اخترنا لكم شعر نبطي وفصيح

[الحمدان]

‏طمن فؤادك اللي كان لي به حضور
‏لا صدفني فأنا مسلم وعابر سبيل

‏والسلام النبيه اللي حذفته عبور
‏ما أنتظرتك ترده جعل حالك جميل

‏كنت أسلم على قبر الغلا والشعور
‏غير دورة الأجر ما كنت أدور حصيل

‏لأني أعرفك أنت وساكنين القبور
‏هجركم ما يجوز وردكم مستحيل

.....

[الحمدان]

‏زهاك الحزن يا قلبٍ تخاطفْك الِّليال السود
‏وندهْك الطاري اللي جرَّتك في أعلى مشاريفه

‏سريت وغايتك غاية تلاحيها الهبُوب النود
‏على قمرى التعب ونجوم توجِس بالضِّيا خيفه

‏ينادمك الوهم والشوق وحلمٍ فالعمر مكمود
‏ووجهٍ كل ما أنفضُّوا مجاليسك حضر طيفه

.....

[الحمدان]

ما فيه مثل العافية ستر وغناة
إن جات للمسلم تراها كافيه

كم واحدٍ يطلب ملذات الحياة
وإذا مرض ما يطلب إلا العافيه

.....

[الحمدان]

يا صاحبي لو تسـمع هـروج عني
من ناس قالوا كلمة ما لها ساس

حاول تعــاملني بما شفت مني
ما هو تعـاملني بما قالـوا الناس

.....

[الحمدان]

مشينا على درب الوفاء والقلوب نظاف
وعلى منهج أهل الطيب هذي مبادينا

.....

[الحمدان]

حب من ودك تحب وعاد من ودك تعادي
‏بس عيب انك تشوه سمعة اللي ماتحبه

‏وانت ياللي لك من التقدير قسمك في فوادي
‏الوطن ما هو بلعبه للاودام ينلعب به

.....

[الحمدان]

لا من لقيت أحباب لا ترخص أحباب
عط كل من يذكرك بالخير حقه

.....

[الحمدان]

‏تراقبك العيون اللي تحبّك والمحب يخاف
‏عسى ربّي يجيرك من عيون الخلق عز وجل
‏
‏على ما خصّك بزود الجمال ونادر الأوصاف
‏أنا ما ألوم من خافوا عليك من الحسد والغل
‏
‏مع إني لو تكلّمت بحياديّة عن الانصاف
‏من الواجب عليهم يفرشون الارض ورد وفل

.....

[الحمدان]

كان الشاعر سعد بن فايز يعاتب حبيبته
ولما سمع عبره بصوتها سكت وقال :

معقول صوتك ينسمع فيه عبره
وأشوف عينك غارقه بالدموع

لا والذي ينزل من الغيم قطره
مالاق لك غير الفرح هاتي اللوع

وإذا أخطبتي للخطأ منك دبره
أبعتذر منك وننـهيه موضوع

[الحمدان]

يـالابس البــرقع فتنـة المـخاليـق
اسـتر عيونك لاتنـوش المخــاطر

زيـن بدويـه ريـقها ما بــعد ذيــق
دايـم على الخفـرات تنهى وتــامر

وانـا ثقيــل الطبع ماني مطيفـيق
ميــر البلا في وسط سود النواظــر

.....

[الحمدان]

أعاتبك من باب تقدير الحبايب للعتِاب
وأداري شعورك وأثمّن كل حرفٍ ينكتب

حتى تكبّرت وكبر قلبي على هم الغياب
وأقنعته أنّه ما على المقفي دموع ولاْ عتب

.....

[الحمدان]

‏مقامك مقامٍ ما يخّلى وأنا ملهوف
‏عليك العيون تلد والنفس طربانه

‏يا وجهٍ تقول انّه من العافيه مقطوف
‏ليا شافها المؤمن تزحزح عن ايمانه

.....

[الحمدان]

‏انعزل عن مجمل العالم واحب العزله
‏لين صار الانعزال من العرب روتيني

‏ولا يجوز لخاطري من البيوت الجزله
‏غير بيتٍ يحكي إحساسي ويثر فيني

.....

[الحمدان]

لا تلوم العاشق اللي على شوفك شفوق
‏ياحبيبي وانت خلك على ماتشتهي

‏الغلا والحب والشوق من صدري وفوق
‏لا تسولف لي عن الشوق وامره منتهي

‏الله يسامحك في كل حاجه يالسروق
‏قبل حبك كنت قاسي وقلبي عنجهي

‏جعلني من حبك السرمدي ماعاد افوق
‏خل عاد المنطق الزين والوجه البهي

.....

[الحمدان]

لابد من عقب المطاريش معواد
ولا بد من عقب المواجع عوافي

.....

[الحمدان]

إن طبت طبنا فوق طيبك وزدنا
‏ولا شنت ما كنّا على الأرض شفناك

.....

[الحمدان]

ياهل القلوب الحاقده وش كسبتم
يامدورين الشر لاخير فيكم

مهما تحدثتم ومهما كتبتم
ترى الكلام الشين يرجع عليكم

يامزورين الهرج والله كذبتم
خابت مساعيكم وتبت يديكم

ماخفتم الله ياهل الزور خبتم
لابد من يومٍ عقوبه تجيكم

.....

[الحمدان]

‏لوقـلت لك أغليك وشـهوشعورك
‏دام المحبه خصتك انت بـالذات

‏قـلـبـي تعلق فيك من بدغـيـرك
‏حكيك وشوفـتـك كلهالي ملذات

.....

[الحمدان]

الحياه اسرار والناس يجذبها القبول
وعينن ما تملا قناعه بيملاها التراب

.....

[الحمدان]

الجـو جو اثنين ثالثهم الشـوق
‏جينا أنا والشوق بس انت وينك

.....

[الحمدان]

اساير زماني واتمشى على ممشاه
لو ان النفوس احياناً ماهي بمقتنعه

.....

[الحمدان]

‎المهره اللي عذبت كل خيال
صعبه على غيري ومحد عسفها

اللي عجز عن وصلها كل رجال
هي مهرتي وماغير كفي لمسها

.....

[الحمدان]

‏صاحبك لا منّه بغى منك حاجة
لا صار طيب لا تسبب له إحراج

حاول عن العالم تسد احتياجه
يمكن بيوم الله يحدك وتحتاج

.....

[الحمدان]

‏الجاهل اللي دروبك مايجنبها
‏احيان ماتنفع الرحمه معا خصمك

‏دور له الكلمه اللي كن مضربها
‏مضراب شلفاً على بوابة المصمك

.....

[الحمدان]

‏وشلونكم يا أصحابنا اللي كوم . كوم
‏اللي مشاريه الرجال تحدّها

‏العام عقبانٍ على الصيده تحوم
‏واليوم صيدٍ في اليمين نمدّها

‏وين الكلام اللي مثل رمي السهوم
‏وين الامور اللي وصلنا حدها

‏وين الرجال اللي على دق الخشوم
‏متعاقبه ولا يصعّر خدها

‏اثر العلوم الاوله فيها علوم
‏والعالم ادنى ما يبيّح سدها

‏كان الحيا ماهوب قطاع الرخوم
‏الخوف يقطعها ويقطع جدها

.....

[الحمدان]

‏ما بقى في تالي الوقت شي من الأمان
‏يمسي الواحد معافى ويصبح في عبر

‏الله اللي يخلق الخلق في طور امتحان
‏والكره الارضيه اكبر من اكبر مختبر

‏إن يواجرنا على الصبر فالله المستعان
‏وإن يحاسبنا ف حسبي وحسب اللي صبر

‏كل يوم نقول هانت وعيّت لا تهان
‏لقمةٍ لا هي بترجع ولاهي بتعبر

‏والخبر ماهوب عند العرب مثل العيان
‏خل عاد اللي لا عاين ولا صدق خبر

‏الحقيقه صارت اوضح من الروس البيان
‏وين ما لدّيت في شي لاهي ذا الكبر

‏يالله انك لا تضيّق على مسلم مكان
‏وانك توسع على عبدك اللي فالقبر

.....

[الحمدان]

‏يا جميله والجفا اللي صار ماله سبه
‏لا وحق اللي من بطون السحايب صبّك

‏انك اصدق من سراب الما وعمق الغبه
‏وألطف من الغربي اللي كل صبح يهبّك

‏كان ساورتك ظنون العالم المشتبه
‏تبت ايد اللي على بعض الظنون يتبّك

‏لا تخلين آخر اللي فيك خايف ربّه
‏مرتع اللي ما يخاف العاقبه من ربّك

‏الجميع تغيّره الأيام حبه .. حبه
‏وانتي اول من تغيرتي عليه محبّك

.....

[الحمدان]

نعيش ونموت ما نقبل خطية وجور
‏وقلوبنا ما غشاها بغض ولا سواد

‏وعزومنا دون صكات الدواليب سور
‏جاك الكلام الصحيح وجاك علم الوكاد

.....

[الحمدان]

فيك القصايد غير وانتي بعد غير
‏تغري وصوفك يا عيـون القصايد

‏اوصـفك والشعر يا بنت تصـوير
‏لا صار فـيك الزين والحسن زايـد

‏زدتي على كــل البنات الغناديـر
‏الزيــن كايــد والحلا فيك كـايد

‏أهديتلك من بوح فكري تعابـيـر
‏يا عين شيهانـه عـلى رجــم نايـد

.....

[الحمدان]

له مجلسٍ من ثقلة حموله نصاه
‏دكوا خطاطيره هدب زوليته

‏يقضي لزوم اللي ماعين من قضاه
‏وأتلا العهد بالدين ديوانيته

.....

[الحمدان]

‏عز نفسك والحياه ايام يا مال الغناه
‏لا تضيعف لجل دنيا رحاها دايره

‏عيشتك في ماكر العز لو مالك عباه
‏خير لك من قاعٍ اشهب غبرته ثايره

.....

[الحمدان]

‏مادام ترقد ليلتك ومتعافي
‏وغيرك لذيذ النوم ماطب عينه

‏خذلك نصيحة ود من قلب صافي
‏استغفر الله واشكره واستعينه

.....

[الحمدان]

‏العمر تطويه دورات الزمان
‏والليالي بين بيض وعاتمه
‏
‏عابرين وماعلى الدنيا ضمان
‏يا الله الجنة وحسن الخاتمه
‏
.....

[الحمدان]

‏شفني معك وشلون راضي ومرتاح
‏مابي آحد غيرك وغيرك يبيني

‏مرتاح في قربك ولو راح من راح
‏انت الحنين اللي يجدّد سنيني

.....

[الحمدان]

‏سجيت لك من بحة الصوت مـوال
وكم قلت لك بأن المشاعر خجوله

مـا كـل حاجـة ياهوى القلب تنقال
بعض الحكـي فالصـدر محـد يقوله

.....

[الحمدان]

‏لا تدوّر ترى ما غير نسخه وحيده
‏تلقى غيري ولكن منت لاقي بدالي

‏الفقيده ماهوب اللي يموت الفقيده
‏غاليٍ صار مع الأيام ماهو بغالي

.....

[الحمدان]

‏نمشي على بيــــض النوايا والاسباب
لا همنا المقفــــــي ولا مــن جفانا

لا نسأل الواشــي عن العيب لا عاب
ولا ننشــــد اللي خاننا فـــي قفانا

بعض الصداقه مثلها مثل الاسراب
تغــــري نظرنا وقت لحظه ظمانا

وإن جيتهم ظميان صارو لنا اغراب
حتى قريـــب الناس ما عاد لفانا

.....

[الحمدان]

‏لولا الحياء والملام وهرج عذّالي
‏لا قول بيتٍ يراودني وخبّيته

‏فلاَن كل الوجيِه اللّي على بالي
‏وفلاَن كل القصيد اللّي تغنّيته

.....

[الحمدان]

‏حالي مع الناس يشبه حالة مصور
‏أجمل صور كاميراته ماطلع فيها

.....

[الحمدان]

‏الكلـمة الــــطيبة لو هي مجرد ســلام
يبــقى لها في نفوس الناس قيمة واثر

.....

[الحمدان]

‏لا تستضيق وتخلق لنفسك اجواء
‏إستبسط افراحك وتبسط يديها

‏واليا فقدت اشياء واشياء واشياء
‏عندك كثير اشياء غيرك يبيها

.....

[الحمدان]

‏ياللي تبي تنشد عن جديدات الاخبار
‏الوقت خذ له فالرياجيل فرّه

‏اشريم جاله برطم وولع النار
‏وكليب خلا شبة النار مرّه

.....

[الحمدان]

‏للسوالف معك لذّه وطربه وإنتعاش
‏لو تخربط فالسوالف أَحب السالفه

‏في عيون اللي يحبك فهاوه وإندهاش
‏والجوارح في وجودك غدّت متخالفه

‏من غلاك أشوف ذا الناس في عيني بلاش
‏وكل من جاني يوالف عجزت أوالفَه

.....

[الحمدان]

‏حتى لو ان الغلا فيني وصل حده
‏لي عقل يدرك حدود الشوق ويكابر

‏قياس عمق الجروح يحدد المده
‏مدة تحولك من غالي إلى عابر

‏لا شفت مركب غلاي رياحك تضده
‏بيصير مالك مكان وقيمة ودابر

‏كسرت لك خاطر ومديت لك صده
‏والخاطر إليا انكسر ما عاد له جابر

.....

[الحمدان]

‏يسعد مساء من داعب الفكر طاريه
‏واشغـــل خيالي حُب شوفه ولقياه

‏قلبي فدا عينــه ان گان يكفيــه
‏وان كان ما يكفي ترى العمر يفداه

.....

[الحمدان]

‏الله خلق والله فرق ناس عن ناس
‏فرقن مثل فرق الثرا والثريّا

‏اول شروط المرجله قوة الباس
‏وحفظ المبادي والكرم والحميّا

.....

[الحمدان]

‏سافري في عالمي وأنتي وحيدة
‏وأنثريني وأجمعي باقي شتاتي

‏ما معي غير الأمل شي أستعيده
‏شنطة الآمال تحمل ذكرياتي

‏مستعد أكتب من آمالي قصيدة
‏حبرها دمي ودفترها حياتي

‏شاعرك رجلً طموحاته بعيدة
‏وإن عطاك الشي ما قال لك هاتي

‏عاش تحت العز من فوق الحديده
‏هايمً محصور بين أربع جهاتي

.....

[الحمدان]

‏قافلٍ باب المحبه من سنين وتايب
‏ولايهضيني طواريق الحمام وسجعه

‏منصدم من صدمة الفرقا وراسي شايب
‏في عيوني حر شوق وفي ضميري وجعه

‏غاديٍ حالي مثل حال الشجاع الهايب
‏ضاهده حمل الزمان ومونسٍ له فجعه

‏طايبه نفسي وتفكيري وقلبي طايب
‏من حبيبٍ غاب عن عيني وقفّا نجعه

‏بعد زوله راح عني صــار طيفه نايب
‏ذكرياته ما تجيني غير وقت الهجعه

‏صايرٍ معظم كلامي فالضمير الغايب
‏غايبٍ ماله ضمير ولا طراله رجعه

.....

[الحمدان]

كيف تترك خفوقي بين نار ولضى
‏وأنت عاهدت قلبي ثم تركته وحيد

‏لا تطَري طواري حبنا اللي قضى
‏ثم تعّود وأعوّد للوجع من جديد

‏خل للجاي همك مامضى لك مضى
‏عيش يومك بيومه والله اللي يريد

.....

[الحمدان]

‏لا ترخص النفس والأيام ملحوقه
‏أجمع من العز مايروي مشاويرك

.....

[الحمدان]

‏بعض الرفاقه مثل ضرسٍ ملتهب
‏مزعج وعقله فيه رقله وإرتجاج

‏والطبع طبع مسيلمه وأبو لهب
‏وإذابغيته ضاع في وسط العجاج

‏من جرب أيام الدهر بيِض وشهب
‏يعرف قدر خوة مطاليق الحجاج

‏واللي يبيعك نقد في سوق الذهب
‏حرّجِ عليه بدين في سوق الدجاج

.....

[الحمدان]

‏ترى القبول من الله الله يسامحك
‏ليش الزعل والنفس صلفه وعزما

‏يعني تبا العالم تحبك وتمدحك
‏ونّفيستك في راس خشمك وتزما

‏عاد انت سو اللي تشوفه يريحك
‏دامك تقول ان كل خشم ٍ يخزما

‏تبيني اصارحك ؟ عااادي باصارحك
‏عندك شعر لكن ما عندك كاريزما

.....

[الحمدان]

والله ان صدري معافى وخفاقي نظيف
لو أشوف الحزن في عين حسادي زعلت

اقبل بوجهٍ يشرف ومنطوقٍ عفيف
ولا لقيت اللي ينقص من حضوري رحلت

.....

[الحمدان]

‏مسائكم رحمة المولـى وغـفـرانه
‏وعطفه ولطـفه وتوفيـقه وتيسيره

‏وستره وصفحه ومغفرته ورضوانه
‏والعفو والعافية والخـــير والخيرة

.....

[الحمدان]

‏الله يجيب اللي تصب الوبل وتعم البلاد
‏دهم المزون اللي تفرا بالقراح جيوبها

‏وسميةً ترخي همايلها على وجه الحماد
‏مثل هميل اللي تنكس بالحياض غروبها

آمين

[الحمدان]

‏ما فات مات وكل مطرود ملحوق
‏والصمت قبر ٍللمواجـــع والاحزان

‏والصبر مفتاح الفرج لا حصل عوق
‏والــرزق ربي يكتبه طـــول الازمان

.....

[الحمدان]

‏إتّبع نهج الصراط المستقيم
‏وإستعن باللي يعين ويعتني

‏لا تخاف الجوع يا عبدالكريم
‏ولا تخاف الفقـر يا عبدالغني

.....

[الحمدان]

خوّة الوافي تراهـا أكبـر تجـاره
‏وخوّة الهافي تراها أكبرفشيله

‏جعل راسٍ ماتجي وسطه نعاره
‏تصدمة لا عارض الشارع تريله

.....

[الحمدان]

‏يالله معاي نودع الليله الصيف
‏ونستقبل بفرحة سهيل اليماني
‏
‏نبي نغني فوق روس المشاريف
‏ترى الشتآ له فرحه وشكل ثاني

.....

[الحمدان]

امسينـا بامرك يا عزيز الجلالي
‏يا من مفـاتيح المقـادير بيـديه

‏احفظنا واحفظ لاجلنا كل غالي
‏واكتب لنــا كل ما نحبّه ونرجيه

.....

[الحمدان]

‏لا تعلمنا عن اللي هرج فينا وقال
‏اعتبرنا إلى هالحين ماندري عنْه

‏لو نبا ندنق على الطايح يطيح العقال
‏والعقال اللي على روسنا ما اغلى منْه

‏الجريدة عشر صفحات قيمتها ريال
‏لو كلام الناس محسوب ما هذا ثمنْه

.....

[الحمدان]

‏الاحبّه تشترك فالقرار وفالمصير
‏رغم انف الكبرياءُ وتحت امر الوله

‏والخطا وارد وردّ الخطا مافيه خير
‏هذا في سلم المحبه وسلم المرجله

‏والله ان ْكفّارة الذنب تأنيب الضمير
‏يا حبيبي لا تزيد الجروح الاوله

‏كلمة احبك كبيره ومشروهك كبير
‏والكبار اليا تلاقوا تحلّ المشكلهَ

.....

[الحمدان]

علي حقوق أهل الوفا ما تعديت
ولا الردايا امرهم واتعدا

يا كثر ما غمضت عيني وصديت
ما احب اشوف الطيّب اليا تردا

.....

[الحمدان]

غريب والدنيا تجيبك مع اغراب
‎ مره يخدمونك ومرات خادم

مره تكوّن لك علاقات واصحاب
‎ومرات موقف يصنع انسان نادم

الناس واجد بين صادق وكذاب
‎ وبين الصبور وبين نادم وعادم

مختلفه العالم بها روس واذناب
‎ لو كلنا نرجع لحواء و أدم

ما حرك التفكير الا على اعجاب
‎شوف السحايب في سماها ترادم

ما يرتفع مغتاب لا صار يغتاب
‎وماتنطوي صفحه على كف هادم

الاجمل إليا جاك يفتح لك ابواب
‎واكيد في صبرك يبي يكون قادم

غيّر ليا شفت التغيّر بالاسباب
‎مجرّد انك لا تواجه تصادم

الطيب بذره والاوادم من تراب
‎والتجربه تحرث تراب الاوادم

.....

[الحمدان]

ملاقيف خلق الله تلّقف على الموجود
‏يعس الكلام إلين يعرف مدى حدوده
‏
‏مع الناس تلقى صاحي الناس والمقرود
‏وبتلقى من المقصوده الغير مقصوده

.....

[الحمدان]

‏عيشوا مع الناس بالحسنى وباللينِ
لا تُرهقوا حالكم معْ كل مسكينِ

منْ جاء جاء ومن ولى فلا حرجٌ
الحبُّ دِينٌ ولا إكراه في الدينِ

.....

[الحمدان]

ما زالت الكلمات كالألْحانِ تطربني
ومحبة الأيام لم تُنسى ولن تهنِ

أمنيات قلبي أن ألقاكِ في سعة
تأتي بِكِ الرِّيحُ أو تسْرِينَ كالشهب

.....

[الحمدان]

‏ياحبيب المشاعر اسعدالله صباحك
‏كل نبضه بصدري ديما تحتريك

‏جعلني فدوه لروحك وباهي حلاك
‏فز قلبي من اللهفه يصبح عليك

.....

[الحمدان]

‏يا الله يلي تعــَٰــز العبــَٰــد وتذله
اغفر ذنــَٰــوبي ليا ضاقــَٰــت بي أعمالي

احيان نخطــَٰــي زعل وأحيان مــَٰــن زله
ونرجع ونستغفــَٰــرك ونتــَٰــوب طــَٰــوالي

.....

[الحمدان]

تحتاج نفسك مانت محتاج للناس
اللي لقى نفسه لقى كلّ حاجة

.....

[الحمدان]

الحاجه اللي تذل النفس جنبها
لو انها في نظر عينك مثل عينك

.....

[الحمدان]

خلك سمـا عن ما يعيبك علـى الارض
ارفــع جنابك عن طمــان السـواليــف

للنفس تقديـــر وعلــو ينفـرض فـرض
دايـــم مواكرهــا علـو المشـاريــف

.....

[الحمدان]

يا جعل من يرقد وخاطره مكسور
يصحى على فرحه تجدد حياته

.....

[الحمدان]

‏يسعد صباح اللي له القلب يشتاق
يسعد صباح اللي سكن في ضلوعي

ماغيره من الناس اللي له أشتاق
غـــالي ومالي عن غرامه رجوعي

.....

[الحمدان]

‏بعيونك اقرأ شوق ما يشبهه شي
‏وبانفاسك أحيا لو زماني جفاني

‏مشتاق اضمك وازرع النور والضي
‏بأركان صدري واعزفك لي أغاني

‏يكفي بوجودك أشعر إني معك حي
‏عطني وصالك عفت دونك زماني

.....

[الحمدان]

عليكَ صلاةٌ في الزّمانِ تدومُ
وهديُكَ فينا راسِخٌ ومُقيمُ

فأنتَ نَبيُّ المُسلمينَ وقائِدٌ
إلى خيرِ دَربٍ للفلاحِ يَدومُ

وأنتَ لكُلِّ الخلقِ رَحمةُ خالِقٍ
رؤوفٌ بِمَن أصغى إليكَ رَحيمُ

وصلّى عليكَ اللهُ مِنهُ تَكَرُّمًا
وذلكَ فَضلٌ سابِغُ وعظيمُ

صل الله عليه وسلم

[الحمدان]

ياصاحبَ الحوض إنّ الروح ظامئةٌ
لشـربةٍ مـن ندى كفيكَ تسقيها

تقطّعت بي حبالُ الصبر في شغفٍ
والنفس فيها من الأيام ما فيها

لولاك لم ندرِ ما تعني الحياةُ لنا
يا رحمةً من إلَـه الكون مهديها

صَلَّى عَلَيكَ إِلَـهي كلّما نبضت
بيضُ القلوب تناجي لُطف واليها

صل الله عليه وسلم

[الحمدان]

مالي ومال الناس فيما يقولون
كلن يلاقي عند ربه حسابه

يدرون رحمة ربنا تاسع الكون
ويدرون بأن الله شديد عقابه

.....

[الحمدان]

ياصاحبي خذلك من الدنيا وجوه اربع
السعد والحزن والحرمان والنعمة

والدهر غدّار فاحذر من أمور اربع
الكبر والكذب والعصيان والعظمة

فالحال قد زاد فوق المنغصات اربع
الجور والحقد والبغضاء والظلمة

فيا ابن آدم تمهّل واستعن باربع
بالله والصبر والإيمان والحكمة

وان رمت راحة ضميرك فارتضي باربع
بالرزق والحق والمكتوب والقسمة

وعامل الله تأمن من مصير اربع
السخط والبطش والحرمان والنقمة

والناس اجناس فاختر من به اربع
العقل والطهر والإخلاص والذمة

إحفظ لسانك بعيداً عن امور اربع
الذم والزور والبهتان والتهمة

وبادر الناس يردوا لك خصال اربع
الخير والجود والمعروف والرحمة

.....

[الحمدان]

زانت بحبك يا حياتي حياتي
من عقبكم صفوي تكدّر عليّه

يا دعوتي باوّل وتالي صلاتي
ويا نيّتي ما دام بالحب نيّه

يا حلم صحواتي وغفوة مباتي
ويا رغبتي من بين كل البريّه

أحاول اجمع في غيابك شتاتي
بعضي معك عيّا يفارق خويّه

أرواحنا بالحب متعانقات ِ
وقلوبنا بالشوق والوجد حيّه

وشلون تقوى سيف زينك عصاتي
يا بو عيون ٍ كلها جاذبيّه

خذ من حبيبك كل عمري وهات ِ
بلسم جروحي يا حبيبي عطيّه

.....

[الحمدان]

من يقول الزين ما يكمل حلاه
كل شي في حبيبي اكتمل

الله اللي كمله والله عطاه
مابقى للزين في خلي محل

العيون احلا من عيون المها
شافها قلبي صفق واحتفل

نظرته من فتنته شعلت حياه
والجفون من الحيا فيها كسل

ساهم رمشه على الخد وسناه
كن لمعة وجنته ورد وطل

والشفايا كنها جمر الغضى
تحرس الريق المحلا بالعسل

والشعر ليل نقل حمره مساه
اجعد حول على صدره همل

ما يجنن فوق متنه ما طواه
لون شلال مع المغرب نزل

انطلق جيده يماري في بهاه
فوق مياس تعزل واعتدل

بالرشاقة فيه من ظبي الفلاه
لا مشئ كنه علئ الريح انتقل

ريحته من كل زهر منتقاه
والزياده للخزامئ والنفل

ساطي مثل المطر فوق الصفاه
باسم مثل البشائر بالامل

جامع من كل زين منتهاه
مستحيل الوصف في خلي سهل

كايدن ماهو يلين لمن بغاه
يرتفع عن كل سقطات الزلل


خالد الفيصل

[الحمدان]

غروٍ ذبحني فارع الطول مزّاح
‏هو غايتي لامن حبيبي تهيّا

‏العنق عنق الريم والخد وضّاح
‏يطوي قرونه فوق الأمتان طيّا

‏العين سودا وسطها سيف ذبّاح
‏والوجه يضوي مثل نجم الثريّا

.....

[الحمدان]

‏أجمل سوالِيف آلمحبين بالـــصمت
‏لا صآر كلنَ ينظر بعــــين مغـليه
‏
‏أبيك تفهمـــنِي وأنآ ما تكـــلمت
‏في خآطرِي لك شي مآ أقدر أحكيه

.....

[الحمدان]

قال السراب وقلت ظامي لسرابه
قال الهلاك وقلت لعيون الاحباب

يا لا يمي في حب مترف شبابه
الموت حق ولا تبرق بالاسباب

كانه ذبحني صاحبي من عذابه
ما ابي لدمي يا هل اللوم طلاب

الجادل اللي فيه زين ومهابه
يفز له قلبٍ وتخضع له أرقاب

في حجر عينة لي غدير وسحابه
وفي وسط قلبي له تناهيت وعتاب

إن قلت أحبه يكفي القلب مابه
وان قلت أنا مابيه باصير كذاب

.....

[الحمدان]

لَحظُ المُحِبِّ عَلى الأَسرارِ مُتَّهَمُ
إِذا اِستَشَفّوا الهَوى مِن نَحوِهِ عَلِموا

مَن كانَ يَكتُمُ ما في القَلبِ مِن حُرَقٍ
فَفي دُموعي حَديثٌ لَيسَ يَنكَتِمُ

.....

[الحمدان]

لآخر لحظة من عمري
اقولك انت محبوبي

وحبك في دمي يجري
وطيفك نور في دروبي

.....

[الحمدان]

من نار شوقي ومن زفرات نهداتي
أسكب رحيقي غلايب في وريقاتي

لحــــــون حسره ترددها صباباتي
تعــــــــــزف تراتيل آهاتي وأناتي

أمسي الليالي تقهدني مُعاناتي
فاتح كتاب الهوى أقرأ حساباتي

أجمع رُفاتي ألملم بعض أشتاتي
أقاسي مابي وروحي يحسب الآتي

يا اُمنياتي هاتي لملمي ذاتي
شرسل سلامي إذا هبت نُسيماتي

لاحباب قلبي تعطرهم تحياتي
من بالجفا أحرموني من مَلذاتي

يا هاجسي كُفْ كَفَى لاعاد تأتيني
من أحرف الحب قد ملت دواويني

يكفي كَفاني كَفَى مليت يكفيني
يكفيني من جور مابي الذي فيني

ياذكرياتي تناسيني و إنسيني
لعلي أنسى الهوى والحب ينسيني

لاعد يجيني هوى او حب يأتيني
حبيت حبيت حتى قلت يكفيني

.....

[الحمدان]

مصفوفة الحب تعطينا اسامينا
اقواسها تحضن الدنيا وتعطينا

صفوفها ترسم الأفراح داخلنا
عمدانها تظفر التقوى وتهدينا

حسابها يجمع الأحلام ينقشها
وينتج الدالة الكبرى أمانينا

يا دالة الحب أرقامي مقلبة
ما بالها غادرت ! ملت أيادينا

وفيزياء الهوى حارت تجمعنا
دع ذالك الكره وارجع لا تجافينا

دع عنك لومي فإن اللوم يقتلني
من حرم الحب قل لي أي ما دينا

لولاه ما هندست قلبي ونبض دمي
ولا استفاقت على نور لتأتينا

حر بكانون دنيا الحب تلبسنا
والثلج ياتي لنا في شهر تشرينا

عام بفصلين إن جاءت كبيستها
فصل الورود وفصل المستجمينا

فبراير. زاد يوم في شريعتها
كي تطلب الأعين السكرى أيادينا

جغرافيا الكون في عينيك سيدتي
منصوبة روحها تسقي الشراينا

ذاك الذي فيهما سحر يتوجني
في عالم الحب سلطان السلاطينا

كم ترجمتني وروحي في جوانحها
حامت بها تسقها روح الرياحينا

روحي تطير وطاووسي يسافر بي
يا منية القلب زيدي النفس نسرينا

وقاومي ثورة للعشق تصنعني
وأرخيني على تابوت ماضينا

وحنطي جثة الأحلام في صفتي
وارسليني إلى دنيا المصلينا

إن كان عشقي لها ذنب سيحرقني
فإنني في الهوى شيخ المحبينا

واليوم تقطع حبل الوصل تهجرني
وتلبس القلب أحزانا ويقطينا

وتغرس الصد أسيافا على كبدي
من بعدما كان منها الوصل يحيينا

قولوا لها إنني أفدي مباسمها
ماذنب قلبي لكي تسقيه غسلينا

قلبي على المبسم الوردي قبلها
غمازتي خدها كادت تداوينا

.....

[الحمدان]

وفي عينيــكِ لم أبرح مكـاني
لعل الشوق يدفعــهـا تراني

فتبصر في عيوني نبض قلبِِ
يوضح للحبـيبة ما اعتراني

وأعـرف أن إحساســـاً لديها
يحس كما أحـس بما احتواني

تغــض الطرف قائــــلة لعينٍ
إذا أُبصرت ِضيعتِ المعــاني

وتفصح عن جفون تحت لونٍ
كنور البدر يسطع في كياني

أصافح وجهها من نورعيني
فيشعل نورها نـار افتــتاني

فأشعـر في ملامحهـا حيـــاءً
يفيض بخدهـا كالأقحــواني

كأن (الله) أودعهـا بقلـبـــي
لينبض حبـها في كــــل آنِ

فهل يرضيكِ لو أعشيت عيني
لتبرأَ من عيونكِ إن تـراني

وهل يرضيكِ إن أهديت عيني
إلي عينيــكِ تنظـرها ثواني

فأسقط والفـؤاد صريع حبٍ
ومغشي عليه بمـا غشـانـي

وحسبي في الهوى أني جليس
لمن جلست علي عرش الحسانِ

تفيض من الربيع أريج عطرٍ
وتمـلأ روحهــــا ريـح المكـانِ

هي الحسناء ما أسكَتٌّ عنها
مساعي القرب لو جاءت زماني

ولكن البديــــــع أراد منهـا
عزيـزاً في المنــال لكي أعـاني

تدق القلب في صدري مروراً
بحنجـرتي فيكتمها لسـاني

أخاف اللومَ إن صرحت حبي
فتهجر شمسها أرض الحنـانِ

وتغرب فرحتي عن باب قلبي
لأن القلب قد أفــــشي بيانـي

بها نفسي إذا عانقت نفسي
بها نظمي إذا الوحي أتانـي

أباعـد كلَّ امرأةٍ ســـواهـا
وأنشدُ ظِلَّها للقلب دانــي

وأقبل راضياً منهـا جفاها
وأقبل لوعتي حتى هــواني

ألا ليت الفؤادَ بهـا يلـبي
وتسكن في محبتها مكانــي

فيصهرها الحنين إلـي ذراعٍ
تدفق شوقه حتي احتــواني

وتأخذني إليها رغـم أنـي
حبيب لـم يفارقـــها ثوانـي

فإن جف الحنين بها وجارت
علي قلبي بقلبِِ غير حانـي

فمن غير(الرحيم) إليه أدعو
يبث الحب في قلبٍ جفانـي

فتعرف لوعتي في الحب حتي
إذا بليت بسهـمٍ قد رماني

أبــدل دعوتـي لله عفــــــواً
فلا يبلي الحـبيب بما ابتلاني

وحسبي قد ملأت شغاف قلبي
بصورتها التي ملأت كيانـي

.....

[الحمدان]

لا تلوم القلب يومه يحبك لا تلوم
لا تلومه لو شكى من جروحك والكلام

ياحبيب الروح قلبي مغطى بالهموم
مالقي منّك محبة ولا بعض اهتمام

قد عرفت ان المحبة ولا يمكن تدوم
لو كثر فيها المسامح على شان الخصام

المحبة طبعها تعذب القلب الرّحوم
يشتكي من همها ومن شقاها ما ينام

شوهوا بالحب واصبح غمومٍ في غموم
علقوا امره مابين المحلّل والحرام

دوروا لي قلب صافي كما صفو الغيوم
كل ما ناديت باسمه تعنى واستقام

.....

[الحمدان]

يا حبيبي رسمتك وسط قلبي وعينـي
انـت روحـي وقلبي ياقمـر ياضنينـي

لا تطـوّل غيـابك وانت أدرى بأنينـي
والمشـاعـر بلاهـا كثـر حزنـي بشـدة

والله انك ملكت القلب واصبح مكانك
معتلي عـرش قلبي والزمـن ذا زمانـك

انت طب الهوا محروم انا من حنانـك
والمـعـذب دموعـه تنتثـر فـوق خـده

طـول لـيلـي افكـر واتخـايـل عـبـورك
في سنـابك ووتسـابك أراقب ظهـورك

يـا تقـدر شعـور اللـي يـقـدر شـعـورك
والمقفـي يقفـي قـفـل البـاب بعـده

تبت انا من هوى ناسٍ تجيب الشقاوة
هـمهـا مصـلحتهـا مـاتحـب الصفـاوة

انتهى الحب واصبـح في زمنّا فضـاوة
والجفـا صـار ممـن كـان قلبـك يـوده

.....

[الحمدان]

سريت ليل الهوى لين انبلج نوره
امشي على الجدي وتسامرني القمرا

طعس وغدير وقمر ونجوم منثورة
وانفاس نجد بها جرح الدهر يبرا

يا نجد الاحباب لك حدر القمر صورة
طفلة هلال وبنت اربع عشر بدرا

حبيبتي نجد عيني فيك معذورة
معشوقة القلب فيها للنظر سحرا

فضة شعاع القمر في نجد مسحورة
من شاف لمع قمر في خدة سمرا

.....

[الحمدان]

‏لا صرت تعشق والاماني عظيمه
البعـد يذبح والمسافات بوضوح

أصعب مشاويـر القلوب الأليمه
أنك تجي مشتاق وتروح مجروح

.....

[الحمدان]

إِصبِر عَلى حَسَدِ الحَسودِ
فَإِنَّ صَبرَكَ قاتِلُه

فَالنارُ تَأكُلُ بَعضَها
إِن لَم تَجِد ما تَأكُلُه

.....

[الحمدان]

وَلَقَد غَدَوتُ عَلى طِمِرٍ قارِحٍ
عَقَدَت حَوافُرُهُ غَمامَةَ قَسطَلِ

مُتَلَثِّمٍ لُجُمَ الحَديدِ يَلوكُها
لَوكَ الفَتاةِ مَساوِكاً مِن إِسحِلِ

وَمُحَجَّلٍ غَيرَ اليَمينِ كَأَنَّهُ
مُتَبَختِرٌ يَمشي بِكُمٍّ مُسبَلِ

.....

[الحمدان]

عَذَلتُ بَني عَمّي وَطابَ بِهُم عَذلي
لَعَلَّهُمُ يَوماً يُفيقونَ مِن جَهلِ

مُعافينَ إِلّا مِن عُقولٍ مَريضَةٍ
وَكَم مِن صَحيحِ الجِسمِ خِلوٍ مِنَ العَقلِ

.....

[الحمدان]

واصِل نَهارَكَ يا خَليلي
وَاِطرِد هُمومَكَ بِالشَمولِ

وَدَعِ العَذولَ فَإِنَّهُ
سَيَمَلُّ مِن قالٍ وَقيلِ

.....

[الحمدان]

اه يا عيني علآمـك تسهريـن
تذكرين أحباب بالفرقة جـزو

طالت الغيبـة و أنا ناطر حنيـن
والوعـود إلـي عطونـي ما وفو

في سواد الليل صرتي ترسمين
دمعت المشتآق وأحزاني لفـو

يا عسى عيني بعدهـم ترقـديـن
قآلت أرقد كـييف وأحبـابــي نسـو

قبلـهــا كأنـو يحلفـون اليمين
عآهـدونــي بالـوفـآ لـكـن جـفـو

.....

[الحمدان]

ادمنت صوتك والادمان اذواق
فالعين تعشق والاذان تشتاق

في رنة الحرف انغام وسلطنة
كذلك الصمت اسرار وافاق

للعاشقين كلام الحب مسبحة
وفي كل لؤلوة شهد وترياق

بين السطور سطور لست افهمها
واغلب الظن اهداب واحداق

تطل من شرفة الماضي وتسألني
هل انتما في النوئ سال وتواق

احتاج صدرك في الغيم يحملني
سرير عشق عليه الورد اطواق

احتاج صدرك يحميني فيا المي
من آفة الشك فالوسواس سراق

ادمنت كلك تطويني وتنثرني
في الليل عتم وفي الصباح اشراق

كن لي طبيبا فهذا الشوق اتلفني
يامالك الروح ان الحب اخلاق

.....

[الحمدان]

‏من كثر ماني في صورك آتأمّل
‏واناظر اهدابك وحمرة خدودك

‏غمضت عيني ماقدرت آتحمّل
‏من زاوية خصرك ورزّة نهودك

.....

[الحمدان]

طال إنتظاري على لحظه لقى من عصر
والشوق منه الطواري جنت جنونها
‏
الجادل إللي خذتني بين عنق و خصر
حتى لو أغيب عنها مقدر أخونها
‏
عزيزتي ويش خلت من عزيزة مصر
فتنه ومن حقها لا صرت مفتونها
‏
لو تحصر الحب عمر الحب ما ينحصر
انا ما شفت المحبه غير فعيونها
‏
لا زلت على محبتها العفيفه مُصر
لو الجميع وقفو من دوني ودونها
‏
بنيت للغاليه في جوف صدري قصر
تامر وتلقى الأوامر من يلبونها
‏
تبي العواذل فراق الشمل بالمختصر
أخاف لا حصّلو فرصه يسوونها
‏
لو بيني وبينها مشوار جمع وقصر
حكم المسافه مانيب أرضى بقانونها
‏
الساعه تروح معها مثل لمح البصر
وبدونها ما تروح الا على هونها
‏
المنهزم في المحبه كنه المنتصر
جميعهم ذكريات الحب يبكونها

.....

[الحمدان]

يقولون ما يرجع من العمر شي فات
ولا كل مايطري على البال تاصل لّه
ِ
تغانم حياتك وإسجد لعالم النيّات
إلهٍ خلقنا والمخاليق في ظلّه
ِ
تجنب رفيق السو وإحذر من الشمات
معك مذهب وملّه وذولا بلا ملّه
ِ
تصرفك ينقل مُجمل الطبع والعادات
ومن لا يناسب طبعك وعادتك خلّه

.....

[الحمدان]

سلامي على ذي قد تحشم عن المشروه
اخي محزمي والدرع في ذمتي ذمه

سلامي على اخي يوصله كل ماطَروه
وانا محزمه دام الهوا راسي يشمه

.....

[الحمدان]

يا واحدً كل الخلايق ترتجيـــــــه
مايرتجي غيرك سوى واحد كفور

كلاً يشوف اليوم وش هو عليــــه
في طاعة الله من قبل يوم النشـور

.....

[الحمدان]

‏هقيت أنا وياه نبقى فالزمان أحباب
‏وأثاري عشرته عيت تكمل عامها الأول

.....

[الحمدان]

يالله يالي لك عبادك يصلون
نطلبك سترك والعفو والعافيه

أنت الكريم الي له الناس يدعون
وأنت المجيب الي تجيب الداعيه

عز الله إني من عطاياك مديون
والنفس في روضة نعيمك ساليه

قلبٍ مشى بالذكر ماهوب محزون
لو كان يسكن في الجبال الخاليه

.....

[الحمدان]

بانت خفايا ناس كانو عزيزين
جابت لنا الأيام ما كان فيهم

ماني معاتبهم عتاب المحبين
الله يسامحهم ويستر عليهم

.....

[الحمدان]

‏لا جفاك اللي تحبه فلا تلحق وراه
‏ما جفاك الا وهو وده انك تقطعه

‏عز نفسك عن تقفاه لا لقى قفاه
‏مخبل الا كل ما اقفى وليفه يتبعه

‏وش تبي باللي مايبغيك يا مال الغناه
‏ما ورا طرد المقفين رزقٍ ولا منفعه

‏والله لو انه يحبك ما سوا ذا السواه
‏كان يمدي دافع الشوق صوبك يدفعه

.....

[الحمدان]

‏لا تعاتبني على بعض التعامل
كـم وجيه تبتسم والشر فيها

واكثر العالم ترى ضحكه مجامل
يـاكـل العيشه ولا هـو مشتهيهـا

والسعادة مالها تأمين شامل
يحفظ الأرواح من شي يجيها

لوعلى ظروف الزمن قمنا نتحامل
كـم وكـم من فـرصـة ضـاعـت نبيها

.....

[الحمدان]

يروح العمر واحلامنا دونها تشويش
‏وانا في رجا حلمي وعايش تحت ظله

‏يا كثر اصدقاء عمري لكن النهايه ويش
‏كسبهم قطار العمر واللي بقى قله

‏ما ودي يطيرك القدر مثل كوم الريش
‏وانا ما بقالي غيرك انصاه وادله

‏ولا تكثر علي الملامه وكيف وليش
‏تراك الوحيد اللي خذيت الغلا كله

.....

[الحمدان]

‏تعال نحضن فرحة الروح بالروح
ما بين لحضات الفرح والليالي

تعال نكتب خاطره قالها البوح
الروح حقك وانت حقي لحالي

.....

[الحمدان]

لآخـر لـحـظـة مـن عـمـري
اقـولـكـ انـت مــحـبـوبـي

وحـبـكـ فـي دمـي يـجـري
وطـيـفـكـ نـور فـي دروبـي

يـالـيـت الـعـمـر يـتـوقـف
عـلـى حـالـة هـنـاء جـنـبـك

نـعـيـش فـيـهـا ولا نـخـفـف
من الـشوق اللي مـن مـايـوصـف

ونـتـهـادا ورود الـحـب
ونـروي فـيـهـا نـشـوة قـلـب

واقــلــك انـت مـحـبـوبـي
....

[الحمدان]

ثنتين يعطونك معزه وتقدير
دينك وفعل البر في والدينك

وثنتين لو طال الزمن مابهن خير
هرج القفا ومجامله من يهينك

.....

[الحمدان]

‏ما ضحكت الا من اصحاب الجهاله
‏وما بكيت الا على فراق الغوالي

‏وما ذكرت الا الموده والجماله
‏وما نسيت الا الخطا من كل غالي

.....

[الحمدان]

على غــزير الدمع ضميت الاهــداب
‏صديت لين الدمـــع يقفي ســـحابه

‏بعض الوجع يمكن تداويه الاعشاب
‏وبعض الوجع يا ويل منهو سطابه

خالد عبدالرحمن

[الحمدان]

ما على الدنيا حسافه ولا فيها جديد
لا تضيع في رجاها حياتك كَلها

الظروف تعلم الرجل بالراي السديدّ
كل مَاتقبل عليه المصاعب حلها

والعلوم الطيبه واضحه قبّل القصيد
كَل حاجه تغضب الله تعالى خلها

أتبع السيه بحسنه وقدمّ لك رصيد
والصلاه ليَا أقبلت قم توض وصلها

والحدّيث الزين يرخي لك الراس العنيد
تفتح قلوب البشر كلمةٍ في حلها

والتغاضي يمسك الود بالحبل الجوّيد
النفوس مَن التغاضي يجفف غلها

والكلام أحيان فيّ بعض الأشياء ما يفيد
بعض الأشياء والله إن السكَوت أفضلها

البقى لا هنت للخيّر والفعل الحميد
شجرةٍ لاتم عمرك يظلك ظلها

.....

[الحمدان]

متاعب الوقت تجبرنا ولا ودنا
نقسا على الحيد لا كن كلها والظروف

لو اليالي تحاسبنا على حدنا
ما خلدتنا تواريخ الامم في الكشوف

شمس المعاناه نشعلها وهي ضدنا
والعز نسرى بنوره في زمان الكسوف

عانق ثرانا الثريا والدهر مدنا
رغم السنين العجاف المثخنه بزحوف

لوما وصلنا الكواكب والقمر سدنا
ما كان صمنا مع ايام الشدايد عطوف

يا ذيب جور اليالي ما نقض عهدنا
ولا دروب العناء بهل المواقف تروف

عتادنا الحرب عديناه ثم عدنا
وسلاحنا بالدم القاني تصلب سيوف

من اعتدى ما يلام الا فلا ردنا
ضيق عليه الوسيعه ونصدم بشعوف

عظيم الانعام بالباس القوي مدنا
ومالك الناس جندنا لخوض الحتوف

والله ما غير جبار السماء شدنا
ولا عقدنا الرهان الا بحبل الرؤف

.....

[الحمدان]

في كل يوم نشوف للواقع عيوب
والحـال ماله للثقـال إستطاعه

ما عـاد به صبر مثـل صبر أيـوب
ولا عاد به كنز يسمـى القناعه

.....

[الحمدان]

‏أحذر تقول أنك بالايام ما خطيت
والعاقل اللي عن خطاه إيتراجع

اكبر خطا في زلتك لا تماديت
وخليت في نفسك تزيد المواجع

أستغفر الله كل ما اصبحت وامسيت
والصبر به تيسير وعلاج ناجع

وخل الرجا باللي رفع قيمة البيت
يحفظ حياتك من جميع الفواجع

.....

[الحمدان]

ما يوطي الراس من بعد ارتفاعة
غير واحد في السماء عالي ورافع

والحقيقة ما تغطيها الإشاعة
والذريعة ما تفيد اهل الذرايع

والمذلة ما تزيد العمر ساعة
والشجاعة ما تنقص عمر شاجع

والشراء والبيع يجري في البضاعة
والكرامة مالها شاري وبايع

.....

[الحمدان]

يا بنت انا عاقل ولاني بمجنون
بس الهوا يا بنت سوى سواته

منهو يلوم القلب في حب مزيون
ومنهو يرد القلب عن ذكرياته

.....

[الحمدان]

‏حنا فقدنا منهو أغلى من الروح
لكن عشنا عقبهم غصب عنا

هذي هي الدنيا مسرات وجروح
محـدٍ يحـقق كـل ماهــو تمنا

.....

[الحمدان]

‏الدفى ضمة وليفٍ مايخون
لا همس مشتاق لك ثم ضمني

ولا تجرّا قلت في قلبي يمون
وكل منهو لامني ماهمني

.....

[الحمدان]

إرسميني في ملامح طفل يتأمل حنينه
ما عرف يكتم شعوره من أمانيه الكبيره

وإكتبيني حرف شاعر ضاقت الدنيا بعينه
والأماني اللي رسمها شافها عقبك صغيره

يكفي حبك صار فرحة في تقاسيمي حزينة
تعكس أتعابي وتعكس روح بأسبابك أسيره

صرت زاهد في غرامك وآتلذذ بالسكينة
والغرام اللي بذلته صار لي زاد وحصيره

كلما أذكرك أسأل حزن قلبي كم سنينه
والعتاب اللي عيونه من جفا وصلك ضريره

يا عنى عاشق وفى لك وانتي خيّبتي ضنينه
صرتي عندي حلم طفل ٍ صاح من سقطه سريره

لا تعيدي نسج عذرك منه مليّت الغبينه
يا غلا قد تاه فيني قبلما أعرف مصيره

كنت احبك في زماني والزمن رحلة ثمينه
ما لقى في سوق قلبك لو بقايا من حريره

عنك بارحل يا غرام ٍ ينتظر ذيك السفينة
في صحاري الصد مهما رحلتي عنك مريره

اكتبيني حلم وامحي واقع ٍ عيا ترينه
دامها عيون الأماني مارضت تمسي قريرة

.....

[الحمدان]

مرت علي الليالي بين حزن وهموم
والروح بين الضلوع تشب شب الجمر

لا رد حـزني دموع ولا تقاطيع نوم
والسهد يامر على عيني وجفـني أمر

البس شقى الوقت كني لابس لي هدوم
وادوّر لضيق صدري وسط صدري ممر

.....

[الحمدان]

‏الصبر حكمه والامل يطرد الياس
والجد والاخلاص قيمة وشيمه

والعز هيبة والشرف يرفع الرأس
والكذب سلعة مالها أي قيمه

والبيت مايبنى على غير مقياس
لابد توضع لة قواعد سليمه

خذلك من الدنيا تجارب مع الناس
واسلك دروب اهل العقول الحكيمه

.....

[الحمدان]

اعذب الشعر في بحر الشعور اصدقه
بعض الامثال ما اقبلها ولا اطيقها

يسبق الوقت شعري لاوصلت اسبقه
في حسابات ضاعت عند توريقهـــا

محكمه ماتقول الحكم بالمطرقـــه
تطرق الناس ف الأحكام وتعيقها

يا سبيل المشاعر بادي الزبرقــــه
واضحه والزمن يُلزم بتعتيقهــا

ما اطلب الحظ مقسومي ولا استرزقه
عز من كفه اكرم من صناديقهــــا

وثق الصدق ياحرف الأدب وثقــه
واعكس النظره اللي غاب توثيقها

مافي الشخص بعد ايمانه الا الثقه
لا فقدها فقد نفسه وتصديقهـــا

من يقلد على درب الهدى محذقه
يشرب النار في موته من ابريقها

نفسي اللى إلى الميدان متشوقه
كم تلوم القصايد لاجل تطبيقها

يا هدى الله روحي فيك متعلقه
لو غوى نفسها يسعى لتضييقها

لو تصير القضايا حبل ف المشنقه
ماتنشّف عزوم ايامنا ريقهـــا

اطلق الصوت في وجه البغاه اطلقه
من يحب الحياه يعيش في ضيقها

حال الاعراب مسروقه ومستشرقه
يربح الغرب في أرضه بتسويقها

ليت للحس عين وللضمير احدقه
يحفظون الحقايق عند تحقيقهــا

خبر الواقع المرموق ما نعشقـــــه
والنفوس الكبيره مات في حيقها

.....

[الحمدان]

ما عاد له داعي تجيني ولا جيك
‏ما دام رحت وخاطرك طاب مني

‏يا صاحبي قلبي ترى اليوم ناسيك
‏خاب الرجا منك وخيبت ظني

‏غدرت قلبٍ كان بالحيل يغليك
‏غرّك كلامي العذب مع صغر سني

‏كنت أحسبك سيفي إذا ضقت أناديك
‏أثر البلا سيفي هو اللي طعني

.....

[الحمدان]

مابين صدري والمقابر علاقات
بالاسم والمعنى ودفن الضحيه

الفرق بن المقبره تحضن اموات
وانا دفنت اشياء بالصدر حيه

دفنت حبك عن هروج السخافات
ودفنت شوقي عن عيون البريه

ودفنت في صدري غرابيل واهات
واسرار نفسِ من زمنها شقيه

امنتك اللّه يا بعد راس الابيات
يا ملهم قافي صباح وعشيه

ان حل بي طاريك وقفت بسكات
وان زارني طيفك عطيته تحيه

من زود حبك ما حسبت المسافات
ومن زود شوقي ما تهم المنيه

مدري علام القلب يهواك بالذات
وعروق شوقه بارض حبك نديه

يمكن لانك كنت اول بدايات
حبه وانا مديت به لك هديه

.....

[الحمدان]

‏يا ليل انا لي عين ما تشكي وقلب ما يهاب
واكبر دليل اسهرك في ظلماك واسريك وحدي
‏
مرات اناظر فيك نظرات التشرّه والعتاب
ومرات اناظر فيك نظرات النشاما للردي
‏
صبرك علي يا ليل لا تقفي ولا تطوي الكتاب
الين ما حط الثريّا عقد فارقبة الجديّ
‏
ودوني اقرب طايره لو السفر قطعة عذاب
مدري على وين المهم اني من الارض اغدي
‏
ماني بحاجة بس ارد العقل وارد الصواب
احتاج لي فتره عشان ترد روحي لجسدي
‏
اظاهر اني واصل اول مرحله فـي الاكتئاب
ادوّر الجوال والجوال في راحة يدي

.....

[الحمدان]

جعل نار الفراق تكون برد اوسـلام
عقب من فرقته ليله تسواي شــهَر

طـوّل الليل وعيوني على التلجرام
ارقب آخـر ضهور وللأسف ماضـهر

.....

[الحمدان]

الفرق واضح في صفات الأوادمْ
تَلقىٰ كريم الطبع وتَلقىٰ لئيمَهْ

والبعض مثل الكير حارق وفاحمْ
والبعض مثل الطيب تلقىٰ نَسيمَهْ

والأصل يبقىٰ أصل ما عاش دائمْ
مثل الذهب غالي من القدرِ قيمةْ

واللي ربا في العزِّ بين الأكارمْ
تَلقي فعالُه وسيرتُه مُستقيمةْ

واللي ربا عالبهذله والشتائمْ
ما يمشي إلا بالعصا والشتيمةْ

والتربية مطلوب والنُّصح لازمْ
والترك والإهمال ذاكم جريمةْ

في ناس حاقد من شروره وناقمْ
لو خير جا لك صرت غادي غريمهْ

والخير يَغلب في نُفوس الأكارمْ
والشَّر غالب في النفوس اللئيمةْ

خير البشر يا خوك أهل المَكارمْ
أهل النفوس الراقية والكريمةْ

واهل القبائح خَلق مثل البهائمْ
وعادنا يا خوك ظلمت البهيمةْ

في ناس تبيع الحق ببعض الدراهمْ
ربِّي بلاهم بالنفوس السقيمةْ

وناس لا تُشرى بكُثر الغنائمْ
ترى الشرف والعز أعظم غنيمةْ

وناس على مالُه مُدافع وصارمْ
وان تطلُبه حقك يراها جريمةْ

والبعض يحيا في حياته مُسالمْ
والبعض مَبلي بالفعال الذميمةْ

وناس للإحسان ناكر وهادمْ
يَجزيك بالإحسان بلوى وخيمةْ

تلقى بشر في السلم كالسبع هاجمْ
لكن بوقت الحرب يَترُك حَريمَهْ

والمَرجلة ما هي لمن كان ناقمْ
ولا نخيط كذاب وكِبره عقيمةْ

المَرجلة يا خوك ما هي مَحازمْ
المَرجلة نَخوة وهِمَّة وشيمةْ

والهنجمة يا صاح ما هي بلازمْ
في عصرنا هذا تراها قديمةْ

أحيان عالشيلان تعلو المَقارمْ
تسمو على الأشناب حُرَّة كريمةْ

وقد ترى أنثى على الناس حاكمْ
واكبر مَثل (بلقيس) تلك الحكيمةْ

والحزم بعض الحين يا خوك لازمْ
لكن بغير الحق، بلوى عظيمةْ

واللين في بعض المَواقف مَغانمْ
والبطش في بعض الأماكن هزيمةْ

والودّ لا يَلقاه من كان ظالمْ
يلقاه أصحاب القلوب الرحيمةْ

أعلى البشر في القدر بين العوالمْ
أهل النوايا الطيبة والسليمةْ

والعار يكسو من أباح المَحارمْ
واهل المخازي والصفات الدميمةْ

والدنيا خداعة لمن راح واهمْ
يَربط مع الدنيا صداقة حَميمةْ

والناس لن تبقى على الأرض دائمْ
ما نفس تتخلَّد عليها مُقيمةْ

والموت ما لُه إن أتى من مُقاومْ
كل الحِيَّل إن حلّ تبقى عديمةْ

واللي يَخاف الله ما كان نادمْ
من هاب ربّ العرش لاقىٰ نَعيمهْ

سُبحانك اللهم يا خير راحمْ
شافِ مواجعنا الثقال الأليمةْ

.....

[الحمدان]

صلو على المصطفى يا كل متغني
ومن يصلي على الهادي صلح شانه

الطير والنجم صلت والشجر تجني
وكل مخلوق صلى حسب سلطانه

صل الله عليه وسلم

[الحمدان]

ياللي تغيب وغيبتك مالها أسباب
وش ذنب قلبٍ من فراقك توفّا

كثر الغياب أحيان يلعب بالأعصاب
وتـرى الزمن يا صـاح كفّـأ ووفّا

.....

[الحمدان]

هذا اخي الي به الحمل ينشال
مثل القمر مكنون بين الاهلة

هذا اخي ما يوزنه اي مثقال
ولا تعدله دنيا ولا الكون كله

هذا أخي ان قلت رجال رجال
يحرم عليه ما قد عرف للمذله

هذا اخي اشتد به وقت الاهوال
لو قلت له يسل سيفه يسله

هذا أخي ما خاب لي فيه الامال
هذا الذي وجهه دوى كل علة

هذا اخي ما ينحني عند الأنذال
قف يا قلم ولتوقفي يا مجله

يجعلني الله أسبقة صف الاجال
ويشلني للقبر قبل ان اشله

.....

[الحمدان]

يا بوي ليت العمر يشرى وينباع
لاشري بعمري لك عمر يا غناتي

لو إني أعيش العمر كله أوجاع
وأوجاعها سبة عناي ومماتي

من عقبك الأوضاع ماهي بالاوضاع
ولا عاد للدنيا طعم في حياتي

لو إنها تفرش لي الأرض والقاع
فالورد وتحقق جميع أمنياتي

الحزن يصحى فالصدر بين الأضلاع
وفالليل بين ضلوع صدري يباتي

.....

[الحمدان]

ديونُ المكارم لا تقتضى
كما تقتضى واجبات الديونِ

ولكنها في قلوب الكرام
تجُولُ مجالَ القذى في العيونِ

.....

[الحمدان]

‏عـرفنا صـروف الـدهــر هبة بهبة
وعشـنا وشـفنا في زمنـا تجـاريب

الاعمــار تفــنى والليـالــي مغبــة
ومن لا يخاف الله ما يعرف العيب

ومن لا قضاهـا بالرضـا عنــد ربـه
ما ينفعـه مدح العرب والاجـانيب


علوي الباشا

[الحمدان]

إلى مـن يــرانا بعيــنِ الــوجلْ
نــراكَ بعيــنِ الــرفيقِ الأحــلْ

وفــي الأرضِ مُتَّسَــعٌ للــرِّجالْ
لكـلِّ الــرفــاقِ وكــلِّ المِــلَلْ

مشينا الخطوبَ وشفنا الدروبْ
وخُضنا الحيــاةَ وعِشنا الأمـلْ

على هــذه الأرضِ تبقى الحيــاةْ
حكايــةَ مَن حَــلَّ ثــم ارتحــلْ

نمــوتُ كِــرامًــا ونحيــا كِــرامْ
لعمــركَ ما الخــوفُ ردَّ الأجــلْ

.....

[الحمدان]

‏لا تسأليني في الهوى ما الباقي
شدَّ الغرامُ على يديكِ وثاقـــي

حسنًا سأمضي والنتيجة كلها
صفرٌ فماذا يا ترى سألاقــــي

ما الحبُّ إلا أن أراكِ ونلْتقي
لا تهدأ الأرواحُ دون تــــــلاقِ

أنا آخر الشعراء في زمن الأسى
وأنا بحبك أجمل العشــــاقِ

.....

[الحمدان]

خزائــن الله تغنـي كـل مفتقِــرٍ
وفـي يـد الله للسُّـؤَّال ما سألـوا*

فافزع إلى الله واقرع باب رحمته
فهو الرجاءُ لمن أعيت به السبلُ

سبحانه

[الحمدان]

مشتاق لك شوق من قلبي تعدا الخيال
كيف اوصف الشوق خايف لاتذوب الورق

تنهار من شــــوقي القاتل بكله جبال
وصابني من بعاد الـخـل حالة أارق

متى يكون التلاقي بيننا والـــوصـــال
ماتبسر الوقت. كنه سار. كله. شـرق

تعبت وانا. انتضر لك ياحبيبي. تـعــــال
الشوق من كثر بعدك ياحبيب احـترق

.....

[الحمدان]

فَشَبَّ بَنو لَيلى وَشَبَّ بَنو اِبنِها
وَأَعلاقُ لَيلى في فُؤادي كَما هِيا

.....

[الحمدان]

ملاقيف خلق الله تلّقف على الموجود
‏يعس الكلام إلين يعرف مدى حدوده
‏
‏مع الناس تلقى صاحي الناس والمقرود
‏وبتلقى من المقصوده الغير مقصوده

.....

[الحمدان]

ﻭﻻ ﺗﻤﺶ ﻓﻮﻕ ﺍﻷﺭﺽ ﺇﻻ ﺗﻮﺍﺿﻌﺎً
ﻓﻜﻢ ﺗﺤﺘﻬﺎ ﻗﻮﻡ ﻫﻢ ﻣﻨﻚ ﺃﺭﻓﻊ

ﻓﺈﻥ ﻛﻨﺖ ﻓﻲ ﻋﺰ ﻭﺣﺮﺯ ﻭﻣﻨﻌﺔ
ﻓﻜﻢ ﻃﺎﺡ ﻣﻦ ﻗﻮﻡ ﻫﻢ ﻣﻨﻚ ﺃﻣﻨﻊ

.....

[الحمدان]

الغلا من دوّره في ضلوعي ما لقاه
ما ترك حبك لغيرك ولا شيٍ يروح

بايعٍ لأجلك حياتي وأنا أحب الحياه
الحياه اللي بدونك تجوز بدون روح

.....

[الحمدان]

حلمي كبير ورغبتي كنها طير
ما يطوي الجنحان لاشاف قمه

ان قالها الله والليالي مداوير
لارقى سنام طويق والحلم اتمّه

.....

[الحمدان]

هبايب الجوزا ولفح الكليبين
ابرد علينا من نسايم ع¤ينا

يا نجد لازلنا على العهد باقين
حنا انت من زود الغلا وانت حنا

.....

[الحمدان]

ياللي تشّكى على المليان والفاضي
لا توصف المر دامك جاهلٍ طعمه

ما دمت مبعد عن الدكتور والقاضي
تراك من فضل ربي عايش بنعمه

.....

[الحمدان]

ما لقيت اللي يقول أبشر بعزك
ومالقيت إنسان يوفي في كلامه

صد يا قلبي عن اللي ما يعزك
ومن رحل قله عسى درب السلامه

.....

[الحمدان]

ياهوا الطايف على الكبد ما شوفك مصيف
ما يبرد واهـج النار نسناس الشفا

ودي ان الله يعجلك يا فصل الخريف
تطرح الذگرى ورقهـا بعد طول الجفا

.....

[الحمدان]

أنت الوحيد الذي بالروح تسكنني
يا غيث عشق بروض القلب قد هطلا

يا سالب القلب مني والفؤاد معا
لك النسائم من شوقي غدت رسلا

أقبل فإن اصطباري خانني ونأي
ولي حنين يهد الصخر والجبلا

.....

[الحمدان]

ثلاثة اشياء سـلام الروح والراحه
‏الراحه اللي على ما قيل نفسيه

‏القرب لـ الله وترك الناس سرّاحه
‏وافراغ قلبك من الاحقاد كليّه

.....

[الحمدان]

لاتكبّر الهقوه ترى الناس تخذلك
وخل الثقه بحدود وأحسن نواياك

وأحرص على فعل جميل يجمّلك
وخلك كريم أخلاق والطيب مبداك

.....

[الحمدان]

كنت أظنّ الجهل ظلما وأظنّ العلم نور
وأثر جهل النفس بعض الأمور أفضل لها

أثرني لو إنّي أعلم بما تخفي الصدور
كان يمديني كرهت الأوادم كلهـا

.....

[الحمدان]

على قدر الهوى يثورُ الشوقُ
ومن يحبُّكِ لا يملُّ العتابَ

ألومُ قلبي على هواهُ معذبًا
وفي العذاب يطيبُ له اللقاءُ

لو قدرتُ على الفراقِ لتبتُّ عنهُ
لكن الروحَ لا تنفكُّ عن ارتيادكِ

.....

[الحمدان]

ما نرخص كرامتنا ولا نقبل التقصير
وعلى عزنا نبقى لو الوقت ما أنصفنا

.....

[الحمدان]

ما للزمن في حزنــــك وفرحتــك رأي
عش يومـك وقلبــك بالأقدار راضــي

واللي يقـول الماضي أحلى من الجـاي
قله مصير الجـــــاي بيكون ماضـــي

.....

[الحمدان]

عمرك كبر وانتي رفضتي تكبرين
لاطلتك هانت ولا وردك ذبل

هذا الجمال إللي تمرين به سنين
مافيه فرق إلا انه أحلى من قبل

.....

[الحمدان]

تستمر الحيـاه وكل يـومً جديد
نكبــر ونكتشف وقفات ناسً جدد

تسقط اصحاب كنا نعتبرهم رصيـد
وتكبر اصحاب نحسبهم زيادة عدد

.....

[الحمدان]

في عزة النفس خلك سيد الساده
وحاول تقيس المسافات او تقربها

خل الثقه وإحترام الذات لك عاده
ماتمشي الساعه إلا بأمر صاحبها

.....

[الحمدان]

‏تعاملك خلـه عـلى قـد الـعـقول
ترا عـقـول الـنـاس ماخلقت سوا

احذر من الطلعات واحذر بالنزول
والصمت يدفـع شـر والحكمة دوا

.....

[الحمدان]

‏كرامتك هي مملكتك وحدودك
وأنت الذي تصنع لنفسك مهابه

ومن لا يقدر في حياته وجودك
لا تقدره فـي حضـرته وبغيـابه

.....

[الحمدان]

كلن يشوف الـنـاس بعيون طبعه
وانا اشوف الـنـاس بعيون طبعي

نسخت طبع الطيب مليون طبعه
وحسيت كل الناس بالطيب ربعي

.....

[الحمدان]

يا فاقدين أحبابكم وش تسوون
لا مدت الذكرى الحزينة يديها

كيف انتجاوز حزننا ما تعرفون
بعض الطواري موجعة ما نبيها

دايم على بال المواجع يمرون
ما فيه ضحكة ما لهم صوت فيها

ياليتهم عن ضيقة الفقد يدرون
ودروبهم وشلون دايم نجيها

من كثر ما صاروا على البال يطرون
حتى خطاياهم ولهنا عليها

.....

[الحمدان]

ان كنت رايق قالو الناس فاضي
وان كنت ضايق قالو الناس حساس

احيان ودك تترك الناس ماضي
واحيان تجبرك المصايب على الناس

.....

[الحمدان]

ابتسم للناس واضحك للحياه
لو تضيق اليوم قل بكره تزين

اعرف ان الله وحده لا سواه
قادر انه يبهج الصدر الحزين

.....

[الحمدان]

الزمن دوار والدنيا عوافي
والليالي العوج ترجع مستويه

الزمن لا دار يظهر كل خافي
يكشف المخفي ولو طول شويه

.....

[الحمدان]

‏يا محسن الظن لا تندم على طيبك
‏طيب النوايا فضيلة لا تخليها

.....

[الحمدان]

‏يا رب أنا عبدك وفي قلبي خشوع
‏والتجي بك كل ما ضاقت وساع السبل

‏كيف يلحقني من الوقت والأيام روع
‏وأنت مداتك سحابة وفزعاتك وبل

.....

[الحمدان]

‏الكـرم والطيب مايعـرف إلا الطيبين
والردي محدن يبي لاغداه ولاعشاه

الكفو مفتوح بابه على طول السنين
والـردي ما ينفتح بـابه إلا في عـزاه

.....

[الحمدان]

‏نمشي علـى حكم الزمن غصب عنا
ونقول ياقلـب العنا الف لا باس

حتــى ولو بالقلـب سـهم طعنا
نضحك ونخفي كل جرح عن الناس

.....

[الحمدان]

الدروب المستقيمة لو حصل فيها انعواجه
ما تهم اللي على العليا طموحاته كبيره

.....

[الحمدان]

العين تلمح في نظرهـا ملايين
والقلب يعشق من الملايين واحد

.....

[الحمدان]

ما نجيد الضرب من تحت الحزام
ضربنا في الوجه ماهو فالخفى

حيلة المغرور والنذل الخمام
يبتسم قدمْك ويطعن فالقفى

.....

[الحمدان]

‏ماعاد أنا واقعي يالواقع الجاحد
‏أضحك للأيام والواقع يبكّيها

‏لله درّ الخيال يخلي الواحد
‏يسوّي أشياء ماكان يقدر يسويها

.....

[الحمدان]

طبع الوفا بقلوب الاجواد سنه
جعل الردى يفنى ويبقون الاجواد

راع الوفا مشروب هيله وبنه
وراع الردى ماله مكانن ومقعاد

.....

[الحمدان]

‏كيف حال اللي من أشياء الشعور قريّب
‏وين بلقى لي جوابٍ صدق دون إحراجه
‏
‏الملامح لو تغيّييير والشعر لو شيّب
‏ما تشيب الذكريات ولا تغييير حاجه
‏
‏والله إن حالي يطيب أن قالوا أنّه طيّب
‏لو تمر أيييامنا حتى بدون مواجه

.....

[الحمدان]

دريت إنه لغيري وأقتنعت ولا بقى مقعاد
‏تفارقنا ويا مكثر غلاه وكثر تقصيره

‏كتبه الله لعمري جرح و لغيري كتبه مراد
‏وتذبحني ظنوني لا صحت بي جمره الغيره

‏خذا كل العمر وأقفى بلا عذر وبلا ميعـاد
‏وأنا أقفيت ما والله في قلبي سكن غيره

.....

[الحمدان]

‏أن مرّتك ذكرى المواصيل وأشتقت
‏قل للقلوب اللي من الشوق تجمح

‏حنا وقفنا بين الأوضاع والوقت
‏لا الوقت يمدّينا ولا الوضع يسمح

.....

[الحمدان]

لاتنشد الناس عن سبة تقاطعنا
الحمدلله يوم اغناك واغناني

وقت مضى كانت الحاجه تجمعنا
واليوم كل شبع واقفى عن الثاني

.....

[الحمدان]

‏المساء دونك ظلام ودنيتي دونك ظلام
‏وش ودي في حياة بدون شوفك مظلمه

‏والله لا راحة في اغيابك ولا عيش السلام
‏خاف ربك في محبك لآ تجور وتظلمه

‏وانته اكبر من بيوت الشعر وعتاب الكلام
‏والذي لك وسط قلبي أدري انك تعلمه

.....

[الحمدان]

ما تغانمت الفرص لكن تغانمت السنين
‏يوم شفت ان المحبّة موذيه جنبتها

‏من هقى بي هقوةٍ شينه مع الوقت بتزين
‏ومن هقى بي هقوةٍ زينة فلا خيّبتها

.....

[الحمدان]

تبعتك بالهوى و أسرفت في حبك ولا لي رأي
‏لقيتك وأشرقت شمس المحبة حزة غروبي

‏معك ما همني اللي راح من عمري ولا اللي جاي
‏أحبك كثر ما العذال قالوا بك وقالوا بي

‏طلبت من الحياة أشياء كثير وصرت كل أشياي
‏وش أبغى من الحياة أكثر من إنك صرت محبوبي

.....

[الحمدان]

وآلّله ما مثـل آلتـوكـل على آلّله
يملآ لك آلدنيـآ سـعاده و توفيق

وآللـي يردد دآيـم آستغفر آللـه
تلقآه ما يدري عن آلهم وآلضيق

.....

[الحمدان]

‏ما تركته في حدود الممكنه والمستحيله
‏كنت اداري خاطره لو خاطره مدري علامه
‏
‏وكنت اوقّف له على ساق وقدم في كل ليله
‏لين اعدّلها عقب ما وهيب ميله واستقامه
‏
‏إن ثقل همه على مَتْنه فانا اول من يشيله
‏وان تمادى بالسهر ليله فانا آخر من ينامه

.....

[الحمدان]

جليس البال لو ما أنت بقريب العين والجلّاس
‏عزيزات الطواري كل ليل تمرّ قدّامي

‏قريب العام وأنت أكثر حديث الشعر والهوجاس
‏تمرّ الذاكرة أعذب من المّا في فمَ الضامي

‏تشرّدني مخايل ضحكتك لي عن عيون الناس
‏وأنا أكثر شخص فالدنيا شرودي رحلة آلامي

.....

[الحمدان]

الكلمه الطيبه للود عماره
مودتك في صدور الخلق تبنيها

والكلمه الضايعه للناس نفاره
ما فيه احد يستلذ لقرب راعيها

خليل بن هدلان

[الحمدان]

تدري اني رغم طعنات سكينك شجاع
‏الهوان وذل الأنفس حشى ماهوب لي

‏كل يوم اقول يمكن ماتدري واندفاع
‏بس مصّخت المحبه وعشرتنا شويّ

‏لك علي ان مر طاريك حسن الاستماع
‏مستحيل اكل لحم صدك وطاريك نيّ

‏دام في عينك يهون الغلا ويوم الودااع
‏هذا وجهي كان جيتك ومشروهك علي

.....

[الحمدان]

‏لا ترخص الدمعة وأنا منّك وفيك
‏لا ضاق صدري من سواياك من ليّ

‏مكتوب أحبّك وأتحفّى طواريك
‏لو كان لك طبعٍ ماهو جايزٍ لي

.....

[الحمدان]

ما زلت مشتاق وعيوني لشوفك جياع
‏يالغالي اللي خذاك الشوق مدري لوين*

‏من لحظة غيابك اللي ماسبقها وداع*
‏عرفت وش غارة الدنيا على الغافلين

.....

[الحمدان]

‏في زحام المغريات وليلها المتمادي
‏من ترك لله شيٍء ،، عاضه أبرك منه

‏ياعظيم الملك وانت المستعان الهادي
‏باب جودك جعل ماني بـ محجوبٍ عنّه

‏كل ظنٍ في سواك من الخلايق غادي
‏وانت عبدك عند ظنه لا أحسن بك ظنّه

.....

[الحمدان]

‏سكّان صدريّ جلو من سوّر صدري بعيد
‏ولا عاد يسكنه غير الصمت من حينها

‏استغفر الله باقي فيه ساعي بريد
‏عنده رسايل عتب ضاعت عناوينها

.....

[الحمدان]

‏مشتاق لك واحسـاس قلبي يناديك
وعينـي على شوفك تخايل بصـرها

الروح ذابــت يابعـــد روح مغليك
والنفس تعبت مـن غيابك كسرها

يا كم سهر قلبـي وشوقــه يناديك
يحاكي السما منك ويسال قمرها

وينك قسم نفسي ترى ذايبه فيك
والروح مشتاقه وبُعـــدك أسرها

.....

[الحمدان]

احيان تدري ان الخطا ما يمشى
لكن عشان اللي تحبّه تمشيه

.....

[الحمدان]

‏صرت انعزل في غيابك واستلذ السهر
‏مدري عشان الجفا ولا عشان الحنين

‏انام حول التسع واقوم حول العشر
‏تكفيني الساعه وتكفيني الساعتين

.....

[الحمدان]

عشان تشوف قيمة غيبتي وتقدرّ حضوري
‏تركتك والليال السود تكفي يا أبيض الغرّه

‏بدا دور الليالي وإلا أنا معك أنتهى دوري
‏ومعك معاد تنفع شرهتي وحكاي بالمرّه

‏فمان اللي زرع حبك بقلبي وأصدق شعوري
‏وأنا شخصٍ ليّا ترجم شعوره ينكشف سرّه

.....

[الحمدان]

‏يا حضــرة الشـــوق عبّــر كل مافيني
البوح عاجــز عــن التعبيــر له فتره

قــل للرفاقــه غلاهـم ساكنن عيني
مافارق الروح والإحسـاس والنظره

مهمـــا ابتعدنا وفاهـم شي يعنيني
كل المشاعــر لأعـز الناس منتظره

حماهــم الله وهـــذا الـي مكفيني
دعـــوه من القلب للي نال تقديره

.....

[الحمدان]

‏تحريتك على رجوى وصالٍ ما بعده غياب
‏وتمنيتك وانا حزني عليك اكبر من الجيه

‏تراودني تعاليل المحبه والشعور أسراب
‏واغض البال لا مني سرحت وقلت منسيه

‏على هون اليدين اللي على جرحي تطق الباب
‏وانا بابي ذرى عابر سبيل وصوت طرقيه

.....

[الحمدان]

‏يا رب غفرانك ليا اصبحت وامسيت
مـن الخطـايا والذنـــــوب الثقيله

ادعيك تغفر لي خطايا إذا اخطيت
وكــل ذنـبن يا إلهـــــي تزيله

يارب أنا فــي دعـــوتك ما تونيت
وحاجتي ما هــي عليـك مستحيله

ارزقني الراحـــــه علـى ما تمنيت
وسهـل برزقي في السنين المحيله

.....

[الحمدان]

لا تلتفت للناس مهما يقولون
خـل القفـا لأهل القفـا لا تحاكت

.....

[الحمدان]

لا لاحت الفرصه على شي تهواه
امسك بروس اطرافها لا تحير

ما كل يوم يجيب لك ما تمناه
العمر فرصه والزمان ايتغير

.....

[الحمدان]

‏اشوف حاجات واجد خاطري فيها
والنفس تبغالها عزم يروضها

كم خلت النفس شيٍ من مشاهيها
لله وانا واثق ان الله يعوضها

.....

[الحمدان]

‏انصاحب الطيبين وناخذ ونعطي
على الشرف والوفا والعز والنخوه

والا ترا صحبة الرديان ما تبطي
اهدافها ساقطه وحبالها رخوه

.....

[الحمدان]

عادت الضيقه على الوجه الحزين
‏طبع من ضاقت عليه وما شكى

‏ما قدر حتى يرتب كلمتين
‏ان سكت مخنوق وان سولف بكى

.....

[الحمدان]

الناس تغريهم ملذات الحياه
والخالق امره بين كاف وبين نون

تبي الحياه المستقره والنجاه
خلك مع اللي يركعون ويسجدون

.....

[الحمدان]

العمر غالي وانا بعته عشان اشتريك
قبلك كرهت الحياة ومعك حبيتها

ازعل على الوقت والدنيا ولا ازعل عليك
يا اكبر من ظروفي اللي ما تعديتها

لو اتمنى حياتي قلت ضحكتك ذيك
ضحكتك ذيك الحياة اللي تمنيتها

.....

[الحمدان]

‏لا تخاف من الليالي وظلمات الدروب
‏دامك اللي ماغدرت وظلمت ولا وجعت

‏لا تعاند فرض الأقدار سلّم للغيوب
‏تظلم حظوظك لو إنك تعادي ماجهلت

‏يمكن اللّه شال من دربك مخاليق وقلوب
‏لأنه شاف اللي ما شفت وسمع مالا سمعت

.....

[الحمدان]

‏ما تركته في حدود الممكنه والمستحيله
‏كنت اداري خاطره لو خاطره مدري علامه
‏
‏إن ثقل همّه على متنه فانا اوّل من يشيله
‏وان تمادى بالسهر ليله فانا اخر من ينامه

‏يدري ان الدمعه اللي في طرف عيني ثقيله
‏وادري ان عيونه اللي صدّت ابلغ من كلامه

.....

[الحمدان]

‏يا قلبي إتفائــل ولو فيك ما فيك
ما فايـــده يا قلـــب كثــر التمني

إغنـم حياتك واسأل الله يهديك
وعيـش عمــرك بالرضا والتأني

يا قلب لا تلحق ورا الياس يبكيك
ما من ورا الضيقات غير التعني

وكٌل امورك رب الارباب يكفيك
ولا خاب من في رحمة الله ظني

.....

[الحمدان]

رميت الاحلام في وجه الزمان البخيل
‏وعزيت نفسي وعز النفس عصيانها

‏وعن الحضور المهمش مرحبا يالرحيل
‏ما دام تحفظ كرامة نفسي وشانها

.....

[الحمدان]

‏إستعذت من الدروب اللي نهايتها حسافة
‏قبل ترميني ملذات الزمن في جوف غبة

‏شيمة الانسان ميزان اعتداله وانحرافه
‏تنذره لا شافت الاوضاع ما هي مستتبه

‏إن عجزت إنك ترد النفس عن شيٍ تعافه
‏ماقدرت تحط نفسك فالمكان اللي تحبه

.....

[الحمدان]

الي يقـــدر قيمتك يرفعـك فوق
وإذا تكدر خاطرك جاك يرضيك

يسقيك من عذب السواليف والشوق
مهما حصل في دنيتك ما يخليك

.....

[الحمدان]

‏ليش البشـر صارو غريبيـن الاطوار
وصـارو ابو وجهيــن مخلـص وبايق

من كثرهــم مقـدرت اميز بالانظار
ولااقدرت افرق بين كاذب وصادق

حتى الصديق اللي أعـــده للاخطار
واللي أضنه للصحـب شخص لايق

يتقـــــن ويتفنــن بتمثيــل الادوار
وفي طلتي صــادق وخلفـي منافق

.....

[الحمدان]

معي زهد المعري مامعي صوفية الحلاج
‏وروحً فيك ماهي عن كلام الناس نشاده

‏اذوق من الهوى ماذاقت الكوفه من الحجاج
‏وش يعالج لواعج لهفتي والليل وسهاده

‏ياسمار المساء ملحه حديث الكاعب المغناج
‏رهيفات السوالف تاخذ الملهوف لمراده

.....

[الحمدان]

‏ياللي تزعلّك المواعيد وتراضيك الصدوف
‏وش يرضي اللي جاته الحاجه بعد ما عافها ؟

‏لا تبتئس لا خانك الواقع وعادّتك الظروف
‏الناس من عاشر رماديها ظلم شفّافها

.....

[الحمدان]

تمرّك ذكريات العام نوقٍ شدها المسراح
‏وأمرك ليلةٍ تتعب رجولي من مساريها

‏غريبٍ ما لمح وجهك وجيه وطبعه اللمّاح
‏خذا كف القصايد لين سلّم لك نواصيها

.....

[الحمدان]

قل للسنين اللي تراهني على كسرة عصاي
‏ضربت الأرض لين ثوّرت الغبار من الصدور

‏أنا على ما تشتهي نفسي و وين ألقى هواي
‏محدٍ يحرك وجهة شراعي على السبع البحور

‏ليا رضيت أطيّر الحاجة وأوصلها سماي
‏وليا زعلت أخلي الحاجة دبورٍ في دبور

.....

[الحمدان]

يا فتّاك اللواحظ كيف تطعني بدون يدين
‏أنا ما كنت أعرف ان العيون السود قتّاله

‏عليك الله وأمانه من طعوني لين يوم الدين
‏مشاريهي قصايد والقصايد فيك مختاله

‏توادعنا وفي خاطرك علم وفي رقبتي دين
‏وتواجهنا وروحي ذايبه وخطاك ميّاله

.....

[الحمدان]

‏حنّيتك من العتب يوم ان بعض العتاب
‏اقطع من السيف واصدق من دموع اليتيم

‏اهديت لك ورد و اهديتيني اخطر صواب
‏محدٍ رمى الورد غير انتي و عبدالحليم

‏شكراً على مامضى لي معْك حتى الغياب
‏انتي غيابك صنع لـ الناس شاعر عظيم

.....

[الحمدان]

‏عسى خيـــــر بعـــد اتعابنا يــوم نرتاح
وعسى الامــل يأتي بطيــب الاماني

وعسى ورا الاحـــــــزان تأتينــا الافراح
وعسى السعــاده ماتفـــارق كياني

وعسى حظوظ الوقت تنسينا الاجراح
وعسى القدر يمحي جروح المحاني

وعسى الزمن يضحك لناعقب ماطاح
وعسى المـرح يبقى طوال الزماني

.....

[الحمدان]

‏ياعظيمه وأنتي الأشياء الجديده والقديمه
‏وأنتي اللي لو تصد الأرض ماصديت عنهـا

‏وأنتي اشجع الانتصارات وملذات الهزيمه
‏وأنتي اللـي وين مالقيت قلبـي قال عنهـا

‏وأنتي اعجوبـة زمان الشاعر اللي هل ديمه
‏وارتوت جدب القصايد لين صح الله بدنها

.....

[الحمدان]

‏قد شبعت من الموادع وجزت من الغرام
و اعتزلت الحب كله و هملّت النديم

بس ذا اليومين مذهب عيوني ما تنام
كنّها عادت على حالة العشق القديم

.....

[الحمدان]

‏رفيق الدرب تذكرك الليال الموحشه بالخير
‏وعينٍ لا تناست شافتك وسط القمر صوره

‏تمّتع واضحك بوجهي كِبر واللي يصير يصير
‏ابيك تغيض حزني لين يطلع عن مدى طوره

‏يصبرني على بعض الشعور انّك لا زلت بخير
‏انا احوالي .. ليا منّك غديت بخير ..مستوره

.....

[الحمدان]

‏يثور من الزعل في كل ليله و الفجر يرضيه
‏يحس إن الصباح مسامحه عن جملة ذنوبه

‏أحب من السوالف ما يقرّب غالي لـ غاليه
‏و أعاف من السوالف كلمةٍ ماهي بـ محسوبه

.....

[الحمدان]

في حفظ الله يا وجهٍ حداني لين حديته
‏على درب الغياب اللي يسجّه كل ملتاعي

‏تمادى بالخطاء و الظلم و البهتان و أهديته
‏خروجً ما يجي عقبه رجوعٍ ولا تجماااعي

.....

[الحمدان]

‏بعض البشر لا غاب عن ناظر العين
احـس كل الناس في الكـون راحت

وبعض البشر لو غاب ايام واسنين
مااشتاق له قلبي ولا النفس ناحت

انا اشهد ان البعـض ماله شبيهين
بافعاله اللي مثلما الطيـب فاحت

غالي وحُبـــه حــل بين الشرايين
ومكانته وسـط القلوب استباحت

.....

[الحمدان]

‏ياليـت لو للجســــــم ورشــة صيانه
للبرمجـه قابـــل على الفــك والربط

من شان افرمــت بالجسد كل خانه
واعالــج أوضاعـــــي بإعادة الضبط

اما كــذا؟ حالــــي تدهـــــور امانه
فيرس نظامي خابطن داخلي خبط

كثر السهر هــد الجســد من كيانه
وكثر القلق والهم رافع لي الضغط

.....

[الحمدان]

ماني عميل التصنع والكبر والغرور
‏على النوايا النظيفه خطوتي سقتها

.....

[الحمدان]

‏يحق لها التباهي بالجدود و عودها الريّان
‏و أنا مالي حقوق إلا محبّتها و ضحكتها

‏محبتها حياه وبعدها عن ناظري حرمان
‏وش أسباب المحبه فالحياه الا ابتسامتها

ضيدان بن قضعان

[الحمدان]

لا تخاوي البخلان وتساير اللاش
‏تسلك مساليك الردى وانت جيّد

.....

[الحمدان]

‏أنا اللي كل ما قالو تطيح من الحمول متون
‏وقفت بوجه ثورات الظروف وموجها العاتي

‏و لأجل أبقى على هذا الشعور العاقل المجنون
‏كفرت بكل خيبات الزمــن و آمنت في ذاتي

.....

[الحمدان]

‏قبل تغريك الليالي وتاخذك الظروف
‏كنت ابيك .. ويمضي العمر ولَا زلت ابيك

‏انت عيش اللي بقى لك من الدنيا عيوف
‏ولا انا يا ميتٍ منْك .. يا ميت عليك

.....

[الحمدان]

كل البشر بأنواعها تملك إحساس
لا يغرّك الي ما بعد جاك يشكي

ترا الي يضحك دايم ويسعد الناس
لو سولف وقال الحقيقة بتبكي

.....

[الحمدان]

من شاور الناس ماحقق طموحاته
يلقى من الناس من يكسر مجاديفة

.....

[الحمدان]

‏أخفي همومي وسـط قلبي ولا انهار
واجامــل العالـم بضحكـة شفاتي

وادعس على حزني ولوصار ماصار
ولا خلـي الحُسـاد تعـــرف شتاتي

هذا انا الصامـد على ضيق الاقدار
صامــل ومعلـن فـي حياتي ثباتي

وصابــر على الدنيا وما ربي اختار
وعايش ولوضاقت بوجهي حياتي

.....

[الحمدان]

بـ علمـــك عـن درس فـــن التعامــل
واليـا فهمـت الـدرس يلزمــــك نقلـه

اضحك وغض الطرف واصفح وجامل
واعـط العـرب كلـن علـى قــد عقلـه

.....

[الحمدان]

عطيتك من سما فكري غلا لكن بدون حدود
‏قوافي تنزف حروف العتب وتصوّر إبداعي

‏مشيت الدرب لحدود الوفا صعبٍ عليّ اعود
‏أبمشي لين ما تجفل عظامي وتنتهي قاعي

.....

[الحمدان]

لولا صواديف الزمـان الثقيلات
ما ينعرف طيب العرب من رداها

مشكور يا وقت ٍ غـدا فيه ميلات
عرفتني بـالناس وش هو مداها

.....

[الحمدان]

صحيت من أحلامي نسيت سواد أحزاني وماضيها
على صوت ضحكه رقتها جمعت احلى معانيها

بسمتها طفت حزن في داخلي بجمال ضحكة مثانيها
وأبحرت في خيالها وعشت بداية حب بأجمل موانيها

انطر ردها يمكن استعجلت أذوق من الحلى حاليها
ولو كان ردها رفضي ماينقص غلاها في عين مغليها

محمدالشمري

[الحمدان]

الدرب يبغى له خوي لو طال دربك مايمل
‏وإليا حصل شد الحزام الكايدات يدوسها

.....

[الحمدان]

‏يا الله يامن فــــوق عرشـك تعليت
يامــن تدبــــر كل زينـه وشينه

ادعيك تغفر لي خطايا اذا اخطيت
وتمسح ذنوبي كل ذنبٍ بحينه

يارب يااللي لك عبــدتك وصليت
عبــدك لجا لك يا إلهي تعينه

ترزقني الراحـــه علــى ماتمنيت
وتملا حياتي بالفرح والسكينه

.....

[الحمدان]

‏يهدك الضيق وإلا الضيق ماهدك
‏أطلب من الله قليل ويعطي الواجد

‏ماتنفع الناس لو تكشف لها سدك
‏أشرح علومٍ بقلبك وأنت له ساجد

.....

[الحمدان]

مصيبة عزيز النفس دايم من الكتمان
يكن الوجع ما يبغي الناس تشعر به

.....

[الحمدان]

يقولون الصدور وساع واقول الصدور قبور
‏دفنّا وسطها شرهة عتب وهموم وقّاده

‏وانا يا حلم لاطايش ولا منهي ولا مامور
‏سمعت الشور واثر السم فيه ولا الله آراده

‏وجودي يوم وادعت اول احلامي وانا مجبور
‏وجود اللي توفّا بكـرهم في يوم ميلاده

.....

[الحمدان]

سمحت من الديار اللي ربيت بها وعفت الحيّ
‏عجزت آخذ نفس في الدار وأنت تحت أراضيها

‏فقدتك والضياع اللي بعد فقدك ماهو بيديّ
‏أنا في غبّة وداعك وضايع في مراثيها

‏على وجهك سلام الله وأمانه لين يبعث حيّ
‏وعلي من الصبر ما يحبس دموعي ويداريها

.....

[الحمدان]

الحمدلله صرت متعوّد ، على كل الظروف
‏لو كان نفسي في بعض الأحيان تتبع غيّها

‏حتى الحياه إللي من أول كنت الحّقها حسوف
‏ما عاد أفكر لا فـ واجدها ، ولا فـ شويّها

‏سلمي مع ظروف الليالي مثل سلمي للضيوف
‏لا جاتني صكات بقعا قلت يالله حيّها

.....

[الحمدان]

‏اضحك وانا بجلس هناك اتأملك
وخل المشاعر بين نفسي وبيني

ايه ابتسم ما عاش منهو يزعلك
مع كل ضحكة منك تضحك سنيني

بسمتك تشرح خاطر اللي يقابلك
واذا زعلت تضيق الآنفاس فيني

سبحانه اللي في عيوني مجملك
يالأول الآخر بعد والديني

.....

[الحمدان]

ليت القلوب تضمّد الجرح بسكات
وإلا تعآف الحُب وتقول كافي

أو ليتنا عشنا البدَايه نهايات
وعشنا بلا لوعَه ولا جرح خافي

.....

[الحمدان]

‏مابعد عسر الزمان الا تياسيره
‏لو سود الايام تفجعنا حقايقها

‏بنسوقها في رجا اللي مالنا غيره
‏خلاّق الأنفس وكافلها ورازقها

.....