اخترنا لكم

[الحمدان]

حسسيني بقربك قد ماتقدرين
واكبري في عيون ضنوني الخايبه

گل فرقى تهـون الا حدا الوالدين
اخذي العلم من شخصً فقد شايبه

.....

[الحمدان]

‏لا تلتفت عينك على اطلال ماضيك
‏ماهيب من ذكرى الغلا مستفيده

‏أحلامي اللي فكّها الله من أيديك
‏عقبك لقيت اللي بتكبر على أيده
‏
‏حتى القصايد يوم أغني بها فيك
‏طاحت من عيوني قصيده قصيده

.....

[الحمدان]

متغير إي والله إن ماني بأنا إياني
‏ لو نشدوني عن اسمي يمكن اختصره

.....

[الحمدان]

أنت وصلك في خيالي على كل الوصال
‏ماله إلا اسمين اما رضا والا جبر

.....

[الحمدان]

خفّف مشاريهك على اللي تحبّه
ثلاثة ارباع المحبّة تغاضي

.....

[الحمدان]

انت الملاذ انت الطريق انت الجهات
انت الشعور اللي ماكنت اتصنّعك

انت اول احبك تهجّتها الشفات
انت اللي لاسولفت قلبي يسمعك

انت الوحيد المستحل الذكريات
ما كنّ عندي ذكريات الّا معك

.....

[الحمدان]

ليل الشتاء يشبه مواعيد الأحباب
‏ يا طول ليله والدقايق ثقيله

‏يلي عليك القلب مغرم ومنصاب
‏ في غيبتك كل الليالي طويله

.....

[الحمدان]

للصمت باب وللحكي عشره أبواب
ولكنّ باب الصمت شيمه وقيمه .

بعض الكلام يطول وجروحه أحباب
والصمت يقفل ذكريات الهزيمه

.....

[الحمدان]

حاربت كل الناس لجلك وأنتصرت
‏وأخر سهُوم الحرب جتني من يديك

.....

[الحمدان]

‏خلك معي في هالشتاء ولا تغيب
محتاج لك والشوق طرفه مآ غفا

ودي بشوفك من بعيد اومن قريب
وأن ماحصل شوفك ترا صوتك دفِـآ

.....

[الحمدان]

بعض السوالف خلها جوف صندوُق
اقفل عليها صدرك بكل قوّه

من يكشف أسراره على كل مخلوق
سوات من يعطِي سلاحه عدوه

.....

[الحمدان]

ودّي أسرق من جيوب الوقت ضحكات وأماني
‏ودّي انسف أول الأوجاع في مطلع قصيده

.....

[الحمدان]

ياوجودي يوم أفكر وأميز فالحياة
لينها رحلة مسافر ودنيا فانية

واهني المخلص اللي تقرب للإله
والعزوم لطاعة الرب ماهي وانية

.....

[الحمدان]

صباح الطيب والا الفل والا الحب والا الخير
تخيّر في الصباحات الجميله وانت راعييها

.....

[الحمدان]

ودي انام الحين واصحى قبل عام
العام كان احسن بواجد من الحين

.....

[الحمدان]

يالله برزقً توافيقه على بابك
يغني عن كفوف خلق الله ومنتها

آمين

[الحمدان]

الثقه بالنفس والصمت والخلق الرفيع
اثمــن كـنوز الـطبايع عـلى مـر الزمان

....

[الحمدان]

يامساء سلم لي على كل غالي
قله مساء الخير مخصوص بالذات

وقله ترى لو هو قليلاً وصالي
عرق الغلا ينبض وفاء حي ما مات

.....

[الحمدان]

الله يمسيك بالخير ياعذب الصفات
مانشا الناشي وماناح له ورق الحمام

ان كتبت الحرف ينساب من كل الجهات
كن الاحرف ماتُطوع لغيرك بالكلام

.....

[الحمدان]

يامرحبا يا ملاذ الود واول دليل
‏واغلا ما تذكر نباه احلامي الدايمه

‏يا اقبالة الغيم يا رجع الفواد العليل
‏اللي نسته الليالي والوفا ضايمه

‏اخذه على جنب سولف له واقل القليل
‏ يجتاح بك ذكرياته لعنبوا لايمه

.....

[الحمدان]

‏ما اخاف فرقا عشان الخطا والصواب
‏اخاف لا نفترق لان المواصل مُمل

.....

[الحمدان]

امّا الحضور اللي يسر الناظرين
ولاّ الغياب اللي مايدرى وش وراه

.....

[الحمدان]

مادام تُرقد ليلتك متعافي
وغيرك لذيذ النوم ما طبّ عينه

خُذلك نصيحة ودّ من قلب صافي
أستغفر الله وأشكره وأستعينه

استغفر الله

[الحمدان]

ليل الخميس اللي له الناس تشتاق
كلن يحسب له ويـرجـي قـدومـه

وانا اليا منـه لفـى خـاطري راق
يطري علـي شخصـً تونس علومه

.....

[الحمدان]

هـذاء المساء يجتمع في احلى ثلاث
الخميس والقهـوه والصاحب الغالي

.....

[الحمدان]

اعذّل على نفسي واقول الفرج قدام
واردد مصير الحي بالحي متلاقي

لو اني من التفكير والهم والاوهام
ماعاد اقدر اقف واتحمل على ساقي

.....

[الحمدان]

ملامحك شي وضحكتك رحلة استجمام
وكلامك حياه وصوتك يرتب اوراقي

لعبي غرامك لعبة الغصن والانسام
على قمة اللي قمته تتعب الراقي

.....

[الحمدان]

نسهر مع البرد ونسامر مشاعرنا
ونهيم في لحظة الذكرى وطاريها

.....

[الحمدان]

يارب وان جاتك الدعوات مكسوره
افرد جناح الرضا واجبر خواطرنا

آمين

[الحمدان]

ما تضيّقزسودزالأيام من صدره رحبّ
‏مؤمن بـأن البسيطه وأهلها فانيه

‏جعل دنيا فرقتنا عـن أغلى مـن نحب
‏يجمع الله بينّنا فالحياة الثـانيه

.....

[الحمدان]

‏يــــالله ياللي مامعي فيك تشكيك
‏القلـــــــب مخلص والعقيده نقيه
‏
‏أدعيك واستهديك واشكرك وأرجيك
‏واستغفرك مــن كل ذنب وخطيه

آمين

[الحمدان]

الخساير في حياتي ماتنزّل من مقامي
انخلقت بقلب طير وروح ماترضى الهزيمة

.....

[الحمدان]

مايصحي غفوة الشوق في جوف الضلوع
غير ذكـرى لا اظلم الليـل تفـتح بابها

.....

[الحمدان]

سقوط الاخلاق يسقط كل شي جميل
وش قيمة الناس لولا قيمة اخلاقها

.....

[الحمدان]

ترى النفوس العزاز ليا أستضاقت تشوم
لو تخسر مْن العباد أعز ما تملكه

.....

[الحمدان]

ياغايبه مابغى ملامحك تنعاد
انا خلصت من الفراق ونسيته

سافرت عن طيفك من بلاد لبلاد
ولا وصلت لديره الّا لقيته

.....

[الحمدان]

ظافي القصة على الطرف الخجول
تنكســر شمـس العصـر بظـلالهـا

وصفها وصف السحاب اللي يحول
كـــل عيــن تستخيــل خيـــالهــا

.....

[الحمدان]

عليك الوله ومواصل الليل عقب الليل
ُ ولا لي على حبك جماله ولا منه

اسوق البشاير كل ابوها واسج الويل
على شوف وجهك جعلني ما خلا منه

.....

[الحمدان]

مرحبا ياليله السبت والليل الطويل
اقلطي بصدري الي من الشوق امتلا

جيتك ماهي غريبه وصدك مستحيل
كان لك عندي محبه وتقدير وغلا

.....

[الحمدان]

تدرون ويش أطيب من الجاه والمال
وأطيب من الشهَّـرة ومن محتـواهـا

لا صرت متعافـي وعنـدك سـَتر حال
والنـاس مـالـك حـاجـةٍ مـن وراهـا

مطلق العتيبي

[الحمدان]

هذا الزمن لا تنتظر رجعة انسان
‏لا تنتظر غير انتظار الفريضه

.....

[الحمدان]

‏يا ليت الوجيه اللي هقينا بأهلها خير
‏بقى لونها هو لونها في بدايتهم
‏
‏عطيناهم الإكرام والحب والتقدير
‏وعطونا جروحٍ ما تعالج بخيبتهم

.....

[الحمدان]

العنود اللي جفيت الناس والدنيا بعدها
والقمر لاطل خابرها تجي بيني وبينه

.....

[الحمدان]

ليا جابني له قصيد وقام يقراني
ياخذ من الصبر مايكحل به جفونه

وانا ليا جابه الطاري وانا سالي
ودي لا نادوا سميه ما ينادونه

.....

[الحمدان]

‏الرزق ضيفٍ لا بغى الله يجيبه
‏يجيك لو سكرت من دونه الباب

.....

[الحمدان]

الصدور اللي وفاها ملاجي للرفيق
ضيقوها اللي على كل عوجا يقلطون

عزتي للقلب الابيض وللوجه الطليق
لا حداه الله على عالمٍ ما يستحون

.....

[الحمدان]

قلي وش يرضيك ياملح الدلال وعنفوانه
أنت لو تطلب محل البدر جلستك محله

.....

[الحمدان]

وأنا مغامر واعرف أن العمر فاني
وابيع بنت الكحيلة في عشاء ليلة

سفر الدغيلبي

[الحمدان]

صبو من اللي بنّها تو مافاح
ماعاد باقي غير جملة وحيدة

تطيح روس وبيرق العز ماطاح
شامخ يورثّه الحفيد لحفيده
🇸🇦

دام عزك ياوطن

[الحمدان]

‏رفيق الذاكرة وإن شحّت الذكرى بدون أسباب
‏خذيت الأرض مسعى لين أعيّن دربٍ أسري به

.....

[الحمدان]

‏‌ياعالم الغيب والنيات سبحانك
‏رحمتك خير من الدنيـا ومـافيها

‏أسئلك يارب توفيقـك وغفـرانك
‏وسعادة مـاتخيب قلب راجيها

آمين

[الحمدان]

افرح عشانك معي فرحه ومن دون ليه
‏يكفيني اعيش في طرفك وانا اتأمله

‏العالم تشوف وجهك مثل كل الوجيه
‏واشوف وجهك بعيني عالم بأكمله

.....

[الحمدان]

والله ان قلبي بوجودك تفرح ايامه وشهوره
‏تضحك الدنيا بوجهه ويبتسم حظه ويهنى

‏من يلوم احساس قلبي لو يباهي في شعوره
‏وانت من مريت دربه صار بك أجمل وأغنى

‏لا عدمنا نور وجهٍ ضحكتي رهن لسروره
‏ولا عدمنا قرب روحٍ من عروق القلب أدنى

.....

[الحمدان]

‏اعرف الساكت اللي نظرة عيونه تقول حكاه
‏يرد لسانه من البوح لكن تفضحه عينه

.....

[الحمدان]

‏جينا نـبي منك الفوايد والارباح
‏ورحنا نقول اثر السلامه غنيمه

.....

[الحمدان]

‏انا حسبت الأرض بالطول والعرض
‏لين أكتشفت ان المسافة خديعه

‏لو الوسيعة أسم يُطلق على الأرض
‏أنا من عيونك عرفت الوسيعه

.....

[الحمدان]

عطيتك غلا وان قصر القلب لا يعطيك
تسلفت من حب الرفاقه على شانك

.....

[الحمدان]

‏صبرت ولا ظفرت وقلتها لك بالفم المليان
‏أنا ما جيتك اذرف دمعتي حتى تواسيني

‏غلاك اللي ليا جيته زما ما يروي العطشان
‏لو انك في عروقي تجمعه ما عاد يرويني

‏على تالي مواعيدك من البارح وأنا سهران
‏بغيتك للسهر مثل المنام وطحت من عيني

.....

[الحمدان]

اجبـــــر بخاطـــر مــن تعـزه وتغليــه
وهده شعور الجبــر من طيب خاطر

واعط الغلا من يستحق منك تعطيـه
لين الغــلا يظهر بفيــض المشاعـر

واوفي بوعدك من عطا وعد يوفـيه
لاتوعــد الا ونتــــه عالوعــد قــــادر

ومــن عطيــته بالوفا عهد يرضيــــه
اوفي معه بلعهـــد غايــــب وحاظــر

والصادق الــي بالمشاعـــــر تجاريـــه
اقــوى وابلــغ من مجـاراة شاعــــــر

.....

[الحمدان]

غروب الشـمس فيـها مثل خـدك
مثـل عيــن الــذي فـارق خـليله

عسـى في يـوم تـعرف كبــر قـدرك
كثــير النــاس مـن دونــك قليـلـه

.....

[الحمدان]

عليك الغلا والشوق كنك تسوقه سوق
وعليك الشفـوف من المعاليق منتحيه

وعليك الضمير من التنهات فيه فتوق
وعليك السلوم من المشاريه مستحيه

.....

[الحمدان]

لا طرو طاريه سويت نفسي مادريت
ولا انا يابري حالي وياوجدي عليه

.....

[الحمدان]

جفولٍ من الخيل خذاله ثلاث وصوف
سواد العيون وسبلة الجيد واللدّه

يبذ الخفايا بالتغنج تقل مكلوف
وهو في الصبايا لا مثيله ولا قدّه

.....

[الحمدان]

اهم حاجه ما قال الله وقال الرسول
يا راجي الناس عند الناس وش ترتجي

الزود زود الثقه والنقص نقص العقول
ما هوب نقص الفلوس اللي تروح و تجي

.....

[الحمدان]

وابعدي مثل المتاهات في حلم اليتيم
واقربي بين السوالف وكتفي والذراع

وانظري لي نظرة الشوق للشي القديم
واغرقي بالدمع الأزرق مظاليلن وساع

.....

[الحمدان]

يا حلو طبع الوفا في ساعة الشده
اليا صفا لك صديقك والزمن قاسي

لو هو من أقصى البشر ولا من البده
تفخر بمثله لو انه ابعد الناسِي

.....

[الحمدان]

حكمت قلبي مثل حكم الملك بن سعود
نبضات قلبي شعوبك وانت صاحب سمو

.....

[الحمدان]

خلك على وضح النقا تكسب الناس
وإن ما كسبت الناس راحتك مكسب

.....

[الحمدان]

رفرفي يارايه العز يامجد السنام
رفرفي بالعز في ظل قادات الامم

دارنا منا لها اغلا المحبه والسلام
نرفع الرايه لحكامنا بيوم العلم
🇸🇦
دام عزك ياوطن

[الحمدان]

أستغـل العمـر لاياصـل مـداه
وانت تشتم في الزمن وتعاتبه

فـي النهـايه من ملـذات الحياه
ما انت ماخذ شي ما الله كاتبـه

.....

[الحمدان]

لا تفتّش فالصدور ولا تتبع كل عله
كل قلب وله ميول وكل عقلً واتجاهه

ولا تكلّف في قبولك والقبول اللي من الله
ما تجيبه بالفلوس و لا تجيبه بالوجاهه

.....

[الحمدان]

والله إن كل الهبايب والنسانيس العليلة
ماتعرف تهبّ من كل الجهات ألا جهتها

والعيون إللي ماشدّ أنظارها برق المخيلة
ماتحب من الدروب إلا الدروب إللي مشتها

.....

[الحمدان]

اضحك وسولف وابتسم للمخاليـق
وخـل الامـل بيـن العيـون وهـدبهـا

دنيـاك ما تسـوا يجي داخلك ضيـق
وايامـك اللـي مـاضيـه لا تحسبهــا

.....

[الحمدان]

يالله طلبتك من كثير الدعاء ثنتين
حياةٍ بعز وموتةٍ بعدها الجنة

آمين

[الحمدان]

السعة هي غاية النفس مامعها خشير
‏ماخذٍ جوي لحالي وعايشٍ في فضاي

.....

[الحمدان]

عزيمتي ‌مايحطمها الزمان ‌الشحوح
والشّمس ‌بكره ‌رُغم أنف ‌الدجى ‌شارقه

ما دام فيني نفس ذرى وفيني جموح
بابٍ وراه اعتزازي طارقه طارقه

.....

[الحمدان]

مابه ثبات ألا على انقاض الشتات
والأحلام لذتها قبل توصل لهـا

واجمل من الإحساس من بعد الصلاة
أحساسك اللي قال قبله صلها

.....

[الحمدان]

ياعظيمه وانتي الاشياء الجديده والقديمه
وانتي اللي لو تصد الارض ماصديت عنها

وانتي اعجوبة زمان الشاعر اللي هل ديمه
وارتوت جدب القصايد لين صح الله بدنها

.....

[الحمدان]

ترى غناة النفس هي أصدق غناه
وترى جمال الشي مـا قل ونــدر

وترى التغافل أكثر أوصاف الدهاه
وترى الذكي هو أغلب العالم حـذر

.....

[الحمدان]

‏النديم الي يعاتب ويتشره
‏لا يخاويني ولا لي معه طرقه

.....

[الحمدان]

تعودنا نقول بخير لا قيل كيف الحال
وحنا ظروف الوقت ما قصرت فينا

.....

[الحمدان]

مْن خسر له غاليٍ بأسباب زلّه
ماقدر ينساه من كبر الخسـاره

.....

[الحمدان]

صدوف الزمن قشرا ونص العرب عدوان
ادور علــــــى بيض النـــوايا ما الاقيها

انا كنت احسب ان العرب كلهم صدقان
عسـى الله يرحـــم هقـــوة كنت هاقيها

.....

[الحمدان]

لم أجد خيبةً تعادل خيبة ابن الفارض
حينما قال:

إِنْ كَانَ مَنزِلَتِي فِي الحُبِّ عِندَكُمُ
مَا قَدْ رَأَيْتُ فَقَدْ ضَيَّعْتُ أَيَّامِي

[الحمدان]

‏العين سـكـرها عن العـور والعـرج
والأذن عن سـمع الهـزيلات صنهـا

واليا بغيت الطيب قلل من الهـرج
ونفسك عـن الهفـوات قصر رسنها

الهـرج كـثـره ينـزلك مـنـزل حـرج
والـصـمـت نـعـمـه مايـقـدر ثمنهـا

حـذراك لاتركب على مايل الحـرج
والنـاس بـالـغــرات لاتخبروها

.....

[الحمدان]

ياطيـــر شلـــوى علم الي بقـــــربه
سكينة الخايف من الخـوف لا جـاه

لا سل سيف الشـــوق بعــد الأحبه
يعـــــود لا عادت جفيـــره ومخباه

مالك شبه في الناس لو قلت اشبه
ولا فــي اشباهك لقاء القلب مئواه

كــــذا تعاملـنا مـــــــع الي نحـــــبه
نتعقــــــب اثــــاره اذا ما لقيــــــناه

.....

[الحمدان]

أناشــــــدك بالله يا شـــــوڤ باللهون
ڤلبي فڤـد يا شـــوڤ كامـــل عزومه

على الحبيب الّلي في الروح مدفون
الغايـــب اللي في خـيالــــي رسـومه

يا شـوڤ خـذنــي وين ماكان ويكون
ودي ازور الـزين واعـــــرف عـلــومه

حـتـى و لو ڤالـــولي الناس مجنون
انا اعـرف المجـــنـــون ما حـد يلومه

.....

[الحمدان]

تبقى الصداقه بصمةٍ للاجاويد
‏خوة على مر الزمان اتجدد

‏خوة نشاما ماتعرف المناقيد
‏تبقى ولو بعد المسافه تمدد

.....

[الحمدان]

غيبي وشيبي واتركي كل ما صار
يبقى جمالك في قصيدي طرايف

خل الكواكب من سـنا نورك تغار
ولا تلحقي نفسك هموم وحسايف

.....

[الحمدان]

لو صاحبك فجأة عليك اتغير
فتش وش اللي ضيقه ما باله

حاول بكل الجهد له لا تخسر
يمكن ظروفه يا اخي قتالة

وان شفت وانه للصحب يتنكر
سامح طريقه واتركه في حاله

قفل ملفه واكتبه بالدفتر
لي صاحب اتغير ولاادري ماله

شف كل من يكسر بيده جبر
والمرء يفنى والبقاء لافعاله

.....

[الحمدان]

‏ياصاحبي ماعاد بالخاطر احلام
لا الروح مرتاحه والا القلب هادي

من كثر ماجارت بنا ظروف الايام
صرنا نــرى صدماتــنا شي عادي

.....

[الحمدان]

لا تـطـري الـفـرقـا ولـوكـنـت مـزاح
فــيني مـن فـراق المحبين صـدمه

.....

[الحمدان]

كل شي في وجـــــودك له حلآ
وكل حرف تكتبه يعني حضور

لو تغيب آلخلق تبقى يآلغلآ
طلّتك عطري وآبيآتك بخور

.....

[الحمدان]

مـره نعالجها ومـره بـدون إعــلاج
ومـره نسيرهـا ومـرات معتـاجـه

وليله تسلينا وليله كـدر وإحـراج
وليله ظـلام وليله انـوار وهـاجـه

.....

[الحمدان]

احنا كـبار القـــوم ركــز عليـــنا
الفرد منــا مـــايفلـــت رفيـــقه

من شاف حاله قد تكبر عليـــنا
يحلم يصل لا مستوانا دقــيقه

احنا الكرم والعز خاتـم يدينــــا
والذل حاشى نقترب من طـريقه

نصبر ونـــتحمل وفــينا وفــينا
اوجاع ماتوصف بلحن المسيقه

ماهي عوايــدنا الــكذب لاحكـينا
بالحق نحكي او نخط الوثيقه

.....

[الحمدان]

‌‏الناس ماتدري عن القلب وشفيه
حتى ضلوع الصدر تسال علامه

والقلب لاصابه وجع من يداريه
دام الوجع من شخص كان اهتمامه

....

[الحمدان]

منهـو مــع الله ربــي لا يخـاف
حتا ولــو ضـده عرب متحالفـه

ما همني كثر الدراهم والحراف
كلا ولا نفسي من الناس خايفه

واثق بربي فالسماني والعجاف
والنفس ماهـي للمهانه والفه

نفسي عزيزه ومحكوم المشاف
والذل طالـق بالثلاث الكـاشفه

.....

[الحمدان]

غلات الانسـان مـن مكنون اطباعه
ماهي من القرب ولاهي من المنظر

كـم مـبعدن صـورته بـالعين لماعه
وكـم مـن قريبن كأنه شي لا يذكر

.....

[الحمدان]

نتذكر الونعم ونشعــــر بالرضى
يوم المراجل تفتخر لو شافته

إنسان له تاريخ في ما قد مضى
نحو العُلا ما قط حاجة عاقته

.....

[الحمدان]

يا وقتنا لا جيت بانواع الاسىء
الله يعين نجتاز فــــيك المرحله

عقب الصباح تأتيك ضلمات المساء
ماحدظيــــعيش الـعمر كله ديوله

والمشكله بالـــجيد لا وضعه قسى
ما الفسل هو والف حياة البهذله

.....

[الحمدان]

مصيبة عزيزالنفس دايم من الكتمآن
يخفي الوجع مآيبغي النـآس تشعربه

ينوح الغريب ويشتكي غربة الاوطآن
لكن غربة المغبون هي والله الغربه

.....

[الحمدان]

القلوب اسرار والدنيا عبر
‏والعمر لو طال تاليه الرحيل

‏والخواطر كسـرها ماله جبر
‏لو يعيد الوقت ماضيه الجميل

.....

[الحمدان]

‏ماقلت لك بكرة نفارق وننسى
‏وتقول فال الله ولا فال فرقاك
‏
‏شفنا مع الأيام نكبر ونقسى
‏لين افترقنا مابقى غير ذكراك

.....

[الحمدان]

‏اتصّبر عقب طول الجفا حتى غديت
‏غصنٍ اومت به سموم الدهر لين انبرا

‏ليتني ماجيت ضميان ولا يوم جيت
‏ماطلبت من الهوى شرب وظلال وذرا

‏والغرام انواع والذ واقسى مالقيت
‏حبٍ تشوف العنا والهنا فيه خشرا

.....

[الحمدان]

‏يابنت يالي بالهواتف تسلين
‏عصر الهوا والحب يابنت ولى

‏لا تسهرين الليل والناس ممسين
‏ مع غشيمٍ بالمحبه تسلى

‏اليوم يخضعلك وزين على الزين
‏ وليا تمكن منك قام يتغلى

‏ان كان يطلب منك ماحرمه الدين
‏ واليا رفضتي راح منك وتخلى

.....

[الحمدان]

المجلس اللي مايقدرك راعيه
خلك عزيز النفس مالك وماله

لاصار ماحطت لجنبك مراكيه
تلقى من خيار المجالس بداله

مغنيك ربك عن قهوته وشاهيه
دام المعزب مايسرك قباله

فهد هجاج

[الحمدان]

‏أغليك جدًا عسى الله لا يبيّن غلاك
‏يا واحدٍ لو طلب عمري ما يغلى عليه

....

[الحمدان]

‏انا لك أصدق من الضحكة على وجهك
‏وأحنّ من خاطرك واقرب من ظلالك

.....

[الحمدان]

الله خلق حبك من الحب فيني
‏وعزفت نغمة حب على كل معزوف

‏وسكنت في روحي وقلبي وعيني
‏واغلى المشاعر جتك شعر وحروف

....

[الحمدان]

هلا فيك ياروح الغلا والوله منقاد
هلا فيك من نفس ٍ من البعد مكتوفه

هلا فيك تبقى للهوى والعشق وقاد
هلا والغلا في داخلي ضاعت وصوفه

ياغاية حبيب ٍ هام بك يوم ربي راد
عرفنا الغلا منك والأسباب معروفه

....

[الحمدان]

والله انك داخل الخفاق ساكن
من عرفتك وانت عندي كل شي

كل ما غنى ابو نوره الاماكن
انت والله بس من يطري علي

....

[الحمدان]

‏يا كل ظالم ترى حبلك قصير
إذا أصبح المظلوم جهـده في بكاه

اذا دعاء المظلوم في الثلث الاخير
وش حيلتك اذا استجاب الله دعاه

....

[الحمدان]

يارب يامن في يدك طب الاجراح
اجبر خواطـر في الضماير نكيده

وافتــح لنا بالخيــر يا خيـر فتاح
فيك الامل يا الله وفيك العقيده

آمين

[الحمدان]

‏افتح شبابيك الامـــل واطــرد الياس
وعيش عمــرك دون غصه وضيقه

مهما يضيق الوقـت وتزيد الاتعاس
لابـــد يفتــــح لك إلهـــي طريقه

ياخوك لاتجرح شعورك والاحساس
ولا تحتمـــل من فوق مالاتطيقه

خل السعاده داخلك دون مقياس
وعيش عمـرك كن عمرك دقيقه

....

[الحمدان]

‏بعض الغيـاب يعلمك كيـف تشتاق
وبعض الغيـاب يعلمـك مـن يودك

وانا ترى قلبـــي من الشـوق خفاق
والبال سارح طـول الاوقات عندك

وينك حبيبـي هدنـي كثــر الافراق
وكثـر البعاد وكثر هجـرك وصدك

ليتك تحــس بناري اللي بالاعماق
والله مــــا تبخــــــل عليـا بردك

....

[الحمدان]

‏أعطوا فقير الناس مما عطاكم
باسلوب ما يجرح حدود الكرامه

وان كان ما شاف الرجاء من وراكم
على الاقل تصدقوا بابتسامه

....

[الحمدان]

الـعز عـز الـروح مـاهـو بالامـــوال
والطيب طيب الذات رفعه وهامه

والفقر فقر الفــكر مـع مَــر الاجيال
يامن تحسب الفقر عيب ومـلامــه

....

[الحمدان]

‏الخاسر اللي خاسـرٍ دنيا ودين
اللي طريق الحق معطيه اظهره

والـرابـح اللي يتْبع الحـق المبين
يرجي العفـو من ربنا والمغفره

مهما تعيش وتاخذ شهور وسنين
نهايتك مـدفـون وسـط المقبره

....

[الحمدان]

‏كلام القفى فالناس ماهو رجوله
ياللي لسانك فالمجالس حصانك

أن كان ماحصلت هرجٍ تقوله
حاول بذكر الله ترطب لسانك

....

[الحمدان]

على الله جميع ارزاقــنا والرجاء بالله
‏وعبد ٍ رجـاء بالله ما خاب له رجــوى

‏كريم ٍ على عبــده ليامن طلبه اعطاه
‏وهو ملتجا المخلــوق لا صابته بلوى

‏نصلي له افروضه ونسجدله ونخشاه
‏نبي جنتـه يالله عســـاهــا لنـا مثـوى

آمين

[الحمدان]

اللحظة اللي تحس إنك غريق
‏والموج غاشيك من كل إتجاه

‏ازبن على اللي يفـرج كل ضيق
‏اللي جميع الخــلايق في رجاه

‏قـــادر يوريك في الغبة طريق
‏يلهمك دعوة ويكتب لك نجاه

....

[الحمدان]

طبـعنا نشفق لذكـرى الحيـاه الماضيه
‏ولحظـة الذكـرى تجدد جروح الغافلين

‏التّوجــد بعــض الأحيان ضربـه قاضـيه
‏بس بعض أحيان للنفس مثل الأكسجين

....

[الحمدان]

عافني يارب واغفر ماتعدّا
‏وإجعل النجده تجيني من ذراعي

‏يوم ضاقت ما حداً غيرك مبدّا
‏كل ما ضاقت علي اجيك داعي

....

[الحمدان]

ياقلب لاساقك زمانك على الهم
غاير جروحك لا تبيًح خفاها

مصيرها مع الايام تلتم
والا تموت ويحسن الله عزاها

....

[الحمدان]

لا ياخذك غيري وانا خاطري فيك
‏شطر وقف بين الرجاء والقناعه

....

[الحمدان]

‏أصد عن بعض الخطا والتفاهات
اللي تضيع وقت من خاض فيها

ودك ترتب قائمة للعلاقات
وتحط مجموعة ما يشره عليها

....

[الحمدان]

ارسـم خيالـك واعتنـي بـه واحاكيـه
واقـص لـه فـي كـل لـحظـه حكايـه

واقطف ورود الود والشوق واعطيه
وابنـي لـه قصـورالفرح في سمايه

....

[الحمدان]

‏مساك عود ازرق على جمرة الشوق
‏ كل ما احترق كنه ينادي بوصلك

‏ياللي غلاتك فوق ومحبتك ذوق
‏ انت الحياه ودونك الروح تهلك

....

[الحمدان]

ليتك كنت لي مثل الغريب
اللي صدم كتفي بكتفه واعتذر

....

[الحمدان]

‏أنت طيب والمساء اللي يجيبك طيّب
جعل تفداك الليال السُود ليلة ليلة

....

[الحمدان]

‏ياماحلا لاصار بالجو براق
‏برقه حقوق ٍ والرعد مردف له

‏يضوي ونور البرق للعين سراق
‏ياسعد منهو خايله في محله

‏مرواح خير ٍ بارقه يرهق ارهاق
‏يالله عسى بالخير وبله يهله

‏يروي ديار سدير والسيل ينساق
‏بامر الولي الواحد اللي نجله

‏محمد بن محارب

[الحمدان]

سليت قلبي ياسلا القلب والروح
للمه كلامك يجعل القلب سالي

حتا ولو جيتك معذب ومجروح
بضحكتك انـسا تعب من ليالي

واش با تردي لو لك القلب مفتوح
ولو عرفت انك على القلب غالي

هل باتقل. قلبي لعيناك مسموح
او باتزيد من الغلا والتــــعالي

ياذي رياحك مثلما العطر بتفوح
واجمل من انوار القمر والهلالي

خط الامل ما بيننا سار مفتوح
والبال في ذكرك يزيد انشغالي

على الوفا والعهدما يوم باروح
يامن حلاتك فايقه كل حالي

....

[الحمدان]

احبك يا اريش العينين واعشق جوك العاطر
ونفسي في هواك العذب والجذاب مسحوره

احبك ف الزمان اللي مضا واهواك ف الحاضر
واودك يا دواء قلبي من الآمه ودكتوره

انا في حبك المفتون انا المجنون انا الشاعر
انا روح الموده والجسد والصوت والصوره

انا في عشقك المخفي انا في حبك الضاهر
انا في ملعبك يا خلي الهداف والكوره

انا باشواقي المسجون وانت القفل والداير
حبست القلب باشواقك ونفسي فيك مأسوره

شعوري والمشاعر يكتسحها طيفك العابر
برغم ان الطرق للوصل بك للان محضوره

....

[الحمدان]

قال قهوتكم ذقتها حيل مرّه
وفنجالها ماهو بمثل الفناجيل

قلت الفخر في طعمها والمسره
وما عابها مرارة البن والهيل

....

[الحمدان]

الله يـمـسـيـكم علـــى ماتحبـون
‏والله يـقويكم لطـاعـته ورضـاه

‏ياجعل من عسرت مطاليبه تهون
‏وياجعل من له منوةٍ يلحـق مناه

آمين

[الحمدان]

هذا زعيم العرب رمز العدل والصلاح
‏فخر العروبة وقايدها وناموسها

‏على شداده ملوك الأرض تبغى السماح
‏ماعاد تقدر تجيب الراي من روسها

‏يامر بنزع السلاح وينزعون السلاح
‏ويامر بضبط النفوس وتضبط نفوسها

مشاري محمد

[الحمدان]

‏مشينـا على طيـب النوايــا ولا ندري
‏عسى الله يجازينـا على طيبـة النيــه

.....

[الحمدان]

أنا لا ارد بباب قلبي عابرًا
أو كيف لو وقفوا به أحبابُ

محمد السعدي

[الحمدان]

ياعظيم الشان جملني وعني
لاتخلي النفس في حاله غليبه

اقرب الاصحاب في ضيقي تركني
يوم وضعي شان وضروفي صعيبه

مادروا بن الوفاء نبعي ومني
وعادتي مافلت الصاحب واسيبه

من بذل بي طيب جاه الطيب مثني
ومن غدر بي قلت له ربي حسيبه

والشدايد خضتها من صغر سني
مانكسر قلبي وماجاء النفس خيبه

ابو حسين الوايلي

[الحمدان]

سلامي على الي ماتغير مع لوضاع
سنافي على كل المواجب ونفاعي

ويبقى الكفو كفون ولو الزمن خداع
يمينه بفعل الجود عاطي ومتراعي

رجال الوفاء تعطي وعاد الزمن بصاع
تطول الجمايل في رغدها ولوجاعي

.....

[الحمدان]

قد دعينا ولبينا بداعي الصحايب
يارعى الله صاحب لادعى الصوت جاه

الرفاقه لها مقدار عالي المراقب
من يوفي المواجب وفق الله خطاه

والرجال الوفيه تعتلي في المراتب
تعشق العز والناموس في كل جاه

ان مشينا مشينا كل منهاج طايب
منهج الطيب ذا يمشيه يلقى النجاه

مانفكر في المقفي ولا له نعاتب
مانطارد وراء المقفي وقالب قفاه

ااه ياذا الزمن جرحه على القلب ثاقب
حطم الجيد واستصعب عليه الدواه

ارتهينا على مجرى الشدايد تجارب
واكتسبنا بمر الوقت راعي الوفاه

ماتبين المحبه غير وقت الصعايب
يكتشف لك قروم القوم واهل الرداه

يوم راحوا على درب الجفى والمجادب
قلت يالله جنبنا الردى والجفاه

النوايا مطايا في الصدر وانت حاسب
ونافخ الكير من قارب بنفخه عداه

....

[الحمدان]

الا يالله بفرحه فقير ذبحه الدين
ولا عاد يوثق فيه من كثره ديونه

اذا جا المحطه من دبور الزمان الشين
ينادي بعض عمالها ما يحاكونه

ولا عاد يدري ينطلق للحياه منين
يبي ينتقم من فقره ويبرد غبونه

شرا له بعير و وانيت وفله دورين
وجيب تجيب الكبر من مسكه دركسونه

عبدالله المقحم

[الحمدان]

ياداير الظــهــر ياعيــــباه درت الـقــفى
وانا اعرفك رجل وافي ماتدور قــفاك

سفهنتني بالتجافي يوم ســقت الوفـى
ونسيت منهو معك يوفا بكامل خطاك

اصفى المخوه عطيتك بالعلن والخفــى
وبنيت لك قصر عالي عن جميع اخوياك

.....

[الحمدان]

إذا اختفى وجهي من أوقاتك شوي
لا تدور الصوت في صدر الرساله

بعض الكلام أحيانا إن قيل يضوي
وبعضه سكوت أصدق من ألف مقاله

يمكن تلاقيني وقلبي معي حي
لكن وجودي في الزوايا حاله

وإن شفتني ما بين حرفين مطوي
اقرا الغياب بنص سطر ابتهاله

ما كل دربٍ له معي فيه نواي
ولا كل ظلٍ فالشمس ظلاله

خلّ الهبوب تمر ما بيني وِبَي
ريحٍ تمر وتاخذ أسرار حاله

.....

[الحمدان]

طعنة الرجال من كف الصحيـب
فالوقوع اشد مـن طعنـة عـدو

واشجع الطعنات في وجه الحريب
واجبن الطعنات طعنـات القفـو

وانت ياللي صرت فالهقوه قريب
هقوتي مشـوار وقرًيـب بـدو!

لو ملكت الشعر ولسان الخطيـب
وشانت الاخـلاق ماقالـو كفـو

ما تفيد الارض ياسيـل الجذيـب
لو ثمان ايـام تحشوهـا حشـو!

عارفيـن الليـل مبـداه المغيـب
وعارفين الصبح جـلاًي الغشـو

مايعدل الكيف فنجـال السريـب
ولايمده راعي اسلـوم وغـزو!

وان غطسنا في تجاويف القليـب
يفـرق الاوزان قانـون الطفـو!

ظلم ابوعداي واطمـاع الصليـب
اودعت صدام في وسـط القبـو

مير تب قدام يجرفـك الشعيـب
واطلب التوبه ويشملـك العفـو!

عابد صقر

[الحمدان]

دنياك مثل الشمس قرّب غيابه
‏مثل النهار اللي بقى بس تاليه

‏الخليوي الخديّر

[الحمدان]

ماهي بسيطة عزتي عند ذاتي
وماعدّ نفسي شي دون الكرامه

رح علّـم اللي قلّلوا مـن غلاتي
من باعني برخيص درب السلامه

د. ماجد عبدالله

[الحمدان]

مغنيني الله عن زكاة المشاعر
والحمدلله ما على حالي قصور

أملك شموخ ملوك وأحساس شاعر
وسويت لي من عزة النفس دستور

.....

[الحمدان]

‏مع الأسف يامشيدين الدواوين
ماعاد للمجلاس لزمه وعازه

نشرب لنا فنجال ونقول سارين
مادام كل منشغل في جهازه

للأسف حالنا في هالايام

[الحمدان]

‏لاتـخـتبر صـبري على جـور فـرقاك
‏ولا تـخـتبر صـمتي على كـتم سـرك

‏انا الـذي قـدم لك العـمر لـرضـاك
‏وانا الـذي صــابر عـلى حـر جـمرك

.....

[الحمدان]

ماني بحاجة كلام يفك صدر الوعود
‏انا بحاجة فعل يسد حلق الكلام

.....

[الحمدان]

وأهجر قصور الذل لو هي من ذهب
وأسكن بيوت العز لو كانت من تراب

.....

[الحمدان]

يكثر ماني اعتذرلك فالظروف وبالسفر
وانا ادري ان ماكل مره خيرها في غيرها

جعل السنين فداك من سفر ليا غره سفر
وفداك حامل مسكها وفداك نافخ كيرها

....

[الحمدان]

انا على حطت يدك والله ماعندي جديد
اعاند ايامي بعد ماجاتني بعنادها

تبقى الرسايل الاوله اغلى واعز من الوريد
رسايلٍ من قبل روحك يختلف ميعادها

.....

[الحمدان]

من لايوردها مواريد الأبطال
يشرب من كفوف اليالي غبينه

.....

[الحمدان]

إن بغيت المواصل وإن بغيت الفراق
انا قد الأولى وأكبر من الثانية

.....

[الحمدان]

لا تحبّ الحياة أكثر من المفترض
ولا تخاف الفراق وكلّنا راحلين

....

[الحمدان]

‏حاولت ابيّض نيّتي واقابل الظُلم بسماح
‏والله يَعلَمُ خَائِنَة الْأَعْيُنِ ومَا تُخْفِي الصُّدُور

‏أزريت اصلّح غلطةٍ راحت واثاري العمر راح
‏كل ما اعتذرت يردّد الماضي ترا ما انت مْعذور

‏خلاص ابرخي قبضتي واترك شراعي للرياح
‏سلّمت اموري لـ اللي بأمره تساهيل الأمور

....

[الحمدان]

‏بعض العرب حبّه يوردك الجنون
‏ولا يوصّف له غلاه حكاك له

‏ما يقنعه وصف الغلا لو وش يكون
‏لو كل حرفٍ بالحرير يحاك له

‏الموت جاك و هو تقلبه الظنون
‏ولا لك إلا الصبر وش وداك له

‏إن قلت ضايق قال هونها تهون
‏ما يدري إن ضيقتك له وبكاك له

محمد بن فطيس

[الحمدان]

‏بعض العرب روحه مثل دلة الكيف
‏فنجالها يشفي القلوب العليلة

....

[الحمدان]

‏لو اقول ان البحر مثل الهوى ماهوب قدي
‏ماقدرت اقول قلبي تاب واعرض عن دروبه

‏ولو اتوب من الذنوب اللي جنت الايام ضدي
‏ما قدرت اتوب عن ذنبٍ يعن القلب صوبه

‏كيف اتوبك يا اجمل ذنوبي وأوقف عند حدي
‏وانت ذنبٍ لا غفره الله ولا لي عنه توبه

....

[الحمدان]

عرفت إن القدر فرصه سعيده والحياه أعراف
‏لو إن الشوق من كثر البعاد المُرّ يصلينا
‏ㅤ
‏أزورك حلم من خلف الحقيقه والشعور لحاف
‏ما دام إن الوله واقف على سكة هقاوينا

....

[الحمدان]

‏سمح خاطري واستثقل الصبر والمقعاد
‏لو انك الوحيد الفارع وصفوة الصفوه
‏ㅤ
‏مراحي جهاد ورجعتي لك عنا وجهاد
‏بدا غافل الايام يصحى من الغفوه
‏ㅤ
‏برود المشاعر شاخ بين القلوب وساد
‏ماعاد اعرفك بالشكل والاسم والحفوه

....

[الحمدان]

‏من علق أحلامه على المحبوب ماعاش بسرور
‏في يدينه يحد الخفوق لموتته ويقبّره

‏ثابت وتانيب الضمير يلف بالراس ويدور
‏و الليل لا حاوّل يلامس خاطري ماعبّره

‏ضحكت بوداعك ولا ادري من جهل ولا غرور
‏بس ادري ان نفّسي لـ لحظات الجفى متكبّره

....

[الحمدان]

‏يا مساء الورد والعود المسقا
ياسبب نوحي وشوقي وأحتراقي

ودي أبدع في المعاني وأتنقا
لين ما يبقى من الجزلات باقي

....

[الحمدان]

البغل مايسبق خيول ٍ أصليه
حتى ولو إنه يدرب بميدان

والنذل مايسعى لفعل الجميله
ولوكان يلقاها رخيصة بالاثمان

لأجله خبيث ولايحب الفضيله
في صورته إنسان والروح شيطان

أجل تبون الطيب يا أهل الرذيله
تبطون لين الثوم ينتج بريحان

....

[الحمدان]

ياليت ما عندي مشاعر ولا احساس
ولا قلب يتأثر بكسر الخواطر

من شان لاجتني مواجع من الناس
اصبر وعديها على طيب خاطر

لاكن خلق لي ربنا قلب حساس
فيه الوفا والطيب باطن وظاهر

ولكن فعول الناس صابته بالياس
والناس ما ترحم رقيق المشاعر

....

[الحمدان]

خسرت واجد في حياتي وتالمت
وعرفت اني دايم ابقى لحالي

غابو عن عيوني كثير وتعلمت
ان الزمن ماياخذ الاغوالي

....

[الحمدان]

‏لا تساومني وأنا أدري وأنت تدري
‏أني أعاف الجفى لكن ما أخافه

‏خابرٍ قدرك بصدري بس صدري
‏ما تعوّد يلحق المقفي حسافة

.....

[الحمدان]

‏الارزاق عند الله ولاهيب عند الناس
‏توكل على الله واطلب الرزق من عنده

‏وعلى ميلة الايام خلك قوي الباس
‏ترا قيمة الرجال في ماكسب زنده

....

[الحمدان]

‏لاتعتذر لي باب الاعذار مقفول
‏لو ان مفتاحه معي مافتحته

‏ماكل مره عذر الاحباب مقبول
‏انا استخرت الله ورقمك مسحته

‏لكن قبل لاترحل اسمح لي اقول
‏والله مانسى جرحك اللي جرحته

ياساتر

[الحمدان]

‏مساحة الليل ما كانت تكفينا
‏كنّا نسولف ثواني و الفجر يطلع

‏و الحين عقب المفارق صار يمدينا
‏نشبع هواجيس من وحده الين أربع

....

[الحمدان]

‏فرقا عزاز ولا مهانة مواصيل
‏وغيبة حشيم ولا ملاقا مهونه

‏نجي رياجيل ونقفي رياجيل
‏حنّا كذا وانتوا على اللي تبونه

....

[الحمدان]

‏اغتنم وقت الفرح وإنس المواجع
‏الزمن يبغى له مداحم وقوّه

‏وفي سبيل إسعاد نفسك لا اتراجع
‏اي شيٍ ودك تسويه سوّه

....

[الحمدان]

‏يالله ثبتنا على دين الاسلام
‏يوم البشر هالوقت زلّت خطاها

‏ثم اكفنا شر الليالي والايام
‏واكتب لنا خير الحياة ورخاها

....

[الحمدان]

‏دام راسي حي ياسمح المحيّا
‏لا تضايقك الظروف ولا تهمك

‏ارك همك بالمعاليق وتفيّا
‏وسوّد الله وجهي إن ماشلت همك

....

[الحمدان]

‏ياهلي ياليتني دالهٍ سالي
‏ليت قلبي ماتولع بمضنونه

‏لا ولد عمي ولا هو ولد خالي
‏ويش اسوي يوم ربي بلاني به


.....

[الحمدان]

اضحك مع العالم ولو قلبي حزين
‏اكذب على نفسي مثل ما يكذبون

‏لو كل حزن يكدر الخاطر يبين
‏ما عمرنا شفنا اليتاما يضحكون

....

[الحمدان]

‏من عاش في صحة وطيب ومستور
لاعــاد يرجي غيــر هذي طماعه

دنيــا نـهايتهـا حسابـات وقبور
وأعمــارنـــا فيهـا سوات الوداعه

....

[الحمدان]

افتح جھازك انا محتاج تسمعنـي
عطني دقايق وكيفك بعدھا سكر

ترى غيابك بدون اسباب موجعني
وأنا مزاجي على فرقاك متعكر

.....

[الحمدان]

‏اعمارنا مثل الحطب في طرف نار
شي احترق واللي بقىظ° جايه الدور

وارزاقنا مثل السحايب والامطار
اللي ماهو مقسوم ماهو بممطور

.....

[الحمدان]

أزعـل ولكـن الغلا مثل مـا هـو
لان الزعـل ماله دخـل بالـمحبه

ماني من اللي كل ليله وله جـو
يمدح وليفه وإن زعل منه سبه

....

[الحمدان]

لاتلتفت صوب الحسود اليا هرج
ولا تقــرب للمنــافق والحقـــــود

اصبر وكافــح ماعلى الباقي حرج
ترى الصـبر حالي ولو دربه شـديد

والي تشـوفه من حياتك قد خرج
اتجاوزه وخل قلبك من حـديـد

.....

[الحمدان]

ياهـلا وازكى تحيات السلام
للوليف اللي سكن قلبي غلاه

ومن حدود الشوق لي حد الغرام
يسعد الله خاطره ويسعد مساه

.....

[الحمدان]

اليا عشقنا نعطي العشق مدبول
ولا نهيـن الحب ولا نـذله

واليا انجرحنا ما زعلنا على طول
واليا زعلنـا نزعل العمر كله

.....

[الحمدان]

البارحه عيت عيوني عن النوم
أبيه مير النوم عيا يجيني

ماني بخايف دام باقي معي يوم
في دبرة اللي يحيي الميتيني

لكن تواردني هواجيس وهموم
متشوق ٍ لبنية ٍ تحتريني

عبدالله بن زويبن

[الحمدان]

تعال ضـم الشـوق في قـلـب ناداك
‏ صبح علـى قلـبٍ تحـرى حضـورك

‏قُل له صباح الخـير والخـير لقـياك
‏الصبح ما ينـطــاق إن غـاب نـورك

....

[الحمدان]

‏بعض العرب وصله ينسيك دنياك
‏ ويسج بك عن كل هماً تشيله

....

[الحمدان]

عيش الحياة بكل وضع و قناعه
‏ وخل التواضع يملى قلبك وفكره

‏واسجد لربك كل وتر وشفاعه
‏ما ينفعك في هالزمن غير شكره

....

[الحمدان]

غلطتي إني على النيّه مشيت
ما حسبت حساب دورات الزمان

كنت لاهي ما تصورت وهقيت
إن بعض الناس مافيها أمان

....

[الحمدان]

لا جـاك من ضـاقت بهمه ضلوعـه
يشـكي لك احواله وضيقٍ لجى فيه

لا تـتـركـه لـسـيـاط هـمـه تـروعـه
أوقف معـه واجعـل يدينك بايـاديه

خله يفضـفض لك وخـلك بطوعـه
واحسـاس قـلبـك بالمـوده يبـاريه

نور الوفا من طيب الانفس طلوعـه
ويا حظ من بالناس طابت مساعيه

....

[الحمدان]

ماعاد بالدنيا سعاده وراحه
ياللأسف وشلون نبكي عليها

لابد من قبرٍ صغير المساحه
وعمرك بها محدود لو عشت فيها

واللي بها يبغى يدور نجاحه
كل الأمور الناقصه لايجيها

يحرص على دينه ويعْرف فلاحه
وسنة نبيه بالأثر يقتفيها

....

[الحمدان]

لا تسألِ الكذابَ عن نياتِهِ
مادامَ كذاباً عليكَ لسانهُ

ينبيكَ ما في وجههِ عن قلبهِ
إن الكتابَ لسانهُ عنوانهُ

....

[الحمدان]

تضحك الدنيا بوجهي كل ماعيني تشوفك
وتظلم الدنيا بعيني لى سمعت مع السلامه

.....

[الحمدان]

استانسو ترا الليالي زايله
ولا تكدركم تصاريف الحياه

ماينفع المهموم همٍ شايله
الرابح الي يعطي الدنيا قفاه

وترا التشكي بالظروف المايله
اتشين الرجال وتقلل حلاه

حتى ولو عاين نجوم القايله
يخلي الشكوى لربه في دعاه

واللي يدور لدروب الطايله
فلا يخلي طاعة الله والصلاه

.....

[الحمدان]

خلّوه يحضن راحة القلب وينام
‏قــرا كـــلام الله ونـامت عيــونه

‏خلَّى لكـم كلّ الدفــاتر والأقلام
‏خلّـــوا له القـــرآن لا تأخــذونه

.....

[الحمدان]

‏لاشفت طيفك يابعد كل غالي
عني يروح الهم والبال ينساح

ولاغبت عن عيني يزيد إنشغالي
وتلعبي الأحزان والحب فضاح

.....

[الحمدان]

لو يجتمع في داخــل الصــــدر قلبين
ماغير نبضــــك في حشا الروح لايق

وان كان روحـــــك ضيعتها العناوين
تعال تلقى في ضميري الحقـــــــايق

أغليــــــك انا من بــــــد ناس كثيرين
والقلب لك ديــــــرة ان كنت ضايق

.....

[الحمدان]

ماعاد يرجع ماضي العمر لافات
‏إلحق على باقيه وأجمع شتاتك

.....

[الحمدان]

أجاهر بك لأنّك منت ذنبٍ يرهق التوّاب
‏أنا عبدٍ يخاف الله ولا قد جاهر بذنوبه

‏أنا عبد لقى بقلبك سكينة كنّها المحراب
‏وكبّر به قبل يذنب وسلّم معلن التوبة

‏لقيتك وأنت غايب في الوجيه العابره تنساب
‏يورّى أن كل جلد يشيل منّك من ورى ثوبه

.....

[الحمدان]

كلُّ البلادِ جذورها أرضيّةٌ
‏إلا بلادي للسماءِ فتنتمي
🇸🇦

[الحمدان]

‏لـو فاتك اللي فـي حياتـك تمناه
‏ماهـوب مثل اللي اذا متّ فاتك

‏ساعـه تعيش بها على طاعة الله
‏تسوى جميع اللي جمعت بحياتك

.....

[الحمدان]

‏لا يمر الشك من بيني وبينك
‏والله ان قلبي لغيرك ما تهيّآ

.....

[الحمدان]

ياالوقت راجع حسابك وإبتسم وإهدا
في عصرنا اليوم لاعندك ولا عندي

شاعر على قد حالي حالتي نكدا
مانا الفرزدق ولانا الشاعر الكندي

سيفي وحرفي ووجه الليل والبيدا
أعطوني العهد وآنا اعطيتهم عهدي

في بيض الايام أو فالليله السودا
صاحبتهم بعدما اصبح كل شي ضدي

على الوفاء والنقاء والطيب والمبدا
والسلف والعرف ذا وصى بهن جدي

أصارع الهم يوم الهم يتحدئ
واقضي على الضيم مهما كان متحدي

واحرص على الخير يوم الشر يتمادئ
واوقف مع الحق وانصح كل متعدي

وزادي الصبر يوم الحال تتردا
حتى لو الصبر بعض احيان مايجدي

أقايس الفرق مابين الدواء والداء
وابذل مع كل صاحب محترم جهدي

لاني من القوم ذا ماتخلف الوعدا
حتى ولو كل غالي سابني وحدي

عمر الذهب من حريق النار مايصدأ
يا عشت بالعز والا يحفرو لحدي

د. أحمد العميسي .. اليمن

[الحمدان]

‏الليله الخاطر المشروح متضايق
تحدني الضيقه القشرا وعديها

من اول الليل اجامل ماني برايق
يالله دخيلك من الضيقه وطاريها

.....

[الحمدان]

ويبقى ما أرادَ الله خيرًا
عرفنا الله رحمانًا رحيما

.....

[الحمدان]

‏قضى عمري وانا واقف على باب الرجا الموصود واخاف إني ماعاد اقدر اصبّر نفسي الحرّه

‏غيابك لعنبو هذا الغياب اللي مامنه فود
‏كسر حجر الضلوع وضيّق الخاطر ولا سره

.....

[الحمدان]

تحملت اكون غلطان وانا معاي الحق
‏تحملت اكون اللي ضلم نفسه وساكت

....

[الحمدان]

‏ماعاد يغريني وجودك وفرقاك
‏ان جيت وان ماجيت يامرحبا بك

‏صرت اضحك اني كيف كنت اتحرّاك
‏كيف المطر عندي وادور سحابك

.....

[الحمدان]

الله أكبر الله أكبر الله أكبر
لا إله الا الله
الله أكبر الله أكبر
ولله الحمد

كبروا حتى يبلغ تكبيركم عنان السماء

[الحمدان]

‏اصبر على جـــور الليالي والأيام
‏ربك يعوض اهل الصبر والقناعة

‏الأرض لو عنها يغيب المطر عام
‏تظـما ويكفيها من الغيث ساعة

....

[الحمدان]

لاتمد رجليك ولحافك قصير
‏ولا تناظر فوق تتعب بالنظر

‏القنــاعه كــنز لو حلمك كبير
‏والحــياة دروس والدنــيا عبر

....

[الحمدان]

‏الهوى دربه طويل وحرّ شمسك جايزٍ لي
‏كلما ازداد الشعور تقل لرضاك المسافة

‏لا تحاول يا بعد كل الأحبة خاطر اللي
‏ ما تلدّد في ديارك غير من كثر الحسافة

‏إن رضيت أجيك كلي وإن زعلت أجيك كلي
‏أنتِ ذنبٍ لو يُعاد الوقت باعيد اقترافه

....

[الحمدان]

جيتك على وضح النقى رافع الرأس
وطوعت لك نفسٍ عزيزة وطاعت

....

[الحمدان]

‏كنت الضحوك اللي يمازح واجد
‏وصرت الثقيل اللي يهمّه صمته

....

[الحمدان]

ياملتقى أرواح وحروف الابداع
‏فيك النفوس المتعبه مستريحه

‏اجيك كلي هم ووجاع وصداع
‏واطلع وانا نفسي تعافت شريحه

‏ابعدت ضيقٍ منه خايف ومرتاع
‏وشرحت نفسي للنفوس المريحه

‏لقيت فيك الطيب للنفس مرباع
‏وعطيتني جوك ودارك فسيحه

....

[الحمدان]

أرضى إذا وقتك سمح لي على طول
وان ماسمح في كل الأحوال راضي

أصير فاضي كل ماصرت مشغول
وتصير شغلي كل ماصرت فاضي

....

[الحمدان]

‏قل للمساء اللي على طلتك طل
‏ياخذ من الليل الجميل ابتسامه

‏دامك مساء الشعر والعطر والفل
‏هاك الخفوق اللي مسائك غرامه

....

[الحمدان]

‏من سكر ابواب قلبه لا تفتش وراه
‏من حقه يعيش بالدنيا خصوصيته

....

[الحمدان]

‏بكرا اذا هلّت عيونك من الشوق
خل الغيابّ اللي بغيته يسرك

....

[الحمدان]

مــن يرخصـك لاتلتفت له وترجـاه
خلــه مـــع الايـــام ربـــــك حسيبه

هذا الردي يوم الرّخا الطيب ينساه
مــايذكــرك ليـــن الشـــدايد تجيبه

....

[الحمدان]

‏ضمني والشوُق في قلبي مصبه
خل عطرك يوم اشوفك يحتويني

لا تحداني على كثر المحبه
انت في دنياي ثالث والديني

....

[الحمدان]

بارك الله في زمان بين وجيه ونوايا
وبارك الله في نوايا بينت كل الوجيه

....

[الحمدان]

يالقمر لا تباهى وانت بين النجوم
لو نزلت ارضنا حصلت مثلك قمر

يا قمر لو كثر حولك سواد الغيوم
يختفي النور و تكدر علينا السمر

مير خلي وهو يلبس سواد الهدوم
ان مشى يفتحون الناس قبله ممر

جل من كمله بالزين نسل القروم
ماله أشباه حتى بالهنود الحمر

يا قمر كم على نورك طوتنا الهموم
وكل ما شفت خلي زاد فيني عمر

....

[الحمدان]

فيني مواجع شقت القلب نصفين
نصف أ يتألم وباقي النصـــف ميت

....

[الحمدان]

‏تدري وش اكثر شي خلاني اهواك
حبك وعطفك والغلا والتفاني

وتدري وش اللي مايخليني انساك
خوفك علي وتضحياتك عشاني

....

[الحمدان]

‏ضمني في كلامك دام صدرك بعيد
خل بحة حروفك للمشاعر دفا

لو تثير المشاعر زان جو القصيد
ما يعكر مزاجي كود ذكرى الجفا

....

[الحمدان]

‏الصدفة اللي ساقت الروح للروح
‏عند اللقا تشفى القلوب المجاريح

‏كانك لقيت الروح في رهبة البوح
‏امـسك بها من دون أيـة تجاريح

....

[الحمدان]

‏استريحيى يا عيـوني واستكـنّي
‏مابـه الا ما كتبه الله علينا

‏لو نحصّل ما نحبه بالتمنّي
‏كان كل الي نحبه في يدينا

....

[الحمدان]

‏ترى الشعر عشق ومعاناة واحساس
ماينبـع الا مـن صميـم الفـوادي

ماهو كـلام ٍ ينكتب فـوق قرطاس
راعيه دايــم هــايـم بكـل وادي

....

[الحمدان]

اي والله إن الطيب يبقى والعمر فاني
‏ومن يزرع الطيب ماخابت محاصيله

....

[الحمدان]

مساء الآمل بالله والخير والتوفيق
‏مساء الظنون الطيبه بالقدر كله

‏ترا الابتسامه والبشاشه تفك الضيق
‏تبسم وقل هالابتسامه لوجه الله

....

[الحمدان]

انتبه من طيحـه ما عـاد منها قومه
وانتبه من قومه مقعادك ابرك منها

....

[الحمدان]

مشينـا على طيـب النوايـا ولا ندري
عسى الله يجزينـا على طيبـة النيـه

....

[الحمدان]

‏اتركوني يوم أغني في هواها
يمكن يخف اشتياقي يوم أغني

إمتلا عداد قلبي من غلاها
ياعذيب الحرف رد العلم عني

....

[الحمدان]

‏وش عـاد يـا دنـيا بـقـى تـاخـذيـنه
‏مـا عـاد باقـي شـيء الا واخـذتـيه

‏ان كـان قـصدك حلمنا تذبـحـينه
‏تـطـمني كـل شـيء فينا ذبـحـتيه

....

[الحمدان]

يا مذهله لو غايتك أبعد من شعور إنذهال
الناس تسأل كيف قمرا تكتب إحساس البَدر

سبحان من جمّع مزايا الخلق في أكمل مثال
أعجوبةٍ فالحسن والمنطوق وأعجوبة فِكر

زال الضيَّا ومشراق وجهك غير قابل للزوال
ثابت مثل دهشة قصيدة كتبت لآخر شطر

....

[الحمدان]

الناس الأصيلة كالذهب لا يتغير
لا يتأثر بالزمن ولا بالظروف

يبقى نقيًا وجميلًا في كل الأوقات
ولا يفقد قيمته مهما مرت عليه السنين

....

[الحمدان]

المسافة شوق والخطوة جفى
‏والجفى يا سيد احبابي خذاك

طلال الرشيد

[الحمدان]

‏اطنخ تدلل دام انا وانت حيين
‏تفداك روحي كان روحي تسدك

‏بلدك قلبي والشوارع شرايين
‏تمشي مع الشريان من حيث ودك

‏مره تمشّى داخل العين ياعين
‏ومره تخش الفكر ومحدٍ يردك

‏ومره تخيّم فالحشا بين ضلعين
‏وعلى غدير الود ترشف بيدك

....

[الحمدان]

انت لغـــــــــــز وفيك حل المسأله
وانت حاجه عندها فصل الخطاب

ادري إن حبي لمثلــــــــك مشـكله
وادري انـــك كنز في نص الكتاب

بس كيف ارقــــــــــا لهـاذا المنزله
انت متعلم ومــــــعك الجـو طاب

كل مـــــــــا وقفّــت عند البسمله
انجرحت ومـاقويت على العتاب

خاف ربك عـــــــاد عمري فاوله
لا تحطم قلب فــــي ريع الشباب

....

[الحمدان]

الذنب يعمي العيون أكثر من العجة
والنفس جهل وهوى وابليس مغويها

يالله وأنا طالبك في عشر ذي الحجة
تغفر لـــنا حـــاضر الدنـــيا وماضيها

ِتركي القرني

[الحمدان]

‏اسمـك على قلبــي نقشـتــه عناويـن
منطـق لسانــي والعــرب يفصحونــه

حبك جرى فالقلب مجـرى الشراييـن
حبّــن بيـوت الشعــر مايـوصفـونــه

....

[الحمدان]

‎كل الامور اللي تجينا مقادير
‌‏تدور فينا الارض وندور فيها
‌‏
‌‏يالله براحة بال وبخاتمة خير
‌‏وأعمال قبل الموت نحسد عليها

آمين

[الحمدان]

ختر خويك من وسط ألف رجال
والعود الاصلي ينعرف لا كويته

بعض العرب ياخوك مظهر وتمثال
والبعض الآخر لا بغيته لقيته

....

[الحمدان]

ربي خلقني فوق وفي عزتي ذوق
‏أرقى على متن الفخر في الرتابة

....

[الحمدان]

مشاكــل الـــدنيا وكثـــر الضغوطات
تخلــــي اللــــي ما يعانــــي يعانــــي

كم لي وانا ابني في خيالي طموحات
وراح العمــــر وانا مكانـــي مكانـــــي

....

[الحمدان]

لا ضـاقت الدنيا على الله فرجهـا
يـسرٍ يجي من عقب عسـرات الأيـام

....

[الحمدان]

لو تشوف الكُلّ عكس الإتجاه
‏لا تسوي شيءٍ من غير إقتناع

‏إختلاف الرأي مفهوم الحياة
‏وإتباع الناس مفهوم الضياع

منصورالحبابي

[الحمدان]

بيني وبينك تشرق الشمس وتغيب
ولو يفرق التوقيت ما يفرق غلاك

ولو غنت الفرقا على لحن النصيب
ماسارت اقدامي على سكة جفاك

معك معك لو انك لغيري حبيب
قدامك دروب القدر وأنا وراك

وراك والدنيا تجيب اللي تجيب
في ذمتي ما يرضي الخاطر سواك

....