اقرب من اخوك وولد عمك

‏خلك من اللـــي مشــاريهه على كيفه
‏لامن رضا يمدحــك واليا زعـــل ذمك

.....

[الحمدان]

لو يطيب اللي مع العالم قليل مروه
‏الرخـامـه فالرخوم عروقـها دساسه

‏احتزم باللي عزومه تنطح اكبر قـوه
‏وان تـردا فـيـه وقـتـه مـا تـردا راسه

.....

[الحمدان]

ما فيه نــاس ٍ من الاوجــاع مرتاحه
‏والصــبر في مثلهــــا من ربنا منحه

‏لولا التعب مـا عرفنـــا قيمة الراحه
‏ولولا المرض ما عرفنا قيمة الصحه

.....

[الحمدان]

خلك خفيف ألنفس راقي وجذاب
‏لا تصــير بعيون ألمخـــاليق عله

‏إضحك وفرفش لكن بحب وأداب
‏إعرف حدود المزح وأعرف محله

.....

[الحمدان]

‏تخجل مْن النود مغلقة الدرايش
‏لا أطرقت بأنسَامها الأسوار ليلة

‏تمسح دْموع الندى على الحشايش
‏ريَّفة تشبه لأصابعْك النحيلة

‏تبغي مْن الليل عيدٍ فيك عايش
‏كنت أعيشه بين وضَّاح وجديلة

‏يذكرك عقلٍ نبيه وقلب طايش
‏ يا أجمل أحلام الحياة المستحيلة

‏ما قدرت أنسى حضورك وآتعايش
‏وأنت في كل التفاصيل الجميلة

.....

[الحمدان]

لا تعذليني يوم أجرّ الصوت في راس الطويل
‏الليل توّه ماسرى والشمس بكره باديه

‏أنا حياتي ما بقى منها كثير ولا قليل
‏غير القصيد اللي كتبته في مرابي ناديه

‏بنتٍ تثنّى في ضواحي نجد وتفلّ الجديل
‏جيت أتداعى في مرابيها وروحي غاديه

‏واللي ورى صدري على الميعاد مايبغى دليل
‏قلب بدويٍ ما رعت به غير بنت الباديه

‏مانيب مستغرب يزلّ العمر ويخفّ الثقيل
‏الوقت حادي وأغلب العالم معه متحاديه

‏أغيب وإن شفت البروق تلوح فالطرف الكحيل
‏أرجع على صوت العزاوي فوق ظهر العاديه

‏بين الطواري والقصيد العذب والبيت الجزيل
‏أنا أحترق من داخلي والناس حولي هاديه

‏مانيب مثلك كل ماغنّيت يالغصن الظليل
‏تومي بك الأنسام وتغني عليك الشاديه

‏أنا سحابٍ حنّت رعوده وحوّل فالمسيل
‏لعيون من تمشي تحت وبله وهي متهاديه

.....

[الحمدان]

تولعت ومشيت الدرب لا فاقد ولا مفقود
‏وأثرني كل يوم أكتب قصيدة وأخسر سنافي

‏أجاهد في سبيل الحبّ كلّه لأول العنقود
‏وأجاهر في غلاها كل ما عدّيت مشرافي

‏ترى قلبٍ تولّع فالهوى ما يلحقه منقود
‏ليا صار الهدف حبٍ عفيف وخاطرٍ صافي

.....

[الحمدان]

اي والله اني أهوجس ولاني مرتاح
والحزن في حوش الحنايا بفاروع

أمسيت من وصل المواليف امزاح
وأصبت من فرقا المولايف مفجوع

.....

[الحمدان]

‏هنا اخر لقاء وأول محطات الاستنزاف
‏مكانٍ كراسيه تسولف عن اشواقي

‏عطيته سنين وقلب و ابيات ما تنعاف
‏ورجّع لي ابياتي ولا رجّع الباقي

‏انا بأخر ايامه سمعت الكلام الجاف
‏وكذّبت سمعي لو تشهد له احداقي

‏وبعد ما نطق في تالي الليلة إسمي حاف
‏عرفت أنه العربون في ليلة فراقي

.....

[الحمدان]

عليك بالتــقوى وبــر الـوالــدين
‏وعليك بالفزعه لمن جاك ونخاك

‏ثلاث ما تخفـــى عقـول العارفين
‏ترفع مقامك ما تنـــزّل مستـواك

.....

[الحمدان]

الشجاع يشوف معنى الحياه مغامره
‏ان ربح والا خســـر حكمته بكره تزين

‏والجبان يشـــوف كل الحياه مؤامره
‏البشــر فيها عِدا والفــرح فيها كمين

.....

[الحمدان]

‏يوم سقت القلب والنيه مطيه
‏قفوا العربان وخلوا له حسايف

‏السوالف كانها تجلب خطيه
‏والله إني من كثير الذنب خايف

.....

[الحمدان]

‏مياسة القد ما للوصل عندك مجال
‏طالت ليال المعاتب والسهر والعنا

‏انتي على غيري من الناس صعبة منال
‏متفانية لي بحبك لين يوم الفنا

‏من بيننا طالت الصدة وطال الجدال
‏لمعانق الحب والاشواق هيا بنا

‏في ليلة فارقه عن سابقات الليال
‏ابطالها الشعر والاحساس وانتي وانا

.....

[الحمدان]

سامحيني واعذريني بعد طال الغياب
‏غيبتي يا غاية الروح ماراحت سدا

‏افتحي للصفح قلبك وللاعذار باب
‏وامنيّني من عواصف عتابك واهدا

‏شاعرك لو كان بعيون خلق الله مُهاب
‏تخلفه طلّة جبينك اليا منه بدا

‏عاد لك من بعد رحلة مليئة بالصعاب
‏مبتسم ويسر الاصحاب ويغيض العدا

.....

[الحمدان]

‏أنت مثل العمر والعمر مثل الوداعة
‏ لايديمك رجاي ولايرّدك ملامي

‏يكفي إنّك سراب ما تركت اتِباعه
‏وأسمك أصبحت مستثنية بين الأسامي

‏مابقى عقب وجهك وجه اخشى وداعه
‏وين أبلقى بعدكْ اللي يًرمّم حطامي

.....

[الحمدان]

‏يارقيق المشاعر ليه تجرح شعور
‏وليه ماتغْفر الزلّه ليا جات لك

‏السوالف تصير أحيان عميٍٍ وعور
‏ولاتحَسْب إن قايلهاا بها خاتلك

.....

[الحمدان]

حبيت اسلم واعرف اليوم وشحالك
‏من باب حق الوصال وقــدرك الغالي

‏وبعد السلام وسؤالي عنك واحوالك
‏كنت اتمناك لــو تنشد عن احوالي

‏كنت اتمناك لـــــو مريت في بالك
‏تذكر عهود الـوفــا في وقتنا الخالي

‏وتذكر ليالي هـوانــــا والبخت سالك
‏من قبل يصبح بختنا كـاســد وبالي

.....

[الحمدان]

‏اعلن مراسيم الوداع ان كنت للفرقى شغوف
‏شد الرّحال و مالك الا الي يلقيك القفى

‏ماطاح دمعي و انكسرلي قلب وعيونك تشوف
‏وشلون ابفتح باب لعتابك عشان اقول افا

‏الي يجي حسب الظروف اودّعه حسب ظروف
‏قلبي مع الي بايع العشره مثل صم الصفى

.....

[الحمدان]

‏انا ادري ان المظهــر احيان مطلوب
‏لكن ماهوب مطلوب في كل الاحوال

‏علامـــة الرجّـــال ماهيب فالثوب
‏اهـــم شي يكـــون فـ الثـــوب رجّال

.....

[الحمدان]

التغـــافل صـفه تحتـــاج تنويه
‏ذكْروهـــا الحبـــايب والرفــاقه

‏لارتفع بالعتب صوت المشاريه
‏خـــل عينك على مــوت العلاقه

.....

[الحمدان]

التغـــافل صـفه تحتـــاج تنويه
‏ذكْروهـــا الحبـــايب والرفــاقه

‏لارتفع بالعتب صوت المشاريه
‏خـــل عينك على مــوت العلاقه

.....

[الحمدان]

‏كل مامر طاري قلت يالله تعين
‏ليت جرحي عقب طول المفارق برى

‏لا اقبل الفجر كنّه يغتشيني الحنين
‏أثر الاشواق دايم من ثلاث وورى

.....

[الحمدان]

من غلاك ادور اسمك مع اللي يرسلون
وامسك الجوال واذني على سماعته

اخذني لك ودي ادله مع اللي يدلهون
خلني مع قربك انسى الفراق وساعته

.....

[الحمدان]

ابتسم بارضٍ خلا وتصير جنّه
والتفت صوب الشعر ويفك بابه

يوم اقهوي مسمعك هيله وبنّه
ودي اميزك في وقت التشابه

.....

[الحمدان]

‏جعل زولك عن عيوني ما يغيّب
‏يا بعد شُوف العرب وأزوالها

.....

[الحمدان]

وجيه الليالي دربها بالعنى محفوف
‏ماهي كل حاجه لا تمنيت تدركها

.....

[الحمدان]

‏لاضاقت الدنيا وخلوك الاصحاب
الله هو اللي كل صعبٍ يحلّه

لاشحوا المعطين يفتح لك ابواب
سبحان من هو عنده الخير كلّه

هو الذي فيه الرجى دوم ماخاب
ربٍ كريم ومشفٍي كل علّه

اللي وسع في رحمته كل من تاب
واللي دعاه بصدق للخير دلّه

.....

[الحمدان]

بين الردى والطيب فيه أختلافات
يابعد فرق المستوى بين الأثنين

الطيب هو ساس الفخر و الكرامات
ولا الردى يبقى طريق الرديين

يشره على الطوله رجال المهمات
اللي على فعل المواجيب ضارين

واهل الردى عند المواقف سلامات
محدن بهم باللازمه يقضي الدين

.....

[الحمدان]

‏ماينكسر عزمٍ مقرّه على ساس
لــو يلحقه من لوعة الوقت خِلّة

لاتنتظر الانصاف من ساير الناس
الناس عوق الناس والمنصف الله

.....

[الحمدان]

‏ترا جمال الشخص في حسن الاخلاق
وشخصٍ بدون اخلاق ماله محبه

لو تختلف عند العرب بعض الاذواق
تلقى خفيف النفس كلن يحبه

.....

[الحمدان]

أفعل جميل وفي حياتك تجمّلْ
مادام تقدر لايجي منك تقصير

وأصبر على عسر الزّمان وتحمّلْ
ولاخاب من هو دايمٍ يفعل الخير

وفيما خلق ربك وصنْعَهْ تأمّلْ
وأعرف ترى في كل عسرٍ تياسير

.....

[الحمدان]

لاتقول اليوم وقت الطيب راح
الوفا موجود والدنيا بخير

مايغيرنا زمان الإنفتاح
نبذل المعروف ونعز القصير

ونشكر المعبود عشنا بإرتياح
في بلاد العز واصلنا المسير

ونحمد الله كل مانطلب متاح
في أمان وأمن والخير الكثير

آمين

[الحمدان]

وصيه لكل أبن وبنت

أبوك لاتجحد جميله وتنساه
هو الذي رباك واعطاك خيره

أطلب عسى ربك يعزه ويحماه
مالك محبٍ يسعد القلب غيره

بعد الولي ماكنت موجود لولاه
يتعب على شانك ويسْهَر نظيره

وليا بدالك حاجةٍ دوم تنصاه
تلقاه عونك بالليال العسيره

[الحمدان]

حـنا تـربينا عـلى طيـب الاخـلاق
من صغـرنا وأسـلوبنا حيـل راقي

وأرزاقنا بيديــن مــــــداد الارزاق
ويبقى شموخ الراس مادمت باقي

.....

[الحمدان]

حنا الوفي من صافي الود نسقيه
ومن زادنا باالطيب حنـا نزيده

والي طرانا سـاعه الضيـق نطريه
ونكون عونـه با الضروف الشديده

نغليـه والله راعــي الجــود نغليـه
ونصـون قـدره لو ديـاره بعيــده

.....

[الحمدان]

سبحان من يعطي قبول المخاليـق
وسبحان من يفرق عطا عبد عن عبد

بعض الأوادم شوفها يجلي الضيـق
وبعض الأوادم شوفها يدبل الكبد

.....

[الحمدان]

يا زين لا تزعل علي وانت غالي
زعلك يسبب في حياتي مضره

انت الهنا والحب الاول وتالي
وانتي حياة القلب وانتي مقره

غيرك يجي ويروح مثل الخيالي
لا اهتم في شكله ولا اتعب امره

انت سما دنياي وانت ظلالي
وانت القمر ولا لغيرك مجره

.....

[الحمدان]

رافضي مـلعـون ياشعب افهـموني
قلتها من قبل فــرس اثــنــعشريه

رافضه بالقتل والتــخريب جــوني
شـيــعة الانـجــاس شــله مــفتريه

رافضه بسم الحسين جو يقتـلوني
قال انا الــقـاتل وانــا راس العنـيه

رافــضـة ايــران مــابــايــرهقـوني
بجعله مـثــل الــفــراشه مــصتليه

بدعسك يارافـضي مــاتـــرعـبوني
جاتك ابطـالــي الاســود الحميريه

رافضي تخسئ لكـم مافـي قروني
من خشوم القاذفــات والــمدفعيه

رافضي مدعوس كـلا تــحكــموني
يــاســـلاله قــتــلها تــوبه نجــيـه

بعتوا الاسلام وفي اوطاني تخوني
تنشــروا افــكــاركــم والـعـنصريه

معكم انتوا امـريك وانا الله عوني
معكم اسـرائيل وانا رب الــبــريه

تخدمون الــغـرب وانا تكـرهوني
ياروافــض باليـهــودي مــحتميه

لو لا بغـيك مالدماء عندك تهوني
ماحملت اليوم في ايـدي بـندقيه

لو لا مافجرت يـالغازي حــصوني
ماســريــنــا والــعـزيمه حــيدريه

لونت مــسلم كـان مامن شردوني
لكن انتوا اهل الفساد حلف الدنيه

لولا اجرامك وحبسك في السجوني
مــامــن الاحــرار تــشــتاق المنــيه

قمت انا لك حمــرت ويلــك عيوني
ربـــي انــزلــنــا عــذاب للــفـارسيه

قد قــســمــنا يانــكون او لانكــوني
مـعـركــتــنا يــاروافــض قــادسيه

دام عـــاد الله مــابــاتــهــزمــونـي
لـو حـشـدة الـكون مــالـك مقدريه

واثقين بالله يـامــن تـــجـهــلـوني
والــثــقـه بالله فــي ربي قويه

ابونمران العصيمي

[الحمدان]

ليَ الظمأ ُ الصريحُ إلى المواعد
وجسمُ سؤاليَ الأبديّ جاهد

يرومُ طويلةَ الفتناتِ حتّى
بها وَجدي يفقّهُ كلّ واجد

هي السرُّ المعلق في فؤادي
وأطلقهُ إذا ما كنتُ ساهد

بقلبي قافياتٌ ماكثاتٌ
أردّدها إذا جئتُ المناشد

صالح طه

[الحمدان]

عرفت الناس في فترة غيابي
عن الجمهور وأخبار التواصل

وجدت البعض في شكل انسيابي
وبعض الناس يجتاز الفواصل

ناصر الذيب

[الحمدان]

عيش فالدنيا كأنك ضيف بيت
إنتبه تطمع في زاده أو حريمه

خذ حقوقك من كرامه أو مبيت
وخل لك لارحت من ذا البيت قيمه

.....

[الحمدان]

‏وجهة نظـر اقولهـا باعتباري
اميـل للعزلـه واحب الهداوه

مهما وصلنا من تطـوّر حضاري
مافيه اجمـل مـن حياة البداوه

.....

[الحمدان]

‏يا وقت ماني طامعٍ في عطاياك
لادامت الدنيا و لانيب دايم

الله يجمّل سيرتي وآتعداك
للجنّه اللي من كبار الغنايم

بنيدر الشيباني

[الحمدان]

‏يالي مابين القيل والقال مرهون
الهرج نقله نقص ماهو رجوله

الله خلق لك عقل ولسان وعيون
ميز طريقك واعرف الي تقوله

مالك ومال الناس صاحي ومجنون
ترا كبود الخلق منك معلوله

لاتاخذك باذنك وكالة يقولون
خلك في قال الله وقال رسوله

عادل غالي

[الحمدان]

‏رزقـي على الله ماترجيت مخلـوق
ولاني من اللي يِكْثرون الشماتة

والعـبد من رب الـسمـوات مـرزوق
مـن يـوم يـولـد لـيـن تاتي وفاته

واللي لـنـا مكتوب لو صادفه عـوق
ياصلْ لـنـا لـو ناقل الرزق فاته

واللي مهو مكتوب لو سيق لك سوق
ما ياصلك لو جمّعوا لك شتاته

عبدالله بن رشيد

[الحمدان]

‏مرت علي ايـام وسـنين وشـهور
وجربت فالدنيا وشفت العجايب

فيها اختلاف الناس صاحي ومسعور
وتكثر بها الخيرات وايضا مصايب

احدن يلم الشـمل بالخيـر مذكور
واحدن على الرفقه يسوق الحرايب

لكن ترى الله خالق العبـد مـامور
في طاعتـه لازم يحـث الركايب

أبو عبدالله

[الحمدان]

‏انا اضيق لكن ماتضايق بدون اسباب
ولانيب مثل اللي لاضاق ادمعت عينه

الى احمر قرص الشمس وادوى شوي وغاب
وضوى الليل لين يحول من بيني وبينه

جفيت المكان اللي يزورونه الاصحاب
وتخيرت من روس المشاريف لي عينه

اوقف لطيفك وقفة المستحي بالباب
الى سام وجهه وانصرف ماقضى دينه

.....

[الحمدان]

‏مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه

.....

[الحمدان]

قهو المشاعر لاجاتك وانت راعي مكان
ورحــب بـها كــــــل ما مرت على فالها

قولة هلا منك تسوى الهيل والزعفران
وصفراً يداوي عماس الراس فنجالها

.....

[الحمدان]

يافالق البحر عن موسى عليك اعتمادي
ادعيك بصفاتك العليا والاسماء العظيمه

بدون حولك وطولك ما اقدر ابلغ مرادي
متفائل بخير وعنايتك دايم كريمه

آمين

[الحمدان]

ليا قام منسوب الغرام القديم يزيد
ويسحب شريط الذكريات الغراميّه

وينقى من ألبوم الصور نقو بالتحديد
ويختار من صدر المزايين فرديّه

في هالحاله أخرج من محيطي وأروح بعيد
وأسافر على طلعات ناسا الفضائيه

إلى عالمٍ عايشته وعشت فيه سعيد
وقلبٍ دخلته دخلتن غير عاديّه

مطلق العتيبي

[الحمدان]

تراك اللي بقى لي لا تخليني وأنا ملهـوف
غيابك يفجع القلب الشقي وإفراقك مصيبه

معي قلبً شقي عارضه هم وعنا وصدوف
وميلات الزمان الصلف تومي به وتقفي به

.....

[الحمدان]

أنا الذي لأجلك نشرت الشعر فأمواج الأثير
وأبدعت فالريحاني وفالأبجدي والدرسعي

.....

[الحمدان]

صقـار قلـبي والـمشـاعر دلـيـله
وشيهانتي صادت مشاعر خفوقي

ام الـعيـون الذابـلات الكـحـيـله
اللي لها بالــقلب تـنبض عروقي

هدت على صدري هلال الجذيله
ثم علقت لب الحدق منه موقي

جابت خوافي كليب عين الجليله
وقت الهدد قبل اختلاط الشروقي

رذاذ الحبر

[الحمدان]

‏زيّن امورك مع ربي امورك تزين
‏والله لا من رجاه العبد ماخيّبه

‏والناس يكسب وداد قلوبها حاجتين
‏النيّه الصافيه والكلمه الطيّبه

.....

[الحمدان]

حفظت سرّك مثل حفظي لمبداي
وحفظي لـ سلم أجدادنا الاوليني

والأربع اللي دونها ما اقبل الراي
حبّك ومرجلتي وداري وديني

.....

[الحمدان]

مابغيت الشعر والشعر ابتلاني
كلما صديت لزّمني خطامه

شاعرٍ مرهي وخادمني لساني
مستعد احط هامه فوق هامه

ان مدحت ارفع على سهيل اليماني
وان هجيت ادفن تحت ساحل تهامه

.....

[الحمدان]

الحاجه اللي ماتجينا على الكيف
عسى عوضها دعوّةٍ مستجابه

آمين

[الحمدان]

‏حافظ على المصحف و 5 الصلاوات
‏مع الجماعه واطلب الله سماحه

‏واتعب لطاعة ربك بكل الاوقات
‏لان التعب في طاعة الله راحه

‏لا تقضي ايام الشهر فالملذات
‏مابين ملعب طائره واستراحه

.....

[الحمدان]

أكتب إحساسي وأغنّي على كل الحروف
وأنثر إحساسـي على بحـر حبّك أكتبَه

مرحبا بك يا هلا بك ملايين وألـوف
العيون تشوف حرفك وعشقك ما أعذبَه

.....

[الحمدان]

وارثين الشعر من سطوه عتيبه
خل عنك شعار الصبايا والمنابر

نحسب حساب القصيداللي نجيبه
ماتعودنا نسرق قصيد وخواطر

وان كتبت الشعر ماهي علي غريبه
قبلي ابوي شاعر وجدي كان شاعر

مطلق العتيبي

[الحمدان]

ألا يا الله إني طالبٍ طاعتك ورضاك
وعلمٍ ليا ذكروا هل الخير نذكر به

أنا في رجى عطفك و أنا ملتجي بحماك
تفرج هموم القلب يافارج الكربه

آمين

[الحمدان]

‏اللي يتابعنا على الراس من فوق
عسى ف صفحتنا من الشعر مسرور

واللي يصد عنا له الشكر مرفوق
حضوره يشرف ولو غاب معذور

بقلمي

[الحمدان]

‏وش حيلةالمشتاق لا اخفى اشتياقه
في قلبه الهايم تعابير وشعور

لاطايق صبره ولا البعد طاقه
قسى عليه الوقت ويظل مجبور

.....

[الحمدان]

أترك أثر طيب تسولف به الناس
‏الصيت يغني والجمايل خزاين

.....

[الحمدان]

‏حقرتني بالعيون وكان من الاولى
‏يبيـن ف عيونـك الثنتين تقديـري

‏يليت عينك نهار موادعك حولـى
‏حتى اشك انك توادع حدن غيري

.....

[الحمدان]

‏كل ما طاح من رزنامة العمر ليلة
‏طاح معها من الذكرى تفاصيل غالي

.....

[الحمدان]

‏ليه جيت وليه رحت وليه تبقى غالي
‏كل ليه أشوفها تحتاج منك قصه
‏
‏ليت بالي في يديني وابعدك عن بالي
‏العذاب اللي حصل منك يكفي نصه

.....

[الحمدان]

‏يا ضايق الصدر بالله وسع الخاطر
‏دنياك يا زين ما تستاهل الضيقه

‏الله على ما يفرج كربتك قادر
‏والله له الحكم في دبرة مخاليقه

‏حلو العيون استهانت دمعها الحادر
‏كف العباير حزين الدمع ما طيقه

‏حسايف الحزن يغشى وجهك الطاهر
‏والورد في وجنتك حرام تغريقه

.....

[الحمدان]

‏حاير مثل الكلام اللي ما بين اثنين
‏على حزة فراق اقفوا وعيّوا لا يقولونه

.....

[الحمدان]

يعيش الوصل ولا يموت الوصل حتى ايش
مقامي أهم وعزتي فوق مشهاتي

أنا الله خلقني ما أقبل الذل والتهميش
لو أخسر طموح العمر وأغلب علاقاتي

.....

[الحمدان]

ودي ولكن كيف تحقيق ودي
عيا زماني لايجي لي على الكيف

لقيت من وقتي عناد وتحدي
يمرني عمري مثل عابر الطيف

ياما تمنيت الدقايق تهدي
وياما تمنيت الشتاء ينقلب صيف

.....

[الحمدان]

‏لاضاق صـدرك واظلمت كل دنياك
اســتقـبل القبــله ووزع همــــومك

ماينفعـك هـــذا ولاينفعـــــك ذاك
ولافيـه غيـر الله يقضــي لـزومـك

.....

[الحمدان]

صرت اتعمد جلستي جانب النار
عشان احصل عذر لدموع عيني

وإذا سألوني وش بلا دمعك انهار
اقول دخان الحطب مبتليني

.....

[الحمدان]

مابيك تعطيني على شان أعطيك
‏مانيب تاجر والمشاعر بضاعه

.....

[الحمدان]

‏مابارت أهدافي لو إن الزمن بار
‏العزم مثل البحر ماله نهايه

‏ذقت الخساير والعزاير والأمرار
‏وسقت العمر كله عشان غايه

‏ما يصنع التاريخ من هاب الأخطار
‏ولا رقا في قمّة المجد تايه

‏ولا يعلم الإنسان عن بعض الأقدار
‏يمكن بعد خط النهاية بدايه

.....

[الحمدان]

قالت متى تفضى ابي منك بيتين
‏قلت العصر لا من سجع نايح الورق

‏قالت بسيطه هذي الصوره اللحين
‏فكّر بها واحرص عليها من السرق
‏
‏والصوره اللي يا الربع كلها عين
‏ودّي انزلها تصلي بكم شرق

.....

[الحمدان]

‏عطيتك أگبر مثآل ان المواصل جميل
وعطيتني درس بأن الوقت ماله أمان

.....

[الحمدان]

‏واجه الخذلان بالصبر والبال الطويل
‏ما أنت بأول من تجمّل ولا آخر من خُذل

.....

[الحمدان]

قلنا صباح الخير قالت مساء النور
قلت العذر في وجهك اشوف الأشراق

يا للعجب كل ذا الحلا فيك منثور
من شعرك الأدهم الى عّظمة الساق

جابك بطن حوىّ او انتي من الحور
قالت انا اللي بين زورك والأرماق

قلت اسكني وابني من ضلوعي السور
فانتي مكانك خلف زوري والاحداق

وامشي على حوش المعاليق بالدور
واخذي ملفاتً تبي منك الاحراق

وابدي بترتيبي وحطّي بي شعور
ابغى الامل ياصل بي حدود الأفاق

يا فاتنه وجهك من الزين ممطور
والا القمر حوّل وفي مبسمك فاق

مالك شبيّه بين الأجواد مذكور
انتي غريبه والحلا منك ينساق

جيتي مطر ولا على هيئة زهور
او ذا فرج ربي على العبد لا ضاق

يامرحبا ترحيبةً ما بها زور
ياللي دخلتي خلف موقي والأعماق

.....

[الحمدان]

‏فجوج الخلا يا ضايقين الصدور وساع
تواصوا بها واعتزلوا الناس والصجّه

.....

[الحمدان]

على زاهي غرامك ما على وجه الممات قصور
‏لك الوقت الثمين من الوصل ولغيرك الغيبة

.....

[الحمدان]

على دروب الطيب امشي بلا خوف
الــعــز بالله دايــــم الــلـي خـلـقـني

والـلي يجامل تالي الوقت مكشوف
تـظـهر لــي افـعـوله وخـيّـب بظنّي

.....

[الحمدان]

ياليل لاتسرق من عيوني النوم
كافي سهر ما عاد للعين قدرة

انا تعبت اسامرك ضيق وهموم
وان كان باقي هم خله لبكره

.....

[الحمدان]

صباح الوردِ يا وردا تهادى
وَبث النور في حسن و أقبل

وَفاح العِطر مِنْ خديه يَشْذو
فَأسْقى الورد مِن خمر وَ أثمل

فَغَارت رِقة الأزهارِ حيــرى
وَظلت عَنْ بَهاء الحُسْن تَسْال

و ذاب الدرب في مشي الهُوينا
وَغصن الوردِ في سِحر تدلل

.....

[الحمدان]

لايهمك حاسدن لوقال فيك
اتركه والله حسيب الْكلْ ظالم

اسلك الدّرب الصحيح ولا عليك
والله المعبود بالأسرار عالم

ماكتب مولاك ملزومٍ يجيك
ولاحدن من لوعة الأيام سالم

ارفع الهمه وشَمّر عن يديك
ولا تصير أنسان للذله مسالم

.....

[الحمدان]

أرسم البسمه على الوجه الحزين
وأعتبرها شي من جبر الخواطر

الكلام الزين لك كنزٍ. ثمين
وكم تسلي فيه من مكسور خاطر

وخلك اللي دوم للعاجز مُ عين
يبعدك مولاك عن درب المخاطر

.....

[الحمدان]

يـاذيب انا مثلك شمـــوخي غريـزه
اكره ردي الطبع واموت في الطيب

وعن الردى يـاذيب نفسي عزيــــزه
يمكن انا انسان فــي داخلـي ذيب

.....

[الحمدان]

شارك بعقلك بالقليل من الكلام
ما هوب شرط انك تجيب الكايده

تابع بصمــت وكــون رمز للاحترام
حـــاول تخلـــي من وجودك فايده

.....

[الحمدان]

ويبقى بعض الاشخاص كــرسائــل
لها رائحة الورد لا نمل من قرائتها

لأنهــــا لامست أرواحنــــــا بلطف
وتركت فينا أثراً جميـــلاً لا يُمحى

.....

[الحمدان]

يا مساء الخير من بعــد السلام
ويا مساء الـذوق يا اهلًا هــــلا

يا مساء الـورد بالناس الكـــرام
يا مساء الـشوق وحروف الغـلا

.....

[الحمدان]

احب الرفيق الطيّب اللي جنابه زين
واعده من الاقراب لو ماهو قريّب

.....

[الحمدان]

ما هي نهاية قصتك لو يرحلون
هذي نهاية دورهم في قصتك

.....

[الحمدان]

حي الصبـاح اللي تنفس بالاذكـــار
يشرح صدور اللي يعانـــون ضيقه

سبح وهلل واسلك دروب الابـــرار
وتصير اسعد شخـص بين الخليقه

.....

[الحمدان]

الله كـــــم غــــــالي فقدنــاه ماعاد
يقطعك يــــــادنيـــا ماوراها مسره

فيالله يـــــارب له الخلاق سجــــاد
من راح في الفردوس الأعلى مقره

آمين

[الحمدان]

يــــاسلام الله على اللي يردون السلام
والـوفـــــا يجزي وفا والتحيه وافـيه

مالقيت ازين من الطيب ومزوح الكلام
والنـوايــا الطيبـــه والصـدور الصـافـيه

.....

[الحمدان]

اقهر بلاوي الدهر بالضحك والسجـة
وأضرب برجلي دروب العز وامشيها

.....

[الحمدان]

العز للنفس واجب والحيا سنّه
وأنا يديني من الثنتين مليانه

رزقي على اللي ليا اعطى شي مامنه
والا يدين العرب تعطي ومنانه

وان شحوا الناس ربك يعطي الجنه
مايغني الا كريم الوجه سبحانـه

.....

[الحمدان]

لا يقودك سوء ظنك مثل قود الذلول
ما يقاد إلا البهايـــــم وعميان القلوب

من عطاء عقله لغيره مغفل ومهبـول
وظالم ٍ نفسه بفعلـــه وحملها الذنوب

الوضـــوح وكلمة الحق للباب العقول
والجبال الراسيه ما تحركها الهبـــوب

.....

[الحمدان]

طالبك ياربي لو كان الثمن عمري
الا الــــردي ما توقفني على بابـه

.....

[الحمدان]

للناس حق ولك على نفسك حقوق
خلك مابين البين وأحفظ توازنك

ولا تصير بين المجتمع كرت محروق
إن رحت وإلا جيت محدٍ نشد عنك

.....

[الحمدان]

السعة هي غاية النفس مامعها خشير
ماخذٍ جوي لحالي وعايشٍ في فضاي

.....

[الحمدان]

طبعي تجنب عن الناس واصد
لاشفت من لايستحق اهتمامي

صدي عن الي مايبادلني الود
شيمه لنفسي واحترام لمقامي

.....

[الحمدان]

طبعي تجنب عن الناس واصد
لاشفت من لايستحق اهتمامي

صدي عن الي مايبادلني الود
شيمه لنفسي واحترام لمقامي

.....

[الحمدان]

‏ابوي ربــاني وزرع بي مواجيب
‏يجني ثمرها كل منهــــو عرفني

‏اقّـدر الطيّب واجازيـــه بالطيب
‏ولا الردي ماهمني وش وصفنـي

.....

[الحمدان]

لا جفاك اللي تحبه فلا تلحق وراه
ما جفاك إلا وهو وده إنك تقطعه

عز نفسك عن تقفاه لا لقى قفاه
مخبل اللي كل ما أقفى وليفه يتبعه

.....

[الحمدان]

لا صــارت الدنيــــا زحام وجمهــرة
أبحث عن الحكمة بقـدر المستطاع

الصمت متعــــة فـي زمان الثرثــرة
وأجمل حضور اتقان فـن الاستماع

.....

[الحمدان]

يا ضيوف الارض ما انتم عليها خالدين
استغلوا كل ما طاب من قول وعمل

.....

[الحمدان]

طبعي تجنب عن الناس واصد
لاشفت من لايستحق اهتمامي

صدي عن الي مايبادلني الود
شيمه لنفسي واحترام لمقامي

.....

[الحمدان]

يــــالعزيز اللي مانعبد ولا نحمد سواك
نفسي اشملها بــــرحمتك واغفـــر ذنّبها

كـــل مـــايذبحني الهــم يحييني رجاك
اشكي اللي تجهل الناس وانت اعلم بها

جعلني من سّو الاقدار دايــم في حماك
وجعل عمدان الهقــــاوي مايِقطع طنبها

انت ملجـــا كـل خايف وميقن كل شاك
وكـــــل نفسٍ ندري ان ذنبهـا في جنّبها

آمين

[الحمدان]

أعامــــل الناس بأسلــوبي وأخلاقي
والناس بأسلوبهــــا تعرف معادنهـــا

وسلم على المحترم بأسلوبه الراقي
وجنب عن الي علومــــه مـــا يثمنها

.....

[الحمدان]

عــندي عــلى مبــداي خط وعلامـات
حافظه على حقوقي مثل حق العباده

والـي يــدور فـــي طــريقـي هــفـوات
يبــطي علـــى شـــرواه يحصل مــَراده

.....

[الحمدان]

أمشي مع العربان كنّي بليا قلب
أجلس وأجامل والبلا في ضلوعي

.....

[الحمدان]

أنا ما لقيت ألذ من ردة المعروف
‏على واحد وقف معك يوم تحتاجه

‏وجت له ظروف وكل رجلٍ تجيه ظروف
‏وضاقت عليه وجا على يدك مخراجه

‏شيهانه السبيعي

[الحمدان]

‏من لايعيش العمر سامي ومتغاضي
‏ماهيب دايم ضروف الوقت خادمته

‏كنز القناعه غنـاة النفس للراضي
‏يعيش دنياه فـاهمها وفاهمته

.....

[الحمدان]

مكاسب الدنيا حظوظ وتوافيق
‏وحكم القدر كل البشر يجهلونــه

‏والرزق لا ساقــه ولي المخاليق
‏ماحد قدر ياقف من الناس دونــه

.....

[الحمدان]

طبعي تغيّر وصرت الساكت الهادي
‏من جاني رحَّبت به ومن راح ودعتہ

.....

[الحمدان]

قالو لي هالدنيا ذهب أطمـــــع شوي
ياليتهــــم يـــدرون قلبي من الماس

نفسي ثمينه دامــــني بالزمــــن حي
قل للرخيص الغصن مايشكي الفأس

أنا الشموخ إللي مــن وقوفي الفّـــي
وأنا البسيط إللـي يبكيـــه الاحساس

ما أحتجت في الدنيا وإذا أحتجت لي شي
محتاج ربي ماني محتـــــاج للناس

.....

[الحمدان]

اللي شريت البعد ما غاب طاريك
حتى لو ان البعد سوى سواته

مهوب محزني على حاجةٍ فيك
إلا إن قلبي شايفٍ بك غناته

.....

[الحمدان]

‏عجبت للعالم وأولهم أنا
ما ينزلون من الأهم إلى المهم

يدلّعون أسماءنا وهي لنا
و يجرّحون قلوبنا وهي لهم

.....

[الحمدان]

من جرحنا نعذره ونصد عنه
ما نضيع وقتنا في شي فاضي

.....

[الحمدان]

‏الشعر مثل الكيف دله وفنجال
يا سايق الفنجال لا عاد تملاه

ماكل ما يخطر على البال ينقال
ولا كل شعر يبيض الوجه معناه

.....

[الحمدان]

محسُـوبه علينا أعمـارنا بالثواني
‏كل لحظة تهيّا لك من العمر عشها

‏اركض برغبه وحب وطموح وتفاني
‏شينها لا قضيت العمر من دون مَشهى

.....

[الحمدان]

لامرت الذكرى على شخص موجوع
‏كل الــــحروف تموت داخل خفوقه

‏لاتشره ان هلّت من عيونه دموع
‏معروف دمعات المفارق سبوقه

.....

[الحمدان]

‏كذاب من قال الصور تطفي الشوق
وصـورتك زادتني حنين وندامه

صورتك ملح وخاطري كله حروق
وشلون اعـانق صورتك بابتـسامه

.....

[الحمدان]

‏أنا اشهد ان الـذوق معروف راعيهَ
وانا اشهد ان الزين يغري حضـورهَ

طاريك عنــدي كنه العطــــر لافاح
يا بدر فـــي كبد السمـاء شـع نورهَ

.....

[الحمدان]

اشتقتلك ياماضي الأمس وين انت
اشتقتلك ياكل نبضي ووجودي

اشتقتلك ياشمعة البيت لاهنت
اشتقتلك والقلب يحلم تعودي

.....

[الحمدان]

‏يارب يسّــرها على كـل ضــايق
وارفع ستار الهم عن كل محزون

لو كان في درب السعاده عوايق
تهون مع رحمتك يا خالق الكون

آمين

[الحمدان]

الشيء لا طال الرجا فيه ينعاف
‏تضيع حتى قيمته لو تحقق

.....

[الحمدان]

ياوجودي وجد من حط معروفه وضاع
بين بوار الصداقه وجحاد الجميـل

.....

[الحمدان]

تعــال خلّ العيون بشوفتك تروى
انت أجمل الحُب وانت اعظم مغانيمه

العمر من دون وصلك شي مايسوى
وصلك عطى كل لحظه فالعُمر قيمه

.....

[الحمدان]

سلام ياللي عيونك ماخذه عقلي
دايم صورتك اناضرها واحاكيها

انشهد انك خذيت القلب ياخلي
وسفينة الحب انا فدوتك رسيها

.....

[الحمدان]

‏أعوذ بالله من موت الغـلا فالقلوبّ
‏هذي هي الموته اللي ماحسبنا لها

.....

[الحمدان]

لو نطاوع رغبة القلب ضعنا من زمان
لكنّ الله حط للقلب عقلٍ يردعه

.....

[الحمدان]

النفوس تمل والعالم ماهم بعيالي
بعد ماخف الهوى الشرقي وهبّ القبلي

لاتقصوى في علوومك يالرفيق الغالي
العلوم قصار لا اكتب لك ولا تكتب لي

قد تركت المجتمع كله ورحت لحالي
لاتلحقنّي سوالفهم ونا عند ابلي

.....

[الحمدان]

يجمل هواك العفّ قلب عليه تمون
ليا من غدا حلوه بعيني مثل مره

وأعيد السوالف معك للمره المليون
ولا أمل من ترديدها لك ولا مرّه

.....

[الحمدان]

لا صرت متعافي من الله وبخير
‏يكفيك وقت عصير للراس فنجال

‏ماعاد أبي الا رضى الله ولابي غير
‏ماهمني جمع الغنايم والامــوال

‏يالله يامنشي السحاب المـــزابير
‏إنك تجنبنا المصايب والاهـــوال
‏
محمد الروقي

[الحمدان]

يسعد ملامحها ويسعد مساها
ام الوصوف النادره والخطيره

الطول فارع والكمال بحلاها
خصلة شعرها بالاناقه جديره

الزين فيها والله اللي عطاها
تفرق عن الترفات في كل ديره

الله يبعد عن فرحها شقاها
وجعل السعاده في قدرها كثيره

.....

[الحمدان]

‏رغم مفهومي للارض وديرتي وترابي
‏الوطن يمكن يكون انسان والا انسانه
‏
عبدالله السراهيد

[الحمدان]

واذا طاح المطر والبرق لاح وقرّب المرباع
ذكرت اللي تجيني راضيه وتروح مغصوبه

.....

[الحمدان]

لك الحب يجمعني حطب والوله كبريت
ومسا البارح طيوفك لقوني وشبوني

.....

[الحمدان]

وش المانع احبك واحبك بدون اسباب
ماعندي سبب مدامك انت اجمل اسبابي

.....

[الحمدان]

كرامة النفس أعظم من مشاعرها
من عز نفسه لقى فالناس مقـداره

.....

[الحمدان]

بـين الجديد وذكرياتن قديمه
حاجات مفقوده وحاجات للحين

وكن الهوى لا هب بارد نسيمه
يذكر اللي عن هوى الشوق سالين

فقدت لي حاجه لها ألف قيمه
راحت بها أيام وشهور وسنين

.....

[الحمدان]

لك طله كنها القمر في محياك
يضوي سنا نورك عتيم الليالي

من لايعشق بالغيد مثلك وحلياك
لا جاء مجال الزين لايجيب طاري

.....

[الحمدان]

تدري اني ميتٍ فيك من ذيك السنين
واتمنى اقابلك لاجل اقول اموت فيك

لو يجيبك جاه جيتك بجاه الطيبين
ولو يجيبك مال ببيع بيتي واشتريك

.....

[الحمدان]

علاج الكبود اليا تعديت حدّ النور
على ضو قمرا في طرف خايعٍ خالي

.....

[الحمدان]

‏عيني على عقرب الساعه ودقاته
يالتني ماذكرت الشوق لعيونك

ابسألك يابعد قلبي ونبضاته
من مات فيك كيف يعيش من دونك

.....

[الحمدان]

ما بين ظرف الزمان وبين ظرف المكان
إن جيت خلّك معي وإن رحت خلّك معي

.....

[الحمدان]

يهب برد الوداع بليلة المسرى
‏تقفي بوشاح الدفا وتجرّد اضلاعي

‏ويلوح طيفك حنين بسكة الذكرى
‏يحرث بقايا سهر ويجدد اوجاعي

.....

[الحمدان]

‏تبَسَّمْ وابذُلِ المعروفَ دومًا
وكن سمْحًا بما فيه الكــــفايةْ

جَمالُ الشكلِ مطلوبٌ ولكن
جَمـالُ الروح أولـى بالعنايـــة

.....

[الحمدان]

رافق ولكـن لا توافـق على خمـس
لو يطلـبونك صحـبتك لا توافـق

فاسد وراعي بخل والمزعج العمس
ومعهم رفيق المصلحه والمنافق

.....

[الحمدان]

الله اكبر عد همال السحابه
واحمده حمد التقاه الشاكرينا

خالق الانسان محصي له كتابه
مجري الافلاك رب العالمينا

لا شريك له ولا ند مشابه
المدبر والمصرف والمعينا

من رفع كفه ميقن بالاجابه
اكرمه واغناه مغن السائلينا

.....

[الحمدان]

ياليت لي قدره على رد الاصوات
اللي علي اصحابها مايردون
ㅤㅤ
اللي مع دروب السفر راحو افوات
في رحلة ركابها مايعودون
ㅤㅤ
ياما خذينا معهم ايام حلوات
نلهي وهم ماعندهم وقت يلهــون
ㅤㅤ
نذكر محاسنهم وهم صاروا اموات
وننسى محاسنهم قبل مايموتون

.....

[الحمدان]

هي اربع اشياء اللي تشرح الخاطر
‏الورد والغيم والأمطار والقهوه

.....

[الحمدان]

عليك الغلا مردود يالغايب الموجود
سوالفك غابت مير طواريك ماغابت

غيابك حضورٍ له بصدر البيوت شهود
وش اللّي يغيب ضحكتك والغلا ثابت

أحنك مثل ما أحن وجهي من المنقود
وأعدك ليا عديت الأيام وش جابت

.....

[الحمدان]

‏على رغم غيبته ما كنت ناسيه
كنت أتحرى طلته وأحتفي به

وشلون أعالج جرح قلبي وأداويه
لا صار قلبي منجرح من طبيبه

.....

[الحمدان]

‏كون واضح بالتعامل ما أحب إلا الوضوح
يا وصل يرضي مقامي يا جفا تُحشم معاه

كل قلبً منت قادر تسّعده خلّه و روح
يمكن إنّه في حياة الغيـر يلقى له حياه

.....

[الحمدان]

أشوف السحابه وأتذكر عيون الحر
تذكرني الامطار بالجرح والجارح

هذا الجو ماهو جو كشته وطلعة بر
هذا الجو جو مشابك يدين ومصارح

.....

[الحمدان]

أحيييه يابردِن سطا في عروقي
ماظني أدفأ من لهب صالي النار

بس أنت ياللي ساكنِِ في خفوقي
لمسة كفوفك تجعل البرد ماصار

.....

[الحمدان]

الزين ياسعود مشغولن تلفونه
والظاهر انه بعد ياسعود عطلاني

ادق عشرين مره مايشيلونه
ياسعود ماكن وسط البيت عرباني

.....

[الحمدان]

أحــب دهــن العــود وأنــواع الأطـياب
وأحــب نــاس ما تعــرف القطيــعة

وأحــب كــل إنســان راقــي وجــذاب
صــدوق فــي حــبه ونفســه رفيعــة

تـرى الـوفــا بقلوبنــا مـاله اسـبـاب
فطـره خلقهـا الله وصـارت طبيعة

.....

[الحمدان]

يابـو عيونٍ بخمر الحب سكـرانـه
ياجرح قلبي عليك ويافري جيبـي

دامت حياتي وموتي عندك أرهـانه
فأريح لي الموت من قهري وتعـذيبي

أقضي علي وأركزي فالقبر ريحـانه
وألا أنقضي ياجميلـه ماعملتي بي

وألا أوقفــي وقفة الوافـي لديانه
وأعاملك لين نمشط روسنا شيبـي

.....

[الحمدان]

لبيه يا صوت اليا من تباطيته
احزن واغيب عن العالم واهملها

ولبيه يا صوتٍ ليا مني اوحيته
سماعتي كل ما سكر اقبلها

وان دق رقمه على الشاشه وشليته
ما كنّي الا ملكت الناس باكملها

.....

[الحمدان]

دكتور من حبه لي أعوام ما طبت
مدري وش الي في غرامه بلاني

قلي وش اللي تسمعه يوم قربت
سماعتك ما بين عوج المحاني

.....

[الحمدان]

العرب تحتاج والطيّب يسد اللزوم
‏ومن قضا لناس حاجة قضا الله حاجته

.....

[الحمدان]

منه السوالف اذا سولف تجي ذربه
‏يحسبنّي اسمع وأنا في بحّته غادي

.....

[الحمدان]

المساء في عيني بدونك ولا شي
امسي العالم بـلا روح واحساس

وكلمة مساء الخير من مبسمِك لي
تخلي مسائي غير عن باقي الناس

.....

[الحمدان]

ماهقيت ان القمر مثله قمر
‏لين شفتك ياشبيه احلى ملاك

خالد الفيصَل

[الحمدان]

الشوق لك والغلا لك والنظر صوبك
‏وعين الغلا مابها غيرك يَماليها

.....

[الحمدان]

قد نحترم بالقناعه جانب المفترض
من واقع الامر في معناها حسب الرضا

وكل مفروض من غايه وراها غرض
يتم رفضه ورى ماكان فيما انقضى

قرار موقف ويعني من عليه اعترض
بحكم له حق يمضي فيه او ما مضا

.....

[الحمدان]

أَيَحْسُن بعد ضَنِّكَ حُسْنُ ظنّي
فأَجمعَ بين يأسي والتَّمنّي

وما نَفْعي بعَطْفِك بعد فَوْتٍ
كَرِقّة شامتٍ من بعد دفن

أَأَطْمَعُ أَن أَكون شهيدَ حُبٍّ
فأَصْحبَ منك حُوريّاً بعَدْن

ملكتَ عليَّ أَجفاني وقلبي
فأَبعدتَ الكرى والعَذْل عنّي

فكم أَرعيتَ غير اللَّوْمِ سمعي
وكم أَوْعيتَ غير النوم جفَني

صَدَدْتَ وما سوى إِفراطِ وَجْدي
لك الداعي إلى فَرْط التجنّي

لقد أَبديتَ لي في كلّ حُسْنًٍ
ضروباً أَبدعت كلَّ حُزن

فكم فنٍّ من البلوى عَراني
لِعْشق الوصفِ منك بكلِّ فنِّ

كأَنّكَ رُمْتَ أَن أَسلوك حتى
أَقمتَ الشِّبْه في بَدْرٍ وغُصْن

فأَلْبَسَ وجهُك الأَقمارَ تمّاً
وعلَّم قَدُّك البانَ التثنّي

رماني في هواك طِماحُ طَرْفي
إلى حُسْنٍ فأَخلف فيك ظنّي

فكم دمعٍ حَمَلْتُ عليه عيني
وكم نَدَمٍ قَرَعْتُ عليه سِنّي

غدرتَ وما رأَيتَ سوى وفاءٍ
فهّلا قبل يَغْلَقُ فيك رَهْني

ولو حكم الهوى فينا بعدلٍ
لكنتَ أَحَقَّ بالتعذيب مِنّي

أَقمتَ الموتَ لي رَصَداً فأَخشى
زيارتَه وإِن يك لم يَزُرني

.....

[الحمدان]

لا تُكن للعيش مَجروح الفؤاد
إنما الرِزقُ على الله الكَريم

كُن غني النفس واقنع بِالقَليل
مُت ولا تطلب مَعاشاً مِن لئيم

.....

[الحمدان]

عِيْشوا مع الناس بالحُسْنى وباللّيْنِ
لا تُرْهقوا حالَكم معْ كلِّ مِسْكينِ

مَنْ جاءَ جاءَ ومَن وَلّى فلا حرَجٌ
الحبُّ دِينٌ ولا إكرَاه فِي الدِّيْنِ

.....

[الحمدان]

لا لن يملَّ من الصلاةِ لساني
لمحمدٍ والآلِ دون تـــــواني

صــلوا عليه وسلموا هي آيةٌ
فرضتْ على الأنسانِ في القرآنِ

صل الله عليه وسلم

[الحمدان]

يـاوقـت الـشـدايـد فـادني كـل ماسويت
رغـم ان قسوتك يـاوقـت ماكنت طايقها

عرفت الصديق اللي طلع فوق ماضنيت
وياكثر اصدقـاي اللي صدمت بحقايقها

مهنا

[الحمدان]

‏الرابح اللي إذا ضاقت بوجهه سجد
لا نزل الرأس للخالق ودمعه رقى

اللي لقى درب ربه بالزمن وش فقد
واللي فقد درب ربه بالزمن وش لقى

فيصل الرياحي

[الحمدان]

‏يارب ترحم ساكنين المقابر
واغفر لهم عن كل ماصار منهم

في ضعفهم يارب تعلم وخابر
يارب تبعد وحشة القبر عنهم

سعود عايد

[الحمدان]

‏أحدن يجي وأن راح محدً درى فيه
يعني حضوره والعدم شي واحد

واحدن حضوره غير وان غاب ندعيه
واحد ويسوى بالعرب ألـف واحد

.....

[الحمدان]

عسى نقبل ونقفِي وحنّا عزاز نفوس
وعسى من يظن فينا لقانا على ظنّه

.....

[الحمدان]

‏جالس لحالك وكرسيّ الخشب يحتويك
وتمرّك الريح وتشاورك تلحينها

تمرّك العابرين وما تسلم عليك
إلا غريبٍ طوته الأرض بسنينها

قال أنت جالس لحالك تنتظر من يجيك
قلت أنتظر روحي اللي ما أعرف وينها

‏سعد علوش

[الحمدان]

اتقدم لك من الشوق واعوّد وراي
‏في وسط قلبي محبه وفي وجهي حيا

.....

[الحمدان]

عليك الغلا مردود بالغايب الموجود
سوالفك غابت مير طرياك ما غابت

غيابك حضوراً له بصدر البيوت شهود
وش اللي يغيب ضحكتك والغلا ثابت

احنك مثل ما حن وجهي عن المنقود
واعدك اليا عديت الايام وش جابت

.....

[الحمدان]

والله اني لاذكرتــك زان حـــالــي
يادواء المجروح في الدنياء وطبه

والله انك في المحبه راس مــــالي
وانك اغلا شخص في الدنياء احبه

.....

[الحمدان]

تدري وش اللي يجرح القلب بالذات
لا خابت الهقوه في شخص تعزه

.....

[الحمدان]

يارب واللي بقلبي مايصيغه لسان
‏الهمني ادعيك لين اشعر بزود الرضا

آمين

[الحمدان]

الحاجة اللي دونها منّة الناس
‏لو هي دوا عيني تنازلت عنها

.....

[الحمدان]

‏الزله الي ضيّـقت صدري وانا صدري وسيع
من واحــدٍ ماكنت متـوقـع علي يزلّهــا

لو انها ماهـي منه قلت شرهاتي تضيع
لكنها جت من قريـب والدروب تدلهــا

.....

[الحمدان]

‏كل ما شحّت وجيه الناس وجهك يرهي
سعد عين اللي قضى عمره مقابل وجهك

.....

[الحمدان]

ترى الكلام الزين مثل المفاتيح
يفتح لك أبواب القلوب الصعيبه

.....

[الحمدان]

‏يالله لا تجعلني على الناس محدود
‏اجعلني اللي طاب دينه وعرفه

آمين

[الحمدان]

قلبٍ صفالك بالوفا يوم يغليك
‏ماهو بعاجز لا تغيرت ينساك

.....

[الحمدان]

‏حاول انك تعشق الفعل وتعاف الكلام
‏خل كفك بطن غيمه وصدرك مقبره

.....

[الحمدان]

‏الصداقة عند الاجواد ماتذهب سدا
‏لو قطعت عنوقها ما قطعت عروقها

.....

[الحمدان]

من راح من كيفه إفتح له ثلاثِين باب
لا تحرم الشخص من حقه وحريته

.....

[الحمدان]

‏ياحزينة جعل الأحزان عن قلبك تزاح
‏ودي أسرق لك من البهجه بخاطر طفل

‏كل بسمه منك تنفث على الصدر إنشراح
‏وكل ضحكة منك تستاهل نسوي حفل

‏ولا بكيتي صدت الشمس عن وجه الصباح
‏وأنبهت لون المجرّة وكل كـوكب أفل

‏دمَع كل الناس مالح لكن دمَعك قراح
‏كل مَـا تبكين ينبت على خدك نفل

.....

[الحمدان]

سقـى الله غلاه اللي ثبــت والزمان يدور
على وين ماسجـيّت له صـورةٍ حـيّه

.....

[الحمدان]

فــي داخـلي غايتن بين الحنايا تجول
لو صارت تصير أموري كل ابوها تمام

.....

[الحمدان]

لا يلحقك شك في قدرك ولا في غلاك
‏ لو صارت ظروف وقتي معك متخالفه

.....

[الحمدان]

صديت صدت عزيز راح في حاله
‏يشوف صده ثبات وغيبته هيبـه

.....

[الحمدان]

من لايقدر قيمة الشي فِي يديه
لا راح منه ماتفيد الحسايف

.....

[الحمدان]

قدرت احبك يوم شفتك على طول
ولا قدرت انساك في عام كامل

.....

[الحمدان]

مثل المطر ياصافي الروح ذكراك
يغسل هموم النفس ويروي ضماها

.....

[الحمدان]

‏كل ما جاني من الغالي قصور
قلت عادي طيبه يغطي رداه

التمس له عذر واقول أنه معذور
غالي ومن حقه يجرب غلاه

.....

[الحمدان]

اما نعيش وهامت فعولنا فوق
ولا نموت وسمعت الطيب حيه

.....

[الحمدان]

تدور الخرايط كلها والأراضي السبّع
ويمرونك أغلبهم وشرواي ما مرك

.....

[الحمدان]

ياسعْد حظْي يوم سمُوك محبُوبي
يا واحد بقرْبك زان لي كل العمر َ

.....

[الحمدان]

‏الليالي بعد عينك جسد من غير روح
سيّدي ياويل نفسي عليك وويلها

معك ربّيت المحبة على قد الطموح
والنصيب يحدها والجفى يوُمِي لها

أثري الغيبة حقيقة وأنا احسبها مزوح
قامت الدنيا علينا وشدّت حيلها

ياحبيبي انشد الوقت والحظ الشحوح
من جدار البال صورتك كيف أشيلها

.....

[الحمدان]

‏أهديتك قلب ماسكن فيه مخلوق
قلبن عجز لايقنعه ايي انســـان

قلبن عنيد ونظرته دايمن فـوق
قلبن كتوم وماشكى هم واحزان

.....

[الحمدان]

ما يضيق الحُر من حكي السقيم
‏وشرهة العاقل على الجاهل جهل

.....

[الحمدان]

‏الطيب قصرٍ ما تجيه العذاريب
‏والتربيه هي سور قصره وساسه

‏من لا تربي في شبابه على الطيب
‏ماهو بمتربي ليا شاب راسه

.....

[الحمدان]

خطاياك واجد والعذر ماقدرت القاه
جروحك يحس بضيقها من مجربها

ولو الغلا يدمح خطاياك في مأواه
ترى النفس في حفظ الكرامه مدربها

تحمّلتك الين الصبر طاح من مركاه
واخاف انفجر من شي تافه واخربها

.....

[الحمدان]

الله يجعلني مع الناس محبوب
‏ويزيدني بقلوب ربعي محبه

‏الآدمي لا صار بالناس مرغوب
‏هذا دليل انه كسب حب ربه

.....

[الحمدان]

لو تشوف الكل عكس الاتجاة
‏لا تسوي شي من غير اقتناع

‏اختـلاف الراي مفهوم الحياة
‏واتباع الناس مفهوم الضياع

.....

[الحمدان]

صمت الغلا في داخلي يكتب أبيات
عيت قوافي الشعر تعرف بحرها

أصدق كلام الحب لاصار دمعات
واصدق دموع الحب لحظة سهرها

.....

[الحمدان]

ياللي تعلمني على جدول الضرب
عطيني نتيجة ضرب وآحد بواحد

واعلمك قبلة الشرق والغرب
وش تعني الدنيا اذا غاب واحد

.....

[الحمدان]

يقول اللي يصد برغبته ما تحراه
كم واحد قد صد ولا احتريته

مافيه احد ما اقوى بعاده وفرقاه
العبد لاشيمت نفسي قويته

ونفسي لياصدت من الواحد اجفاه
ولاني بصبر نفسي لاجفيته

.....

[الحمدان]

الظن يوجع راعي الظن لاخاب
والنفس لاطابت من الشي طابت

عزالله ان الجرح يبطي ولا طاب
والمشكله لاعافت النفس عافت

.....

[الحمدان]

كنا بلا جنحان واليوم طرنا
واثر السما ياصاحبي عج وغبار

ياما حلمنا نكبر و من كبرنا
صارت أعزّ احلامنا نرجع صغار

.....

[الحمدان]

لا تنتظر رد الجمايل والارباح
ولا تلتفت في طيبك اللي صنعته

الطيب بوجيـه الكريمين ما راح
ولا الردي ما ينفعك لو نفعته

.....

[الحمدان]

‏بعض البشر لها مواقف اصيله
أغنى من الألماس في كف ميزان

وبعض البشر ينساك مده طويله
يقضي بك الحاجه وينساك أزمان

.....

[الحمدان]

‏صف النوايا واذكر الله ترتاح
واللي تشوفه قابله بأبتسامه

وخلك وسيع الصدر طيب ومزاح
ترا الزمن مايستحق الملامة

.....

[الحمدان]

حنا على الدنيا ضيوف مسايير
‏وبكره نشد الراحله للثمينه

‏والرابح اللي لا خذته المقادير
‏ماغرته دنياه من دون دينه

.....

[الحمدان]

منهو اللي ما يهوجس وصدره مايضيق
أعتقد مافيه حيٍ على الدنيا أستراح

.....

[الحمدان]

لاصار لك شخص تحبه وتغليه
لاتدخله في كل طاري وسيره

سكر عيون الناس لاصرت شاريه
محدٍ بهذا الوقت يعطيك خيره

.....

[الحمدان]

يادار ما مريتك إلا وانا أغْليك
وْحِبٍ لناسٍ كِنت أدوّر رضاها

.....

[الحمدان]

هاذي الثقه بالنفس من دون تزييف
واضـــح وضــوح الشمس كلا يهابه

نسعى الى العليا ولو كان بتجديـف
حتى ولو حظ الـــردي صك بابـــــه

.....

[الحمدان]

ياقلب لاتظهـــر خوافيك للنــــاس
يكفيك من يعلم جميع الخــــوافي

عيش الأمل لو كنت غرقان بالياس
ياكم بلوى جت بعدها عـــــــوافي

.....

[الحمدان]

وش حيلة المشتاق لا ناموا الناس
لا مرّت الذكرى بساعة مبـاتـه

ووش حيلة اللي كل ماصابه نعاس
صفّت طيوفك فوق رمشه وجـاته

الفقد جمره مثل ماقربك احساس
لـو عاشها مابـين ذاتـه وذاتـه

اعظم شعور يزوّد الهم والباس
من يـرثـي بعينه جميع امنياته

.....