اخترنا لكم

[الحمدان]

عاتبوني يوم شافوني وحيد
مادروا باني من الفرقا مصاب

اكتب ابياتي ولا احب القصيد
كثر ماني كارهه شعور الغياب

.....

[الحمدان]

‏جعل الليالي كلها سهود ومهود
‏نسعد ولا نحزن ولا نعرف الضيق

آمين

[الحمدان]

‏لا طالت الخوّة تبين العذاريب
‏ويعرف قراح البير والا هماجه

‏ابعد عن اللي لا زعل ينكر الطيب
‏اللي تقلّب عشرته مع مزاجه

.....

[الحمدان]

‏بعض البشر حتى ولو مامعه شي
تلقاه بعيون الاُجاويد هامه

وبعض البشر يملك ملايين وشوي
متغطرسن عند اقصراه وعمامه

الاولي زاد احترامه وهو حي
والثاني ينقص كل يوم احترامه

.....

[الحمدان]

ان شانت الدنيا ترى العمر مقسوم
محدن حياته جت على مايـــريده

ﺩﺍﻳــﻢ ﺗﻔﺎﺋﻞ ﺑﺎﻻﻣـﻞ ﻭﺍﺗﺮﻙ ﺍﻟﻠــوم
ﻋﺶ لحظتك ﻭﺍﻟﻠـﻲ ﻣﻀﻰ ﻻﺗﻌﻴﺪه

.....

[الحمدان]

يكفيني إني عن ثرى الزيف معزول
لو عشت في نجم الحقيقة لحالي

.....

[الحمدان]

يقول أنا وش قيمتي في حياتك
قلت النظر لا راح وش قيمة العين

.....

[الحمدان]

‏مآ يذبح الرجل الثقيل السنآفي
‏إلآ العلياء إللي تعرف الموآجيب
‏
‏بنت الرجآل إللي بهآ الزين ضآفي
‏إللي تعرف الطيب وتجنّب العيب

.....

[الحمدان]

‏يـاكـثـر مانـاس تـحْـسِبـهـا وتـحْسِبها
‏والتجربه تكشف ادناها على اقصاها

‏ماتـعرف الـنـاس لـيـن انّـك تـجربـها
‏حـكـمه قـبـل لا نـجـرّبـها سمـعـنـاها

‏نـاسٍ وفـا طـيـبـها فالطيب يكـتـبها
‏وناسٍ رداها مع أهل الطيب يمحاها

.....

[الحمدان]

يالادمي رزقك من الرب مقسوم
ناسٍ عطاها الله وناسٍ حرمها

اتجاهد الايام واتطيح وتقوم
ولا لك نصيب بحاجةٍ ما قسمها

.....

[الحمدان]

إزعل على كيفك مثل ماتبي وأرض
واخذ بدال العام عشرين عامي

لاقامت الساعه ولا ضاقت الارض
ومانيب لا جايع ولانيب ضامي

لاتحسبّنك مصدر الرزق والقرض
ومن دونك اركاب المعيشه حيامي

ومواصلك لا هوب سنّه ولا فرض
ومواجهك ماهوب كل إهتمامي

.....

[الحمدان]

تمنيت شي وقدر اللّه شي وصار
ولا لي سوى وجه الرضى لو تصنعته

.....

[الحمدان]

انا هقيت ان راحة العبد فيما اختار
واثر خيرة المولى لعبده مسنعته

.....

[الحمدان]

تبون الصراحة والله اني بغيت انهار
ضروف الحياة اقسى من اللي توقعته

.....

[الحمدان]

الله عليهـا يـوم تمشـي وتختـال
ماكنهـا إلا بالـف ليـلـه وليـلـه

تمشي تحط امثـال وتبـدل امثـال
وتعيـد ترتيـب الزمـن والجميلـه

يدها على يدها ونوبً علـى الشـال
من خوف لايصقط ويظهـر جديلـه

يوم اقبلت كن القمر ضايـعً ضـال
خل الفضا واصبـح يـدوّر دليلـه

اميره اميـره وانـا اقـول مايقـال
النـاس تشـهـد والاوادم كفيـلـه

يمثـل الزينيـن ويقـود الاجـيـال
ومواصفاتـه فالبـشـر مستحيـلـه

يمشي شوي شوي ومطـوّل البـال
وزودً علـى ذلـك طويلـه طويلـه

عينه تعزّ رجـال وتطمّـن رجـال
وياسعد من صارت بحظـه حليلـه

اليا نظر كنّك علـى جبهـة قتـال
والله واكبـر يالرمـوش الظليـلـه

واليا ارتبك في نظرتـه خايـفً ذال
للمووت بعيونـه وامـووت بسبيلـه

واليا التفت فرحان يوم الخطـر زال
بضـرب تحيـه للعيـون الكحيلـه

وإن سلهمت بعيونها كيف الاحوال
ضاعت علومي والمواقـف جليلـه

عيونهـا تجـرح وتشفـي وتغتـال
وفـي حقهـا كـل القصايـد قليلـه

والمبسم المبسم غدا نجـوم وهـلال
النجـم يكشـف والهـلال يعديـلـه

والياضحك تنبت على الارض الامال
واليازعـل تغـزي قبيلـه قبيـلـه

وفي بسمته يقهر ويسعـد ويحتـال
والياانتقـم يضحـك ويبـرد غليلـه

وبالراي والحكمة لها قـول وافعـال
واللـي محببنـي ثقيـلـه ثقيـلـه

ماهزها التاريخ يوم الزمـن عـال
لا زال يعطـي والنصايـح جزيلـه

في حضرته عشنا سواليف الابطـال
عز الزمان ويـوم وقـت الاصيلـه

طيفه يلاحقنـي مسافـات واميـال
وذكراه تلعب فـي لعـب الكحيلـه

واليوم ابا اكتبهـا واوثـق للأجيـال
فـي ذمتـي ماجـا ولاجـا بجيلـه

.....

[الحمدان]

يا جعلني ما اذوق ﺣﺰﻧــﻚ وفرقـاك
‏يا مسندي يا محزمــــي يا عضيدي

‏تضيع صدقـــان الرخــا لكن ألقـــاك
‏في شدتي مثل الذهب في رصيدي

.....

[الحمدان]

أنت يا حلو الملامح ويا حلو الصفات
جلّ شان اللّي من الزين معطيك رهوه

يا محاصرني بذكرك من الأربع جهات
ما تركت لساحة البال سجه و لهوه

أرتبط وجهك مع الورد و الماء والنبات
وأرتبط طاريك مع كلّ فنجال قهوه

.....

[الحمدان]

سقى الله يوم القلب خالي وحنا صغار
ماندري عـن الدنيا ونجهل بلاويها

.....

[الحمدان]

‏الله الله يالدروب المستقيمة
كيف أجادل واحدٍ ماهوب قدّي

شرهة العاقل على النفس الكريمة
وأحتفظ بالرد في مزحي وجدّي

يفرح الجاهل ويحسبها هزيمة
مادرى عيني لمثله ما تلدّي

صدّتي عن بعض خلق الله غنيمة
ما يوالف قلبي القلب المصدّي

.....

[الحمدان]

يا مساء الكيف والبن النظيف
‏نسكبه للي لهم قدر وغلا

‏ندري أن الكيف ما يكمل بكيف
‏إلا إذا حطوا مع القهوة حلا ☕🍰

.....

[الحمدان]

‏ليت الكلام يداوي الجرح والروح
‏كان القصيد اللي نقوله نفعنا

‏او ليتنا لا فضفض لساننا بـوح
‏يطـيـب جـرحٍ غـافـيٍ يمتحنا

.....

[الحمدان]

‏نوفي مع الوافي بكل المطاليب
‏ونشّد ظهر الكفو لا ضاق حاله

‏نعيش بالعليا على منهج الطيب
‏والحر مايخضع ليا ضاق باله

.....

[الحمدان]

غلطة رفيقك خبهــا بين الاضلاع
يامـــــا بصندوق الضمايـــر مخبأ

.....

[الحمدان]

مـن يعتزّ بالله يشـــــوف التباشير
عـز الله إن فـــــال السعد دوم فاله

الله يقول نروح في الارض ونسير
الله خلقنا كـــل واحـــــــد لحالــــه

.....

[الحمدان]

طبعي ‎اجنب عـــن الناس وأصد
لا شفــت ما لا يستحق ‎اهتمامي

فـــي ذمتي ماهو ‎بمعجزني الرد
انا اعتبر ‎صمتي جزء من كلامي

لكــــن عنــدي كل ‎حاجة لها حد
قبـل توصـــل ‎هيبتي ‎واحترامي

.....

[الحمدان]

‏ماجيت احبك حب مثل المحبين
‏جيتك غلا بـاحساس قلبي يوده

‏اهديك روحي بالغلا ومحجر العين
‏أبني غلاك بقصر محدٍ يهده

‏وأفرش لك بالصدر ورد ورياحيين
‏واسقيك من نبع الحنان والموده

‏واكتب قصايد الحب فيك بقوانين
‏دستور ماغيرك من البشر يستمده

.....

[الحمدان]

نموت ماعشنا على رزق الذليل
والنفس نجبرها على حب الصبر

لو مانطول التمر في روس النخيل
نموت ماناكل من الطايح تمر

.....

[الحمدان]

لا ضاق صدرك وامتلت عينك دموع
وقام الحـــزن يكبر ويتعب حياتــك

عليك بالركعــات والعالــم هجــــوع
وربـــك يفرجهــــــا عليك بصلاتــــك

سبحانه

[الحمدان]

‏جاني من الصدمات ما شيب الراس
‏وقدرت أميّز بين صالح وطالح

‏وعرفت بإن الناس ماهيب للناس
‏ومن طول الغيبات جا بالمصالح

.....

[الحمدان]

‏مآ يذبح الرجل الثقيل السنآفي
‏إلآ العلياء إللي تعرف الموآجيب
‏
‏بنت الرجآل إللي بهآ الزين ضآفي
‏إللي تعرف الطيب وتجنّب العيب


.....

[الحمدان]

كلّ طـيّـب يـرزقه ربّـي على نيّاته
‏ماخذا منه الجميل إلا عطاه الأجمل

.....

[الحمدان]

‏ياطـائر الأشــواق أصبحت محتــار
‏أبغي جناحــك في زيارة قصيــرة

‏أزور من يهــواه قلـــبي ويختـــار
‏وأسكب دمـوع الشوق عنده غزيرة

‏وأحكي له الفرقة قصـائد وأشعـار
‏والقي على الأحبــاب نظره قصيرة

.....

[الحمدان]

خل صدرك يالسنافي على الدنيا وسيع
واعرف ان الضيق فالقبر والدنيا سعه

.....

[الحمدان]

تباً لمن يحسب ان الصمت خطة هروب
وشكراً لمن يعرف ان الصمت رفعت مقام

شيهانه

[الحمدان]

‏يالله بنفحات جودٍ كل مامرّت
‏يمر معها فرج ربي وتوفيقه

آمين

[الحمدان]

‏ابوك وامك في حياتك غناتك
‏دوّر رضاهم من رضاهم رضاء الله
‏َ
‏في برهم تلقى السعد في حياتك
‏وتوفيق ربي في الميادين تلقاه

.....

[الحمدان]

قلبك ترا ماهو بفنجال قهوه
‏تكرم به اللي كل من جاء مسيّر

.....

[الحمدان]

طبعي مزوح وخاطري دوم مرتاح
ماشيل في قلبي على الناس حاجه

.....

[الحمدان]

يأتي المساء لـتُزهر الرّوح ويعم الهُدوء
‏سلاماً طيباً لأصحـاب القلوب الطيبـة

.....

[الحمدان]

‏صرت أحب الإنعزال بصدر رحب وبال رايق
‏وودّي أهرب عنّي وعن قلبي المرهف وذاتي

‏وصرت أسلي نفسي بموّال تركي وابن شايق
‏والقصيد ودفتر أيامي وباقي ذكرياتي

‏أدري إنّ الدمع في عين المها ماهو بلايق
‏ما يليق إلّا ابتسام وضحكتينٍ من شفاتي

.....

[الحمدان]

انا مع الكل سمح وخاطري راضي
لو شفت منهم خطا ماكني اشوفه

.....

[الحمدان]

قـدر مـقـام اللـي يـقـدر مـقامـك
‏واجز الذي عاملك بالخير خيرين

‏أحـذر تـنقص للـوفـي اهتمامـك
‏مايجحد الـوافيـن غيـر الـردييـن

.....

[الحمدان]

اغليه وأدري ان الغلا توه شروق
والحب ماينقاس يومه وعامه

احدٍ تشوفه سنين ومايملي الموق
واحدٍ من اول نظره طحت بغرامه

.....

[الحمدان]

‏الشوق مثل البحر وأطيافه امواج
‏وعُمر البحر ما كان في يوم هادي

.....

[الحمدان]

خذاه الزمان الشين واقفى به وقفيت
وانا ادري بحبه وادري ان مهوب بوده

عليه اتوجد كل ما صبحت ولا امسيت
وعليه الجفون تكفكف الدموع وترده

والا ياوليفي ضعت في حبك وعفيت
من الحب لا ابو الحب بعدك لابو جده

لاني ما عرف انسى ولا اخون لا حبيت
ولاني ماحب الا انت لو طالت المدّه

.....

[الحمدان]

تذكر يوم أعذرك وأنت لا صادق ولا معذور
‏أدور لك عذر وأصدقه وأكذب أحداقي

‏تذكر يوم جيت من الحزن متضايق ومكسور
‏فرشت لك الضلوع وقلت لك ياسيد عشاقي

.....

[الحمدان]

‏مانويت اطاوع القلب لو انه رزين
‏انت غالي بس الايام ملعونة جدف

‏رغم حوم الشك حولي بقى عندي يقين
‏لو تفرقنا الليالي بتجمعنا الصدف

.....

[الحمدان]

تدلل فداك الشعر والشاعر المغرور
مدام الحروف اتزين من فمك الطاهر

مدام الحنين يداعبك من مساء النور
فداك المساء دام الوله منك متناثر

.....

[الحمدان]

اي والله انك فـــي عيوني اميره
ماهوب حكي ازينه لاجـل يغريك

انت صفاتك ياغرامــــــــي مثيره
تثير روح البوح فـي نبض مغليك

.....

[الحمدان]

‏صرنا نراقب بعضنا من بعيد لبعيد
‏هو ينتظر جيتي وأنا أنتظر جيته
‏ِ
‏هذي حياة العنيد إليا عشق له عنيد
‏كلن جلس ينتظر حسب مزاجيته

.....

[الحمدان]

في حفظ الله وين ماحلت خطاويك
استودعتك الله وانت اغلى وداعه

آمين

[الحمدان]

ولدنا من احداث الزمن بعد مولدنا
رضعنا من الشده كما يرضع المولود

كبرنا من الصدمات حتى تجسدنا
ومن مهدنا المحدود لامهد لامحدود

فقدنا الأمل واليأس من قبل يفقدنا
وجدنا التواجد قبل مانفقد الموجود

.....

[الحمدان]

اهـل المـعـارف تـمـيزهـم مـعارفـهم
ماهو على المظهـر الجـذاب والهيبه

والناس لـناس تكـشـفهم مواقفـهم
وكـل واحـد تـعــرف بـه اســاليبه

اخلاق الاشـخاص فالواقـع تصنفهم
حـسـب الفـعايل لكـل انـسان ترتيبه

بـه ناس مـن طيـبـهم لابد نألفــهم
نعتاد مـنهم سـمات الصدق والطيبه

.....

[الحمدان]

‏انطق بقول الحق والحق راحة
مافاد في العالم فنون التعامـل

جاملتهم قالوا وين الصراحة
صارحتهم قالو ماتعرف تجامل

.....

[الحمدان]

اضحك وابتسم لجميع المخاليق
وخلِ الأمل بين العيون وهدبها

دنياك ماتسوا يجي داخلك ضيق
وايامك الي مضت لاتحسبها

.....

[الحمدان]

بطلنا العتاب وتركنا اللي نسيناه
اللي خذلنا ما نبي نرجع نلومه

جرح الكلام أشدّ من طعن يمناه
واللي يبيع قلوبنا ما نعزّه ونقومه

.....

[الحمدان]

اذا بصرت الزمن قاسي والايام مر
والوقت لوّى حباله لا يصيبك فتور

اشمخ وقاوم وكافح وانتبه تنكسر
العائلة مرتكيه فيك بين الحضور

سعدالله الجوهري

[الحمدان]

‏القلــب لو يكتـب علـى بيـض الاوراق
كتــب علــى بيـض الدفاتـــر فديتك

جيتك غلا جيتك وفـاء جيتك اشواق
عفـت الخلايـق كـل ابوهـم وجيتك

يامن سكنت القلب واعماق الاعماق
وسكنت روحي وصـارت الروح بيتك

والله انـــي اعشقــك لاخـــر انطاق
واموت بك من حـب صادق فديتك

.....

[الحمدان]

أحذر عدوك وانتبه لو ضحك لك
تراه في قلبه يكن العداوه

لاتامنه لو قال مهما حلف لك
لو شفت بلسانه كثير الحلاوه

لو تطلبه في لازمٍ مالتفت لك
وان جيت يمه مالقيت الحفاوه

كم موقفٍ به خير دونه وقف لك
يبغاك دايم في طريق الشقاوه

.....

[الحمدان]

من لا يعيش العمر سامي ومتغاضي
ماهيب دايم ظروف الوقت خادمته

كنز القناعه غناة النفس للراضي
يعيش دنياه فاهمها وفاهمته

.....

[الحمدان]

‏اللي يبي العز لاينشد عن الراحة
نيران الأمجاد تبغي من يصاليها

سعود الفيصل رحمة الله عليه

[الحمدان]

ياالله رجيتك مارجيت المخاليق
ولا بذلت لغير وجهك وسيلة

ياعالمً سر الصدور المغاليق
ياذا العفو ياذا الكرم والفضيلة

يافارج الكربات والهم والضيق
لا صار مابيدين الانسان حيلة

خذني من دروب العنا للتوافيق
وحقق لي احلام السنين الطويلة

.....

[الحمدان]

والله لو عمرك عمر نوح وشعيب
لابد من يومٍ تفارق حبايبك

تبي تشوف أمراض والعجز والشيب
والموت لابده لقبرك يقرّبك

خلك عزيز النفس وابعد عن العيب
واختر من الاصحاب طيب يصاحبك

واطلب كريمٍ يعلم السر والغيب
واحرص على دينك وتلقى مكاسبك

.....

[الحمدان]

العاشق الي كانت أحلامه كبار
صلى عليها ركعتين ودفنها

.....

[الحمدان]

المستريح اللي من العقل خالي
‏ما هو بلجات الهواجيس غطّاس

محمد السديري

[الحمدان]

جعل حظي عـند ربـي مـعتلي
‏لوحظوظي عند خلق الله تطيح

آمين

[الحمدان]

مايضيق بالي الا نشدة المتفرغ
لا نشد عن حاجه ماله لزوم فيها

.....

[الحمدان]

‎تسريني الذكـرى على جرة الغالين
‌‏وروحي على سكة مداهيلهم شفقه

.....

[الحمدان]

‎خذ لك مع العفو والتقدير حبة خشم
‌‏وإترك نوايا الأوادم داخل اصدورها

.....

[الحمدان]

‏الطيب مايصعب على راعي الطيب
والا الردي ماهو على الطيب طايل

كلن يقول انه على المرجلة ذيب
القـول قـولن والفعايل فعايل

.....

[الحمدان]

‏لو عاملوك الناس بخبث ونـــجاسه
إرفـع مقامك وعامل الناس بالطيب

الـنذل نـذل وتـعرف الـناس ساسـه
والـطيب طـيـب ويـنعرف بالمواجيب

.....

[الحمدان]

‏لا تنتظر من ميت القلب فزعه
ولاتنتظرر من فاقد الطيب معروف

التجربه تكشف عن الرجل طبعه
مثيل الشتاء يكشف خامة الصوف

....

[الحمدان]

الظروف تفر راسـي وانا بالي طويل
ما ذبلت عزوم نفسـي ولا ذلـيتها

الليالي ما عطتني سوا الشي القليل
بس روحي من قليل العـطا اغنيتها

.....

[الحمدان]

ما للعدم لا حل بيت أهل الكرم
‏إلا العزيمة وإختراق الأنظمة

‏من أصدق الأمثال قالوا في القدم
‏من لا يغبر شاربه ما دسمه

.....

[الحمدان]

تكبر وتصغر والدعاوي سهالات
والله ما أدّنق للضغوطات راسي

.....

[الحمدان]

أنا أعرفها تحب من السحايب دمعها الشفّاف
وتخاف الفقد ودروب الوداع وطاري الغيبة

.....

[الحمدان]

‏عسى الله يجملني مع العالم الوافيين
ربوع السعد والخير والطيب والخوِه

.....

[الحمدان]

‏من لا وقف لي يوم انا ماني بخير
ماني بمحتاجه ليا صرت طيّب

.....

[الحمدان]

هاتي يديكِ فهذا الليل أعياني
أضاعني في شتاتي ثم أبكاني

مدي يديكِ أعيديني كأغنية
على شفاهكِ إني كدتُ أنساني

.....

[الحمدان]

جاءت معذبتي في غيهب الغسق
كأنها الكوكب الدري في الأفق

فقلت نورتني يا خير زائرةٍ
أما خشيت من الحراس في الطرق

فجاوبتني و دمع العين يسبقها
من يركب البحر لا يخشى الغرق

.....

[الحمدان]

ويلي من الضّيقه ليا مر طاريك
ليتك تجي وتحط نفسك مكاني

الله يقطع جد حبك وماضيك
ياليت ربي عن غرامك حداني

.....

[الحمدان]

‏تَتُوبُ عَنِ الذُنُوبِ إِذا مَرِضْتَ
‏وَتَرْجِعُ لِلذُنُوبِ إِذا بَرِئْتَ

‏فَكَم مِن كُربَةٍ نَجَّاكَ مِنْهَا
‏وَكَمْ كَشَفَ البَلَاءَ إذَا بُلِيتَ

‏أَمَا تَخْشَى بأنْ تَأتِي المنَايا
‏وأنتَ عَلى الخطَايا قَد لَهَوْتَ

‏أبو العتاهيه

[الحمدان]

كُـنْ واسعَ القلبِ وإنْ ضاقَ المَـدى
كُن مُحسِنًا ماضاعَ إحسانٌ سُدى

فـــإذا جفــاكَ العالميــنَ وأنكــرُوا
يكفيكَ أنْ قدْ كُنتَ للنَّاسِ النَّـدى

.....

[الحمدان]

لا تختصر وأنت صوتك منوّة السّامع
سولف لو السّالفه مال أُمها داعي

.....

[الحمدان]

‏وان غيروك وغيروا دلك الناس
‏فنا على مر الزمن ما تغير
‏
بس الكرامة جوهر ومنهج وساس
‏عند العرب مافيه طب وتخير

.....

[الحمدان]

لوساع السود جيت أعلن ولائي
الحكم حكم المظاليل الوسيعة

يا الجمال المستحيل اللا نهائي
الغزل في حضرتك تجديد بيعة

سلهمة رمشك تحطّم كبريائي
لك تداعى قلبٍ أسواره منيعه

ثغرك الضاحك بلادي وانتمائي
ضحكتك عن كل غلطاتك شفيعه

.....

[الحمدان]

لو يدينك مـاتمد إلا بيالة شاهي
كنها تمد الأراضي السبع باللي فيها

.....

[الحمدان]

مساء الخير يالوافي علامك مندرق عني
وش اللي جاك ياخلَّي ترى فيك انا مشغوال

غرامك غاض في قلبي وراعي الوجد متعني
قسم ب الله لي قلب ن بِحُبك يالغلا مسحور

وش خبارك عساك بخير عساك تعيش متهني
انا واللَّهِ من دونك ضايع وقلبي مكسور

أرى طيفك مع النجمه تبسَّم لي وكلمني
ودمع الشوق في عيني يواسيني بخيط النور

احبك والسما تشهد على جمر الغضى كِني
ومهما غبت يالوافي تراك الغالي المعذور

.....

[الحمدان]

لك حضورٍ غير عن كل الحضور
يرتعش قلبي الي منك ظهرت

ريحة انفاسك مثل كسرة بخور
مثل دهن العود لامنك حضرت

.....

[الحمدان]

‏تقول يا مالك الإحساس قم اوغرد
ونا ورب الغلا لا اعيد ترديدها

انقئ واصدر من الجزلات واورد
وهي تبسم وتقول كذا👍بيدها

[الحمدان]

‏لاشفت زولك يابعد كل غالي
عني يروح الهم والبال ينساح

ولاغبت عن عيني يزيد إنشغالي
وتلعبي الأحزان والحب فضاح

.....

[الحمدان]

‏يـارب مسي كل غـــالي بغاليه
‏واجعل لهـم من كل شبر سلامة

‏واجعل لنا من منزل الطيب عاليه
‏وأحفظ عبيدك من دروب الندامه

آمين

[الحمدان]

قالت احبك والغلا في كياني
يمطر طيوفك شوق واحساس وشعور

كنك ملكت اللي مضى من زماني
تامر على قلبي ولبيك بسرور

الله عليك ياذيب حبك بلاني
وادخلتني واحات للحب وقصور

.....

[الحمدان]

أنت تستاهل محبه وتستاهل قصيد
مثل ما يستاهل المدح راعي الأوله

.....

[الحمدان]

خلّوني أسج عن موضوعه احسن لي
والا الغلا والله ان يبطي وهو غالي

سعد بن جدلان

[الحمدان]

‏القلوب اللي على الفطره تودك
إزرع الخيرات والمعروف فيها

والقلوب اللي على الصعبه تحدك
لا تخاويها ولا تشره عليها

.....

[الحمدان]

الهايم اللي يكافح نظرة عيونه
ودّه يعوّد على ظروفه يكافحها

لو يقدر يشيل ضلع طويق بمتونه
مايقدر يشيل عينه من ملامحها

.....

[الحمدان]

القلوب اللي نجيها ولا نلقى مكان
لو تعريّنا الليالي ما عاد نمرّها

.....

[الحمدان]

‏الحب ماله عيد يالليّ تحبون
‏اللي حبيبه معه دايم معيّد

.....

[الحمدان]

ياقديمات الطواري يامبيّحة الصدور
جنبي نفسٍ على الوقت ماهيب راضيه

.....

[الحمدان]

للصمت وقت وللمشاريه حزّه
واحيان في بعض التغافل ذهانه

.....

[الحمدان]

لو تحاول ترضي الناس لاجدوى
غايةٍ من دونها السبل مقطوعة

والمصيبة صار حتى الزعل عدوى
لا زعل واحد زعل معه مجموعه

.....

[الحمدان]

لا تفكر او تحلل حسب ظن
او تخاف ان المحبه ماتدوم

العلاقه قايمه بالرغم عن
بعض مايمكن يسبب من هموم

الوفا موقف على مر الزمن
والثقه بالمبدا الثابت تقوم

بالذي يلزم علينا وانت من
لك مكانه واصله حد النجوم

ما ضعف حبي ولا صابه وهن
واندفاعي ماتراجع بالعزوم

با يضل الشوق يجمعنا معاً
للتواصل والنوايا بالقدوم

من قناعة راسخه تبقى لمن
يستحق التضحيه وقت اللزوم

.....

[الحمدان]

‏ان حكينا صارت الكلمــة عـذاب
وان سكتنا صارت السكتة ذنوب

يا جدار الصمـت يا عين الصواب
انت قلعــة ما تـدمرهـا الحــروب

فيــك للعاقـل من الـزلة حجـاب
وفيك للجاهل من السقطة ركوب

طالت الرحلة على شيبة وشــاب
واثخنـت فينا المأسي والحـروب

كلما قلنا اشرقت والوقت طــاب
اغدرت ثم اظلمت من كل صوب

وان وزتنــا عنــد حمــال الــركاب
من حضر منا في الموقف ينــوب

ان حكينـا صـار للكلمـة حســـاب
منهـا نصنـع مفــاتيــح القـلـوب

وان سكتنا ما على الساكت عتـاب
خاصـة لـو ما في السـكتـه هـروب

السكوت احسن اذا الساكت مهاب
والكلام افضل من الصمت الكذوب

.....

[الحمدان]

لامر طيفك اضمه حيل في عيني
ياكيف يقوى يسهرني وهو عابر

اسامره لين احسك تلمس ايديني
والاغرب اني اشوفك وانت مو حاضر

.....

[الحمدان]

كم كان ودي باللقا تحت النجوم
نسمر باسم الحب والشوق القديم

.....

[الحمدان]

لو يصبح الخير بين الناس متلاشي
لا زال لي نفس غير الله ما تخشا

ياكل فرصه تقابلني على الماشي
قلبي على الخير والمعروف يتمشا

مالي ومن قال عيش العمر متحاشي
يكفي رضا الله يروي روحي العطشا

.....

[الحمدان]

الاربع اللي دونها ما اقبل الراي
حبـك ومرجـلتي وداري وديني

.....

[الحمدان]

‏استانسو ترا الليـالي زايـله
‏ولا تكدركم تصاريف الحياه

‏ماينفع المهموم همٍ شايله
‏الرابح الي يعطي الدنيا قفاه

.....

[الحمدان]

‏مؤمن بالقدر والصبر إتخاذي
‏ما بعد ضيق الصدور إلا سعتها
‏
‏وش يحزّن خاطري والارض هذي
‏كل حي ٍ فوقها يرجع تحتـهـا

.....

[الحمدان]

‏يا رب قوّ الخفوق وزوِّد إيماني
وأجعل همومي هموم الشرع والسنة

طالبك بعد الحياة وعمري الفاني
المغفرة والعفو والستر والجنة

آمين

[الحمدان]

قطعت إتصالك وأنت الأخبار ما تخفاك
ما عندي سواك أشفق لشوفة مراسيله

.....

[الحمدان]

ماندمت الا على نومٍ سرقني من صلاتي
ولحظةٍ مرت وعدت ماذكرت الله فيها

.....

[الحمدان]

‏خلّ الكلام اللي من العيد للعيد
‏صدورنا ماهي من الشوق خَليا

‏معك الليالي والصدف والمواعيد
‏جميعها أعيادي من الألِف لليا

.....

[الحمدان]

خجلا يغالبك الترف والتلفّات
‏ليلك يطيح وصبح وجهك يزمّه

‏يا سيّدة حسن التفاصيل بالذات
‏الساهيه والشارده والمُهمّه

‏قلبي جناح ونور وجهك سماوات
‏يكفخ ولكن موت رمشك يضمّه

.....

[الحمدان]

‏الرفيق اللي يسر العين وينومس رفيقه
‏ نشتريه ونشتري عرفه وحنا الـرابحينا
‏
‏خوة تبنى على التقدير بحبال وثيقه
‏ عارف حقي عليه وعارفٍ حقه علينا

.....

[الحمدان]

‏حيّ الرفيق اللي يبادر بالوصل
لو ان شرهات الليالي جارحه

تغيب عنّه كم شهر وليا اتصل
يكلمك كنك معاه البارحه

.....

[الحمدان]

‏الله يبيـض وجـه الايام والضيق
زالت قناع أهـل الوجيه القبيحه

أثـر الشـدايـد فلتـر للمخالـيق
تـظـهر لـك المترديه والنطيـحه

.....

[الحمدان]

‏اترك كلام الناس وقل للمقفين
‏ماتبكي عيوني على شان غايب

‏حنا صبرنا بموت ناسن قريبين
‏وشلون مانصبر لفرقا الحبايب

.....

[الحمدان]

ايه أنا الي بتذكره لا شان ليلك
‏وأن مداك ترد لي لا ما مداني

‏شف عشانك بعت واجد وأشتريتك
‏وأنت ما ضحيت في حاجه عشاني

.....

[الحمدان]

‏بعض المشاعـــر لوكتبنا بها ابيات
‏تعجز حروف الشعــر والقاف عنها

‌‏مهما كتبنا وابدع الحــرف هيهات
‏ينصف مشــــــاعر شاعرٍ قد رهنها

.....

[الحمدان]

‏فل الحجاج وخل نفسك خفيفه
ترى التواضع زين بين المخاليق

وخلك كريم وخل نفسك شريفه
ما دام عز النفس طبع المطاليق

.....

[الحمدان]

ماني وانا كحيلان هافي عرفتيه
انا الحصان اللي ينومس حضوره

لا تستفز اللي عظيمه مباديه
ولا لا تحاول تخرجه عن شعوره

صحيح شاعر واحكر القاف وابنيه
وارسم على حيط الزمان الف صوره

انسخ جزيل الحرف وابدع و اغنيه
واحرص على اللي يختلف في ظهوره

شعري كما حرا سما في مراقيه
يطرب له اللي مرتكي في قصوره

يبعد عن الهزله و ينبذ هل التيه
ويجاري الابداع لا حان دوره

حابس العطوي

[الحمدان]

راكب اللي لا همزته قام ثاير
وارد النيسان راحه ما تمله

اسوداً غيرت زيته و التواير
منوة اللي مغترب عن دار خله

عيني اللي حابسه زرق العباير
حايره والدمع عيّت لا تهله

من وليفاً مع ضروف الوقت جاير
ماخذاً عقلي و قلبي مستحله

حابس العطوي

[الحمدان]

هاذي تبوك الورد ماهيب باريس
وقمة جبال اللوز تفرق عن الالب

دار النشاماء جالبين النواميس
اللي غلاها ساكناً داخل القلب

حابس العطوي

[الحمدان]

يا راقياً رجم العنى يوم غنيت
قصدك تهيّض حين قافك بنيته

واللي يلوم اهل القلوب المناحيت
عله فدا للي طعنك و جفيته

لا هزني شوقٍ و ذكرى بتناهيت
افز و انطق باسمها ما نسيته

يا نور عيني وين عني تواريت
وانت الوديد اللي بغيت و هويته

والله لولا الدين قبل الهلافيت
لابكي على فرقاك عمراً رجيته


حابس العطوي

[الحمدان]

القاف لانه برز دوره
وانته حكيماً و متنبي

وتغوص في غبة بحوره
وتستخرج الدُر و تنبي

افهق عن اللي طفى نوره
وكر الخنا مابه الطبي

عشيق ليلي و ديجوره
مشرف على الضلع واشبي

ما همني فاقد شعوره
ولا هزني جاهلاً سبي

نفسي على العز مفطوره
مسلم على ماكتب ربي

اللي عن الذل مقهوره
يوم المقادير تلعب بي

اطيب و الروح مسروره
لو قاسي الوقت بي ذبي

اعلنت بالشعر لي ثوره
هذا صداها بدا يجبي

حابس العطوي

[الحمدان]

اقسى شعور يزيد فيك المواجع
صدمه قويه من قرايب و خلان

قلبك لهم اصبح شبيه المهاجع
يشفق عليهم من تردي وخذلان

و فرشت عينك فرش مثل المضاجع
جفناً مغطيهم و جفناً لهم لآن

تبغى تصارحهم و غصباً تراجع
صبرك على جرحك ولا يشمت فلان


حابس العطوي

[الحمدان]

من دمج بالذات في وقت الاصيل
اكتمل سحر الطبيعه الخارقه

الغروب بداية العشق الجميل
‏ليلي اللي كل عمري سارقه

جوك الهادي وكيف وحس خيل
شكلن صوره جميله فارقه

ذكرتني قسوة ايام الرحيل
يوم كانت شمس حبي شارقه

‏‌ حابس العطوي

[الحمدان]

وش بك تناحيت يالغالي
وابعدت عني مهي العاده

هجرتني يابري حالي
واشعلت بالجوف وقاده

ما دمت في دنيتك سالي
اذكر وليفا جفى وساده

عشقه عفيفاً ولا زالي
عايش مع الليل وسهاده

لك منزلا عندنا عالي
سبحان من ثبت اوتاده

اسمك غدا بوسط جوالي
شيخة عربها من الساده

عشيق ليلي و موالي
والعين بالدمع جواده

يا بنت لو الزمن طالي
والروح بالجسم منقاده

مانساك يامعرّب الخالي
يا شف قلبي و ميعاده

والحين ياسمح الاقبالي
ياخشف ريما مع ارياده

ببعد و لا زلت رحالي
نفسي عن البيض صداده

حلفت لا اميل عقالي
واشوم عن ناس نقاده

حابس العطوي

[الحمدان]

عظم الله اجر قلبي في غرامه
واسكنه من روعته وسط المحاني

كم تجرع من عناء سبة هيامه
وانقضى عمره مع اللوعات عاني

حابس العطوي

[الحمدان]

للعين حلو السهر لذي
وما ريّح الجفن باغماضه

باسباب غرواً بدا فذي
الموت بانت لي اعراضه

العود رويان متغذي
والسحر في ميخر الحاضه

وين انت لا يكون متوذي
نفسي من الشوق مغتاضه

حابس العطوي

[الحمدان]

شفت العيون اللي تباكى من الجور
غبّر عجاج الوقت حلو الوصوفي

من عقب ماهن اية الزين بالحور
جرّح مسيل الدمع خد الهنوفي

حابس العطوي

[الحمدان]

سلطان قصد وانا باحوش
طفله من البيض بسكاتي

الريم جوه عليل وخوش
يبري عن القلب علاتي

يفداه منهو سرح بالبوش
واللي مع البيض مافاتي

انتي لقلبي غديتي غوش
يا باشةٍ بنت باشاتي

لو الملاقا وسط خربوش
في ليلةٍ جوها شاتي

والعيش فته من المجروش
والشرب من حلو خلفاتي

حابس العطوي

[الحمدان]

تعال اعلمك يالغالي
باللي تبيه و تمنيته

مبطي وانا بمرقباً عالي
والنت قبل امس طبيته

من روس ربعي و منزالي
في قمة المجد رزيته

ماني بطرقي و رحالي
بيتي كما الحيد عليته

ما فوق راسي سوى عقالي
واللي على الطيب عزيته

ماهي سواليف تنقالي
هذا الصحيح ان تحريته

حابس العطوي

[الحمدان]

الحمدلله عفيف ومرتقي زياده
واعرف هوا النفس وافكاري تجاذبها

مدام ناري براس الضلع و قاده
فانا بخير واموري بدق حاسبها

حابس العطوي

[الحمدان]

غزيت فوق العلم من بيض راياته
واعلنت توبة هواوي باصم بعشرا

يا مشقّي القلب دونك صوت اهاته
هذا صداهن يعاوي حضوضي القشرا

حابس العطوي

[الحمدان]

طال انتظاري وشيب الراس ياسعود
ياما احتريته و العواذل مغيبه

لامن خبر جاني ولا عنه منشود
عسى الموانع خير ما هي مريبه

من لامني بالحب ودموعه شهود
عل النصايب فوق قبره قريبه

اسمع كلامي وافهمه يافتى الجود
والطف علي ان شفت دمعي صبيبه


هاذي ثمان شهور غايب ومفقود
خلي حدته ضروف عني صعيبه

ويلي عقب فرقاك تايه ومنقود
والحال ضعفت والموارد تعيبه

كني سجينا لفو ايديه بقيود
ولا جلاوي عاملا له مصيبه

وش حيلتي والحسد بين وموجود
واهل الفتن تفتح جرؤحا عطيبه
.
قله ترا كحيلان يا قليل الفود
مايشتكي جور الزمن لو يصيبه

اسري مع الهوجاس والاعب النود
وارسي كما ترسي الزمول المنيبه

حابس العطوي

[الحمدان]

يا مرحبا ببيات جزله ثقيلات
من شاعره تهوى القصيد وفنونه

الحب ( مي) و ياردونه جماعات
وبير الغرام العذب كثرت اشطونه

لي عشقتاً ما مثلها بالخوندات
غيدا تشادي الريم زين و مرونه

وفيها من اوصاف الصوافن علامات
عزه و هيبه ما تطيق المهونه

حابس العطوي

[الحمدان]

من شاف نفسه مايشوفونه الناس
‏الـنـفـس شوفـتـهـا تـراها مصيبه

‏تـرى التواضع يجعلك در والماس
‏وكل(ن)خذا من قسمة الله نصيبه

.....

[الحمدان]

عيني رسـالة حب فيهـا مواريك
‏فـيـهـا لحبـك يـا هـواهـا دلاله

‏باسـمى عبارات المحبه تحييك
‏تبدي مشاعرها بصدق وسهاله

‏إن كانها ما شاهدت ودهـا فيك
‏الظاهـر انـك ما قريت الرسـاله

.....

[الحمدان]

‏هذي حياة مسطرين التواريخ
وهذي مضاربهم وهذا دبشهم

من دونها كم راح شيخٍ ولدشيخ
ماتروي حياض المنايا عطشهم

حامد بن حمدي

[الحمدان]

إما اشتهر بالطيب والناس تكفيك
والا ترى مالك ورى الصيت حاجة

بعض العرب في شهرته كنه البيك
مشهور لكن في النهاية دجاجة

.....

[الحمدان]

تجمل ترى والله ما للجميل انكار
ولا ينكره من كان في راسه مروه

عسى راع أبشر ماتقفي به الأقدار
ولا ينقطع ذكره ولاتنطفي ضوه

.....

[الحمدان]

الزمان يدور والوقت يطحنا رحاه
كل يوم يموت رجال ونصلي عليه

كم رفيقٍ ودنابه على قيد الحياه
وكم رديٍ يبطي الموت عيا مايجيه

.....

[الحمدان]

أحب الجماله والجماله عمل مبرور
وأحب الغناه وعز نفسي عن المنّه

وأحب الصراحه والصراحه بها معذور
حيث ان الصراحه تقطع الشك والظنّه

وأحب الكريم اللي يفرّج عن المعسور
ليامن عطى حتى هله مادروا عنّه

.....

[الحمدان]

ياللي تقول إن فقرنا من يدينا
لاتحسبنّا مانعرف التدابير

ياما غدا منّا وياما عطينا
وياكثر ماحاشت يدينا من الخير

نجود من جودات ربك علينا
ونصبر ليا كثرت علينا المخاسير

وان جات من ربك على مابغينا
والا صبرنا في رجا الله تيسير

.....

[الحمدان]

الهقوه اللي تدحم كبار الصفوف
يبغالها لمداحم العالم متن

واللي مراجلهم على حسب الظروف
لاشدو حبال المواقيف فلتن

واللي يشوف الحق وماكنه يشوف
هذا يغط النور ويثير الفتن

ماتستوي روس النشاما والضعوف
بيارق الطيّب على العز اثبتن

.....

[الحمدان]

وقفنا على باب الامل وقفة المحتاج
و رجينا كريم ماهو يصك بيبانه

يناجيه عبده ما يرده سحا واحراج
و يطلبه من فضله و مدته و احسانه

عسى مقبلة الايام يسر ورخا وافراج
وعسى ما مضا يمحاه عفوه وغفران

آمين

[الحمدان]

صكوك الجمايل فالنشاما مسّنْ سيوف
مادام السنافي بين وقفة وترحيبة

تقدّم على درب القدا والعيون تشوف
سهوم الليالي تخطي الكفْو وتصيبه

ترى شرهة اللي لا جمالة ولا معروف
مثل مِنّة اللي ما عطا شي من جيبه

.....

[الحمدان]

رغم الظروف اللي تمرّنا عايشين
والوقت يمشي ما يطالع فايته

ممتع شعور الصبر بكل الحالتين
يعلمك كل شيٍ بيوصل غايته

نتصنع الضحكة وحنّا ساكتين
وفالساكتين أشياء ماهي ساكته

.....

[الحمدان]

يـاصحابنا بعض المجامل عيب
ونتايجه تحسب على الرجال

حنّو ضمايركم من التأنيب
محنّة العقال للعقال

الصدق وجهه مثل وجه الذيب
والكذب وجهه مثل وجه الذال

وحدة قياس الطيبين الطيب
ووحدة قياس المرجله الافعال

.....

[الحمدان]

لا تخضع ولا تخشى سوا المفني الخلاق
ترا الناس لاتفني ولا هيب خلاقه

ولا ترتجي غير الله المانع الرزاق
ترا الناس لاتمنع ولاهيب رزاقه

وحياة البشر مابين لمّة شمل وفراق
ولا يفقد الا طيبٍ يوجع فراقه

.....

[الحمدان]

وجيهنا فيها حيا ماله قياس
تردنا عن شي يدينا تطوله

حتى الكلام اللي يقولونه الناس
والله حنا نستحي لا نقوله

.....

[الحمدان]

مافيه مثل العافية ستر وغناة
إن جات للمسلم تراها كافيه

كم واحدٍ يطلب ملذات الحياة
وإذا مرض مايطلب إلا العافيه

.....

[الحمدان]

زلة لسان الادمـي بعض الاحيان
تقـطع علاقـات الرفيـق برفيقـه

كم من رفاقه دامت ازمان وازمان
عقـب المعزه تنتهي في دقيقـه

.....

[الحمدان]

الجمايل باقيه طول الابد
والوفى لأهل الوفى طول السنين

النقى والطيب ماهو ملك احد
غير اصحاب النقى والطيبين

.....

[الحمدان]

مهمــا وصلت وبالمــراتب ترقيت
وصابك غرور وشفت نفسك زياده

تـــرى مـــردك غرفة ٍ فآخر البيت
النـــار تكـــبر واخـــرتهـــا رمـــاده

.....

[الحمدان]

لا سكر الله باب يفتح لنا أبواب
واليا ظلمونا خلق سخر لنا خلق

حكمه من الرحمن وأحكامه أسباب
حتى نعرف الناس ونميز الفرق

.....

[الحمدان]

العمر ماينحصر ياخوك في ديره
الديره آلياً كرهناها ترا شمنا

واليا حسنا الطبع مع محسن الجيره
مانبغي احدً على الحسنه يكرمنا

والصاحب اللي علومه من تزاويره
بالله في كثر هرجه لا يقروشنا

والصاحب الي اله مجده وله سيره
لامن حضر في مجالسنا يشرفنا

.....

[الحمدان]

عيا الزمن يصفا وحنا مستحين
يطحن امانينا مثل طحن الرحى

يقسى ونقسى لايلين ولا نلين
ويصحى اللي له ضميرٍ ماصحى

ان زان ولا شان حنا صابرين
وبنموت عاد وجيهنا فيها سحى

.....

[الحمدان]

قولة كفـــو تتعب عليــها الرياجيل
اللــي على روس النــوايف نظرها

يا كثر صدقــان الصحن و المعاميل
و يا قلهـــم لا من تقــادح شـــررها

بعض العـــرب للتمشيه والتساهيل
وبعض العرب للمعضلات وخطرها

.....

[الحمدان]

صكوك الجمايل فالنشاما مسّنْ سيوف
ما دام السنافي بين وقفة وترحيبة

تقدّم على درب القدا والعيون تشوف
سهوم الليالي تخطي الكفْو وتصيبه

ترى شرهة اللي لا جمالة ولا معروف
مثل مِنّة اللي ما عطا شي من جيبه

.....

[الحمدان]

ولو حاول الشايب يكافح ظهور الشيب
تدور الليال وتكشفه عشر ذو الحجه

ولو زاد شيب العود مازاده الا طيب
ماهوب الشباب اللي حياته على الدجه

.....

[الحمدان]

ماكل بيت تحصل فيه هبات ريح
لو الطراقي تلاقى قدمه خطوطها

باب عليه أكثر الشعار تنسج مديح
وباب عليه العناكب تنسج خيوطها

.....

[الحمدان]

تمعن الجمله من القوس للقوس
لاتغرك الأحلام وأصحى يانايم

ماتنشرى روس الرياجيل بفلوس
تشري لك الأموال روس البهايم

.....

[الحمدان]

يالله بحظٍ يجمل وذكرٍ مايغيب
مانبي الا الوجه الابيض وستر العايبه

دلنا حسن النوايا وتوفيق النصيب
واكفنا من شر بعض الظنون الخايبه

آمين

[الحمدان]

يارفيقي يوم مال النديم الا النديم
والله اني غبت من حاجةٍ متسبّبه

عادني ذاك المشبّب وصاحبك القديم
غير مرّتني ضروفٍ ماهيب مشبّبه

.....

[الحمدان]

سامحونا واقبلوا عذرنا يامسلمين
من تلمّس عذر لأخيه فالدنيا لقاه

والله انّا مانجنب عن العلم السمين
دامنا باقين فيها على قيد الحياه

.....

[الحمدان]

الناس مثل النبت بالخبت الوسيع
ماكل نبتٍ به ظلال ومنفعه

احدٍ يجي ويروح مع فصل الربيع
واحدٍ تعده للفصول الأربعه

.....

[الحمدان]

تمرني زلة رفيقي وأنا اشوف
واصد عنها عمد لجل الرفاقه

ياوقت قدملي من الناس معروف
ماعاد لي بمهبل الخلق فاقه

.....

[الحمدان]

جـامـل وسـامـح وإعـتبـر كـل زلـه
طبع آدمي موروث والعرق دساس

وإللي يقـول إبـعد عـن الناس قله
ماغيرهم في كوكب الأرض جلاس

حـاول تحـب النـاس ويـحـبك الله
والله إذا حـبك يحـبونـك الناس

.....

[الحمدان]

بيت ٍ قريته ماعرفت أسم راعيه
ألا ان راع ِ البيت خط الجزاله

يقول في بيته و قافه و ما فيه
بيت ٍيهيض المستمع من جماله

حقد البعيد يموت لا مات راعيه
وحقد القريب يورثه في عياله

في ذمتي انه صادقٍ في معانيـه
يقوله اللـي ضـيق الـوقت باله

.....

[الحمدان]

تضيع اكثر اوقاتي على شي مايسوى
والانسان مهما كان يحتاج للانسان

ابي اللي يعاوني على البر والتقوى
مابي اللي يعاوني على الاثم والعدوان

.....

[الحمدان]

عسانا لا نصانا اللي ما ريحه الزمن يرتاح
وعسانا ما نسوي طيب وانّا ننتظر ردّه

وعسانا لا تجملنا في احد مانذكر اللي راح
وعسانا مانقابل راعي المعروف بالصدّه

وعسانا لا حصل منا قصور بساعة الأفراح
ما يلقون العرب منا قصور بساعة الشدّه

آمين

[الحمدان]

لا تلّحق دورة الوقت مشروه ولوم
والله مانلحق للأيام طيب ولا جزا

علمتني دورة الوقت علم امن العلوم
العزاز بفضل ربي من العز اعززا

لابدالي لازمٍ جيت قضّاي اللزوم
واحدٍ نذخره في سلم والا فمغزا

اتحزّم به لاباروا رديين العزوم
نوم عين اللي منامه من الحاجر قزا

.....

[الحمدان]

كلمة نعم ماهيب تاتيك ببلاش
ولايجيبها التاجر بدفع البخاشيش

في غبةٍ ماهي تعين على الطاش
يبحر لها رجلن يحب المغابيش

.....

[الحمدان]

يا قلب من ربعك الوافين وش باقي
الناس تالي الزمن تتبع مصالحها

اصحابك اللي بلا عهد وميثاقي
حدد الاسامي على الجوال وامسحها

الا رفيق لفعل الطيب عشاقي
اللي ليا كبرت الدعوى يرجحها

فيه المدايح تهيم وهقوة الهاقي
ريف الجمايل ولا يحسب مرابحها

.....

[الحمدان]

يالله برزقٍ جميل يخلي الساعي
من كثر الانعام مايقدر يعددها

ويالله عسا سمعتي بالجود تنشاعي
والناس يالله تكفيني مقردها

روس المطاليق عندي غاية اطماعي
والا العلاقات فيها من نكابدها

احلم عليها بعين الصابر الواعي
النفس توجر على ماهي تجاهدها

آمين

[الحمدان]

لعل مابيني وبينه مواصيل
اللي على طرد الكلام ايتلهب

اليا عزمته وأنت عندك رياجيل
كنك اتحاضيلك سلاحً مزهب

البدراني

[الحمدان]

جعل ربي فالنشاما مايخيّب ضني
والله يجعل كل طيب محسنن بي ضنه

الكفو يعجبه طيبي لأنه اطيب مني
والردي يوجعه طيبي لأني اطيب منه

.....

[الحمدان]

عسى الله يجمعنا على العز والطاعه
ويجعل قلوب الناس للخير مجتمعه

حياة الفتى بالطيب والجود نفاعه
وش الادمي لو يفقد الطيب والسمعه

.....

[الحمدان]

احب الكريم اللي على الطيبين يجود
واحب المطر لو كان سيله مجنبني

واعرف الردي لو زاد ماله رداه يزود
فلا يعجبه طبعي ولاهو معجبني

نجاح الفتى سمٍ على اهل الكبود السود
يموت الحسود بجرعة الهم والغبني

وتجزعت من راعي الردى راعي المنقود
عدوٍ شريف ولاخسيس يصاحبني

.....

[الحمدان]

من خلقنا الله وحنا عزيزين النفوس
مانوطي شمخ الروس غير لربها

الليالي علمتنا وصمينا الدروس
نعرف النفس المريضه ونعرف طبها

.....

[الحمدان]

احفظ لسانك عن الزلات والنمه
خل المخاليق للخالق يحاسبها

خلك كما الصقر ميكاره على القمه
والسمعه العاليه بالطيب تكسبها

.....

[الحمدان]

حي الرفيق اللي له الطيب منهاج
اللي ليا جيته يضوي سراجه

لو ماقضى حاجتك لاصرت محتاج
على الأقل تكفيك ضحكة حجاجه

.....

[الحمدان]

ياصاحبي في وقفتك كيف أجازيك
وأنا أدري إنك ماتدور عوضها

مايجعل الأحرار مثل المماليك
إلا معاريف الرجال ببعضها

.....

[الحمدان]

من جزانا باالوصل والغلا ندبل جزاه
خوة الطيب تنومس وترفع للعلا

أفتخر في خوة اللي يشرفني نباه
جعلني من رفقة أهل المعزه ماخلا

.....

[الحمدان]

من لانجح في فروض الله ما له نجاح
لو الذهب والسيوله تحت ملكيته

.....

[الحمدان]

العبد ماله غير ما كتب باللوح
ومن يامن الدنيا تراها تخونه

الموت عقب الف سنة مانسى نوح
ودفّانة الميت يبا يلحقونه

.....

[الحمدان]

ماعندنا في دروب الطيب غير الحزم
قصّر في ماجوبك نطوّل بماجوبنا

نساير الوقت لكن لا احتزم نحتزم
شفنا تدور الليال وثوبنا ثوبنا

مرّت بنا ايام لو مرت قليل العزم
ماشال قلبه كثر ما شالت قلوبنا

.....

[الحمدان]

ما يآصل الطوله ردي الهقآوي
ولا يقضي الحآجه ردي العزيمه

لا صار منت للمهمآت قآوي
خلك بحآلك والسلامه غنيمه

الجزل ماهو والهزيل متسآوي
الطيب يفرق له مقآم (ن) وقيمه

.....

[الحمدان]

ماهي تكفينا مراسيل الارصاد
العلم عند الله مافيه غيره

ياالله بليل فيه بارق ورعاد
ياواحدً تعطي العطايا الكبيره

علي الكويت يلوح برقه وينقاد
وينثر سحابه فوق شبه الجزيره

حتي ان علم الغيث مامنه نشاد
وعلم الحيا يذكر علي كل ديره

.....

[الحمدان]

هاماتنا عليا ونظراتنا فوق
ووجيهنا عند النشاما طويلة

لنا مع الطيب مواثيق وحقوق
جزال ونحب العلوم الجزيلة

.....

[الحمدان]

هذا الزمان لا عاد تشره على الناس
ولا تعاتب كل ماشفت زلّة

كثر التشرّه والعتب يوجع الراس
من جاز لك جز له ومن شان خلّه

سعد بن جدلان

[الحمدان]

مايفـقدك إلا الذي حيل يغليك
‏واللي لك بقـلبه مكانه عـظيمه

‏يهيم في شوفك ويسعد لطاريك
‏وكل المشاعر نابعه من صميمه

.....

[الحمدان]

صباح الغلا والشوق كله ودهن العود
مدام اسمك يفوق الخلايق وأساميها

صباح نسيمه ينتشي بك حلا و ورود
صباح الفخامة والقصور ومعاليها

صباح اشتياقي واشتياقي عليك يزود
عيوني تمنى شوفتك وأنت غاليها

منصور الحبابي

[الحمدان]

تفاءلوا بالخير ياتيكم الخير
ما للحياه بـدون الآمال قيمه

الصبر مفتاح الفــرج والتباشير
والياس مفتاح الحزن والهزيمه

.....

[الحمدان]

‏ياليتـــنا نرجــع مثل اول اطفال
‏طُــهر وبراءه ما بنا ظــن كافـــر

‏اللي يزعــــلنا يراضينا بريال
‏واللي توفى نحسب انه مسافر

.....

[الحمدان]

من يجادل واحدٍ ماهو بقانع
كنه يحط العلاج بفمّ ميت

.....

[الحمدان]

‏لولا الحياء وعاداتنا والتقاليد
وسلومنا وأطباع جدك وجدي

لاقول أحبك وأعترف للأجاويد
ولاهمني من عارض اليوم ردي

وأجيك أنا كلّي بليا مواعيد
تمد لي يمناك وأمد يدي

وتضحك لنا الدنيا ونرجع مواليد
ننسى زمان كان ضدك وضدي

لكني أخاف العتب والمناقيد
ولاضاع فينا العمر معاد يمدي

.....

[الحمدان]

تغيّرت يمكن بس ماني عديم احساس
لهالحين نفسي مشغلتها مشاعرها

ادوّر ملامح وجهها في وجيه الناس
انا خايف انساها ماني خايف اذكرها

.....

[الحمدان]

علاجي مَن الجفا في نظرة عيونك
عيونك اللي تداوي علة المرضى

بـجيك لو الليالي وقفت دونـك
ماهو بكيف الليالي يوم ماترضى

.....

[الحمدان]

لا تنصدم طبع الزمن ما يبالي
أحيان حتى لو تجملت صدك

حتى الرفيق اللي من الناس غالي
عادي يجي له يوم ويصير ضدك

.....

[الحمدان]

باب الغلا لأجلك محصّن ومقفول
حتى ولو غيرك طرقه وتسوّل

حبّك يحكم القَلب ويصول ويجول
فارض على العشّاق حظر التجوّل

أنا معك عن باقي الناس مشغول
وأحنّ لك وأحتاجك أكثر من أوّل

.....

[الحمدان]

زلة اللي يود القلب مدموحه
دايم ٍ حبه يغطي عذاريبه

.....

[الحمدان]

يا حبيبي لا تخاف من السحَايب
لاتروعّك المزون المستهّله

المطر مايعشقه غير الحبايب
وابله لاهّل يبري كل عله

الرعد والبرق خّلان وقرايب
في علاقتهم غرامٍ ما تمت

.....

[الحمدان]

مادامك تفعل المعروف لاتحزن لامنه ضاع
ترا المعروف مايمحق لاسويته لـوجه الله

.....

[الحمدان]

‏انضج مراحل فالحياة التغافل
تدري عن الزله وتسكت عن الرد

.....

[الحمدان]

حنا بسيطين وادنى مايفرّحنا
رشة مطر ممكن تبيّح خوافينا

مع المطر كنها تزهر ملامحنا
وكنه مايسقي عروق النبت يسقينا

.....

[الحمدان]

من رقّ انوثتها بـلا الحسن غيره
هذا ياكيف وكل بنت غبنتها

في عينها سيف العقيد وشويره
ورموشها جند الخمول أكتستها

غيٍّ من الفستان يلمع حريره
فستانها الاسود يبرهن صفتها

غنجا لذيذه ريق عفّه صغيره
عزلا دقيقة خصر خفّ حركتها

الى وقفت كلن يعذرب قصيره
والى جلست ياطول رزّ رقبتها

.....

[الحمدان]

‏حصيلي من الحب التوجاد والتنهيد
‏وذكرى الجروح وعالم الفقد و دروبه

‏أنا التايب إللي سامح من غرام الغيد
‏لاكن معك مدري ليه مافادت التوبه

.....

[الحمدان]

‏عليك المشاعر صادقه والغلا مدرار
وعلي اكتبك في كل بيتٍ من ابياتي

.....

[الحمدان]

سـلام الله لمــن يقـرأ سلامي
ويسـلم مــن يـبادلني سـلامه

سلامـي يرتـوي به كل ضامي
وفي الوجدان تبقى له علامه

ويشفي من بقلبه جرح دامي
ويزرع في الوجوه الابتسامه

.....

[الحمدان]

علقونا في هواهم وراحو منتحين
واحرمو نفس الهواوي وعافت ذوقها

ليت مالله جابني في دروب العاشقين
ولا انطوت روح الهواوي على معشوقها

.....

[الحمدان]

المها تاخذ على الاول جوايز
من هوايل زينها كلً خبرها

الغزال اللي برسم الزين فايز
واعذاب البيض من فلت شعرها

الجمال مقدرً والمدح جايز
كن نور الشمس في لبة نحرها

يوم جت فالملعبه راحن جنايز
ناظرت فيهن ولقتهن ظهرها

انبهر من حسنها حتى العجايز
بالخدود اللي عكس فيها قمرها

.....

[الحمدان]

على مشارف وادي العشاق يا سلك الحرير
تقودني ذكرىٍ تعدّيني على مشرافها

يستوقف اللحظات فيها صوت تأنيب الضمير
والنفس ماتقدر من العزّه تلد اخْلافها

.....

[الحمدان]

الحلا الفتاك ما يقبل اصناف الحلول
و الهوا غـلاب لا صاب ما منه شـلا

.....

[الحمدان]

صار القصيد ايمرها ويتعدّى
‏اللي منوّل بس لعيونها هي

‏واليوم ما للشعر حسّ ومودّى
‏اللي بقلبي بن ما هو بشاهي

.....

[الحمدان]

‏الزهد في الاحلام مخزي وممقوت
‏اللي ماعنده حلم ماعنده احساس

‏من خاف راي الناس بيعيش ويموت
‏لا مرضيٍ نفسه ولا مرضي الناس

.....

[الحمدان]

‏روحها من خِفّها لاهبّت النسمة تطير
وفكرها علّق على متن الشموخ خصالها

واضحة تسكب رذاذ العطر بأنفاس العبير
غامضة من ثقلها يحتار فيها ظلالها

يغرق أجزل بحر شعر فـبحر عفّتها الغزير
كل ماينبض خجلها يرتعش سلسالها

بنت شعر وأم طهر و أخت للبدر المنير
فاتنة تجلس على عرش الكمال لحالها

.....

[الحمدان]

ما رحت أدوّر كل زولٍ تحلَّى
‏لولاك تسوَى ماعطيتك خفوقي

خالد الفيصل

[الحمدان]

وأنّ لقيته خاطره ماش لا تشره عليه
‏ما معه صبر الصحابه ولا هدي النبي

.....

[الحمدان]

يامـرحـبا واهلـين يا أريـشَ العين
ياذي غـــرامك داخل القلب عشه

يازيـن حُسنــك فاق كـل المزايين
والغــير عندك مايســاويش قشة

أنت الذي بالقــلب حلـيت يازين
ماريد غيرك لوتـــجي ألف رشــه

يابـدرسـاطع في ســماءالمحبين
دايـم حضـورك له عناوين دهشه

يااغيَـد رويغد ياسلا القلب والعين
ياذي استوى في داخل القلب عرشه

حـبك سكن بالأوردة والشرايين
وان مر طيفك أرتعش ألف رعشة

ومادام ربـي قد جمع بين قلبين
بالحب يجمعنا ولو وسط عُشه

والعهد باقي ذي حصل بينناالبين
ماهــو بشر من خان حبه وغشه

.....

[الحمدان]

‏لقيت بالصمت رفعه و بالتخطي سمو
ولقيت بالوقت درس وبالأوادم عبر

.....

[الحمدان]

‏منت بحلالي ولا انت بشخص يقرب لي
‏في قلب غيري وانا ماكل عشاء غيري

‏حتى ولو كنت تعشقني وتطرب لي
‏مافيه أمل يلتقي سيرك معى سيري

.....

[الحمدان]

اجلس تطمن على مركاك
وانا مع الخيل لي نجعه

ماني شفوقا على محاكاك
ولاني شغوفا على الرجعه

ماتردني دمعتك وبكاك
لو قيل لي حالتك وجعه

حابس العطوي

[الحمدان]

لا شفت برق الحسد بعيون حسادي
تقوى عزومي وعين الحاسد اعميها

اثبت ثبات الزمن هجري وميلادي
وتموت الأنذال مالد النظر فيها

.....

[الحمدان]

‏لاغاب عنك اللي غيابه مصيبه
‏وطالت به الغيبه ولاجابه الشوق

‏مافيه داعي تنشده عن مغيبه
‏ماغاب عنك الا وهو منك مسروق

‏خله يكمل غيبته وش تبي به
‏لا تلحقه لو كل مطرود ملحوق

‏ترى المحبه ماتجي بالغصيبه
‏لو السما تطبق على الارض من فوق

.....

[الحمدان]

يالله لا تجعلني على الناس محدود
‏اجعلني اللي طاب دينه وعرفه

آمين

[الحمدان]

يحـــن قلبــــي للحبايـب ويشـتــاق
والشـوق يرسـم طيفهـم في منامـي

لو يعـرف المحبـــوب قدره بالأعماق
مايبتعـــد عــــن وصـل خلـه ثوانـي

.....

[الحمدان]

ياكثر ما نخفي من اوجاع ودموع
‏وياكثر ما نشكي ولا احـد سمعنا
‏
‏ماجـور ياقلب من الحــزن موجوع
‏نوفي لهـم بــس الوفا ما نفـعنا

.....

[الحمدان]

رسمت لك قلبي على شكل خفاش
وادخلت حبك فيه مثل الكورونا

انت الدواء وانت المعقم مع الشاش
اقرب احبك وبعدها يقبروونا

هههه

[الحمدان]

لا تضيق من الحياة ولا تكدر
‏دام تملك شيء غيرك فاقدينه

‏والله ان العافيه ماتنتقدر
‏والله انها ياعرب حاجه ثمينه

.....

[الحمدان]

ساعة سكن قلبي غلاه وتملّك
قلبٍ لـ غيره ماعرف حب واحساس

يقول خلّي قلت يابعد خلّك
عزالله اني ضعت عن باقي الناس

.....

[الحمدان]

‏تدري من اكثرشخص بالناس محبوب
شخصـن إذا شـاف الأوادم تبـسّـم

ماهوعلى الضحكه مع الناس مغصُوب
طـبـع التـواضــع في حياته ترســم

.....

[الحمدان]

وينك ترا طوّل غيابك وحنيت
عجل علينا يالغلا في دخولك

شفني أغرد وأذكرك وأكتب البيت
مكانتك بالقلب محدن يطولك

يفزّي قلبي وينشرح كلي ماجيت
لانك حبيب القلب يالبى زولك

.....

[الحمدان]

‏وين احصّل عافية قلبٍ فقد عافيته
‏والحزن يلعب بصدري والحمام يغني

‏يا وليفي وش بقى لرضاك ما سويته
‏كل ما قربت منك بعذر تبعد عني

.....

[الحمدان]

القلب شيخ والمشاعر قبايل
والشيخ يامر والاوامر مطاعه

والحب مايعرف شيوخ وحمايل
ليا سطى بالقلب اعلن ضياعه

‏قربك نعيم وشوفتك تسعد الروح
والوقت لو يمضي بدونك خساره

انت الهوى والحب والشعر والبوح
وانت اعذب الابيات واجمل عباره

.....

[الحمدان]

‏اشرب قبل تقفي عليك المشارب
ما للحسايف فالمقابيل راحة

السم دايم في ذيول العقارب
والحر دايم رِفعته من جناحه

لا تعطي الدنيا استراحة محارب
حارب ترا الدنيا ما فيها استراحة

سعد بن جدلان رحمه الله

[الحمدان]

‏اعطيه من وقتي يسولف واسمعه
‏وأرخي له فؤادي وأرخي مسمعي

‏من كثر ما قلبي وتفكيري معه
‏اشتاق له حتى وهو يسولف معي

.....

[الحمدان]

‏صار اللقاء مابين عيني والأحباب
‏من بعد غيبة فارقتنا سويّه

‏صدفة التقينا وصار مابيننا عتاب
‏وعتابهم ياناس يصعب عليّه

‏هذي سواة القلب لاصار غلاّب
‏ أحيان يسحب صاحبه للأذيّه

.....

[الحمدان]

‏تمر البال يا زهر الصباء معْ غاديات النود
‏ حديث أحلامنا يصعب على الملهوف نسيانه

‏معك ذقت الأمان ومعك أحس إني بدون قُيود
‏ أنا قلبي أمانة في يدك و يشوفك آمانه

‏يا كم عاشق تهاوى في بلاطك يالعيون السود
‏ يجاهد فيك نفسه والعيون السود فتانة

.....

[الحمدان]

تستنكرين فوادي اللي سلبتيه
‏وانتي عيونك تسلب القلب سيده

‏قلبً صواديف الزمان لعبت فيه
‏ماعاد باقي منه الا شريده

‏ما شوّهت حبّي كبار المشاريه
‏لا زلت ذاك اللي قديمه جديده

‏حتى الشعر في عيونك ان قمت اغنّيه
‏استعبد احراره واحرر عبيده

‏بيت القصيده يتعب اللي يجاريه
‏وأنتي بعيني مثل بيت القصيده

‏استاذني من خاطري واستميحيه
‏بالعذر لو ان العذر ما يفيده

‏بتفقدين الحب وان مافقدتيه
‏بتعلمك الأيام بانّي فقيده

‏اعتبري ان الحب ذنب اقترفتيه
‏وبعتبر فرصتك فرصة سعيده

.....

[الحمدان]

‏كل ما هبت طورايه مع ذاري الهبوب
‏اصطفقت ادور اللي غدا واصفق يدي

‏واحد ذكره لـ يابس معاليقي شروب
‏العرب عج البوارح و هو نجم الجدي

.....

[الحمدان]

‏المحبّه أنت وأنت الغير عادي
‏من عرفتك والمشاعر مستقره

‏يبتسم يومي ويطرب بك فؤادي
‏راحتي برضاك حلّت كل مُره

‏هاك قلب وهاك عين وهاك غادي
‏دلّه لدربك وخذ خيره وشره

‏وش أبي بوجيه خلق الله وأنادي
‏وجهك الله خالقه طيب ومسره

.....

[الحمدان]

‏راح نصف الليل وانا لا شعر ولا شعور
‏وين بلقى لي نسايم غرام تهبني

‏حبني ياناعس الطرف واشبعني غرور
‏ويش ابي في باقي الناس وانت تحبني

.....

[الحمدان]

‏لاتورطني وانا فيك متورط
‏يانظر عين القصيد ونظر عيني

‏الغلا في ثومة القلب لاقرط
‏مستحيل تفكه ايديك وايديني

‏ودي افرط بعمري ولا افرط
‏فيك وانت ان طعتني لاتخليني

‏بقبل اشروطك ولانيب متشرط
‏من غرامك عطني الي بتعطيني

.....

[الحمدان]

سولف يهون الوقت عندي ولا هنت
‏معاك لحظات انشغالي ثمينة

‏وشلون ماحبّ السّوالف معك وانت
‏شايل على صوتك شعور السكينة

.....

[الحمدان]

‏العرب بين التصـنع والجبلّه
‏والزمـان يميـيز اللي له تواجـد

‏طاح من عيني عرب ماهم بقلّه
‏وعاد في عيني عرب ماهم بواجد

.....